ຄະນະພັກທຸກຂັ້ນຕ້ອງເອົາໃຈໃສ່ຈັຕັ້ງນຳພາວຽກງານກວດກາປະຈຳເດືອນ
*ການກວດກາແມ່ນຫນຶ່ງໃນພາ ລະບົດບາດນຳພາຂອງພັກ, ທຸກການ ຈັດຕັ້ງຂອງພັກຕ້ອງດຳເນີນວຽກງານກວດກາການ ຈັດຕັ້ງຂອງພັກທຸກຂັ້ນ ແລະ ສະມາຊິກພັກທຸກສະ ຫາຍຕ້ອງຢູ່ພາຍໃຕ້ການກວດກາຂອງພັກ. ຄະນະພັກເປັນຜູ້ຊີ້ນຳ-ນຳພາໂດຍກົງຕໍ່ວຽກງານກວດກາ, ມີຄວາມຮັບຜິດຊອບນຳພາ ການປະຕິ ບັດຫນ້າທີ່ກວດກາຂອງບັນດາການ ຈັດຕັ້ງພັກ ແລະ ສະມາຊິກພັກທຸກສະ ຫາຍ ໃນການປະຕິບັດມະຕິ, ຄຳສັ່ງ,ແນວທາງ, ແຜນນະໂຍບາຍ, ກົດລະ ບຽບຂອງພັກ ແລະ ມະຕິຕົກລົງຂອງຄະນະບໍລິຫານງານພັກຂັ້ນຕົ້ນ. ຄະນະກຳມະການ ກວດກາພັກແຕ່ລະຂັ້ນມີພາລະບົດບາດແລະຄວາມຮັບຜິດຊອບໃນການປົກປ້ອງແນວທາງ, ນະໂຍບາຍ, ກົດລະບຽບຂອງພັກ ແລະກົດໝາຍຂອງລັດ, ດຳເນີນການກວດກາ ເປັນປົກກະຕິເພື່ອສົ່ງເສີມດ້ານຕັ້ງຫນ້າ, ແກ້ໄຂດ້ານຫຍໍ້ທໍ້, ສຶກສາອົບຮົມສະມາຊິກພັກແລະພະນັກງານໃຫ້ປະຕິບັດລະບຽບ ວິໄນຂອງພັກ ແລະ ກົດໝາຍຂອງລັດ ຄົ້ນຄວ້າ ສະເຫນີລົງວິໄນ ຕໍ່ຜູ້ກະທຳຜິດກົດລະບຽບພັກ, ປົກປ້ອງ ແລະ ສົ່ງເສີມຜົນປະໂຫຍດຂອງສະມາຊິກພັກ. ເວົ້າເຖິງລະບົບກົງຈັກການຈັດຕັ້ງຂອງຄະນະກຳມະການກວດກາມີດັ່ງນີ້: - ຄະນະກຳມະການກວດກາ ແຕ່ ລະຂັ້ນປະກອບມີ: ປະທານ, ຮອງປະ ທານແລະກຳມະການ ຈຳນວນຫນຶ່ງ ເຊິ່ງແມ່ນກຳມະການ ຄະນະພັກ ແລະອີກຈຳນວນຫນຶ່ງ ບໍ່ແມ່ນກຳມະການຄະນະພັກ, ປະທານ ແລະ ຮອງປະ ທານຄະນະກຳມະການກວດກາແຕ່ລະຂັ້ນ. - ບັນຫາທີ່ສຳຄັນ ແລະ ຜູ້ຈັດຕັ້ງເຕົ້າໂຮມສະມາຊິກພັກເຂົ້າຮ່ວມວຽກງານກວດກາປະຈຳອາທິດ,ເດືອນ ໂດຍແມ່ນຫນ້າທີ່ໂດຍກົງ ຂອງສະຫາຍ ເລຂາຫນ່ວຍພັກ ຫລື ຮອງເລຂາ ເມື່ອເລຂາ ຕິດທຸລະເພື່ອພາກັນດຳເນີນການສຳຫລວດກວດ ກາຄະນະພັກ-ສະມາຊິກພັກທຸກໆສະ ຫາຍໃນສຳນັກງານຫນ່ວຍງານຂອງ ຕົນ, ເພື່ອຈຸດປະສົງເປົ້າຫມາຍຕ້ອງກວດກາຄືນທັງໝົດ ສະພາບການເຄື່ອນໄຫວ ໄລຍະ 1 ອາທິດ ຫລື 1 ເດືອນ. ຕີລາຄາຫລັງສະພາບລວມແລະສັງເກດລົງເລິກການເຄື່ອນໄຫວປະຕິບັດຫນ້າທີ່ແຕ່ລະສະຫາຍ ສະມາຊິກພັກ: - ສະຕິຕໍ່ການຈັດຕັ້ງພາຍໃນໜ່ວຍງານກົມກອງຕົນເອງມີຄວາມເຂັ້ມງວດຄືແນວໃດ. - ປະຕິບັດມະຕິຄຳສັ່ງຂອງຂັ້ນເທິງ, ມີຄວາມເພິ່ງພໍໃຈ-ເບີກບານມ່ວນຊື່ນສຳໃດ. - ຄວາມຮັບຜິດຊອບຕໍ່ເນື້ອໃນເອກະສານ, ຮັກສາຄວາມລັບ (ປິດລັບ) ເດັດຂາດບໍ່ໃຫ້ຕົກເຮ່ຍເສຍຫາຍຢ່າງຊະຊາຍ. - ມີຄວາມສາມັກຄີ ພາຍໃນຫມູ່ຄະນະ, ເພື່ອນສະຫາຍ ດ້ວຍກັນທັງເພດຍິງ-ຊາຍ, ເຄົາລົບນັບຖືຊຶ່ງກັນແລະກັນສາມັກຄີຕໍ່ພາຍນອກ ອ້ອມຂ້າງຂະແຫນງການຕົນເອງ ແລະສາມັກຄີກັບສາກົນ ປະຕິບັດໄດ້ດີ ແລະ ຖືກຕ້ອງ, ໂດຍສະເພາະ ເພື່ອນມິດ ຍຸດທະສາດ ຂອງພັກ-ລັດເຮົາ. ພ້ອມກັນຢັ້ງຢືນຄືນຫລັງໝົດໃຫ້ສັດຕະວິພາກ, ນັບທັງດ້ານດີ, ອ່ອນ, ຄົງຄ້າງ, ທຸກຄົນຕ້ອງພາກັນໃຊ້ສິດ ປະຊາທິປະໄຕ ຕຳນິຕິຊົມຊ່ວຍເຫລືອກໍ່ສ້າງເຊິ່ງກັນແລະກັນ ບົນພື້ນຖານພາກັນເຮັດສຳເລັດຫນ້າທີ່ການເມືອງຂອງພັກ-ລັດແລະ ປະຊາຊົນມອບຫມາຍໃຫ້. ກົງກັນຂ້າມ ຖ້າມີສະຫາຍໃດໃນຄະນະພັກສະມາຊິກພັກຝ່າຝືນກົດລະ ບຽບຂອງພັກ, ລະເມີດຂໍ້ກຳນົດກົດ ໝາຍຂອງລັດ, ຮ້າຍແຮງໄປກວ່ານັ້ນ ມີແນວຄິດສໍ້ລາດບັງຫລວງ-ສໍ້ຫຼວງບັງລາດ ຈະຕ້ອງປະຕິບັດມາດຕະ ການອັນສຽບຂາດ, ປະຕິບັດວິໄນຢ່າງສະສົມຕາມກົດລະບຽບຂອງພັກວາງອອກຢ່າງເດັດຂາດ, ກົງກັນ ຂ້າມຖ້າສະຫາຍໃດ ພາກສ່ວນໃດ ສ້າງຜົນງານດີເດັ່ນເປັນແບບຢ່າງ ອັນດີເລີດຈະຕ້ອງໄດ້ຮັບການຍ້ອງຍໍສັນລະເສີນແລະຈົດຈຳຈາລຶກບຸນ ຄຸນໄວ້ຕະຫລອດໄປ./.
ອອກແຮງປົກປັກຮັກສາຄວາມສາມັກຄີພາຍໃນພັກ ໃຫ້ແຫນ້ນແກ່ນ ສາມັກຄີທົ່ວປວງຊົນໃຫ້ກວ້າງຂວາງ
*ຄຳສັ່ງສອນອັນອະມະຕະຂອງທ່ານ ປະທານ ໄກສອນພົມວິ ຫານ ຜູ້ນຳທີ່ແສນເຄົາລົບຢ່າງສູງຂອງປວງຊົນລາວທັງຊາດ ທີ່ໄດ້ໃຫ້ການສຶກສາອົບຮົມຕໍ່ພະນັກ ງານການນຳທຸກລະດັບ, ທຸກຂັ້ນແລະ ບັນດາສະຫາຍສະມາຊິກພັກນັບທັງລຸ້ນເກົ່າ, ລຸ້ນໃຫມ່,ໃນວາລະດຳເນີນກອງປະຊຸມໃຫຍ່ຂອງພັກ, ການດຳເນີນການສຳມະນາແຕ່ລະ ຄັ້ງ ເພິ່ນເຄີຍຍົກຂຶ້ນບັນຫານີ້ ຂຶ້ນ ກ່ອນ ກ່ອນຈະໄປຫາເນື້ອໃນລະ ອຽດຂອງວາລະປະຊຸມ ບັນຫາທີ່ ເປັນຂອດຕັດສິນວກວ່າທຸກໆ ບັນ ຫານຳພາຂອງການປະຕິວັດນັ້ນ ກໍ່ຄື: “ທົ່ວພັກ,ທົ່ວກອງທັບ, ທົ່ວປວງຊົນລາວ ບັນດາເຜົ່າຈົ່ງອອກແຮງຮັກສາມູນເຊື້ອຄວາມສາມັກຄ ີທົ່ວທັງຊາດ ເວົ້າລວມ, ເວົ້າສະເພາະແມ່ນຕັ້ງຫນ້າປົກປັກຮັກສາ ຄວາມສາມັກຄີເປັນເອກະພາບ ພາຍໃນພັກ ໃຫ້ແໜ້ນແກ່ນຕະຫລອດກາ ລະນາ”. ສະນັ້ນ ພວກເຮົາຈົ່ງຫວນຄືນ ກ່ອນນີ້ 50 ປີ ກວ່າທີ່ຜ່ານມາ ແລະພ້ອມກັນ ເປັນເອກະພາບຮັບຮອງ ຜົນງານອັນໃຫຍ່ຫລວງທັງຮັບຮູ້ໃນລະດັບສູງສຸດ ວ່າໄຊຊະນະຂອງການປະຕິວັດຊາດປະຊາທິປະໄຕ ຊ່ວງ 30 ປີ ຄືນຫລັງ, ບັນດາສະ ຫາຍກົມການເມືອງສູນກາງພັກເຄີຍຕັ້ງຄຳຖາມໄວ້ວ່າ: ຂະບວນ ການປະຕິວັດ ຕໍ່ສູ້ກູ້ຊາດ ຕ້ານກັບພວກຈັກກະພັດຜູ້ຮຸກຮານ ແລະໂຄ່ນລົ້ມ ປະຕິການລາວ ຂາຍຊາດ ຈຶ່ງໄດ້ຮັບໄຊຊະນະສາມາດຍຶດອຳ ນາດອະທິປະໄຕ ນຳເອົາຄວາມສົມ ບູນພູມສຸກມາໃຫ້ປະຊາຊົນ. ຄຳຕອບນັ້ນກໍ່ຄື: ຄະນະບໍລິຫານງານສູນກາງພັກໃນນັ້ນມີທ່ານ ປະທານ ໄກສອນ ພົມວິຫານ ເປັນແກນນຳ,ຍາມໃດກໍ່ຍຶດໝັ້ນ ທັດສະ ນະປະຕິວັດ,ນຳໃຊ້ລັດທິມາກ-ເລນິນ ດ້ວຍຍຸດທະວິທີໄຫວພິບ, ກ່ອນອື່ນໝົດຈະຕ້ອງເປີດກວ້າງ ຄວາມສາມັກຄີກັບທຸກໆຊົດຊາດ, ຊົນເຜົ່າ ທຸກສາສະຫນາ ພາຍໃນຊາດ ແລະເປີດປະຕູອອກສູ່ໂລກພາຍນອກບໍ່ຈຳແນກລະບອບການເມືອງທີ່ແຕກຕ່າງກັນ ຫັນຫນ້າເຂົ້າມາຮ່ວມມືມີແນວຄິດຈິດໃຈສະຫນັບສະຫນູນ ອຸ້ມຊູ ຊ່ວຍເຫລືອ ການປະຕິວັດຊາດ ປະຊາທິປະໄຕ ກໍຄືການສ້າງ ສາພັດທະນາປະເທດຊາດ. ບັນຫາທີ່ຜູ້ຂຽນບໍ່ມີວັນໃດຈະຫລົງລືມໄດ້ນັ້ນກໍ່ຄື: ບັນດາສະຫາຍກົມການເມືອງສູນກາງພັກເຄີຍແນະນຳພັກເຕືອນຢູ່ບໍ່ແລ້ວບໍ່ເຊົາ ຈັກເທື່ອ. ຢາກໃຫ້ພັກປະຊາຊົນປະຕິວັດລາວຈະຍືນຍົງຄົງຕົວ ແລະ ຂະຫຍາຍຕົວຕະຫລອດໄປຈະຕ້ອງສາມັກຄີກັບເພື່ອນມິດຍຸດທະສາດ: ຫວຽດນາມ, ກຳປູເຈຍ ແລະ ສປ.ຈີນ ແລະ ບັນດາເພື່ອນມິດສາກົນໃນໂລກ. ແຕ່ມີບາງບັນຫາຄວນເອົາໃຈໃສ່ທີ່ກ້ຽວພັນເຖິງຄວາມສາມັກຄີພາຍໃນພັກ,ຈົ່ງສຶບຕໍ່ຈັດຕັ້ງຜັນຂະຫຍາຍເນື້ອໃນຈິດໃຈຂອງແນວ ທາງປ່ຽນແປງໃຫມ່ຢ່າງຮອບ ດ້ານ ແລະ ມີຫລັກການຂອງພັກຄື: ກ່ອນອື່ນຕ້ອງຍົກສູງສະຕິຈັດຕັ້ງແລະກົດລະບຽບຂອງພັກໃຫ້ເຂັ້ມງວດ, ເດັດຂາດ, ໃນນັ້ນຕ້ອງເອົາໃຈໃສ່ດຳເນີນຊີວິດການເມືອງປະ ຈຳເດືອນ ຂອງຫນ່ວຍພັກ-ອົງ ຄະ ນະພັກ ບໍ່ໃຫ້ຂາດແລະ ຕິດພັນກັບການດຳເນີນການຕຳນິຕິຊົມ ກໍ່ ສ້າງຊຶ່ງກັນແລະກັນ ພາຍໃນພັກແຕ່ຂັ້ນ ເທິງລົງເຖິງຂັ້ນລຸ່ມຢ່າງມີປະຊາທິປະໄຕ ຈິງໃຈຮັບສິ່ງທີ່ຜິດ ພາດ, ຍອມຮັບຮອງການສິ່ງບໍ່ຖືກຕ້ອງ ເພື່ອປົກປັກຮັກສາກຽດສັກສີຂອງພັກ, ສະມາຊິກຂອງພັກ ອັນສູງສົ່ງ./.
ສ້າງພັກໃຫ້ຫນັກແຫນ້ນ ທາງດ້ານການຈັດຕັ້ງ
*ຕະຫລອດການຈັດຕັ້ງ ແລະ ນຳພາກໍຄືຜັນຂະຫຍາຍມະຕິ VIII ຂອງພັກເຂົ້າສູ່ພາກຕົວຈິງ ຊ່ວງ ໄລຍະ 2-3 ປີ ຜ່ານມາ ກໍສາມາດ ສະສົມບົດຮຽນ ຊຶ່ງມັນໄດ້ຊີ້ໃຫ້ ເຫັນວ່າ: ຢາກສ້າງພັກໃຫ້ໜັກ ແໜ້ນທາງ ດ້ານການຈັດຕັ້ງນັ້ນ ພວກເຮົາຕ້ອງກຳແໜ້ນບັນດາຈຸດ ສຳຄັນດັ່ງລຸ່ມນີ້: ຈຸດທີ 1: ແມ່ນຕ້ອງຢືດໝັ້ນ ໃນ ຫຼັກການລວມສູນປະຊາທິປະໄຕ, ເສີມຂະຫຍາຍ ປະຊາທິປະໄຕ ໄປ ພ້ອມ ກັບການເພີ່ມທະວີລະບຽບ ວິໄນຢູ່ພາຍໃນພັກ ຢ່າງເຂັ້ມງວດ ຮັບປະກັນໃຫ້ສະມາຊິກພັກທຸກ ຄົນ ໄດ້ປະຕິບັດສິດ ຕ່າງໆ ທີ່ໄດ້ກຳ ນົດໄວ້ ໃນກົດລະບຽບຂອງພັກ ຢ່າງຄົບຖ້ວນ ເປັນຕົ້ນແມ່ນສິດ ໃນ ການ ຮັບຂໍ້ມູນຂ່າວສານ, ສິດໃນ ການໄດ້ເຂົ້າຮ່ວມແລກປ່ຽນທັດ ສະນະຄວາມຄິດ ຄວາມ ເຫັນ ແລະ ຕົກລົງບັນຫາຕ່າງໆ ຂອງພັກ ກໍ ຄືສິດໃນການຮັກສາທັດສະນະ ຄວາມຄິດ ຂອງຕົນ; ແຕ່ເມື່ອມີ ການຕົກລົງເປັນມະຕິແລ້ວ, ທຸກ ຄົນຕ້ອງເວົ້າ ແລະ ເຮັດຕາມມະຕິ ຂອງພັກ, ບຸກຄົນຕ້ອງເຮັດຕາມ ການຈັດຕັ້ງ, ຂັ້ນລຸ່ມຕ້ອງ ປະຕິບັດ ຕາມຄຳສັ່ງຂອງຂັ້ນເທິງ, ຄະນະ ພັກທຸກຂັ້ນ ແລະ ທົ່ວພັກຕ້ອງປະຕິ ບັດຕາມມະຕິຂອງຄະນະບໍລິ ຫານ ງານສູນກາງພັກ. ຕ້ອງເດັດດ່ຽວ ຕ້ານ ແລະ ກຳຈັດປັດເປົ່າ ລັດທິ ອະ ນາທິປະໄຕ ແລະ ພະຍາດອາດຍາ ສິດ, ອະທິປະໄຕ ພາຍໃນພັກໃນພັກ. ຈຸດທີ 2: ແມ່ນຕ້ອງສືບຕໍ່ປັບ ປຸງ ຮາກຖານພັກໃຫ້ມີ ຄວາມເຂັ້ມ ແຂງ ໂດຍເອົາການສ້າງໜ່ວຍພັກ ແຂງຮູ້ນຳພາ ຮອບດ້ານ ເປັນວຽກ ຕົ້ນຕໍ, ເຮັດໃຫ້ທຸກການຈັດຕັ້ງ ຮາກ ຖານພັກ ສາມາດເຕົ້າໂຮມ ແລະ ເສີມຂະຫຍາຍກຳລັງແຮງຂອງ ຕົນ ລວມທັງບັນດາອົງການຈັດຕັ້ງ ທີ່ຢູ່ພາຍໃຕ້ການນຳພາ ຂອງຮາກ ຖານພັກນັ້ນ ເຂົ້າໃນການເຮັດ ຫຼ້ອນ ໜ້າທີ່ການເມືອງທີ່ໄດ້ ຮັບມອບ ໝາຍ; ພ້ອມທັງຕັ້ງໜ້ານຳພາ ການ ຕໍ່ສູ້ກັບລັດທິເອກະຊົນ, ການສໍ້ລາດ ບັງຫຼວງ ແລະ ປະກົດການຫຍໍ້ທໍ້ ອື່ນໆ ຢ່າງເປັນເຈົ້າການ. ຢາກໃຫ້ໄດ້ແນວນັ້ນ, ທຸກໆຮາກ ຖານພັກຕ້ອງເອົາໃຈ ໃສ່ເຮັດວຽກ ງານສຶກສາອົບຮົມການເມືອງ- ແນວຄິດຄຸ້ມຄອງດ້ານການປະຕິ ບັດໜ້າທີ່ວຽກງານ ກໍຄືການດຳ ລົງຊີວິດ, ການຝຶກຝົນຄຸນສົມບັດ ຂອງສະມາຊິກພັກ ໃຫ້ແໜ້ນ ແລະ ແທດເຖິງ; ປະຕິບັດຫລັກການຕຳນິ ຕິຊົມຕົນເອງ ແລະ ຕິຊົມຊຶ່ງກັນ ແລະ ກັນ ຢ່າງເຂັ້ມງວດ, ດ້ານໜຶ່ງ ອີກ ທີ່ສຳຄັນແມ່ນຕ້ອງ ຕັ້ງໜ້າ ປັບ ປຸງລະ ບອບລະບຽບການກ່ຽວກັບ ການຈັດຕັ້ງຮາກຖານພັກ ໃຫ້ລະ ອຽດແລະຈະແຈ້ງຕື່ມອີກ, ເປັນ ຕົ້ນ ຕ້ອງສ້າງໃຫ້ມີຂໍ້ກຳນົດກ່ຽວກັບ ພາລະບົດບາດ, ໜ້າທີ່ ຂອງ ຮາກ ຖານພັກ ແຕ່ລະປະເພດ, ໂດຍສະ ເພາະແມ່ນຮາກຖານພັກຢູ່ກຸ່ມ ບ້ານ ພັດທະນາ, ຢູ່ບັນດາຫົວໜ່ວຍ ເສດ ຖະກິດເອກະຊົນ ແລະ ຫົວໜ່ວຍ ການລົງທຶນ ຂອງຕ່າງ ປະເທດ ແນ ໃສ່ສ້າງຮາກຖານພັກ ຢູ່ທຸກຂົງ ເຂດວຽກງານ, ຢູ່ທຸກພາກສ່ວນ ເສດຖະກິດ ແລະ ທຸກບໍລິເວນ ຂອງ ປະເທດ ເປັນຕົ້ນຢູ່ເຂດຊົນລະບົດ ຫ່າງໄກ ສອກຫລີກ ໃຫ້ມີຄວາມ ໜັກແໜ້ນເຂັ້ມແຂງ; ເຂົ້າໃສ່ການ ປັບປຸງ ແລະ ແກ້ໄຂບັນດາຮາກ ຖານ ພັກທີ່ຍັງອ່ອນໃຫ້ແທດ ເຖິງ ກວ່າເກົ່າ, ເພື່ອສ້າງໃຫ້ມີການຫັນ ປ່ຽນຢ່າງເດັ່ນຊັດ. ຈຸດທີ 3: ແມ່ນຕ້ອງປັບປຸງ ກົງ ຈັກຊ່ວຍ ວຽກຂອງຄະນະ ພັກຂັ້ນ ສູນກາງ, ທ້ອງຖິ່ນ ແລະ ຂະແໜງ ການ ເພື່ອຊ່ວຍ ຄະນະພັກໃນການ ນຳພາ-ຊີ້ນຳການແກ້ໄຂ ບັນຫາ ຕ່າງໆ ຢ່າງຖືກຕ້ອງທັນການ, ຍົກ ສູງຄຸນນະພາບ ການນຳຂອງພັກ ຂຶ້ນຕື່ມອີກ ./.
ວັງວຽງສ້າງຫນ່ວຍພັນເຂັ້ມແຂງຮູ້ນຳພາຮອບດ້ານ
*ຄວາມຊົງຈຳທີ່ຂ້າພະເຈົ້າຈື່ບໍ່ລືມ, ໃນເມື່ອກ່ອນ ສະໄຫມຕໍ່ສູ້ກູ້ຊາດຕ້ານພວກຕ່າງດ້າວຮຸກຮານໃນລະ ຫວ່າງປີ 1965-1970, ບ້ານຂອງພວກຂ້າພະເຈົ້າຢູ່ເຂດລາດບວກເມືອງແປກ ແຂວງຊຽງຂວາງ,ໃນບ້ານປະກອບມີ 7-8 ຫລັງຄາເຮືອນ, ພາຍຫລັງໄດ້ຮັບການປົດປ່ອຍ ມີທະ ຫານປະຈຳຢູ່ບ້ານ 3 ຄົນ, ຜູ້ໃຫຍ່ເພິ່ນເອີ້ນກັນວ່າອ້າຍນ້ອງພະນັກງານ,ເຊິ່ງພະນັກງານດັ່ງກ່າວແມ່ນພະນັກ ງານປຸກລຸກ, ໂດຍໄດ້ປະຈຳຢູ່ບ້ານ- ນຳພາປະຊາຊົນເຮັດການຕໍ່ສູ້,ນອກ ຈາກນັ້ນເພິ່ນຍັງນຳພາປະຊາຊົນເຮັດທຳການຜະລິດ, ປະຕິບັດຫລັກ ການອະນາໄມເຮືອນຊານສະຖານທີ່, ຂຸດນ້ຳສ້າງ-ຂຸດຂຸມຖ່າຍແລະອື່ນໆອີກ. ເຫັນວ່າພາຍໃນບ້ານມີຄວາມສະຫງົບສຸກ, ມີຂະບວນການ, ມີຄວາມສາມັກຄີ ແລະມີຄວາມເປັນເອ ກະພາບຢ່າງເປັນຂະບວນຟົດຟື້ນທີ່ສຸດ ທັງຫລາຍທັງປວງກໍ່ແມ່ນພັກນຳ ພານັ້ນເອງ. ພາຍຫລັງປະເທດຊາດໄດ້ຮັບການປົດປ່ອຍ ສະຖາປະນາເປັນສາ ທາລະນະລັດ ປະຊາທິປະໄຕ ປະຊາ ຊົນລາວ ໃນວັນທີ 2 ທັນວາປີ 1975 ພັກຍິ່ງມີພາລະບົດບາດຕໍ່ຊາຕາກຳຂອງປະເທດ ແລະປະຊາຊົນບັນດາເຜົ່າ,ໂດຍໄດ້ນຳພາການປະຕິບັດສອງຫນ້າທີ່ຍຸດທະສາດ ຄື ປົກປັກຮັກສາ ຫມາກຜົນຂອງການປະຕິວັດ ແລະສ້າງສາພັດທະນາປະເທດຊາດ, ຈົນເຖິງໄລຍະປະຕິບັດພາລະກິດປ່ຽນແປງໃຫມ່ຢ່າງມີຫລັກການຮອບດ້ານ,ເປີດປະຕູສູ່ພາຍນອກແລະໄລຍະໂລກາພິວັດກົນ ໄກເສດ ຖະກິດຕະຫລາດແລະ ກໍໃນໄລຍະປະ ຈຸບັນ,ພັກກໍໄດ້ສືບຕໍ່ນຳພາໂດຍຖືກເອົາການຫັນລົງສູ່ຮາກຖານການເມືອງເຖິງວ່າ ພົບຂໍ້ຫຍຸ້ງຍາກ,ເບິ່ງແລ້ວບໍ່ທັນຫນັກແຫນ້ນ ຮັບຟັງແຕ່ການລາຍງານສ່ອງແສງແຕ່ຮາກຖານຢ່າງດຽວ, ຄັນວ່າລົງກໍເດືອນລະທີ-ປີລະຄັ້ງ,ບາງຂະແຫນງການບໍ່ລົງກໍ່ມີ, ຕໍ່ບັນຫານີ້ເຮັດໃຫ້ເກີດມີຫລາຍຢ່າງໃນຮາກຖານປະຊາຊົນ,ໂດຍສະເພາະດ້ານເສດຖະກິດ- ສັງ ຄົມ,ເຊື່ອຖືງົມງວາຍ,ຂີ້ລັກ, ງັດແງະເລັກໆນ້ອຍໆ,ລວມເຖິງຄວາມເຂົ້າໃຈຕໍ່ບົດບາດການນຳຂອງພັກ, ຄວາມ ໄວ້ເນື້ອເຊື່ອໃຈແນວທາງຂອງພັກເປັນພຽງແຕ່ຜີວເຜີນ. ຈາກບັນຫາດັ່ງກ່າວ, ພັກ-ລັດອຳນາດການປົກຄອງຂັ້ນຕ່າງໆ ຈຶ່ງຫັນລົງກໍ່ສ້າງຮາກຖານການເມືອງຢ່າງແຂງແຮງ, ໂດຍສະເພາະເມືອງລະມາມແຂວງເຊກອງ, ຄະນະພັກອຳນາດການປົກຄອງໄດ້ຫັນເປັນແຜນຢ່າງລະອຽດ, ໃນນັ້ນ 6 ເດືອນຕົ້ນປີ 2008 ນີ້ຈຶ່ງສຳເລັດການກໍ່ສ້າງຮາກຖານການເມືອງບາດກ້າວທຳອິດເຊິ່ງສາມາດໄດ້ກໍ່ສ້າງກຸ່ມຈຸດສຸມບ້ານພັດທະນາໃນທົ່ວເມືອງ ເຊິ່ງແບ່ງອອກເປັນ 7 ກຸ່ມບ້ານຂອງ 45 ບ້ານທົ່ວເມືອງ. ທ່ານ ທອງຄຳ ສີຍະໄລ ຮອງເລ ຂາພັກເມືອງ, ຮອງປະທານກໍ່ສ້າງຮາກຖານການເມືອງ ຂັ້ນເມືອງລະມາມ ແຂວງເຊກອງ ເວົ້າສູ່ຟັງໃນຕົ້ນເດືອນ ມິຖຸນານີ້ວ່າ: ຜົນສຳເລັດອັນຕົ້ນຕໍ ແມ່ນການແບ່ງກຸ່ມບ້ານຈຸດສຸມພັດທະນາທົ່ວເມືອງ 7 ກຸ່ມບ້ານຈຸດສຸມຄື: ກຸ່ມເທສະບານເມືອງ, ກຸ່ມບ້ານໂພນ, ກຸ່ມບ້ານດອນຈັນ, ກຸ່ມບ້ານກະຊັງກາງ, ກຸ່ມບ້ານປາກປູນ, ກຸ່ມບ້ານຈະວີກແລະກຸ່ມບ້ານຕອກອົງແກ້ວ ເຊິ່ງໃນແຕ່ລະກຸ່ມ ຄະນະພັກເມືອງໄດ້ຖືເອົາການປັບປຸງກົງຈັກການຈັດຕັ້ງຂັ້ນຮາກຖານບ້ານ,ເພື່ອຊີ້ນຳ-ນຳພາບັນດາອົງການຈັດຕັ້ງ ມະຫາຊົນໃນແຕ່ລະບ້ານ, ເຕົ້າໂຮມຄວາມສາມັກຄີ,ສືກສາອົບຮົມການເມືອງແນວຄິດໃຫ້ແກ່ປະຊາຊົນ, ຂະຫຍາຍພັກຢູ່ຂັ້ນຮາກຖານຢ່າງແຂງແຮງ, ໂດຍຖືເອົາການເຝິກອົບຮົມບົດບາດການນຳພາຂອງພັກໃຫ້ແກ່ປະຊາຊົນເປັນກົກ, ແນະນຳເຕັກນິກວິທະຍາສາດ, ການຜະລິດກະສິກຳເປັນສິນຄ້າ,ທັງກຳນົດສ້າງຄອບຄົວ ຕົວແບບດ້ານການປູກເຂົ້າ, ປູກຝັງພືດຜັກ, ຕົ້ນໄມ້ອຸດສາຫະກຳ ແລະລ້ຽງສັດໃຫ້ກາຍເປັນສິນຄ້າພັດທະນາຊີວິດການເປັນຢູ່ໃຫ້ກາຍເປັນຄອບຄົວວັດທະນະທຳ ແລະ ບ້ານວັດທະນະທຳໄລຍະໃຫມ່. ທ່ານ ທອງຄຳ ສິຍະໄລ ຮອງເລ ຂາພັກເມືອງໆລະມາມ ເວົ້າສູ່ຟັງອີກວ່າ: ພາຍຫລັງນຳໃຊ້ບົດຮຽນສະໄຫມຕໍ່ສູ້ກູ້ຊາດກໍ່ຄື ຫັນເປັນອັນລະ ອຽດຂອງມະຕິ 9/ກພສພ ຫັນລົງກໍ່ ສ້າງຮາກຖານການເມືອງ, ພັດທະ ນາເສດຖະກິດ-ສັງຄົມຕາມ 4 ເນື້ອໃນ 4 ຄາດຫມາຍ,ສາມາດເຫັນໄດ້ຢ່າງຈະແຈ້ງວ່າ: ປະຊາຊົນບັນດາເຜົ່າ ເມືອງລະມາມ ໄດ້ເຫັນແຈ້ງ ແລະເຂົ້າໃຈຕໍ່ການນຳພາຂອງພັກ-ຕໍ່ລະບອບປະຊາທິປະໄຕ ປະຊາຊົນລາວເຮົາ ໜັກແໜ້ນຫລາຍຂຶ້ນກວ່າເກົ່າ, ເປັນຕົ້ນການຂະຫຍາຍພັກ-ຄວາມສາ ມັກຄີ, ລະດັບການຕື່ນຕົວພັດທະນາຕົວເອງມີຫລາຍດ້ານດີຂຶ້ນກວ່າເກົ່າ. ເຖິງວ່າມີດ້ານສຳເລັດຄືແນວນັ້ນ,ຄະນະພັກ-ອຳນາດການປົກ ຄອງເມືອງລະມາມ ຍັງສືບຕໍ່ປະຕິ ບັດການຊີ້ນຳ-ນຳພາປະຊາຊົນ, ພັດ ທະນາເສດຖະກິດ-ສັງຄົມໃນທ້ອງຖິ່ນຢ່າງບໍ່ຢຸດຢັ້ງ, ໂດຍສະເພາະເລັ່ງໃສ່ວາງແຜນຈັດສັນການຜະລິດ, ຈັດສັນອາຊີບຄົງທີ່ໃຫ້ແກ່ປະຊາຊົນໃນແຕ່ລະທ້ອງຖິ່ນ, ຕາມຄວາມອາດສາມາດ ແລະ ເງື່ອນໄຂພູມສັນຖານ, ການຜະລິດກະສິກຳໃຫ້ກາຍເປັນສິນຄ້າ, ດ້ວຍການສ້າງຄວາມເຂັ້ມແຂງດ້ວຍຕົນເອງ,ເພິ່ງຕົນເອງ ແລະລຶບລ້າງຄວາມທຸກຍາກອອກຈາກຕົນເອງ./.
ລະມາມສຳເລັດໃນເບື້ອງຕົ້ນການກໍ່ສ້າງຮາກຖານ
*ຄວາມຊົງຈຳທີ່ຂ້າພະເຈົ້າຈື່ບໍ່ລືມ, ໃນເມື່ອກ່ອນ ສະໄຫມຕໍ່ສູ້ກູ້ຊາດຕ້ານພວກຕ່າງດ້າວຮຸກຮານໃນລະ ຫວ່າງປີ 1965-1970, ບ້ານຂອງພວກຂ້າພະເຈົ້າຢູ່ເຂດລາດບວກເມືອງແປກ ແຂວງຊຽງຂວາງ,ໃນບ້ານປະກອບມີ 7-8 ຫລັງຄາເຮືອນ, ພາຍຫລັງໄດ້ຮັບການປົດປ່ອຍ ມີທະ ຫານປະຈຳຢູ່ບ້ານ 3 ຄົນ, ຜູ້ໃຫຍ່ເພິ່ນເອີ້ນກັນວ່າອ້າຍນ້ອງພະນັກງານ,ເຊິ່ງພະນັກງານດັ່ງກ່າວແມ່ນພະນັກ ງານປຸກລຸກ, ໂດຍໄດ້ປະຈຳຢູ່ບ້ານ- ນຳພາປະຊາຊົນເຮັດການຕໍ່ສູ້,ນອກ ຈາກນັ້ນເພິ່ນຍັງນຳພາປະຊາຊົນເຮັດທຳການຜະລິດ, ປະຕິບັດຫລັກ ການອະນາໄມເຮືອນຊານສະຖານທີ່, ຂຸດນ້ຳສ້າງ-ຂຸດຂຸມຖ່າຍແລະອື່ນໆອີກ. ເຫັນວ່າພາຍໃນບ້ານມີຄວາມສະຫງົບສຸກ, ມີຂະບວນການ, ມີຄວາມສາມັກຄີ ແລະມີຄວາມເປັນເອ ກະພາບຢ່າງເປັນຂະບວນຟົດຟື້ນທີ່ສຸດ ທັງຫລາຍທັງປວງກໍ່ແມ່ນພັກນຳ ພານັ້ນເອງ. ພາຍຫລັງປະເທດຊາດໄດ້ຮັບການປົດປ່ອຍ ສະຖາປະນາເປັນສາ ທາລະນະລັດ ປະຊາທິປະໄຕ ປະຊາ ຊົນລາວ ໃນວັນທີ 2 ທັນວາປີ 1975 ພັກຍິ່ງມີພາລະບົດບາດຕໍ່ຊາຕາກຳຂອງປະເທດ ແລະປະຊາຊົນບັນດາເຜົ່າ,ໂດຍໄດ້ນຳພາການປະຕິບັດສອງຫນ້າທີ່ຍຸດທະສາດ ຄື ປົກປັກຮັກສາ ຫມາກຜົນຂອງການປະຕິວັດ ແລະສ້າງສາພັດທະນາປະເທດຊາດ, ຈົນເຖິງໄລຍະປະຕິບັດພາລະກິດປ່ຽນແປງໃຫມ່ຢ່າງມີຫລັກການຮອບດ້ານ,ເປີດປະຕູສູ່ພາຍນອກແລະໄລຍະໂລກາພິວັດກົນໄກເສດ ຖະກິດຕະຫລາດແລະ ກໍໃນໄລຍະປະ ຈຸບັນ,ພັກກໍໄດ້ສືບຕໍ່ນຳພາໂດຍຖືກເອົາການຫັນລົງສູ່ຮາກຖານການເມືອງເຖິງວ່າ ພົບຂໍ້ຫຍຸ້ງຍາກ,ເບິ່ງແລ້ວບໍ່ທັນຫນັກແຫນ້ນ ຮັບຟັງແຕ່ການລາຍງານສ່ອງແສງແຕ່ຮາກຖານຢ່າງດຽວ, ຄັນວ່າລົງກໍເດືອນລະທີ-ປີລະຄັ້ງ,ບາງຂະແຫນງການບໍ່ລົງກໍ່ມີ, ຕໍ່ບັນຫານີ້ເຮັດໃຫ້ເກີດມີຫລາຍຢ່າງໃນຮາກຖານປະຊາຊົນ,ໂດຍສະເພາະດ້ານເສດຖະກິດ- ສັງ ຄົມ,ເຊື່ອຖືງົມງວາຍ,ຂີ້ລັກ, ງັດແງະເລັກໆນ້ອຍໆ,ລວມເຖິງຄວາມເຂົ້າໃຈຕໍ່ບົດບາດການນຳຂອງພັກ, ຄວາມ ໄວ້ເນື້ອເຊື່ອໃຈແນວທາງຂອງພັກເປັນພຽງແຕ່ຜີວເຜີນ. ຈາກບັນຫາດັ່ງກ່າວ, ພັກ-ລັດອຳນາດການປົກຄອງຂັ້ນຕ່າງໆ ຈຶ່ງຫັນລົງກໍ່ສ້າງຮາກຖານການເມືອງຢ່າງແຂງແຮງ, ໂດຍສະເພາະເມືອງລະມາມແຂວງເຊກອງ, ຄະນະພັກອຳນາດການປົກຄອງໄດ້ຫັນເປັນແຜນຢ່າງລະອຽດ, ໃນນັ້ນ 6 ເດືອນຕົ້ນປີ 2008 ນີ້ຈຶ່ງສຳເລັດການກໍ່ສ້າງຮາກຖານການເມືອງບາດກ້າວທຳອິດເຊິ່ງສາມາດໄດ້ກໍ່ສ້າງກຸ່ມຈຸດສຸມບ້ານພັດທະນາໃນທົ່ວເມືອງ ເຊິ່ງແບ່ງອອກເປັນ 7 ກຸ່ມບ້ານຂອງ 45 ບ້ານທົ່ວເມືອງ. ທ່ານ ທອງຄຳ ສີຍະໄລ ຮອງເລ ຂາພັກເມືອງ, ຮອງປະທານກໍ່ສ້າງຮາກຖານການເມືອງ ຂັ້ນເມືອງລະມາມ ແຂວງເຊກອງ ເວົ້າສູ່ຟັງໃນຕົ້ນເດືອນ ມິຖຸນານີ້ວ່າ: ຜົນສຳເລັດອັນຕົ້ນຕໍ ແມ່ນການແບ່ງກຸ່ມບ້ານຈຸດສຸມພັດທະນາທົ່ວເມືອງ 7 ກຸ່ມບ້ານຈຸດສຸມຄື: ກຸ່ມເທສະບານເມືອງ, ກຸ່ມບ້ານໂພນ, ກຸ່ມບ້ານດອນຈັນ, ກຸ່ມບ້ານກະຊັງກາງ, ກຸ່ມບ້ານປາກປູນ, ກຸ່ມບ້ານຈະວີກແລະກຸ່ມບ້ານຕອກອົງແກ້ວ ເຊິ່ງໃນແຕ່ລະກຸ່ມ ຄະນະພັກເມືອງໄດ້ຖືເອົາການປັບປຸງກົງຈັກການຈັດຕັ້ງຂັ້ນຮາກຖານບ້ານ,ເພື່ອຊີ້ນຳ-ນຳພາບັນດາອົງການຈັດຕັ້ງ ມະຫາຊົນໃນແຕ່ລະບ້ານ, ເຕົ້າໂຮມຄວາມສາມັກຄີ,ສືກສາອົບຮົມການເມືອງແນວຄິດໃຫ້ແກ່ປະຊາຊົນ, ຂະຫຍາຍພັກຢູ່ຂັ້ນຮາກຖານຢ່າງແຂງແຮງ, ໂດຍຖືເອົາການເຝິກອົບຮົມບົດບາດການນຳພາຂອງພັກໃຫ້ແກ່ປະຊາຊົນເປັນກົກ, ແນະນຳເຕັກນິກວິທະຍາສາດ, ການຜະລິດກະສິກຳເປັນສິນຄ້າ,ທັງກຳນົດສ້າງຄອບຄົວ ຕົວແບບດ້ານການປູກເຂົ້າ, ປູກຝັງພືດຜັກ, ຕົ້ນໄມ້ອຸດສາຫະກຳ ແລະລ້ຽງສັດໃຫ້ກາຍເປັນສິນຄ້າພັດທະນາຊີວິດການເປັນຢູ່ໃຫ້ກາຍເປັນຄອບຄົວວັດທະນະທຳ ແລະ ບ້ານວັດທະນະທຳໄລຍະໃຫມ່. ທ່ານ ທອງຄຳ ສິຍະໄລ ຮອງເລ ຂາພັກເມືອງໆລະມາມ ເວົ້າສູ່ຟັງອີກວ່າ: ພາຍຫລັງນຳໃຊ້ບົດຮຽນສະໄຫມຕໍ່ສູ້ກູ້ຊາດກໍ່ຄື ຫັນເປັນອັນລະ ອຽດຂອງມະຕິ 9/ກພສພ ຫັນລົງກໍ່ ສ້າງຮາກຖານການເມືອງ, ພັດທະ ນາເສດຖະກິດ-ສັງຄົມຕາມ 4 ເນື້ອໃນ 4 ຄາດຫມາຍ,ສາມາດເຫັນໄດ້ຢ່າງຈະແຈ້ງວ່າ: ປະຊາຊົນບັນດາເຜົ່າ ເມືອງລະມາມ ໄດ້ເຫັນແຈ້ງ ແລະເຂົ້າໃຈຕໍ່ການນຳພາຂອງພັກ-ຕໍ່ລະບອບປະຊາທິປະໄຕ ປະຊາຊົນລາວເຮົາ ໜັກແໜ້ນຫລາຍຂຶ້ນກວ່າເກົ່າ, ເປັນຕົ້ນການຂະຫຍາຍພັກ-ຄວາມສາ ມັກຄີ, ລະດັບການຕື່ນຕົວພັດທະນາຕົວເອງມີຫລາຍດ້ານດີຂຶ້ນກວ່າເກົ່າ. ເຖິງວ່າມີດ້ານສຳເລັດຄືແນວນັ້ນ,ຄະນະພັກ-ອຳນາດການປົກ ຄອງເມືອງລະມາມ ຍັງສືບຕໍ່ປະຕິ ບັດການຊີ້ນຳ-ນຳພາປະຊາຊົນ, ພັດ ທະນາເສດຖະກິດ-ສັງຄົມໃນທ້ອງຖິ່ນຢ່າງບໍ່ຢຸດຢັ້ງ, ໂດຍສະເພາະເລັ່ງໃສ່ວາງແຜນຈັດສັນການຜະລິດ, ຈັດສັນອາຊີບຄົງທີ່ໃຫ້ແກ່ປະຊາຊົນໃນແຕ່ລະທ້ອງຖິ່ນ, ຕາມຄວາມອາດສາມາດ ແລະ ເງື່ອນໄຂພູມສັນຖານ, ການຜະລິດກະສິກຳໃຫ້ກາຍເປັນສິນຄ້າ, ດ້ວຍການສ້າງຄວາມເຂັ້ມແຂງດ້ວຍຕົນເອງ,ເພິ່ງຕົນເອງ ແລະລຶບລ້າງຄວາມທຸກຍາກອອກຈາກຕົນເອງ./.
ເອົາໃຈໃສ່ປັບປຸງແຜນນຳພາ ຂອງຄະນະພັກຕ່າງໆ
*ການປັບປຸງກໍ່ສ້າງການຈັດຕັ້ງພັກໃຫ້ປອດໃສເຂັ້ມແຂງນັ້ນ ເວລາໃດກໍ່ຕິດພັນຢ່າງສະຫນິດແຫນ້ນກັບການປັບປຸງແບ ແຜນນຳພາຂອງພັກ. ສະນັ້ນ, ຄະນະພັກທຸກຂັ້ນຈຶ່ງຕ້ອງເປັນເຈົ້າການປັບປຸງປ່ຽນແປງໃຫມ່ກ່ຽວກັບແບບແຜນນຳພາ ຂອງຕົນ,ໂດຍດຳເນີນຕາມທິດນຳເປັນຕົ້ນແມ່ນ: ບັນຫາທີຫນຶ່ງ: ຕັ້ງຫນ້າເສີມຂະຫຍາຍແບບແຜນນຳພາອັນເປັນມູນເຊື້ອດີງາມ ຂອງພັກເຮົາຄືການເຄື່ອນໄຫວນຳພາຕາມແນວທາງມະ ຫາຊົນ,ອີງໃສ່ມະຫາຊົນ, ຂຸດຄົ້ນກຳ ລັງແຮງຂອງມະຫາຊົນ ເພື່ອປະຕິ ບັດແນວທາງນະໂຍບາຍຂອງພັກ, ຖືເອົາການຂົນຂວາຍປຸກລະດົມຊວນ ເຊື່ອສົມທົບກັບຄວາມເປັນແບບຢ່າງນຳພາຂອງ ສະມາຊິກພັກແລະການ ຈັດຕັ້ງຂອງພັກ ເປັນແບບ ແຜນແລະວີທີການນຳພາຕົ້ນຕໍຂອງພັກ. ບັນຫາທີສອງ: ເອົາໃຈໃສ່ຄົ້ນ ຄວ້າວາງລະບອບລະບຽບການອັນຈຳເປັນແລະຕັ້ງຫນ້າປັບປຸງ ເພີ່ມທະ ວີການນຳພາຂອງພັກ ຕໍ່ທົ່ວສັງຄົມ, ເປັນຕົ້ນແມ່ນການປະຕິບັດຫລັກ ການ ທີ່ວ່າ ພັກເຮົານຳພາໂດຍຜ່ານການວາງແນວທາງນະໂຍບາຍໃຫ້ຖືກຕ້ອງ ,ທັນການໃນແຕ່ລະໄລຍະ, ຜ່ານການຊີ້ນຳການຫັນເອົາແນວ ທາງນະໂຍບາຍໃຫ້ກາຍເປັນແຜນ ການ,ເປັນກົດຫມາຍ ແລະນິຕິກຳຕ່າງໆ, ຜ່ານການສ້າງແລະປັບປຸງລັດເຮົາໃຫ້ມີຄວາມເຂັ້ມແຂງ, ມີ ຄວາມສັກສິດ ແລະມີປະສິດທີພາບໃນການ ຄຸ້ມຄອງລັດ, ຄຸ້ມຄອງສັງ ຄົມດ້ວຍກົດຫມາຍ; ກໍ່ຄືຜ່ານຊີ້ນຳລວມສູນຕໍ່ການກໍ່ສ້າງ ແລະຈັດວາງສັບຊ້ອນ ພະນັກງານ ເຂົ້າໃນຫນ້າທີ່ວຽກງານຕ່າງໆໃຫ້ຖືກຕ້ອງ ແລະເຫມາະສົມ. ບັນຫາທີສາມ: ເພື່ອຍົກສູງບົດ ບາດນຳພາ ຂອງ ພັກຂຶ້ນຢ່າງບໍ່ຢຸດຢັ້ງ, ຄະນະພັກຂັ້ນຕ່າງໆ ແລະສະມາ ຊິກ ພັກທຸກ ຄົນຕ້ອງເພີ່ມ ທະວີຄວາມ ເປັນເຈົ້າການ ແລະມີ ຫົວຄິດປະດິດ ສ້າງເຂົ້າໃນການຄົ້ນຄວ້າຮ່ຳຮຽນ ແນວທາງຂອງ ພັກໃຫ້ເລິກ ເຊິ່ງ, ປຶກ ສາຫາລືກ່ຽວກັບເນື້ອໃນສຳຄັນໃນ ມະຕິຕ່າງໆ ຂອງພັກໃຫ້ລະອຽດ ແລ້ວສ້າງເປັນແຜນການໂຄງການ ດຳເນີນງານ ແລະ ແຜນການເຄື່ອນ ໄຫວຂອງຄະນະພັກ ໃຫ້ສອດຄ່ອງ ກັບສະພາບການຕົວຈິງຂອງຂະ ແຫນງການແລະທ້ອງຖິ່ນຂອງຕົນ; ຈາກນັ້ນກໍ່ຕ້ອງຕິດຕາມການຈັດຕັ້ງ ປະຕິບັດໃຫ້ເປັນປົກກະຕິ, ດຳເນີນ ການສະຫລຸບຕີລາຄາຜົນໄດ້ຮັບ ແລະຖອດຖອນບົດຮຽນ ຢ່າງເປັນ ປະຈຳ ເພື່ອສົ່ງເສີມທະວີຄູນປັດໄຈ ໃຫມ່ແຫ່ງຜົນສຳເລັດໃຫ້ໄວ ແລະ ກວ້າງຂວາງ, ທັງແກ້ໄຂບັນຫາຄ້າງ ຄາໃຫ້ທັນການ; ສິ່ງຫນຶ່ງອີກທີ່ສຳ ຄັນ ແມ່ນຂັ້ນເທິງຕ້ອງຊ່ວຍເຫລືອ ໃຫ້ຄວາມສະດວກ ແກ່ຂັ້ນລຸ່ມເພື່ອ ຈະໄດ້ຮັບປະກັນເມື່ອວາງມະຕິ ອອກແລ້ວ ແລະ ມອບວຽກໃຫ້ກັນ ຕ້ອງມີເງື່ອນໄຂພຽງພໍເພື່ອປະຕິ ບັດໃຫ້ເກີດດອກອອກຜົນເປັນຈິງ; ພວກເຮົາຈົ່ງພ້ອມກັນຕັ້ງຫນ້າກຳຈັດ ແກ້ໄຂປະກົດການເວົ້າຫລາຍ ແຕ່ບໍ່ ເຮັດແບບຂາດຄວາມຮັບຜິດຊອບ. ບັນຫາທີສີ່: ສືບຕໍ່ປັບປຸງການ ນຳພາຕໍ່ແນວລາວສ້າງຊາດ, ບັນດາ ອົງການຈັດຕັ້ງມະຫາຊົນ ແລະ ອົງ ການຈັດຕັ້ງສັງຄົມການເມືອງ ຕ່າງໆ, ສ້າງລະບອບການແລະ ເພີ່ມ ທະວີ ການປະ ສານ ສົມທົບລະຫວ່າງອົງການຊ່ວຍວຽກຂອງສູນກາງພັກກັບ ອົງການທີ່ກ່ຽວ ຂ້ອງຂອງລັດຖະ ບານ ແລະສະພາແຫ່ງຊາດໃຫ້ແຫນ້ນແຟ້ນແລະລ້ອງຊ້ອງ ກົມກຽວກັນ ດີກວ່າເກົ່າ,ປະຕິບັດໃຫ້ຖືກຕ້ອງຕາມຫລັກ ການທີ່ວ່າ ພັກນຳພາ, ລັດຄຸ້ມຄອງປະຊາຊົນເປັນເຈົ້າ. ບັນຫາທີ່ຫ້າ: ເຮັດໃຫ້ການນຳ ພາ ຂອງພັກມີຄວາມແທດເຖິງຊີວິດຕົວຈິງ, ຮັບປະກັນໃຫ້ຄວາມເວົ້າໄປພ້ອມກັບການຈັດຕັ້ງປະຕິບັດຕົວ ຈິງໃຫ້ມີຜົນສຳເລັດ, ກຳຈັດປັດເປົ່າແບບແຜນອາດຍາສິດ,ການເຮັດ ວຽກແບບມະລຸ້ມມະລ້ວຍ,ອັດຕະວິໄສແລະຮູບການ ໃຫ້ໄດ້ຢ່າງສິ້ນເຊີງ./.
ຍົກສູງບົດບາດ ຊອງວຽກງານການເມືອງແນວຄິດ ແລະເອົາໃນໃສ້ປັບປຸງຄົ້ນຄວ້າທິດສະດີຢ່າງຈົດຈໍ່
*ກ່ອນອື່ນ,ພວກເຮົາຕ້ອງສືບຕໍ່ຢຶດໝັ້ນທິດສະດີມາກ-ເລນິນ,ທາດແທ້ປະຕິວັດ ຂອງຊົນຊັ້ນກຳມະກອນ ແລະອຸດົມການສັງຄົມນິຍົມ, ເດັດ ດ່ຽວ ເອົາໃຈໃສ່ຕໍ່ການຫມູນໃຊ້ທິດສະດີມາກ-ເລນິນ ຢ່າງປະດິດສ້າງສົມທົບກັບການສະຫລຸບຖອດຖອນບົດຮຽນ ຈາກພຶດຕິກຳ ຂອງປະເທດຊາດ ເຮົາຢ່າງເປັນປົກກະຕິ ບູລະນະແນວທາງຢ່າງບໍ່ຢຸດຢັ້ງ ກໍ່ຄືໃຫ້ທິດຊີ້ນຳ ການເຄື່ອນໄຫວນຳພາຕົວຈິງຂອງພັກ. ໃນການຄົ້ນຄວ້າທິດສະດີ-ພຶດຕິກຳຂອງພັກນັ້ນພວກເຮົາຕ້ອງສຸມໃສ່ບັນຫາທີ່ພົວພັນເຖິງພື້ນຖານທິດສະດີກ່ຽວກັບເສັ້ນທາງ ແລະບາດ ກ້າວເດີນໃນການບູລະນະລະບອບປະຊາທິປະໄຕ ປະຊາຊົນ, ສ້າງບັນ ດາ ປະຖົມປັດໄຈ ເພື່ອກ້າວຂຶ້ນສັງ ຄົມນິຍົມ ເທື່ອລະກ້າວຢູ່ປະເທດເຮົາ ພ້ອມກັນນັ້ນກໍຄົ້ນຄວ້າທີ່ຈະປະ ກອບເປັນພື້ນຖານທາງດ້ານທິດສະດີທີ່ໜັກແໜ້ນໃຫ້ແກ່ແນວທາງ ແຜນນະໂຍບາຍຂອງພັກ ກໍຄືການຮັກສາທາດແທ້ຊົນຊັ້ນ,ເສີມຂະຫຍາຍລັກ ສະນະນຳຫນ້າ ແລະຈິດໃຈຮັບໃຊ້ຊາດ, ຮັບໃຊ້ຜົນປະໂຫຍດຂອງປະຊາຊົນ ໃນເງື່ອນໄຂພັກກຳອຳນາດແລະປະຕິບັດກົນໄກຕະຫລາດ. ເມື່ອເປັນເຊັ່ນນັ້ນພວກເຮົາຈະໄດ້ດຳເນີນການຈັດວາງໂດຍການຄົ້ນຄວ້າທິດສະດີ-ພຶດຕິກຳຄືນໃຫມ່, ປະກອບພະນັກງານ ທີ່ມີຄວາມຮູ້ຄວາມສາມາດທຽບທັນກັບຄວາມຮຽກຮ້ອງຕ້ອງ ການຕົວຈິງຂອງວຽກງານ,ພ້ອມກັນນັ້ນກໍ່ຕ້ອງຍົກລະດັບອົງການຄົ້ນ ຄວ້າທິດສະດີ ແລະພຶດຕິກຳຂຶ້ນຕື່ມເພື່ອໃຫ້ສາມາດຄຸ້ມຄອງ-ຊີ້ນຳ ວຽກງານດັ່ງກ່າວຢ່າງລວມສູນ ແລະປະ ຕິບັດໂຄງການຄົ້ນຄວ້າຕ່າງໆໃຫ້ໄດ້ ດີກວ່າເກົ່າ. ຄຽງຄູ່ກັບການຄົ້ນຄວ້າທິດສະດີ-ພຶດຕິກຳນັ້ນພວກເຮົາຕ້ອງໃຫ້ຄວາມສຳຄັນແກ່ການປັບປຸງ ເນື້ອໃນ ແລະ ວິທີດຳເນີນວຽກງານສຶກ ສາອົບຮົມການເມືອງ-ແນວຄິດ ຕາມທິດສະດີເຮັດໃຫ້ເນື້ອໃນຕິດພັນກັບການອະທິບາຍແລະ ແກ້ໄຂບັນຫາທີ່ເກີດຂຶ້ນໃນຂະບວນວິວັດແຫ່ງການເຄື່ອນໄຫວນຳພາຂອງພັກ, ສາມາດນຳພາສະພາບແນວຄິດຂອງສັງຄົມ; ຕັ້ງຫນ້າດັດແປງແກ້ໄຂລັກສະນະຮູບການ, ແຫ້ງກະແດ້ງ, ຜີວເຜີນໃນການເຮັດວຽກງານການເມືອງ-ແນວຄິດ; ເອົາໃຈໃສ່ເຮັດວຽກງານສຶກສາອົບຮົມ ນຳພາແນວຄິດໃຫ້ເປັນປະຈຳປົກກະຕິ,ສົມທົບວຽກງານການເມືອງ-ແນວຄິດກັບການສ້າງພັກ, ພະນັກງານ ແລະ ວຽກງານພັດທະນາເສດຖະກິດ, ປະສານສົມ ທົບການສ້າງອັນໃຫມ່ທີ່ກ້າວຫນ້າໄປພ້ອມກັບການຕ້ານອັນຫຼ້າຫຼັງ, ປະຕິການໂດຍຖືເອົາການສ້າງເປັນອັນຕົ້ນຕໍ. ໃນປະຈຸບັນນີ້, ພວກເຮົາຕ້ອງເອົາໃຈໃສ່ເປັນພິເສດຕໍ່ການສະ ກັດກັ້ນ ແລະ ຕ້ານກັບການເສື່ອມ ຖອຍທາງດ້ານຫລັກໝັ້ນທັດສະນະກໍ່ຄືຄຸນສົມບັດ ແລະ ແບບແຜນດຳລົງຊີວິດ; ເດັດດ່ຽວປົກ ປ້ອງທິດສະດີມາກ-ເລນິນ ແລະ ແນວທາງນະໂຍ ບາຍຂອງພັກ, ເປັນເຈົ້າການຕອບຕ້ານ ແລະ ຕີຖອຍ ກະແສແນວຄິດທີ່ຜິດເຂວ ແລະກົມອຸບາຍຂອງພວກອິດທິກຳລັງປະຕິການ ຈັກກະພັດ ທີ່ແນໃສ່ປັ່ນປ່ວນມ້າງເພດ້ານແນວ ຄິດ ຢູ່ພາຍໃນຖັນແຖວຂອງພວກເຮົາ. ເພ່ື່ອຍົກສູງຄຸນນະພາບ ຂອງວຽກງານການເມືອງ-ແນວຄິດນີ້ ພວກເຮົາຍັງຕ້ອງຮີບຮ້ອນຕັ້ງຫນ້າກວດແກ້ ແລະ ປັບປຸງຄືນຕື່ມກ່ຽວກັບຫລັກສູດ,ເນື້ອໃນການຮຽນ, ການສອນທິດສະດີການເມືອງ-ແນວຄິດໃນລະບົບໂຮງຮຽນພັກ, ໂຮງ ຮຽນການປົກຄອງຂອງທົ່ວປະເທດ, ສືບຕໍ່ປັບປຸງປື້ມຫລັກສຸດວິຊາການເມືອງ ສັງຄົມ ຢູ່ໃນໂຮງຮຽນຊັ້ນຕ່າງໆໃຫ້ແທດກັບຕົວຈິງ ແລະ ຫັນໃຫ້ມັນເປັນວິຊາບັງຄັບໃຫ້ທຸກລະ ບົບໂຮງຮຽນ,ລວມທັງໂຮງຮຽນເອ ກະຊົນ.ພ້ອມກັນນັ້ນກໍ່ຕ້ອງເອົາໃຈໃສ່ບຳລຸງສ້າງຖັນແຖວຄູອາຈານ ສອນວິຊາການເມືອງໃຫ້ມີຄຸນນະ ພາບດີກວ່າເກົ່າ. ດ້ານຫນຶ່ງອີກທີ່ຈຳເປັນ ແລະຂາດບໍ່ໄດ້ແມ່ນຕ້ອງປັບປຸງຍົກລະ ດັບຄຸນນະພາບຂອງບັນດາອົງການທີ່ເຮັດວຽກງານການເມືອງ-ແນວຄິດ, ໃນນີ້ຕ້ອງເອົາໃຈໃສ່ສ້າງ ແລະສັບຊ້ອນ ພະນັກງານໃຫ້ມີຈຳນວນພຽງພໍກັບຄວາມຕ້ອງການ ເປັນຕົ້ນແມ່ນນັກຄົ້ນຄວ້າ-ສັງລວມ, ນັກໂຄ ສະນາປາຖະກະຖາ ແລະຖັນແຖວຄູອາຈານທີ່ມີຄຸນນະພາບ,ພ້ອມກັນນັ້ນ ກໍ່ປັບປຸງກົງຈັກການຈັດຕັ້ງ ໃຫ້ແທດເຫມາະກັບຄວາມຮຽກຮ້ອງຕ້ອງ ການໃນໄລຍະໃຫມ່, ໂດຍໃຫ້ຄວາມສຳຄັນແກ່ການປະກອບພາຫະນະແລະວັດຖຸເຕັກນິກອັນຈຳເປັນໃຫ້ແກ່ຂົງເຂດວຽກງານນີ້. ຄະນະພັກຂັ້ນຕ່າງໆ ຕ້ອງເພີ່ມທະວີການຊີ້ນຳ-ນຳພາວຽກງານການເມືອງ-ແນວຄິດ ແລະຫັນເອົາວຽກງານນີ້ເປັນແຜນການໂຄງການແລະ ສອດຫ້ອຍເຂົ້າໃນທຸກຂົງເຂດວຽກງານ./.
ລະນຶກເຖິງເຫດການປະຫວັດສາດ ຜູ້ນຳອອກຈາກຄຸກໂພນເຄັງ
*ເມື່ອເບິ່ງຄືນຂະບວນການຕໍ່ສູ້ກູ້ຊາດຕ້ານການຮຸກຮານຂອງຈັກກະພັດຝຣັ່ງທີ່ກຳເນີດຂຶ້ນ ແຕ່ປີ 1945 ນັ້ນ ໄດ້ສິ້ນສຸດລົງດ້ວຍການເຊັນສັນຍາເຊີແນວ ປີ 1954 ທີ່ຮັບຮູ້ຄວາມເປັນເອກະລາດຂອງສາມຊາດລາວ, ຫວຽດນາມ ແລະ ກຳປູເຈຍ. ສັນຍາດັ່ງກ່າວຍັງຮັບຮູ້ບັນດາຫນ່ວຍສູ້ຮົບຂອງຝ່າຍປະເທດລາວ ທີ່ໄດ້ກຳນົດໃຫ້ເຕົ້າໂຮມຢູ່ແຂວງຫົວພັນ ແລະ ແຂວງຜົ້ງສາລີ ເພື່ອລໍຖ້າການປະຕິບັດແຜນ ການສ້າງຄວາມຖືກຕ້ອງປອງດອງຊາດ. ພໍແຕ່ສົງຄາມຮຸກຮານອິນດູຈີນໄດ້ຖືກປະລາໄຊລົງ, ສະຖານະການທາງການເມືອງກໍ່ໄດ້ມີການປ່ຽນແປງຢ່າງສັບສົນທີ່ລັດທິລ່າເມືອງຂຶ້ນແບບເກົ່າຂອງ ຝຣັ່ງໄດ້ຖືກປັດເຂ່ຍອອກຈາກລາວ ແລະ ລັດທິລ່າເມືອງຂຶ້ນແບບໃຫມ່ຂອງອາເມລິກາໄດ້ເຂົ້າມາແທນ ດ້ວຍເຈດຈຳນົງທີ່ຈະເອົາລາວເປັນເມືອງຂຶ້ນແບບໃຫມ່ຂອງພວກເຂົາ. ເມື່ອປະເຊີນຫນ້າກັບ ສະພາບການຄືແນວນັ້ນການປະຕິບັດແຜນນະໂຍບາຍສ້າງຄວາມຖືກຕ້ອງ ປອງດອງຊາດກໍ່ເກີດມີຄວາມສັບສົນທີ່ການນຳຈະຕ້ອງໄດ້ເຊີດຊູສະຕິລະວັງຕົວຕໍ່ກົນອຸບາຍຂອງ ພວກລ່າເມືອງຂຶ້ນແບບໃຫມ່, ທັງເປັນເຈົ້າການເຈລະຈາກັບລັດຖະບານລາຊະອານາຈັກພາຍໃຕ້ຄຳຂວັນ: ສັນຕິພາບ, ເອກະລາດ, ເອກະພາບ, ປະຊາທິປະໄຕ ແລະ ວັດທະນາຖາວອນ ທີ່ເປັນຄຳຂວັນຍຸດທະສາດ ແລະຍຸດໂທບາຍ ເພື່ອເຕົ້າໂຮມທຸກຊັ້ນຄົນເຂົ້າເປັນກຳລັງຮັກຊາດ , ອັນໄດ້ສົ່ງຜົນສະທ້ອນເຂົ້າໃນຖັນແຖວ ຂອງອຳນາດການປົກຄອງ ວຽງຈັນທີ່ເກີດມີການຜັນແຍກນັບມື້ນັບເລິກເຊິ່ງ. ຈຸດທີ່ພົ້ນເດັ່ນກໍ່ແມ່ນພັກສັນຕິພາບ ເປັນກາງຂອງທ່ານ ກິນິມ ພົມເສນາ ໄດ້ຮ່ວມສຳພັນກັບແນວລາວຮັກຊາດ, ການເຈລະຈາ ເພື່ອປະຕິບັດຄວາມຖືກຕ້ອງປອງ ດອງຊາດໄດ້ດຳເນີນມາຮອດຕົ້ນປີ 1958 ຈຶ່ງຕົກລົງ ເປີດການເລືອກຕັ້ງເພີ່ມເຕີມທີ່ມີຕົວແທນຂອງແນວລາວຮັກຊາດ 11 ທ່ານ ແລະ ຂອງ ພັກສັນຕິພາບເປັນກາງ 4 ທ່ານ. ການໂຄສະນາໃນບັ້ນເລືອກຕັ້ງໄດ້ເປັນໂອກາດໃຫ້ແນວ ລາວຮັກຊາດເຊີດຊູບົດບາດອິດທິພົນໃນທົ່ວປະເທດ ເຊິ່ງເຮັດໃຫ້ ຜຸຍ ຊະນະນິກອນ ແລະ ລູກມືຕ້ອງໃຊ້ທຸກການກະທຳຢ່າງເປີດແປນເພື່ອປັດເຂ່ຍກຳລັງແນວລາວຮັກຊາດ ແລະ ກຳລັງເປັນກາງ. ພວກເຂົາໃຊ້ທັງອຳນາດ ແລະ ໃຊ້ທຸກກຳລັງນາບຂູ່ບໍ່ໃຫ້ປະຊາຊົນ ປ່ອນບັດເອົາກຳລັງຮັກຊາດ ແລະ ກຳລັງເປັນກາງ ທັງປ່ຽນຫີບບັດຈົນເຮັດໃຫ້ຜູ້ແທນ ຂອງແນວລາວຮັກຊາດ 2 ທ່ານບໍ່ໄດ້ຄະແນນສຽງ, ແຕ່ພວກເຂົາພັດບໍ່ສາມາດສະກັດ ກັ້ນການເຕີບໃຫຍ່ຂະຫຍາຍຕົວຂອງກຳລັງປະຕິວັດ. ເພື່ອປະຕິບັດເຈດຕະນາອັນມືດເມົາຂອງພວກເຂົາພໍແຕ່ການເລືອກຕັ້ງໄດ້ສິ້ນສຸດລົງ; ຜຸຍ ຊະນະນິກອນ ກໍ່ໃຊ້ຕີນມືລົງຄະແນນສຽງຢູ່ໃນສະພາຜູ້ແທນລາສະດອນ ເພື່ອມອບ ສິດພິເສດໃຫ້ຕົວເຂົາເອງ. ເລີ່ມແຕ່ນັ້ນມາການຕໍ່ສູ້ລະຫວ່າງເຮົາກັບສັດຕູ ເພື່ອປະຕິບັດ ສັນຍາລວມລາວໄດ້ກ້າວເຂົ້າສູ່ຄວາມສັບສົນໃຫມ່. ເວລານັ້ນຄະນະບໍລິຫານງານ ສູນກາງພັກທີ່ຍັງເຕົ້າໂຮມຢູ່ວຽງຈັນກໍ່ໄດ້ເປີດປະຊຸມພ້ອມກັນຄາດຄະເນວ່າສະ ຖານະການຍັງສືບຕໍ່ຜັນແປໄປຢ່າງສັບສົນ, ອາເມລິກາໄດ້ໃຊ້ລູກມືລົບລ້າງສັນ ຍາລວມລາວຢ່າງເປີດແປນ. ກອງປະຊຸມໄດ້ປຸກລະດົມຈິດໃຈປະຕິວັດ ເພື່ອຕັດ ສິນໃຈປົກປັກຮັກສາສັນຍາເຊີແນວ ແລະ ພ້ອມກັນນັ້ນ ກໍ່ໄດ້ຄາດຄະເນເຖິງຄວາມ ໂຫດຮ້າຍ ຊຶ່ງສັດຕູອາດຈະຈັບບັນດາສະຫາຍຢູ່ໃນສະພາ ແລະ ໃນລັດຖະບານ. ສຸດທ້າຍກອງປະຊຸມໄດ້ຕົກລົງໃຫ້ພາກສ່ວນທີ່ຖືກຕ້ອງຕາມກົດໝາຍດຳເນີນການ ຕໍ່ສູ້ ແລະ ມອບໃຫ້ສະຫາຍ ຫນູຮັກ ພູມສະຫວັນ ເປັນເລຂາຂອງພາກສ່ວນການ ນຳທີ່ເຂົ້າຮ່ວມ, ສະຫາຍ ໄກສອນ ພົມວິຫານ ແລະ ສະຫາຍ ຄຳໄຕ ສິພັນດອນ ທີ່ບໍ່ມີຖານະຖືກກົດຫມາຍຈະຖອນອອກໄປເຂດປົດປ່ອຍ ເພື່ອນຳພາການຕໍ່ສູ້. ຜ່ານເຫດການຕົວຈິງທີ່ເກີດຂຶ້ນກໍ່ຈະແຈ້ງວ່າການກະທຳປະຕິການຂອງ ຜຸຍ ຊະນະນິກອນ ທີ່ມ້າງສັນຍາລວມລາວໄດ້ຜັນແປໄປຕາມທິດທີ່ຄາດຄະເນ, ຕົວຈິງທີ່ສະແດງອອກນັບຕັ້ງແຕ່ໄດ້ຮັບສິດທິພິເສດຈາກສະພາຜູ້ແທນລາ ສະດອນ; ຜຸຍ ຊະນະນິກອນ ໄດ້ອີງໃສ່ທຸກພາຫະນະເປັນເຄື່ອງມືປະຕິບັດ ແຜນການປາບປາມແນວລາວຮັກຊາດ, ໃຊ້ອຳນາດບັງຄັບໃຫ້ຄົນແນວລາວ ຮັກຊາດທີ່ກັບເມືອທ້ອງຖິ່ນຂຽນໃບລາອອກຈາກເປັນສະມາຊິກແນວລາວ ຮັກຊາດແລ້ວປະກາດທາງວິທະຍຸທຸກມື້, ໄປພ້ອມກັບການຈັບກຸມ ແລະ ລອບຄາດຕະກຳຜູ້ທີ່ຮ່ວມມືກັບແນວລາວຮັກຊາດຢູ່ຕາມທ້ອງຖິ່ນ. ສິ່ງທີ່ຮ້າຍແຮງໄປກວ່ານັ້ນແມ່ນພວກເຂົາໄດ້ກ້າວຂຶ້ນປະຕິບັດແຜນ ການລົບລ້າງກຳລັງປະກອບອາວຸດຂອງແນວລາວ ຮັກຊາດ. ຫລັກຖານທີ່ຢັ້ງຢືນກໍ່ແມ່ນວັນທີ 9/5/1959 ສອງມື້ກ່ອນອັນທີ່ເອີ້ນວ່າ: “ ບຸນລັດຖະທຳມະນູນ” ທີ່ພວກເຂົາຈັດຕັ້ງໃນວັນທີ 11/5/1959 ກໍ່ແມ່ນກະໂຕ ພູມີ ຫນໍ່ສະຫວັນ ໄດ້ນຳເອົາແຜນການມອບ ກອງພັນທີ 2 ໃຫ້ເຂົ້າຊັ້ນຂອງກອງທັບແຫ່ງຊາດໄປສະເຫນີໃຫ້ສະຫາຍ ຫນູຮັກ ພູມສະຫວັນ ເຊັນຮັບຮູ້, ແຕ່ສະຫາຍ ຫນູຮັກ ພູມສະຫວັນ ໄດ້ປະຕິເສດຢ່າງຂາດຕົວ ແລະ ໃຫ້ເຫດຜົນວ່າຕາບ ດທີ່ສັນຍາລວມລາວຍັງບໍ່ທັນໄດ້ປະຕິບັດຢ່າງຄົບຖ້ວນນັ້ນແນວລາວຮັກຊາດຍັງບໍ່ສາມາດ ຈະມອບກອງພັນທີ 2 ໃຫ້ຮັບເອົາຊັ້ນຕຳແຫນ່ງຂອງກອງທັບແຫ່ງຊາດ. ເມື່ອໄດ້ຮັບຄຳຕອບ ຢ່າງຂາດຕົວຂອງສະຫາຍ ຫນູຮັກ ພູມສະຫວັນ ຄືແນວນັ້ນແລ້ວ ພວກເຂົາກໍ່ໄດ້ສົ່ງນາຍທະ ຫານຖືເອົາແຜນການໄປພົບຜູ້ບັນຊາການກອງພັນທີ 2 ຊຶ່ງແມ່ນ ສະຫາຍ ທອງສະຫວັດ ໄຂຄຳພິທູນ ເປັນເລຂາຄະນະພັກຂອງກອງພັນທີ 2 ທັງເປັນພະນັກງານການເມືອງເພື່ອ ໃຫ້ເຊັນຊື່ໃສ່ແຜນການແຕ່ສະຫາຍ ທອງສະຫວັດ ໄຂຄຳພິທູນ ໄດ້ປະຕິເສດຢ່າງຂາດຕົວໂດຍ ໃຫ້ເຫດຜົນວ່າການຮັບເອົາຊັ້ນຂອງກອງທັບແຫ່ງຊາດຕ້ອງໄດ້ຮັບການຕົກລົງຂອງຂັ້ນເທິງ. ເມື່ອ ສະຫາຍ ທອງສະຫວັດ ໄຂຄຳພິທູນ ປະຕິເສດຄືແນວນັ້ນມາໃນວັນທີ 10 ພວກເຂົາໄດ້ເອົາເຮືອບິນ ໄປນຳເອົາ ສະຫາຍ ທອງສະຫວັດ ໄຂຄຳພິທູນ ມາວຽງຈັນ ເພື່ອພົບ ສະຫາຍ ຫນູຮັກ ພູມສະຫວັນ, ແຕ່ສະຫາຍ ຫນູຮັກ ພູມສະຫວັນ ໄດ້ຊີ້ບອກວ່າ: ແຜນການຮັບເອົາຊັ້ນຕຳແຫນ່ງຂອງກອງທັບແຫ່ງຊາດ ມັນແມ່ນເຈດຕະນາຈະລົບລ້າງກຳລັງທະຫານຂອງພວກເຮົາ ແລະ ສັ່ງບໍ່ໃຫ້ປະຕິບັດຢ່າງເດັດຂາດ, ຕ້ອງປົກປັກຮັກສາກຳລັງປະກອບອາວຸດຢ່າງຂາດຕົວ, ໃນກໍລະນີຖືກສັດຕູບຸກຕີ ຫລື ກໍ່ເຫດອັນໃດອັນ ຫນຶ່ງຂຶ້ນກໍ່ຕ້ອງຕັດສິນໃຈຕໍ່ສູ້ປ້ອງກັນຕົວແລ້ວຖອນເມືອຖານທີ່ຫມັ້ນ. ເມື່ອສະຫາຍ ທອງສະຫວັດ ໄຂຄຳພິທູນ ກັບເມືອທົ່ງໄຫຫີນ ແລະ ຕອບເຂົາຢ່າງຂາດຕົວແລ້ວ, ມາໃນຕອນເຊົ້າວັນທີ 11 ທີ່ເປັນມື້ສະຫລອງລັດຖະທຳມະນູນກໍ່ເປັນມື້ທີ່ ຜຸຍ ຊະນະນິກອນ ສັ່ງໃຫ້ຕຳຫລວດ ໄປປິດລ້ອມບັນ ດາຜູ້ນຳຂອງ ແນວລາວຮັກຊາດຢູ່ເຮືອນຂອງໃຜລາວ. ຕໍ່ມາບໍ່ເທົ່າໃດມື້ພວກເຂົາກໍ່ໃຊ້ ກຳລັງທະຫານ ໄປປິດລ້ອມ ກອງພັນທີ 2 ຊຶ່ງສະຫາຍ ທອງສະຫວັດ ໄຂຄຳພິທູນ ພ້ອມທັງຄະນະບັນຊາໄດ້ຕັດສິນ ໃຈບັນຊາກອງພັນທີ 2 ຜ່າວົງປິດລ້ອມຂອງສັດຕູກັບເມືອຖານທີ່ຫມັ້ນຢ່າງປອດໄພ. ມາເຖິງວັນທີ 16/5/ 1959 ; ຜຸຍ ຊະນະນິກອນໄດ້ໃຊ້ສານ ອອກຄຳສັ່ງຈັບບັນດາຜູ້ນຳໄປຂັງຄຸກຢູ່ໂພນເຄັງ. ການປະກາດຄຳສັ່ງຈັບຕົວຜູ້ນຳແນວລາວຮັກຊາດ ໄດ້ສົ່ງສຽງດັງເທົ່າກັບລະເບີດແຕກໃນທົ່ວປະເທດ, ປຸກລະດົມນ້ຳໃຈຄຽດແຄ້ນຂອງປະຊາຊົນ ທຸກຊັ້ນຄົນ ແລະ ທຸກຊົນເຜົ່າໃຫ້ລຸກຂຶ້ນຕ້ານການກະທຳ ປະຕິການຂອງພວກເຂົາ ກະທັ້ງເຖິງພະສົງອົງຄະເຈົ້າທີ່ຢູ່ໃນສິນກິນໃນທຳກໍ່ສະແດງຄວາມຄຽດແຄ້ນ ຕໍ່ການກະທຳດັ່ງກ່າວ. ເລີ່ມແຕ່ມື້ຖືກຈັບເຂົ້າຄຸກໂພນເຄັງກໍ່ແມ່ນຈຸດເວລາເຂົ້າສູ່ໄລຍະເຊີດຊູນ້ຳໃຈຕໍ່ສູ້ປະຕິວັດຢ່າງເດັດຂາດ ຂອງບັນດາຜູ້ນຳພັກປະຊາຊົນ ປະຕິວັດລາວ. ຕາມຂ້າພະເຈົ້າຍັງຈື່ຈຳວ່າເລີ່ມແຕ່ມື້ເຂົ້າຄຸກທີ່ສະຫາຍ ຫນູຮັກ ພູມສະຫວັນໄດ້ກຳແໜ້ນຖັນແຖວຜູ້ນຳ ແລະ ພະນັກງານທັງໝົດ, ຈັດຕັ້ງເປັນຈຸລຸລົ່ງແນວຄິດ, ປຸກລະດົມນ້ຳໃຈປະຕິວັດສຸດກົກສຸດປາຍ ແລະ ເດັດຂາດບໍ່ຍອມຈຳນົນສັດຕູໄດ້ຕິດແທດສຳຫລວດ ກວດກາເປັນປະຈຳ ເຊິ່ງຂ້າພະເຈົ້າເປັນຜູ້ຫນຶ່ງທີ່ນອນຢູ່ໃນຄຸກກໍ່ໄດ້ຊາບຊຶມທີ່ສຸດຕໍ່ການປຸກລະດົມນ້ຳ ໃຈເດັດດ່ຽວຫນຽວແໜ້ນໄດ້ເຮັດໃຫ້ບັນດາຜູ້ນ້ຳ ແລະ ພະນັກງານ. ທັງໝົດມີຄວາມສາມັກຄີເປັນເອກະພາບ ຢ່າງໜັກແໜ້ນ. ພາຍຫລັງທີ່ໄດ້ຈັບຜູ້ນ້ຳເຂົ້າຄຸກສອງມື້ຕໍ່ມາ ຜຸຍ ຊະນະນິກອນໄດ້ໃຊ້ສານໄປສືບສວນ ໂດຍໃຊ້ຂໍ້ກ່າວຫາວ່າຝ່າຍປະເທດລາວເປັນຜູ້ຊຸກເຊື່ອງອາວຸດ ຊຶ່ງພວກເຂົາໄດ້ສຸມຂໍ້ຊັກຖາມເຂົ້າໃສ່ ສະຫາຍ ຫນູຮັກ ພູມສະຫວັນ, ແຕ່ສະຫາຍໄດ້ຕອບພວກເຂົາວ່າຝ່າຍປະເທດລາວເປັນຝ່າຍຫນຶ່ງ ຂອງສັນຍາລວມລາວທີ່ໄດ້ປະຕິບັດສັນຍາຢ່າງເຂັ້ມງວດ ແລະ ທັງໄດ້ຕ້ານກັບຄຳກ່າວຫາ “ ແນວລາວຮັກຊາດເປັນຜູ້ຊຸກເຊື່ອງອາວຸດ” ເຊິ່ງສະຫາຍ ຫນູຮັກ ພູມສະຫວັນ ໄດ້ຕອບໂຕ້ຢ່າງຂາດ ຕົວວ່າຄຳກ່າວຫານັ້ນມັນຕັ້ງແມ່ນເລື່ອງເສກສັນປັ້ນແຕ່ງທີ່ໄຮ້ຄວາມຈິງ ແລະ ທັງກ່າວປະນາມວ່າ: ເຫດການທັງໝົດທີ່ເກີດຂຶ້ນນັ້ນກໍ່ລ້ວນແຕ່ມາຈາກການກະທຳຂອງ ຜຸຍ ຊະນະນິກອນ ນັ້ນເອງທ ີ່ເປັນຜູ້ມ້າງສັນຍາເຊີແນວ, ມ້າງສັນຍາລວມລາວ, ມ້າງຄວາມຖືກຕ້ອງປອງດອງ ແລະ ອີງໃສ່ການ ກະທຳຕົວຈິງກໍ່ແມ່ນ ຜຸຍ ຊະນະນິກອນ ຕ້ອງເປັນຜູ້ຮັບຜິດຊອບຕໍ່ຜົນຮ້າຍທີ່ເກີດຂຶ້ນທັງໝົດນັ້ນ ແຕ່ຜູ້ດຽວ. ມາຮອດຫັ້ນຄຳຊັກຖາມກໍ່ສິ້ນສຸດລົງ. ຫລັງຈາກສະຫາຍ ໜູຮັກ ພູມສະຫວັນໄດ້ເຜີຍແບ ໃບໜ້າປະຕິການຂອງ ຜຸຍ ຊະນະນິກອນແລ້ວພວກເຂົາກໍ່ບໍ່ໄດ້ຖາມຜູ້ອື່ນ, ນັ້ນເປັນອັນຈະແຈ້ງວ່າບັນດາ ຜູ້ນຳໄດ້ໃຊ້ຄຸກເປັນເວທີຕໍ່ສູ້ຕ້ານກັບສັດຕູ ແລະ ນຳເອົາສະພາບການຕໍ່ສູ້ຢູ່ໃນຄຸກອອກສົມທົບກັບ ຂະບວນການຕໍ່ສູ້ຂອງປະຊາຊົນໂດຍແມ່ນ ນາງ ຄຳແພງ ບຸບຜາ ເປັນຜູ້ນຳເອົາເອກະສານເຂົ້າ- ອອກຕະຫລອດເວລາຂອງຊີວິດແຫ່ງການຕໍ່ສູ້ຢ່າງສຸດກົກສຸດປາຍຂອງບັນດາຜູ້ນຳຢູ່ໃນຄຸກໂພງເຄັງ ຍັງແມ່ນຄວາມເອົາໃຈໃສ່ຂົນຂວາຍອະທິບາຍ, ຊວນເຊື່ອສາລະວັດທະຫານ ແຕ່ລະຄົນໃຫ້ຫລຸດພົ້ນ ອອກຈາກແນວຄິດປໍລະປັກທີ່ສັດຕູໄດ້ອົບຮົມ ແລະ ແຕ່ງຕັ້ງໃຫ້ມາຍາມຄຸກຈົນກາຍເປັນຜູ້ຮັກຊາດ, ໄຂປະຕູຄຸກພາຜູ້ນຳໂຕນອອກ. ອັນນີ້ມັນແມ່ນບັນຫາເປັນຕາຍ ຊຶ່ງສະຫາຍ ຫນູຮັກ ພູມສະຫວັນ ໄດ້ ໃຊ້ເວລາອະທິບາຍຊວນເຊື່ອແຕ່ລະຄົນ ແລະ ທັງຮັບປະກັນຄວາມລັບຕັ້ງແຕ່ມື້ເຂົ້າຄຸກຈົນຮອດມື້ໂຕນ ອອກຈາກຄຸກ, ໃນທີ່ສຸດກໍ່ຍ້ອນກຳແໜ້ນສາລະວັດທະຫານແຕ່ລະຄົນຈຶ່ງຕົກລົງເວລາໂຕນອອກຈາກຄຸກ ຕົວຈິງ ຊຶ່ງສະຫາຍ ຊຽງສົມ ກຸນລາວົງໄດ້ນຳເອົາຈົດຫມາຍ ຂອງສະຫາຍ ສາລີ ວົງຄຳຊາວ ໄປມອບໃຫ້ ສະຫາຍ ຫນູຮັກ ພູມສະຫວັນ ໃນຄືນວັນທີ 25/5/1960 ເວລາ 12ໂມງກາງຄືນແມ່ນສາລະວັດທະຫານ ທັງໝົດໄດ້ພ້ອມກັນຕັດສິນໃຈໄຂປະຕູຄຸກໃຫ້ຜູ້ນຳອອກຈາກຄຸກຢ່າງປອດໄພ. ໃນຄືນນັ້ນພໍດີໄປຮອດ ດົງປ່າເລົ່າບ້ານ ນາຄູນນ້ອຍທີ່ເປັນບ່ອນລີ້ຊ້ອນໂດຍແມ່ນສະຫາຍ ຄຳພິມ ແລະ ສະຫາຍ ຄຳຜົນ ບຸດດາຄຳ ເອົາກຳລັງຫນຶ່ງຫມວດໄປປົກປັກຮັກສາຄວາມປອດໄພ, ຕໍ່ມາແມ່ນຄືນວັນທີ 26 /5 /1960 , ໄດ້ພ້ອມກັນຂ້າມທາງເລກທີ 13 ຂຶ້ນໄປພົບ ສະຫາຍ ສາລີ ວົງຄຳຊາວ ຢູ່ພູພະນັງ. ການຈັດຕັ້ງໂຕນອອກຄຸກຂອງບັນດາຜູ້ນຳພັກປະຊາຊົນ ປະຕິວັດລາວ ໄດ້ກາຍເປັນສຽງລະຄັງ ປຸກ ລະດົມທຸກຊັ້ນຄົນ, ທຸກຊົນເຜົ່າໃນທົ່ວປະເທດໃຫ້ລຸກຂຶ້ນຕໍ່ສູ້ໂຄ່ນລົ້ມ ຜຸຍ ຊະນະນິກອນ ແລະ ພັກພວກຂອງພວກເຂົາ ຊຶ່ງໄດ້ສົ່ງຜົນກະທົບເຂົ້າພາຍໃນກອງທະຫານຂອງຝ່າຍວຽງຈັນເກີດຜັກແຍກ; ເຫດການທີ່ພົ້ນເດັ່ນກໍ່ແມ່ນກອງພັນທະຫານລາບອາກາດທີ 2 ລຸກຂຶ້ນເຮັດລັດຖະປະຫານໃນວັນທີ 9/8/1960 ໂຄ່ນລົ້ມລັດຖະບານ ຜຸຍ ຊະນະນິກອນ, ລູກມືອາເມລິກາ ແລະ ການໃຊ້ສິດພິເສດ ຂອງເຂົາກໍ່ຫມົດພ້ອມໆກັນແລ້ວ ຈັດຕັ້ງລັດຖະບານຊຸດໃຫມ່ຂຶ້ນໂດຍແມ່ນສະເດັດເຈົ້າ ສຸວັນນະພູມມາ ເປັນນາຍົກລັດຖະມົນຕີ ທີ່ປະກາດຮ່ວມມືກັບແນວລາວຮັກຊາດເພື່ອສ້າງຄວາມຖືກຕ້ອງປອງດອງຕາມ ສັນຍາເຊີແນວ. ໃນເວລານັ້ນບັນດາຜູ້ນຳຂອງພັກ ແລະ ພະນັກງານທັງໝົດທີ່ໂຕນອອກຈາກຄຸກຍັງພວມ ພັກຜ່ອນຢູ່ບ້ານຖ້ຳແກ້ວຂຶ້ນກັບເມືອງກາສີ, ແຂວງວຽງຈັນ ເພື່ອເອົາແຮງກຽມຕົວຈະກັບເມືອເຂດປົດປ່ອຍ ກໍ່ພໍດີຮັບໂທລະເລກຈາກສູນກາງພັກໃຫ້ ສະຫາຍ ຫນູຮັກ ພູມສະຫວັນ ເປັນເລຂາພາກສ່ວນການນຳກັບ ຄືນວຽງຈັນ ພ້ອມທັງສະຫາຍ ພູມີ ວົງວິຈິດ, ສະຫາຍ ພູນ ສີປະເສີດ, ສະຫາຍ ສີຊະນະ ສີສານ, ສະຫາຍ ສິງ ກະໂປ ສີໂຄດຈຸນລະມະນີ ແລະ ສະຫາຍ ເພົ້າ ພິມມະຈັນ, ສ່ວນ ສະຫາຍອື່ນໆ ໃຫ້ກຽມຕົວໄປເຂດປົດປ່ອຍ. ເມື່ອເບິ່ງເລິກ ເຊິ່ງຕະຫລອດຂະບວນວິວັດຂອງການຕໍ່ສູ້ລະຫວ່າງເຮົາກັບ ສັດຕູ ເພື່ອປະຕິບັດສັນຍາລວມລາວທີ່ໄດ້ຜ່ານຜ່າຄວາມຫຍຸ້ງຍາກ ແລະ ສັບສົນຕັ້ງແຕ່ປີ 1955 ຈົນຮອດປີ 1960 ແລ້ວຈຶ່ງຢືນຢັນວ່າການຕໍ່ສູ້ຢ່າງເດັດດ່ຽວຂອງບັນດາຜູ້ນຳພັກປະຊາຊົນ ປະຕິວັດລາວ ຢູ່ໃນຄຸກ ແລະ ການຈັດຕັ້ງໂຕນອອກຄຸກໂພນເຄັງ ເຖິງວ່າໄດ້້ຜ່ານເວລາພໍດີ 48 ປີແລ້ວກໍ່ຕາມ, ແຕ່ມັນພັດແມ່ນເຫດການການເມືອງທີ່ມີຄວາມຫມາຍປະຫວັດສາດຍາວນານ, ທັງເປັນປະໂຫຍດ ເພື່ອການອົບຮົມບົ່ມສອນແນວຄິດປະຕິວັດສຸດກົກສຸດປາຍຂອງບັນດາຜູ້ນຳພັກລຸ້ນກ່ອນໃຫ້ແກ່ ອະນຸຊົນລຸ້ນໃຫມ່ສືບທອດຕໍ່ໆກັນໄປໃນພາຍຫນ້າ.
ຫນ້າທີ່ສຳຄັນຕົ້ນຕໍແລະປັດໄຈພື້ນຖານແຫ່ງການ ດຳເນີນການກໍ່ສ້າງວຽກງານຮາກ ການເມືອງໃນໄລຍະໃຫມ່
*ວຽກງານກໍ່ສ້າງຮາກຖານການເມືອງແມ່ນມາດຕະການຍຸດທະສາດຂອງພັກ ເພື່ອນຳພາປະເທດຊາດກ້າວໄປສູ່ຄວາມ ສີວິໄລເທື່ອລະກ້າວ, ປົກປັກຮັກສາສະເຖຍລະພາບທາງດ້ານການເມືອງ ເຊິ່ງໃນນັ້ນພັກໄດ້ຢັ້ງຢືນວ່າ: “ໃນໄລຍະໃໝ່ ຂອງການປະຕິວັດຕ້ອງສືບຕໍ່ຫັນລົງກໍ່ ສ້າງຮາກຖານການເມືອງ ຕິດພັນກັບການພັດທະນາຊົນນະບົດຮອບ ດ້ານ, ສ້າງບ້ານ ແລະກຸ່ມບ້ານພັດທະ ນາໃຫ້ໜັກແໜ້ນເຂັ້ມແຂງຮອບດ້ານ ໂດຍສົມທົບແໜ້ນລະຫວ່າງການພັດທະນາເສດຖະກິດ-ສັງຄົມ, ການປ້ອງກັນຊາດ-ປ້ອງກັນຄວາມສະ ຫງົບ; ຖືເອົາການກໍ່ສ້າງຮາກຖານການເມືອງເປັນວຽກງານທີ່ຢືນຢູ່ແຖວໜ້າ ໂດຍສຸມໃສ່ກໍ່ສ້າງ ແລະ ປັບ ປຸງຮາກຖານພັກເປັນບັນຫາສຳຄັນ, ເອົາໝາກຜົນຂອງການກໍ່ສ້າງຮາກຖານການເມືອງ ພັດທະນາຊົນນະບົດ ຕິດພັນກັບການປັບປຸງກົງຈັກການ ຈັດຕັ້ງ ນັບແຕ່ຂັ້ນຮາກຖານຂຶ້ນ ມາ”. ອັນນີ້ແມ່ນທິດທາງໜ້າທີ່ຕົ້ນຕໍຂອງວຽກງານກໍ່ສ້າງຮາກຖານການເມືອງທີ່ພັກໄດ້ວາງອອກ ເພື່ອໃຫ້ສອດຄ່ອງກັບສະພາບ ຄວາມເປັນຈິງໃນໄລຍະໃໝ່ຂອງການປະຕິວັດ. ສະນັ້ນ, ທ່າມກາງສະພາບຄວາມເປັນຈິງໃນໄລຍະໃໝ່ຂອງການປະຕິ ວັດໄດ້ກາຍເປັນກາລະໂອກາດໃໝ່ທີ່ເອື້ອອຳນວຍ ຄວາມສະດວກ ໃຫ້ແກ່ການດຳເນີນວຽກງານຕ່າງໆ ເປັນ ຕົ້ນ: ການສືບຕໍ່ດຳເນີນວຽກງານກໍ່ ສ້າງຮາກຖານການເມືອງ ຕິດພັນ ກັບການພັດທະນາຊົນນະບົດຮອບດ້ານ, ການສ້າງບ້ານ ແລະກຸ່ມບ້ານພັດທະນາ ເຊິ່ງເປັນວຽກງານໜຶ່ງທີ່ມີຄວາມສຳຄັນ ເພື່ອກໍ່ສ້າງພື້ນຖານໃຫ້ມີຄວາມໜັກແໜ້ນເຂັ້ມແຂງເທື່ອລະກ້າວ. ຕ້ອງຖືເປັນບັນຫາສຳຄັນຕໍ່ກັບການດຳເນີນວຽກງານດັ່ງກ່າວ, ຕ້ອງເຮັດໃຫ້ວຽກງານດັ່ງສອດຫ້ອຍກັບວຽກງານອື່ນໆ ແລະຕ້ອງດຳເນີນວຽກງານດັ່ງກ່າວນີ້ເປັນປະ ຈຳ, ປົກກະຕິ, ຕໍ່ເນື່ອງອັນນີ້ແມ່ນຄວາມຈຳເປັນພາວະວິໄສ ທີ່ພວກເຮົາຕ້ອງສືບຕໍ່ເສີມຂະຫຍາຍຢ່າງມີລັກສະນະວິທະຍາສາດ. ຈາກທັດສະນະຄືດັ່ງນັ້ນ ໜ້າທີ່ ຕົ້ນຕໍສຳຄັນ ແລະປັດໄຈພື້ນຖານ ໃນ ການດຳເນີນວຽກງານກໍ່ສ້າງຮາກ ຖານການເມືອງ ຕ້ອງເຂົ້າໃຈ ແລະ ເຊື່ອມຊຶມຢ່າງຈະແຈ້ງກ່ຽວກັບ ການດຳເນີນວຽກງານດັ່ງກ່າວ, ຕ້ອງກຳໃຫ້ໄດ້ບັນດາບັນຫາ, ບັນດາ ວຽກງານ ແລະ ເນື້ອໃນຈຸດປະສົງ ລະດັບຄາດໝາຍຂອງການດຳເນີນ ວຽກງານກໍ່ສ້າງຮາກຖານການ ເມືອງເພື່ອເຮັດໃຫ້ວຽກງານດັ່ງ ກ່າວໄດ້ຮັບການຈັດຕັ້ງປະຕິບັດ ຢ່າງມີປະສິດທິພາບປະສິດທິຜົນ ແລະ ກໍດຳເນີນໄປຖືກທິດ. ກ່ຽວກັບໜ້າທີ່ສຳຄັນຕົ້ນຕໍແລະ ແລະປັດໄຈອັນເປັນພື້ນຖານໃນ ການດຳເນີນວຽກງານກໍ່ສ້າງຮາກ ຖານການເມືອງແມ່ນ ມີບັນຫາດັ່ງນີ້: ບັນຫາທີໜຶ່ງ: ຕ້ອງເອົາໃຈໃສ່ຕໍ່ ການເຊື່ອມຊຶມ ແລະ ຄວາມເຂົ້າໃຈ ແຈ້ງກ່ຽວກັບ ແນວທາງນະໂຍບາຍ ຂອງພັກກ່ຽວກັບ ວຽກງານກໍ່ສ້າງ ຮາກຖານການເມືອງ ເຊິ່ງໃນນັ້ນ ບັນ ດາແນວທາງ, ທິດທາງ ແລະ ນະໂຍ ບາຍຕ້ອງໄດ້ຮັບການເສີມຂະຫຍາຍ ຢ່າງມີຫົວຄິດປະດິດສ້າງ ແລະ ສອດ ຄ່ອງກັບໄລຍະຂອງການປະຕິວັດ. ຕ້ອງເຂົ້າໃຈແຈ້ງກ່ຽວກັບເນື້ອ ໃນ ຄວາມໝາຍສຳຄັນ ຂອງວຽກງານ ກໍ່ສ້າງຮາກຖານການເມືອງວ່າ ແມ່ນວຽກງານແນວໃດ, ຕ້ອງດຳ ເນີນດ້ວຍວິທີໃດ ແລະ ມີເປົ້າໝາຍ ຫຍັງ? ອັນນີ້ແມ່ນບັນຫາທຳ ອິດທີ່ ພວກເຮົາຄວນກຳໃຫ້ໄດ້ຢ່າງລະ ອຽດຖີ່ຖ້ວນ, ເພາະຫຍັງ? ເພາະວ່າ ການດຳເນີນການກໍ່ສ້າງຮາກຖານ ການເມືອງຖ້າຈະເວົ້າໃຫ້ຈະແຈ້ງ ແລ້ວກໍແມ່ນການກໍ່ສ້າງ ແລະ ການ ປັບປຸງລະບົບການເມືອງ ປະຊາທິ ປະໄຕ ປະຊາຊົນລາວ ໃຫ້ນັບມື້ນັບ ເຂັ້ມແຂງຮອບດ້ານ ໂດຍຕິດພັນກັບ ການພັດທະນາເສດຖະກິດ-ສັງຄົມ- ວັດທະນະທຳ ແລະວຽກງານປ້ອງ ກັນຊາດ- ປ້ອງກັນຄວາມສະຫງົບ ເຊິ່ງໃນນັ້ນ ແຕ່ລະວຽກງານຕ້ອງ ດຳເນີນໄປຢ່າງພາວະວິໄສ,ກົມກຽວ ແລະດຳເນີນ ໄປພ້ອມໆ ກັບການ ສ້າງບ້ານ ກຸ່ມບ້ານພັດທະນາ ເພື່ອ ເຮັດ ໃຫ້ບ້ານກາຍເປັນຕົວເມືອງນ້ອຍຢູ່ຊົນນະບົດ. ບັນຫາທີສອງ: ການກໍ່ສ້າງພະ ນັກງານທີ່ຈະຫັນລົງກໍ່ສ້າງຮາກຖານ ໃນບັນຫາດັ່ງກ່າວນີ້ແມ່ນປັດໄຈພື້ນ ຖານທີ່ເປັນບັນຫາສຳຄັນ ໃນການຈັດ ຕັ້ງປະຕິບັດວຽກງານກໍ່ສ້າງຮາກຖານເພາະວ່າ: ພະນັກງານແມ່ນປັດໄຈຕັດສິນຕໍ່ການເສີມຂະຫຍາຍວຽກງານ ແລະ ເປັນຜູ້ນຳເອົາແນວທາງນະໂຍບາຍຕ່າງໆລົງສູ່ຂອບເຂດວຽກງານຕ່າງໆ ເຊິ່ງໃນນັ້ນໜ້າທີ່ສຳຄັນຕົ້ນຕໍຂອງພວກເຮົາແມ່ນຕ້ອງ ເອົາໃຈໃສ່ຕໍ່ການກໍ່ສ້າງພະນັກງານ ເພື່ອຫັນເອົາພະນັກງານທີ່ມີຄຸນນະພາບ ລົງກໍ່ ສ້າງຮາກຖານພັດທະນາຊົນນະບົດ ຢ່າງເປັນລະບົບຕໍ່ເນື່ອງ. ໃນການກໍ່ ສ້າງພະນັກງານຕ້ອງມີລະບຽບແບບ ແຜນ ແລະ ມີຈຸດປະສົງເປົ້າໝາຍແນ່ ນອນ ແນໃສ່ສ້າງຜູ້ສືບທອດທີ່ດີ ເພື່ອນຳພາວຽກງານຕ່າງໆ ໂດຍສະເພາະແມ່ນການກໍ່ສ້າງຮາກຖານການເມືອງຕ້ອງເອົາ ໃຈໃສ່ຕໍ່ການກໍ່ສ້າງພະນັກງານກັບທີ່ ເພື່ອນຳພາປຸກລະ ດົມປະຊາເຮັດວຽກງານຕົວຈິງຢູ່ໃນຂັ້ນຮາກຖານ. ບັນຫາທີສາມ: ການຈັດຕັ້ງປະ ຕິບັດວຽກງານກໍ່ສ້າງຮາກຖານການເມືອງ, ກ່ຽວກັບບັນນີ້ແມ່ນມີຄວາມສຳຄັນ ເພາະວ່າການ ຈັດຕັ້ງ ປະຕິບັດບັນດາໜ້າທີ່ວຽກງານຕ່າງໆ ແມ່ນຂອດການດຳເນີນງານທີ່ສຳຄັນ ເພື່ອນຳເອົາທິດທາງໜ້າທີ່ຕ່າງໆ ເຂົ້າສູ່ຂອດການຈັດຕັ້ງປະຕິ ບັດຕົວຈິງ. ການຈັດຕັ້ງປະຕິບັດຕົວຈິງຕ້ອງຮັບປະກັນດ້ານທາດແທ້ແຫ່ງການນຳພາ, ຮັບປະກັນຜົນສຳເລັດ ແລະ ກໍ່ມີລັກສະນະຫລັກການລວມ. ມີການສະຫລຸບຖອດຖອນບົດ ຮຽນ, ມີການວາງມາດຕະການດຳເນີນງານ, ມີການຕີລາຄາ ແລະແກ້ໄຂຈຸດດີຈຸດອ່ອນຂໍ້ຄົງຄ້າງ ໃນການ ຈັດຕັ້ງປະຕິບັດ.
ຄະນະພັກເມືອງວັງວຽງ ເພີ້ມທະວີການຊີ້ນຳດ້ານວຽກງານ ອຸດສາຫະກຳ ການຄ້າ
*ໂດຍເຊື່ອມຊຶມເນື້ອໃນຈິດໃຈເອກະສານກອງປະຊຸມ ໃຫຍ່ງຄັ້ງທີ VIII ຂອງພັກ ປປລ ທີ່ວ່າ: “ສຸມໃສ່ການລົງທຶນ ເພື່ອສ້າງຕັ້ງ ແລະພັດ ທະນາການຜະລິດອຸດສາຫະກຳດ້ວຍເຕັກໂນໂລຊີຢູ່ເຂດທີ່ມີທ່າແຮງເຊັ່ນ: ແຂວງວຽງຈັນ, ສະຫວັນນະເຂດ, ຈຳປາສັກ, ຫລວງພະບາງ ພັດທະນາອຸດສາຫະກຳ ເພື່ອຮັບໃຊ້ປະຊາຊົນບັນດາເຜົ່າ ແລະເພື່ອຮັບໃຊ້ການປ້ອງກັນຊາດ-ປ້ອງກັນຄວາມສະ ຫງົບ, ກໍ່ສ້າງອຸດສາຫະ ກຳທັນສະໄຫມ ມີຄວາມອາດສາ ມາດແຂ່ງຂັນຂະຫນາດໃຫຍ່ຢູ່ສູນກາງ 3 ເຂດເສດ ຖະກິດຈຸດສຸມ ເພື່ອເປັນຫົວຈັກແກ່ດຶງ ອຸດສາຫະກຳອື່ນຂອງປະເທດໃຫ້ຂະຫຍາຍຕົວໄປຕາມ”. ເພື່ອແນໃສ່ເຮັດໃຫ້ເນື້ອໃນຈິດໃຈດັ່ງກ່າວກາຍເປັນການກະທຳເຂົ້າສູ່ຊີວິດຕົວຈິງ, ຄະນະພັກເມືອງ ວັງວຽງ ແຂວງວຽງຈັນຈຶ່ງໄດ້ເອົາ ໃຈໃສ່ສືບຕໍ່ຂະຫຍາຍ ແລະ ປັບປຸງວຽກງານອຸດສາຫະກຳ, ຫັດຖະກຳແລະການຄ້າ ລົງສູ່ຮາກຖານບ້ານຂອງປະຊາຊົນເຜົ່າຕ່າງໆດ້ວຍຄວາມຈິງ, ໂດຍມີການຊຸກຍູ້ສົ່ງເສີມຫົວຫນ່ວຍອຸດສາຫະກຳດຳເນີນການຜະລິດໃຫ້ເປັນປົກກະຕິ,ເປັນຕົ້ນແມ່ນໂຮງງານຊີມັງວັງວຽງ I ແລະໂຮງ ງານຊີມັງວັງວຽງ II, ໂຮງງານນ້ຳດື່ມ, ໂຮງສີເຂົ້າ, ໂຮງນ້ຳກ້ອນເພື່ອຕອບສະ ຫນອງໃຫ້ແກ່ສັງຄົມຢ່າງທົ່ວເຖິງ ເຊິ່ງສາມາດບັນລຸຕົວເລກຄາດ ຫມາຍ 7,7 ຕື້ກວ່າກີບ, ຊຸກຍູ້ການຜະລິດຂອງໂຮງຊ່າງຫັດຖະກຳ, ສີໄມ້ລາຍມືຂອງປະຊາຊົນເຜົ່າຕ່າງໆ, ການຜະລິດເຄື່ອງເຟີນີເຈີ, ຫັດຖະກຳຕ່ຳຫູກທໍ່ໄຫມ ການຫຍິບປັກຖັກແສ່ວ ຂອງເອື້ອຍນ້ອງແມ່ ຍິງ, ຫັດຖະກຳຈັກສານສາມາດບັນລຸຕົວເລກຄາດຫມາຍໄດ້ 1,3 ຕື້ ກວ່າກີບ ເພີ່ມຂຶ້ນ 40% ຖ້າສົມທຽບໃສ່ປີ 2006; ທົ່ວເມືອງວັງວຽງມີປະ ຊາຊົນໃຊ້ໄຟຟ້າ 52 ບ້ານ ເທົ່າກັບ 81,25% ຂອງຈຳນວນບ້ານທົ່ວເມືອງ. ຄຽງຄູ່ກັບວຽກງານອຸດສາ ຫະກຳ ແລະຫັດຖະກຳແລ້ວມາເບິ່ງວຽກງານການຄ້າກໍ່ເຫັນວ່າໄດ້ມີທວງທ່າຂະຫຍາຍຕົວເປັນຕົ້ນແມ່ນໄດ້ສ້າງຕັ້ງກຸ່ມເກັບ ຊື້ເຂົ້າໄດ້ 1 ກຸ່ມສາມາດຊື້ເຂົ້າໄດ້ 200 ໂຕນ, ຈຳນວນເຂົ້າດັ່ງກ່າວນັ້ນ ໄດ້ສົ່ງໃຫ້ກຳລັງປ້ອງກັນຊາດ 100 ໂຕນ ແລະ ຊ່ວຍເຫລືອປະຊາຊົນບາງເຜົ່າທີ່ບໍ່ທັນສາມາດກຸ້ມຕົນເອງ ຈຳ ນວນຫນຶ່ງ. ຈໍລະຈອນສິນ ຄ້າພາຍໃນເມືອງສາມາດບັນລຸຕົວເລກ ຄາດຫມາຍ 78 ລ້ານກວ່າກີບ, ສ້າງຕະຫລາດພັດທະນາຊຸມຊົນ ດ້ວຍການລະດົມທຶນຂອງປະຊາ ຊົນ ເອງຢູ່ບ້ານຜາຕັ້ງ ໄດ້ 1 ແຫ່ງ, ຂຶ້ນທະບຽນວິສາຫະກິດໄດ້ 146 ຫົວຫນ່ວຍ ມີທຶນຈົດທະບຽນ 3,8 ຕື້ກວ່າກີບ,ໄດ້ອອກຫນັງສືຢັ້ງຢືນສືບຕໍ່ດຳເນີນທຸລະກິດມີ 570 ຫົວ ໜ່ວຍ, ລົງກວດກາຫົວຫນ່ວຍທຸລະກິດ, ຫ້າງຮ້ານແລະຢຶດສິນຄ້າມີ 2 ຄັ້ງມີມູນຄ່າ 5 ລ້ານ ກີບ, ລາຍຮັບວິຊາການວາງແຜນມີ 1, 3 ຕື້ ກວ່າກີບ ແຕ່ປະຕິບັດໄດ້ 660 ລ້ານກີບ. ສັງລວມແລ້ວວຽກງານອຸດ ສາຫະກຳ, ຫັດຖະກຳ ແລະການຄ້າ ຢູ່ເມືອງວັງວຽງ ແຂວງວຽງ ຈັນ ປີ 2007 ຖ້າຫາກທຽບໃສ່ທ້າຍຜ່ານມາແມ່ນໄດ້ມີທ່ວງທ່າຂະຫຍາຍຕົວຢ່າງບໍ່ຢຸດຢັ້ງ ແລະບັນ ຫາພື້ນຖານແມ່ນໄດ້ຕອບສະ ຫນອງຄວາມຮຽກຮ້ອງຕ້ອງການຂອງປະຊາຊົນບັນດາເຜົ່າ ສາ ມາດຊົມໃຊ້ພະ ລັງງານໄຟຟ້າເຖິງ 81,25% ຂອງຈຳນວນບ້ານໃນທົ່ວເມືອງພ້ອມທັງຊຸກຍູ້ສົ່ງເສີມວຽກງານການຕ່ຳຫູກທໍ່ໄຫມ, ຫຍິບປັກຖັກແສ່ວຂອງເອື້ອຍນ້ອງແມ່ຍິງ ແມ່ນສູງຂຶ້ນໄປຕາມແຕ່ລະປີ ທັງນັ້ນກໍ່ເນື່ອງຈາກຄວາມເອົາໃຈໃສ່ໃນການຊີ້ນຳ- ນຳ ພາ ຂອງຄະນະພັກ ເມືອງວັງວຽງ ສົມທົບກັບມູນເຊື້ອ ຄວາມດຸໝັ່ນ ຂະ ຫຍັຍພຽນ ຂອງປະຊາຊົນບັນດາເຜົ່າພາຍໃນເມືອງນັ້ນເອງ./.
ພາລະກິດ 47 ປີ ຂອງກຳລັງ ປກສ
*ກ່ອນຫນ້ານີ້ 47 ປີ ໃນຂະບວນ ວິວັດຂອງການປະຕ
