ເຫດການສຳຄັນໃນປີຜ່ານມາ
*(ຂປລ): ຕະຫລອດໄລຍະປີ 2007 ໄດ້ມີຫລາຍເຫດການເກີດຂຶ້ນໃນ ສປປລາວ ທັງທາງດ້ານການເມືອງ,
ເສດຖະກິດ-ສັງຄົມ, ການປ້ອງກັນຊາດ-ປ້ອງກັນຄວາມສະຫງົບ, ການພົວພັນກັບຕ່າງປະເທດ ລວມທັງ
ການ ເຄື່ອນໄຫວຂອງ ບັນດາຜູ້ນຳພັກ-ລັດ ເຮົາ ຢູ່ພາຍໃນ ແລະ ຕ່າງປະເທດ.
ໃນປີ 2007 , ປະທານປະເທດ ແຫ່ງ ສປປ. ລາວ ໄດ້ໃຫ້ສັດຕະຍາບັນ ແກ່ສົນທິສັນຍາສາກົນ ວ່າດ້ວຍ
ສິດ ທິທາງດ້ານເສດຖະກິດ, ສັງຄົມ ແລະ ວັດທະນະທຳ ຢ່າງເປັນທາງການຊຶ່ງສະແດງເຖິງນະໂຍບາຍ
ອັນສະ ເໝີຕົ້ນສະປາຍ ຂອງ ສປປ. ລາວ.
-ພະນະທ່ານ ຈູມມາລີ ໄຊຍະສອນ, ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນ
ລາວ ພ້ອມດ້ວຍພັນລະຍາ ໄດ້ເດີນທາງຢ້ຽມຢາມ ລັດຖະກິດ ສະຫະພາບມຽນມາ ແຕ່ວັນທີ 21-23
ມີນານີ້, ຊຶ່ງເປັນການເຄື່ອນໄຫວຢ້ຽມຢາມ ສະຫະພາບ ມຽນມາ ຄັ້ງທຳອິດ ຂອງ ພະນະທ່ານປະເທດ
ປະເທດ, ພາຍຫລັງຮັບຕຳແຫນ່ງໃຫມ່ ເພື່ອເສີມຂະຫຍາຍສາຍພົວພັນມິດຕະພາບ ແລະ ການຮ່ວມມື
ລະຫວ່າງ ສປປ ລາວ ແລະ ສ. ມຽນມາ ໃຫ້ເຕີບໃຫຍ່ຂະຫຍາຍຕົວ ແລະ ເກີດດອກອອກຜົນຍິ່ງໆຂຶ້ນ.
ລາວ ແລະ ມຽນມາ ມີແຜນການ ທີ່ຈະຮ່ວມມື ກັນໃນອະນາຄົດ ເປັນຕົ້ນແມ່ນການຮ່ວມມື ໃນ ການສ້າງ
ເສັ້ນທາງຄົມມະນາຄົມເພື່ອອຳນວຍ ຄວາມສະດວກ ໃນການໄປມາຫາສູ່ ລະຫວ່າງ ລາວ ແລະ ມຽນມາ,
ແລະຈະກໍ່ສ້າງ ຂົວຂ້າມ ນ້ຳຂອງ ທີ່ຊຽງກົກຝັ່ງລາວ ເຊື່ອມຕໍ່ກັບ ຊຽງລາບຝັ່ງ ມຽນມາ ເພື່ອສະດວກ
ໃນການຂົນສົ່ງສິນຄ້າ ແລະ ການພົວພັນໃນອະນາຄົດ.
- ລະຫວ່າງ ວັນທີ 05 ເຖິງ 07 ກຸມພາ 2007, ສະຫາຍ ຫງວຽນ ມິງ ຈຽດ, ປະທານປະເທດ ແຫ່ງ ສາທາລະ
ນະລັດ ສັງຄົມນິຍົມ ຫວຽດນາມ ແລະ ພັນລະຍາ ໄດ້ມາຢ້ຽມຢາມສັນຖະວະໄມຕີ ສາທາລະນະລັດ ປະຊາ
ທິປະໄຕ ປະຊາຊົນລາວຕາມຄຳເຊີນຂອງ ສະຫາຍຈູມມາລີ ໄຊຍະສອນ, ປະທານປະເທດ ແຫ່ງ ສປປ ລາວ
ທັງນີ້ກໍເພື່ອ ເສີມຂະຫຍາຍສາຍ ພົວພັນມິດຕະພາບ ອັນເປັນມູນເຊື້ອ, ຄວາມ ສາມັກຄີພິເສດ ແລະ
ການຮ່ວມ ມືຮອບດ້ານ ລະຫວ່າງ ສອງປະເທດ ລາວ-ຫວຽດນາມ .
- ສະຫາຍ ຣີກາໂດ ອາລາກົງເດ ເກຊາດາ, ປະທານສະພາແຫ່ງຊາດອຳນາດປະຊາຊົນ ແຫ່ງ ສາທາລະນະ
ລັດກູບາ ພ້ອມຄະນະໄດ້ມາຢ້ຽມຢາມ ສປປ ລາວ ຢ່າງເປັນທາງການ ໃນວັນທີ 12 ມິຖຸນາ 2007,
ໂດຍໄດ້ເຂົ້າ ຢ້ຽມຂ່ຳນັບ ສະຫາຍ ຈູມມາລີ ໄຊຍະສອນ, ປະທານປະເທດ ແຫ່ງ ສປປ ລາວ ທັງແຂກແລະ
ເຈົ້າພາບ ຕ່າງກໍ ສະແດງຄວາມ ຊົມເຊີຍຊຶ່ງກັນແລະກັນ ພ້ອມທັງຕີລາຄາສູງ ຕໍ່ໝາກຜົນຂອງການຮ່ວມມື
ລາວ-ກູບາ ທີ່ມີມາ ແຕ່ດົນນານ .
ຄຽງຄູ່ກັບການເຄື່ອນໄຫວຢ້ຽມຢາມປະເທດເພື່ອນມິດ ແລະ ຕ້ອນຮັບຄະນະຜູ້ແທນປະເທດເພື່ອນມິດ
ຕ່າງໆທີ່ມາ ຢ້ຽມຢາມ ສປປ. ລາວ, ບັນດາທ່ານຜູ້ນຳພັກ-ລັດ ກໍໄດ້ເຄື່ອນໄຫວຢ້ຽມຢາມ ແລະເຮັດວຽກກັບ
ພະນັກງານການ ນຳຫລັກແຫລ່ງ ແລະປະຊາຊົນບັນດາເຜົ່າຢູ່ທ້ອງຖິ່ນ ໂດຍໄດ້ເນັ້ນຫນັກໃຫ້ບັນດາແຂວງ
ແກ້ໄຂຄວາມທຸກຍາກ, ການຫັນອາຊີບຄອງເດີມຂອງປະຊາຊົນ, ການສຶກສາອົບຮົມ ການເມືອງແນວຄິດ,
ສ້າງຈິດສຳນຶກໃຫ້ປະຊາຊົນຮູ້ຊື້- ຮູ້ຂາຍ, ຮູ້ຜະລິດເປັນສິນຄ້າ ທີ່ມີຄຸນນະພາບຕິດພັນກັບຕະຫລາດທີ່ຕ້ອງການ
ແລະ ລະດົມທຸກພາກສ່ວນເສດຖະກິດ ເຂົ້າຮ່ວມ ແກ້ໄຂຄວາມທຸກຍາກ.
ສ່ວນການເຄື່ອນໄຫວຂອງນາຍົກລັດຖະມົນຕີ ແຫ່ງ ສປປ. ລາວ, ທ່ານ ບົວສອນ ບຸບຜາວັນ, ໄດ້ນຳຄະນະຜູ້
ແທນຂັ້ນ ສູງ ເຂົ້າຮ່ວມ ກອງປະຊຸມສຸດຍອດ ອາຊຽນ ຄັ້ງທີ 12 ຊຶ່ງຈັດຂຶ້ນໃນລະຫວ່າງ ວັນທີ 12-15 ມັງກອນ
2007, ທີ່ ຟີລິບປິນ, ຊຶ່ງບັນດາຜູ້ນຳອາຊຽນ ໄດ້ພ້ອມກັນທົບທວນຄືນ ຄວາມ ຄືບຫນ້າ ການຮ່ວມມືໃນຮອບ
1 ປີຜ່ານມາ ແນໃສ່ຈັດຕັ້ງ ປະຕິບັດ ຂໍ້ຕົກລົງ ຂອງກອງປະຊຸມສຸດ ຍອດທັງຫມົດ ເພື່ອເລັ່ງລັດສ້າງປະຊາຄົມ
ອາຊຽນ ໃຫ້ສຳເລັດພາຍໃນປີ 2015, ຊຶ່ງລວມມີ 3 ເສົາຄ້ຳ ເຊັ່ນ: ປະຊາຄົມຄວາມຫມັ້ນຄົງ ອາຊຽນ, ປະຊາ
ຄົມເສດ ຖະກິດອາຊຽນ ແລະ ປະຊາຄົມສັງຄົມ- ວັດທະ ນະທຳ ອາຊຽນ ແລະ ການຮ່າງກົດບັດ ອາຊຽນ
ອັນຈະກາຍ ເປັນເອກະສານນິຕິກຳຂອງອາຊຽນໃນອະ ນາຄົດ. ຂະນະດຽວກັນ ທ່ານນາຍົກລັດຖະມົນຕີ
ຍັງໄດ້ພົບປະ ສອງຝ່າຍ ກັບນາຍົກລັດຖະມົນຕີ ຂອງ ສິງກະໂປ ແລະ ຜູ້ນຳ ອາຊຽນ ແລະ ບັນດາຄູ່ເຈລະຈາ,
ຊຶ່ງບັນຫາ ທີ່ບັນດາຜູ້ນຳຂອງອາຊຽນ ແລະ ຜູ້ນຳຈາກຄູ່ເຈລະຈາທັງໝົດ ໄດ້ໃຫ້ຄວາມເອົາໃຈໃສ່ຫລາຍ
ໂດຍເລັ່ງໃສ່ຊ່ວຍ ເຫລືອບັນດາປະເທດສະມາຊິກໃຫມ່ຂອງອາຊຽນ ຄື: ສປປ. ລາວ, ກຳປູເຈຍ, ມຽນມາ
ແລະ ຫວຽດນາມ ໃຫ້ໄດ້ຮັບ ການພັດທະ ນາໄວ ເພື່ອແກ້ໄຂໄດ້ຄວາມຫລຸດໂຕນດ້ານການພັດທະ
ນາເສດຖະກິດ ກ້າວສູ່ການເຊື່ອມໂຍງເຂົ້າກັນ ແລະສ້າງເປັນປະຊາຄົມ ອາຊຽນໃນອະນາຄົດ.
- ທ່ານ ບົວສອນ ບຸບຜາວັນ, ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ພ້ອມ
ດ້ວຍ ຄະນະໄດ້ເຄື່ອນໄຫວຢ້ຽມຢາມສາທາລະນະລັດ ອິນໂດເນເຊຍ, ສາທາ ລະນະລັດ ສິງກະໂປ ແລະ ບຣູໄນ
ດາຣູຊາລຳ ແຕ່ທ້າຍເດືອນມັງກອນ ຫາ ຕົ້ນກຸມພາ 2007ແລະໃນ ລະຫວ່າງ ວັນທີ 7-9 ມິຖຸນາ 2007
ກໍໄດ້ເຄື່ອນໄຫວຢ້ຽມຢາມ ປະເທດຟີລິບປິນ, ພາຍຫລັງຮັບຕຳ ແໜ່ງໃໝ່ ເພື່ອເສີມຂະຫຍາຍສາຍພົວ
ພັນມິດຕະພາບ ແລະ ການຮ່ວມມື ລະຫວ່າງ ສປປ ລາວ ແລະ ບັນດາປະເທດດັ່ງກ່າວ ໃຫ້ກວ້າງຂວາງ
ແລະ ເກີດດອກອອກຜົນຍິ່ງໆຂຶ້ນ.
ລະຫວ່າງວັນທີ 28-29 ມິຖຸນາ 2007, ພະນະທ່ານ ບົວສອນ ບຸບຜາວັນ, ນາຍົກລັດຖະມົນຕີ ແຫ່ງ ສປປ
ລາວ ພ້ອມຄະນະ ໄປຢ້ຽມຢາມສັນຖະວະໄມຕີ ລາຊະອານາຈັກ ລຸກຊຳບວກ ຢ່າງເປັນທາງການ ຄັ້ງທຳອິດໃນ
ປະຫວັດສາດ ແຫ່ງການພົວພັນມິດຕະພາບ ແລະ ການຮ່ວມມື ລະຫວ່າງສອງປະເທດ ທີ່ມີມາໄດ້ກວ່າຫນຶ່ງ
ທົດສະວັດ ແລະ ເປັນການ ເພີ່ມພູນ ຄູນສ້າງຄວາມເຂົ້າອົກເຂົ້າໃຈຊຶ່ງກັນແລະກັນ ເພື່ອຜົນປະໂຫຍດລວມຂອງ
ປະຊາຊົນສອງ ຊາດ ລາວ-ລຸກຊຳບວກ ໃຫ້ນັບມື້ນັບຂະຫຍາຍຕົວຂຶ້ນໄປເລື້ອຍໆ.
ໃນໄລຍະປີ 2007, ທ່ານ ດຣ. ທອງລຸນ ສີສຸລິດ, ຮອງນາຍົກລັດຖະມົນຕີ, ລັດຖະມົນຕີ ວ່າການກະຊວງການຕ່າງ
ປະເທດ ໄດ້ຢ້ຽມຢາມ 4 ປະເທດອາເມລິກາລາຕິນຄື: ກູບາ, ເວເນຊູເອລາ, ໂບລີວີ ແລະນີກາຣາກວາ ລະຫວ່າງ
ວັນທີ 19 ເຖິງ 28 ເມສາ 2007 ແລະ ໃນວັນທີ 4 ພຶດສະພາ 2007, ພະນະທ່ານ ດຣ. ທອງລຸນ ສີສຸລິດ,
ພ້ອມດ້ວຍວິຊາການ ຂະແຫນງການ ທີ່ກ່ຽວຂ້ອງ, ໄປຮ່ວມ ປະຊຸມ ລັດຖະມົນຕີຕ່າງປະເທດ ກ່ຽວກັບ
ຍຸດທະສາດການຮ່ວມມື ດ້ານເສດຖະກິດ ແມ່ນ້ຳອີຣາວະດີ- ແມ່ນ້ຳເຈົ້າພະຍາ-ແມ່ນ້ຳຂອງ
(The AGMECS Ministerial Meeting) ທີ່ ສະຫະພາບ ມຽນມາ ແລະ ໄດ້ເຫັນດີຮ່ວມກັນ ໃນການ
ສ້າງກົນໄກ ເພື່ອອຳນວຍຄວາມສະດວກດ້ານການຄ້າ, ການລົງທຶນ ແລະ ການທ່ອງ ທ່ຽວ ຢູ່ຕາມເຂດ
ຊາຍແດນ ຂອງປະເທດສະມາ ຊິກ ACMECS.
- ສປປ ລາວ ໄດ້ສືບຕໍ່ເສີມຂະຫຍາຍນະໂຍບາຍ ການເຊື່ອມໂຍງເສດຖະກິດກັບສາກົນ ໃຫ້ກວ້າງ ຂວາງ
ອອກກວ່າ ເກົ່າ ໂດຍການສະຫມັກເຂົ້າເປັນສະມາຊິກ ຂອງອົງການການຄ້າໂລກ (World Trade
Organization:WTO).
ດ້ວຍເຫດນັ້ນ ສປປ ລາວ ຈຶ່ງໄດ້ຍື່ນຄຳຮ້ອງຂໍເຂົ້າເປັນ ສະມາຊິກ WTO ໃນເດືອນ 7/1997 ແລະ
ຖືກຮັບຮອງເປັນ ປະເທດຜູ້ສັງເກດການ ໃນປີ 1998.
- ນັບແຕ່ກາງເດືອນພຶດສະພາ 2007, ທົ່ວປະເທດ ໄດ້ເຄື່ອນໄຫວກິດຈະກຳຕ່າງໆ ເພື່ອສະເຫລີມສະຫຼອງວັນສົນທິ
ສັນຍາ ມິດຕະພາບຄົບຮອບ 30 ປີ ແລະ ວັນສ້າງຕັ້ງສາຍ ພົວພັນການທູດລະຫວ່າງລາວ-ຫວຽດນາມຄົບຮອບ 45 ປີ,
ເພື່ອທົບ ທວນມູນເຊື້ອແຫ່ງ ການພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ
ລະຫວ່າງ ລາວ-ຫວຽດນາມຊຶ່ງເປັນພື້ນຖານອັນໃນການຕັດສີນໄຊຊະນະຂອງການປະຕິວັດໃນໄລຍະ
ທີ່ຜ່ານມາກໍຄືໃນພາລະກິດ ປົກປັກຮັກສາ ແລະ ສ້າງສາປະເທດທັງສອງ ໃນປະຈຸບັນ, ພ້ອມນີ້ກໍເພື່ອເປັນ
ການສຶກສາອົມຮົມພະນັກງານ, ນັກຮົບ ແລະ ປະຊາຊົນທົ່ວປະເທດ ໂດຍສະເພາະຄົນລຸ້ນໜຸ່ມໃຫ້ສືບຕໍ່ປົກປັກ
ຮັກສາ ແລະ ເສີມຂະຫຍາຍມູນເຊື້ອສາຍພົວພັນມິດ ຕະພາບແບບພິເສດ ແລະ ການຮ່ວມມືຮອບດ້ານລະ
ຫວ່າງລາວ-ຫວຽດນາມ.
- “ວຽງຈັນຟຣັງໂກໂຟນີ“ ລະດັບລັດຖະມົນຕີ ການຕ່າງປະເທດ ຊຶ່ງ ສປປ ລາວ ເປັນເຈົ້າພາບຈັດຂຶ້ນໃນເດືອນ
ພະຈິກ 2007 ນີ້ທີ່ນະຄອນຫລວງວຽງຈັນ ໄດ້ເປັນບາດ ກ້າວອັນສຳຄັນອີກກ້າວຫນຶ່ງສຳລັບການຊຸກຍູ້ສົ່ງເສີມ
ການສຶກສາ ພາສາຝຣັ່ງ ໃນ ສປປ ລາວ.
- ຜົນສຳເລັດຂອງສປປ ລາວ ໃນການເປັນປະທານ ກຸ່ມປະເທດກຳລັງພັດທະນາທີ່ບໍ່ມີຊາຍ ແດນ ຕິດທະເລ,
ຊຶ່ງ ທ່ານ ເອກອັກຄະລັດຖະທູດ ອາລຸນແກ້ວ ກິດຕິຄຸນ, ຜູ້ຕາງຫນ້າຖາວອນ ແຫ່ງ ສປປ ລາວ ປະຈຳອົງການ
ສະຫະປະຊາຊາດ, ປະທານກຸ່ມ LLDCs ທີ່ນີວຢອກ, ໄດ້ເປັນປະທານກອງປະຊຸມ ນັ້ນ, ໃນນາມເປັນ
ປະທານກຸ່ມ ສປປ ລາວ ໄດ້ເອົາໃຈໃສ່ ເປັນພິເສດຕໍ່ການເຂົ້າຮ່ວມ ທີ່ມີປະສິດທິຜົນ ໃນກອງປະຊຸມສຸດຍອດ
ສະຫັດສະວັດ, ກອງປະຊຸມ ສປຊ ຄັ້ງທີ 3 ກ່ຽວກັບ ບັນດາປະເທດດ້ອຍພັດທະນາ, ກອງປະຊຸມສາກົນ
ກ່ຽວກັບການສະຫນອງທຶນ ໃຫ້ແກ່ການພັດທະນາ (FfD), ກອງ ປະຊຸມ ສຸດຍອດໂລກ ກ່ຽວກັບການ
ພັດທະນາແບບຍືນຍົງ (WSSD), ກອງປະຊຸມ ສປຊ ກ່ຽວກັບການຄ້າ ແລະ
ການພັດທະ ນາ ຄັ້ງທີ XI (UNCTDXI) ແລະກອງປະຊຸມສຸດຍອດໂລກປີ 2006.
- ສປປ ລາວ ໄດ້ດຳເນີນການຄົ້ນຄ້ວາ, ກຳນົດ ຊື່ເອີ້ນຊົນເຜົ່າໃນ ສປປ ລາວ ໂດຍມີຈຸດ ປະສົງເພື່ອດຳເນີນການ
ໃຫ້ຖືກກັບ ຫລັກການຊົນເຜົ່າວິທະຍາ, ຖືກກັບຈຸດພິເສດຂອງຊົນເຜົ່າໃນລາວ ແລະ ໃຫ້ຖຶກຕ້ອງກັບຊື່ຕົວຈິງທີ່ຊົນ
ເຜົ່າມັກ, ເພື່ອແນໃສ່ເພີ່ມ ທະວີຄວາມສາມັກຄີ, ຄວາມສະເໜີພາບ ລະຫວ່າງເຜົ່າຕ່າງໆ , ເພື່ອເປັນການອະນຸລັກ
ຮັກສາ, ສົ່ງເສີມຂະນົບທຳນຽມຮິດຄອງ ປະເພນີ ແລະ ວັດທະນະທຳອັນດີງາມ ທີ່ເປັນເອກະລັກສະເພາະຂອງ
ແຕ່ລະຊົນເຜົ່າ, ການວາງແຜນພັດທະນາ ໃຫ້ຖືກຕ້ອງກັບ ສະພາບຈຸດພິເສດ ແລະ ຄວາມເປັນຈິງຂອງຊົນເຜົ່າ
ໃນແຕ່ລະທ້ອງຖິ່ນ ແລະ ການກຳນົດຊື່ຊົນເຜົ່າໃນ ສປປລາວ ປະຈຸບັນ ປະກອບມີ 49 ຊົນເຜົ່າ ຕາມການ
ສະເໜີຂອງ ຄະນະກຳມະການ ສູນກາງແນວລາວສ້າງຊາດ./.
