*(ຂປລ): ໃນວັນທີ 24 ມິຖຸນາ 2008 ນີ້ ອົງການຄຸ້ມຄອງທີ່ດິນແຂວງຈຳປາສັກ ໄດ້ ດຳເນີນການປຶກສາຫາລືກ່ຽວກັບວຽກງານພິສູດຫລັກຖານອອກໃບຕາດິນ ພາຍໃຕ້ການເປັນປະທານຂອງທ່ານຄຳເຫລົາ ດວງປັນຍາ ຫົວຫນ້າອົງການຄຸ້ມຄອງທີ່ດິນແຂວງຈຳປາສັກ. ທັງນີ້ກໍເພື່ອ ເຮັດການກຳເກັບຂໍ້ມູນເພື່ອດຳເນີນໂຄງການອອກໃບຕາດິນໃນແຂວງຈຳປາສັກໃຫ້ກຳເນີນໄປຢ່າງມີປະສິດທິຜົນ ແລະ ບັນລຸເປົ້າຫມາຍທີ່ວາງໄວ້, ສ້າງໂອກາດໃຫ້ຫນ່ວຍງານພິສູດຫລັກຖານອອກໃບຕາດິນໄດ້ມີການເຄື່ອນໄຫວຢ່າງຕໍ່ເນື່ອງ ເຮັດໃຫ້ບົດບາດຍິງ-ຊາຍໃນການມີສ່ວນຮ່ວມອອກໃບຕາດິນຫລາຍຂຶ້ນດ້ວຍການອະທິບາຍໃຫ້ອຳນາດການປົກຄອງຮັບຮູ້ ແລະ ເຂົ້າໃຈ ຂັ້ນຕອນຂອງການສຳຫລວດພິສູດຫລັກຖານອອກໃບຕາດິນຢ່າງເປັນລະບົບ, ກົດຫມາຍກ່ຽວກັບສິດນຳໃຊ້ທີ່ດິນ, ເຫັນໄດ້ຄຸນປະໂຫຍດຂອງໃບຕາດິນ ທັງນີ້ກໍ່ເພື່ອເຮັດໃຫ້ຂໍ້ຂັດແຍ່ງກ່ຽວກັບທີ່ດິນຫລຸດນ້ອຍລົງ ສາມາດສ້າງເສດຖະກິດຄອບຄົວໃຫ້ນັບມື້ນັບດີຂຶ້ນເລື້ອຍໆ./.
