ໄທ ແລະ ສ.ເກົາຫລີ ມອບເງິນຊ່ວຍເຫລືອຜູ້ປະສົບໄພນ້ຳຖ້ວມ
*(ຂປລ): ໃນຕອນບ່າຍວັນທີ 26 ສິງຫາ 2008 ຢູ່ທີ່ກະຊວງແຮງງານ ແລະ ສະຫວັດດີການສັງຄົມ, ທ່ານ ວິບູນ ຄູສະກຸນ, ເອກອັກຄະ ຣາຊະ ທູດ ວິສາມັນ ຜູ້ມີອຳນາດເຕັມ ແຫ່ງ ຣາຊະອານາຈັກໄທ ປະຈຳລາວ ໄດ້ມອບເງິນຈຳນວນ 220.000 ບາດ ເພື່ອມາຊ່ວຍເຫລືອບັນ ເທົາ ທຸກໃຫ້ແກ່ຜູ້ທີ່ປະສົບໄພນ້ຳຖ້ວມ ຢູ່ ສປປ ລາວໂດຍຜ່ານທ່ານ ເລົາລີ ໄຟເພັງຢົວ, ລັດຖະມົນຕີຊ່ວຍວ່າການກະຊວງແຮງງານ ແລະ ສະຫວັດ ດີການສັງຄົມ. ໃນໄລຍະຜ່ານມາ, ຣາຊະອານາຈັກໄທໄດ້ໃຫ້ການຊ່ວຍເຫລືອສຸກເສີນກ່ອນແລ້ວເປັນເງິນ ແລະ ກະ ສອບຊາຍຈຳນວນໜຶ່ງ,ເຊິ່ງ ລວມມູນ ຄ່າ ການ ຊ່ວຍ ເຫລືອ ນັບແຕ່ມື້ນ້ຳຖ້ວມມາເຖິງປະຈຸບັນ ລວມທັງ ຫມົດ 430.000 ໂດລາສະຫະລັດ. ໃນວັນທີ 27 ສິງຫາ 2008 ຢູ່ທີ່ກະຊວງແຮງງານ ແລະສະຫວັດດີການ-ສັງຄົມ, ທ່ານ ປັກແຈຮຸນ, ເອກອັກຄະລັດຖະທູດວິສາມັນ ຜູ້ມີອຳ ນາດເຕັມແຫ່ງ ສ.ເກົາຫລີ ປະຈຳ ລາວໄດ້ຕາງຫນ້າໃຫ້ ລັດຖະບານແຫ່ງ ສາທາລະນະລັດເກົາຫລີ ມອບເງິນຈຳນວນ 30.000 ໂດລາສະ ຫະລັດ ເພື່ອຊ່ວຍເຫລືອ ຜູ້ປະສົບ ໄພນ້ຳຖ້ວມຢູ່ ລາວ ຜ່ານ ທ່ານ ເລົາລີ ໄພເພັງຢົວ,ຖະມົນຕີຊ່ວຍວ່າການກະຊວງແຮງງານ ແລະສະຫວັດ ດີ ການ-ສັງຄົມ ເປັນຜູ້ຮັບ. ທ່ານ ເລົາລີ ໄພເພັງຢົວ ໄດ້ຕາງໜ້າລັດຖະບານລາວ ສະແດງຄວາມຂອບໃຈຕໍ່ລັດຖະບານ ສ.ເກົາຫລີ ທີ່ໄດ້ໃຫ້ການຊ່ວຍເຫລືອ ຜູ້ປະສົບ ໄພນ້ຳຖ້ວມ ຢູ່ ຫລາຍແຂວງຂອງລາວຊຶ່ງມີຄວາມໝາຍສຳຄັນຍິງຕໍ່ກັບການຈັດຕັ້ງປະຕິບັດວຽກງານການການພື້ນພູຊີວິດການເປັນຢູ່ຂອງປະຊານຊົນບັນດາເຜົ່າ ພາຍຫລັງປະສົບໄພນ້ຳຖ້ວມໃຫ້ກັບຄືນສູ່ສະພາບປົກກະຕິໂດຍໄວ ແລະ ພ້ອມທັງເປັນການເພີ່ມທະວີການຮ່ວມມືລະຫວ່າງສອງປະເທດ ລາວ-ສ.ເກົາຫລີ ໃຫ້ ນັບມືຂະຫຍາຍຕົວຢ່າງຕໍ່ເນື່ອງ. ທຶນຊ່ວຍເຫລືອດັ່ງກ່າວແມ່ນໄດ້ຮັບຈາກກອງທຶນຊ່ວຍເຫລືອຂອງກະຊວງການຕ່າງປະເທດ ແລະການຄ້າ ສ.ເກົາຫລີ ທີ່ໄດ້ລະດົມໃຫ້ການຊ່ວຍເຫລືອ ເຂດໄພພ ິບັດທົ່ວໂລກ. ຂະນະດຽວກັນໃນຕົ້ນປີນີ້ ລັດຖະບານ ສ. ເກົາຫລີ ຕົກລົງໃຫ້ທຶນກູ້ຢືມແກ່ ສປປ ລາວ ປະມານ 37 ລ້ານໂດລາສະຫະລັດ ເພື່ອນຳໃຊ້ເຂົ້າ ໃນການກໍ່ສ້າງ ແລະປັບປຸງຕາຝັ່ງແຄມນ້ຳຂອງ ໃນຕົວເມືອງນະຄອນຫລວງວຽງຈັນ ລວມທັງການກໍ່ສ້າງຕາຝັ່ງເຈື່ອນ ທີ່ເລີມຈາກເມືອງສີໂຄດຕະບອງຫາ ເມືອງ ສີ ສັດຕະນາກ, ການກໍ່ສ້າງສວນສາທາລະນະ ແລະເສັ້ນທາງລຽບຕາມແຄມນ້ຳຂອງ ຊຶ່ງໂຄງການດັ່ງກ່າວມແມ່ນຢູ່ຂັ້ນຕອນດຳເນີນການ ແລະເມືອສຳເລັດ ຈະຊ່ວຍລົດຄວາມສ່ຽງ ແລະປ້ອງກັນໄພນ້ຳຖ້ວມໃຫ້ແກ່ຊາວນະຄອນຫລວງວຽງຈັນ./.
