ລະດົມຄວາມຄິດເພື່ອການສ້າງກອງທຶນມໍລະດົກແຂວງຊຽງຂວາງ
*(ຂປລ): ຄະນະກຳມະການມໍລະດົກແຂວງຊຽງຂວາງໄດ້ຈັດກອງປະຊຸມຂັ້ນຂອງຕົນຂຶ້ນ ໃນອາ ທິດ ທີ່ຜ່ານມາ ເພື່ອປຶກສາຫາລື ກ່ຽວກັບການສ້າງຕັ້ງກອງທຶນມໍລະດົກຂອງຕົນຂຶ້ນ ພາຍໃຕ້ການເປັນ ປະ ທານ ຂອງ ທ່ານ ຄຳປ່ຽນ ສີນວນທອງ, ຮອງເຈົ້າແຂວງ ທັງເປັນຜູ້ຊີ້ນຳວຽກ ງານຂະ ແໜງການ ວັດ ທະນະທຳ-ສັງຄົມ ແຂວງຊຽງຂວາງ. ໃນກອງປະຊຸມຜູ້ຮັບຜິດຊອບບັນດາຂະແໜງການທີ່ເຂົ້າຮ່ວມ ໄດ້ພ້ອມກັນຄົ້ນຄວ້າປຶກສາຫາລື ກ່ຽວກັບການສ້າງຕັ້ງ ກອງທຶນ ມໍລະດົກ ບົນພຶ້ນຖານການປະຕິບັດ ຂໍ້ຕົກລົງຂອງທ່ານເຈົ້າແຂວງ ລວມ ໄປເຖິງບັນດາກົດໝາຍຕ່າງໆທີ່ກ່ຽວຂ້ອງ ໃນນີ້ສຳຄັນຕົ້ນ ຕໍແມ່ນໄດ້ຄົ້ນຄວ້າ ເອກະສານກອງ ທຶນມໍລະດົກ ແຫ່ງຊາດ, ຮ່າງເນື້ອໃນວ່າດ້ວຍການຈັດຕັ້ງຫ້ອງການມໍລະດົກໄຫຫີນ ແຂວງຊຽງ ຂວາງ ແລະ ເອກະສານ ອື່ນໆທີ່ກ່ຽວຂ້ອງກັບມໍລະດົກ, ກອງປະຊຸມໄດ້ເປັນເອກະສັນກັນມອບຄວາມຮັບຜິດຊອບ ໃຫ້ບັນດາຂະ ແໜງ ການ, ບັນດາເມືອງ, ທ້ອງຖິ່ນ ເພື່ອນຳໄປຈັດຕັ້ງປະຕິບັດ ຢູ່ທ້ອງຖິ່ນທີ່ຕົນສັງກັດຢູ່ ໃຫ້ປະສົບກັບຄວາມສຳເລັດ ແລະ ກາຍ ເປັນຮູບປະທຳຕົວຈິງ./.
ກັບສາລະບານ
