ຮ່າງກົດໝາຍໃໝ່ 5 ສະບັບໄດ້ຮັບການທາບທາມຢູ່ຂັ້ນແຂວງ
*(ຂປລ): ຮ່າງກົດໝາຍໃໝ່ ທີ່ຖືກສ້າງຂຶ້ນ ແລະ ນຳເຂົ້າສູ່ກອງປະຊຸມຄົ້ນຄວ້າ ປະກອບຄຳຄິດ ຄຳເຫັນ ຈາກບັນດາຂະ ແໜງ ການກ່ຽວຂ້ອງອ້ອມຂ້າງສູນກາງ ນັບເປັນຫລາຍຄັ້ງ ເພື່ອສ້າງຄວາມ ເປັນ ເອກະພາບໃນດ້ານຫລັກການ ແລະ ເຮັດໃຫ້ເນື້ອໃນ ຂອງ ບັນດາກົດໝາຍ ທີ່ຈະນຳສະເໜີຜ່ານກອງປະ ຊຸມສະ ພາແຫ່ງຊາດໃນຕໍ່ໜ້າ. ຄະນະກຳມະການກໍ່ສ້າງຮ່າງກົດໝາຍ ໄດ້ ນຳເອົາເນື້ອໃນຮ່າງກົດໝາຍ 5 ສະບັບ ລົງໄປທາບທາມ ຢູ່ບັນດາແຂວງຕ່າງໆໃນທົ່ວປະເທດ, ໃນນັ້ນ ແຂວງສາລະວັນ ກໍໄດ້ ຈັດຕັ້ງການຄົ້ນຄວ້າ ແລະ ປະກອບຄຳຄິດຄຳເຫັນ ໃສ່ຮ່າງກົດໝາຍ ວ່າດ້ວຍແນວລາວສ້າງຊາດ, ນ້ຳປະປາ, ສົ່ງເສີມ ການ ລົງທຶນ, ຄັງເງິນແຫ່ງຊາດ ແລະ ຮ່າງກົດໝາຍວ່າດ້ວຍການປະມົງ. ໃນຕອນເຊົ້າວັນທີ 20 ພຶດສະພາ 2009 ພາຍໃຕ້ການເປັນ ປະທານ ຂອງທ່ານ ນາງ ມະນີຊົງ ລືສີສະໝຸດ, ສະມາຊິກສະພາ ແຫ່ງຊາດເຂດ ເລືອກຕັ້ງ 14 ແຂວງສາລະວັນ. ການຈັດຕັ້ງຄົ້ນຄວ້າ ແລະ ປະກອບຄຳຄິດຄຳເຫັນໃສ່ຮ່າງກົດໝາຍທັງ 5 ສະບັບທີ່ກ່າວມານັ້ນ ສິ່ງ ສຳຄັນ ກໍເພື່ອ ເປັນການ ຜັນຂະຫຍາຍ ແລະ ຈັດຕັ້ງປະຕິບັດເນື້ອໃນຈິດໃຈ ຄຳແນະນຳຂອງສະມາ ຊິກສະ ພາແຫ່ງຊາດ ປະຈຳເຂດເລືອກຕັ້ງທີ 14 ສົກປີ 208-2009 ໃຫ້ໄດ້ຮັບຜົນສຳເລັດຕາມ ລະດັບຄາດ ໝາຍ, ເສີມຂະຫຍາຍສິດເປັນເຈົ້າຂອງປະຊາຊົນບັນດາເຜົ່າ ເຂົ້າໃນການ ຄຸ້ມຄອງລັດ-ເສດຖະກິດ-ສັງຄົມ ໂດຍສະ ເພາະແມ່ນຂະຫຍາຍສິດປະຊາທິປະໄຕ ເຂົ້າໃນການພິຈາລະນາ ແລະ ຮັບຮອງເອົາ ບັນ ຫາສຳຄັນຂອງຊາດ. ທັງຮັບປະກັນໃຫ້ຮ່າງກົດໝາຍ 5 ສະບັບ ມີເນື້ອໃນຄົບຖ້ວນ, ໜັກແໜ້ນ ແລະ ຮັດກຸມ ສາມາດສ່ອງ ແສງ ຢ່າງລວມສູນ ແລະ ເປັນເອກະພາບ ເພື່ອນຳເຂົ້າພິຈາລະນາຮັບຮອງເອົາຢ່າງສົມບູນ ໃນກອງປະຊຸມສະ ໄໝສາມັນເທື່ອທີ 7 ຂອງສະພາແຫ່ງຊາດຊຸດທີ VI ໃນຕໍ່ໜ້າ ແນໃສ່ເພີ່ມທະວີເຄື່ອງມືຄຸ້ມຄອງລັດ, ຄຸ້ມຄອງ ສັງຄົມ ຕາມເນື້ອໃນຈິດໃຈມະ ຕິກອງ ປະຊຸມໃຫຍ່ຄັ້ງທີ VIII ຂອງພັກ ວາງອອກໃຫ້ປະກົດຜົນເປັນຈິງ./.
ກັບສາລະບານ
