ລາວ-ກອງທຶນສາກົນ ຮ່ວມມືຕ້ານວິກິດການເສດຖະກິດໂລກ
*(ຂປລ): ທ່ານ ສົມສະຫວາດ ເລັ່ງສະຫວັດ, ຮອງນາຍົກລັດຖະມົນຕີ, ຜູ້ປະຈຳການລັດຖະບານ ໄດ້ໃຫ້ກຽດຕ້ອນຮັບການ ເຂົ້າຢ້ຽມຂ່ຳນັບຂອງທ່ານນາງ ກາໂລນ ເບເກີ (CAROL BAKER), ຫົວໜ້າ ຫ້ອງ ການກອງທຶນສາກົນ ປະຈຳພາກ ພື້ນອາຊີ-ປາຊີຟິກ ໃນຕອນແລງຂອງວັນທີ 21 ພືດສະພາ 2009 ຢູ່ທີ່ຫ້ອງຮັບແຂກ ສຳນັກງານນາຍົກລັດຖະມົນຕີ ເພື່ອລາຍງານຜົນ ເບື້ອງຕົ້ນ ໃນການຊ່ວຍເຫຼືອ ສປປ ລາວ ທາງດ້ານວິຊາການການໃນການຮັບມືກັບວິກິດການ ການເງິນໂລກໃນປະຈຸບັນ ໃນໂອ ກາດທີ່ທ່ານເດີນທາງ ມາ ຢ້ຽມ ຢາມ ແລະ ເຮັດວຽກ ສປປ ລາວ ຕັ້ງແຕ່ວັນທີ 13-17 ພືດສະພາ 2009 ນີ້. ທ່ານ ຜູ້ປະຈຳການ ສົມສະຫວາດ ເລັ່ງສະຫວັດ ໄດ້ສະແດງ ຄວາມຍິນດີຕ້ອນຮັບ ແລະ ຂອບໃຈຕໍ່ ຫົວໜ້າຫ້ອງ ການ ກອງທຶນ ສາ ກົນ ປະຈຳພາກພື້ນອາຊີ-ປາຊີຟິກ ທີ່ໄດ້ໃຫ້ການຊ່ວຍເຫູອທາງ ດ້ານວິຊາການ ໃນການຮັບມືກັບວິກິດການ ການເງິນໂລກແກ່ ສປປ ລາວ ຊຶ່ງເປັນການປະກອບສ່ວນເພີ່ມທະວີ ການພົວພັນ ແລະ ການຮ່ວມມື ລະຫວ່າງ ສປປ ລາວ ແລະ ກອງທຶນສາ ກົນປະຈຳພາກພື້ນອາຊີປາຊີຟິກ ໃຫ້ນັບມື້ມີບາດ ກ້າວຂະຫຍາຍຕົວອອກໄປເລື້ອຍ./.
ກັບສາລະບານ
