ມອບກະດູກ ແລະ ສິ່ງເສດເຫຼືອຂອງທະຫານອາເມລິກາ ທີ່ຫາຍສາບສູນໃນປາງສົງຄາມຢູ່ລາວ
*(ຂປລ): ໂດຍສືບຕໍ່ປະຕິບັດມະນຸດສະທຳອັນສະເໝີຕົ້ນສະເໝີປາຍຂອງລັດຖະບານ ແຫ່ງສປປ ລາວ ທີ່ມີຕໍ່ຄອບຄົວກໍຄືຍາດ ຕິພີ່ນ້ອງຂອງຜູ້ຫາຍສາບສູນໃນປາງສົງຄາມຢູ່ລາວ ແລະ ອີງຕາມການຮ້ອງ ຂໍຂອງລັດຖະບານສະຫະລັດອາເມລິກາ ໃນການແກ້ ໄຂບັນຫາດັ່ງກ່າວ, ໃນລະຫວ່າງວັນທີ 16-18 ພະຈິກ 2008 ຄະນະວິຊາການລາວ-ອາເມລິກາໄດ້ປະຕິບັດແຜນການຮ່ວມ ມືສອງ ຝ່າຍໃນການຂຸດ ຄົ້ນເພື່ອຊອກຫາ ຮ່ອງຮອຍ ແລະ ສິ່ງເສດເຫຼືອຂອງທະຫານອາເມລິກາທີ່ຫາຍສາບ ສູນໃນປາງສົງຄາມ ຢູ່ລາວ ຄັ້ງທີ 1 ປະ ຈຳ ປີ 2008-2009 ຈາກການປະຕິບັດຮ່ວມຄັ້ງນີ້, ຄະນະວິຊາການລາວ-ອາເມລິກາ ສາມາດຄົ້ນພົບສິ່ງ ເສດ ເຫຼືອຈຳ ນວນ ໜຶ່ງເປັນຕົ້ນ: ກະດູກ, ແຂ້ວ ແລະ ວັດຖຸຫລັກຖານອື່ນໆຈາກຈຸດກໍລະນີ 1519 ບ້ານສົບ ເປັງ, ເມືອງບົວລະພາ, ແຂວງຄຳ ມ່ວນ ແລະ ກໍລະນີ 0276 ບ້ານວັງໝູ, ເມືອງເຊໂປນ, ແຂວງສະ ຫວັນນະເຂດ. ພິທີມອບ-ຮັບກະດູກ ແລະ ສິ່ງເສດເຫຼືອຂອງທະຫານດັ່ງກ່າວໄດ້ຈັດຂຶ້ນໃນວັນທີ 18 ພະຈິກ 2008 ທີ່ສະບິນ ແຂວງສະຫວັນ ນະ ເຂດ. ຕາງໜ້າລັດຖະບານລາວແມ່ນທ່ານ ພົງສະຫວັດ ບຸບຜາ, ລັດຖະມົນ ຕີ ຊ່ວຍວ່າການກະຊວງການ ຕ່າງປະເທດ ເປັນຜູ້ກ່າວ ມອບ ແລະ ທ່ານ ປີເຕີ ເຮມອນ, ອຸປະທູດ, ສະຖານເອກ ອັກ ຄະລັດຖະທູດສະຫະລັດອາເມລິກາ ປະຈຳລາວ ຕາງໜ້າລັດຖະບານ ອາເມລິກາ ເປັນຜູ້ກ່າວ ຮັບໂດຍ ຊ້ອງໜ້າເຈົ້າໜ້າທີ່ຂັ້ນສູງຂອງສອງຝ່າຍ. ຕາມຕົວເລກທີ່ທາງອາເມລິກາແຈ້ງໃຫ້ຝ່າຍລາວຊາບ, ທະຫານອາເມລິກາທີ່ຫາຍສາບສູນໃນປາງ ສົງຄາມ ຢູ່ລາວມີທັງໝົດ ຈຳ ນວນ 572 ຄົນ ແລະ ນັບແຕ່ສອງຝ່າຍມີການຮ່ວມມືກັນດ້ານນີ້ໃນປີ 1985 ເປັນ ຕົ້ນມາຈົນເຖິງປະຈຸບັນ, ລັດຖະບານລາວໄດ້ ມອບຊາກສົບທະຫານອາເມລິກາທີ່ຫາຍສາບສູນໃນປາງ ສົງ ຄາມຢູ່ລາວໃຫ້ແກ່ລັດຖະບານກໍຄືປະຊາຊົນອາເມລິກາ ແລ້ວ ຈຳ ນວນ 229 ຊາກສົບ, ຍັງເຫຼືອ 343 ຄົນ, ທີ່ຈະໄດ້ສືບຕໍ່ຊອກຄົ້ນຫາ. ພ້ອມດຽວກັນນັ້ນກໍຍັງມີກະດູກ ແລະ ສິ່ງເສດເຫຼືອຈຳ ນວນ ໜຶ່ງທ ີ່ລັດຖະບານ ລາວໄດ້ມອບໃຫ້ລັດຖະບານອາເມລິກາ ເພື່ອນຳໄປພິສູດ ແລະ ວິໄຈ ແລະ ຍັງບໍ່ສາມາດພິສູດຢັ້ງຢືນໄດ້. ເວົ້າ ລວມແລ້ວການຮ່ວມມືໃນດ້ານນີ້ໄດ້ຮັບຜົນສຳເລັດຢ່າງດີເປັນກ້າວໆມາ ຍ້ອນຄວາມເອົາໃຈໃສ່ ຢ່າງຈິງ ໃຈຂອງລັດຖະບານ ລາວ ກໍຄືເຈົ້າໜ້າທີ່ຂອງລາວທຸກໆຂັ້ນແຕ່ຂັ້ນສູນກາງລົງຮອດຂັ້ນທ້ອງຖິ່ນ ແລະ ການ ຮ່ວມ ມືຂອງປະຊາຊົນລາວບັນດາເຜົ່າ. ສິ່ງ ເຫລົ່າ ນີ້ໄດ້ສະແດງໃຫ້ເຫັນເຖິງ ນະໂຍບາຍມະ ນຸດສະທຳ ອັນສະ ເໝີຕົ້ນສະເໝີປາຍຂອງລັດຖະບານແຫ່ງ ສາທາລະນະລັດ ປະຊາ ທິປະໄຕ ປະຊາຊົນລາວທີ່ມີຕໍ່ປະຊາ ຊົນ ອາເມລິກາ ແລະ ລັດຖະບານອາເມລິກາໂດຍ ສະເພາະແມ່ນຕໍ່ຄອບ ຄົວກໍຄືຍາດ ຕິພີ່ ນ້ອງຂອງຜູ້ຫາຍ ສາບສູນ ໃນ ປາງສົງຄາມຢູ່ລາວ./.
ກັບສາລະບານ
