ຂະແຫນງການເງິນ ກ້າວສູ່ຄວາມທັນສະໃຫມ
*ຫລັງສຳເລັດການເບີກຈ່າຍເງິນເດືອນ ໃຫ້ 4 ກະຊວງເມື່ອຕົ້ນເດືອນກຸມພາປີນີ້ ເປັນຕົ້ນມາ ປະສົບຜົນສຳເລັດດ້ວຍດີນັ້ນ, ມາເຖິງໄລຍະນີ້ ກະຊວງການເງິນ ກໍ່ໄດ້ສືບຕໍ່ປະ ຕິບດ ການເບີກຈ່າຍເງິນເດືອນ ຜ່ານລະບົບທະນາຄານໃຫ້ 17 ພາກສ່ວນ ຕື່ມອີກ ຊຶ່ງຖືເປັນເຫດການທາງປະຫວັດສາດທີ່ສຳຄັນ ພາຍໃນອົງການບໍລິຫານພັກ-ລັດຂອງເຮົາ ແລະ ເຫດ ການນີ້ໄດ້ກາຍ ເປັນສ່ວນໜຶ່ງໃນ ການປະຕິບັດຕາມເນື້ອໃນຈິດໃຈ ກອງປະຊຸມໃຫ່ຍຄັ້ງທີ VIII ຂອງພັກທີ່ໄດ້ລະບຸວ່າ: “ແກ້ໄຂບາງບັນ ຫາພື້ນ ຖານທີ່ຮີບດ່ວນ ” ເຊັ່ນ : ເງິນເດືອນຂອງພະນັກງານລັດຖະກອນ ຂະນະດຽວກັນ,ກໍ່ຖືເປັນບາດກ້າວ ການຫັນຂະແໜງການເງິນ ໄປສູ່ຄວາມເປັນທັນສະໄໝເທື່ອລະກ້າວ.
ຕໍ່ກັບຄວາມຄືບໜ້າ ແລະ ຄວາມສຳເລັດໃນການເບີກຈ່າຍເງິນເດືອນຜ່ານລະບົບທະນາຄານທີ່ຜ່ານມາ ນັ້ນ, ທາງທີມງານສື່ມວນ ຊົນພວກເຮົາ ກໍບໍ່ໄດ້ລໍຊ້າ ໂດຍໄດ້ເຂົ້າພົບແລະ ສຳພາກເຈົ້າໜ້າທີ່ການເງິນ ເຊິ່ງກໍໄດ້ຮັບການຊີ້ແຈງ ຈາກທ່ານ ສັນຍາ ປະເສີດ ຮອງຫົວໜ້າຫ້ອງການກະຊວງການເງິນ ເປັນຕົ້ນ: ນັບແຕ່ກະຊວງການເງິນ ປະສົບຜົນສຳເລັດໃນ ການເບີກຈ່າຍເງິນເດືອນ ໃຫ້ 3 ກະຊວງ ເປັນຕົ້ນມາ ແລະ ເມື່ອຕົ້ນເດືອນນີ້ ກໍ່ໄດ້ຂະຫຍາຍ ໄດ້ຕື່ມອີກເປັນ17 ພາກສ່ວນ ເຊິ່ງກໍປະກອບມີ ສະພາແຫ່ງຊາດ, ສຳນັກງານປະທານປະເທດ, ສຳນັກງານນາຍົກລັດຖະມົນຕີ, ກະຊວງການຕ່າງປະເທດ, ກະຊວງຍຸຕິທຳ, ກະຊວງແຜນການ ແລະ ການລົງທຶນ , ກະຊວງພະລັງງານ ແລະ ບໍແຮ່ , ກະຊວງແຮງງານ ແລະ ສະຫວັດດີການສັງຄົມ, ກະຊວງສາທາລະນະສຸກ, ຫ້ອງວ່າການສູນກາງພັກ, ຄະນະພົວພັນຕ່າງປະເທດສູນກາງພັກ, ຄະນະໂຄສະນາອົບຮົມສູນກາງພົກ, ຄະນະກຳມະການ ກວດກາສູນກາງພັກ, ຫ້ອງການຄະນະຈັດຕັ້ງສູນກາງພັກ, ຫໍພິພິດຕະພັນໄກສອນ ພົມວິຫານ, ສະຫະພັນນັກຮົບເກົ່າ ແລະ ອົງການທ່ອງທ່ຽວແຫ່ງຊາດ ເຊິ່ງພາກສ່ວນຕ່າງໆເຫຼົ່າ ນີ້ຈະໄດ້ຮັບເງິນເດືອນ ຜ່ານລະບົບທະນາຄານນັບແຕ່ຕົ້ນເດືອນ ມີຖຸນາ ນີ້ ເປັນຕົ້ນໄປ.
ທ່ານຮອງຫົວໜ້າຫ້ອງການກະຊວງການເງິນ ເວົ້າວ່າ: ການເບີກຈ່າຍເງິນເດືອນຜ່ານລະບົບທະນາຄານທີ່ໄດ້ ແລະ ພວມປະ ຕິບັດຢູ່ນີ້ ກໍ່ຄືເພື່ອຮັບປະກັນໃຫ້ຖືກຕ້ອງຕາມກຳນົດເວລາ,ໃນດ້ານໜຶ່ງໃນຖານະທີ່ ກະຊວງເປັນຜູ້ຮັບຜິດຊອບຕໍ່ກັບ ພະນັກ ງານລັດ,ສະນັ້ນ ພວກເຮົາຈຶ່ງໄດ້ຈັດສັນເວ ລາການເບີກຈ່າຍເງິນຢ່າງຄັກແນ່ ຄື : 21 ພາກສ່ວນຈະໄດ້ຮັບເງິນເດືອນທຸກໆຕົ້ນເດືອນ ແລະ 18 ພາກສ່ວນທີ່ເຫລືອນັ້ນຈະໄດ້ຮັບໃນມື້ທີ 2 ຕໍ່ມາ ເຊິ່ງການຈັດສັນເວລາແບບນີ້ຈະແກ້ໄຂໄດ້ບາງກໍລະນີ ໂດຍສະເພາະ ແກ້ໄຂສະພາບການຮັບເງິນມາແລ້ວເອົາເງິນໄປໝູນອັນອື່ນກ່ອນເພື່ອເອົາດອກເບ້ຍ, ກຳໄລຕ່າງໆ ແລະ ສາມາດລົບລ້າງ ກ່ຽວກັບບັນຫາເງິນບໍ່ຄົບ... ຂະນະດຽວກັນ, ຈຳນວນເງິນໄດ້ເບີກຈ່າຍເຂົ້າໃນບັນຊີຂອງບຸກຄົນໂດຍກົງ ຊຶ່ງບຸກຄົນນັ້ນຈະເອົາ ຫລືບໍ່ເອົາກໍ່ຕາມ ແຕ່ເງິນດັ່ງກ່າວນີ້ຈະເຂົ້າຢູ່ໃນບັນຊີຂອງເຂົາເຈົ້າ ແລະ ຈະໄດ້ດອກເບ້ຍຕາມຫລັກການຂອງທະນາ ຄານວາງອອກ.
ທ່ານ ຮອງຫົວໜ້າຫ້ອງການກະຊວງການເງິນ ໄດ້ຊີ້ແຈງອີກວ່າ:ເງິນຈະບໍ່ຕົກເຮ່ຍເສຍຫາຍ ແນ່ນອນ ອັນເນື່ອງຈາກທະນາ ຄານການຄ້າຕ່າງປະເທດ ມີລະບົບປ້ອງກັນມາດຕະຖານດີ, ແຕ່ຜູ້ຊົມໃຊ້ ກໍ່ຕ້ອງມີເລກລະຫັດ ປະຈຳຕົວ ຖ້າວ່າໃສ່ບໍ່ຖືກ ເລກລະຫັດກໍ່ບໍ່ສາມາດຖອນເງິນ ໄດ້, ຂະນະດຽວກັນຖ້າກົດເລກລະຫັດຜິດເຖິງ 3 ເທື່ອ ບັດດັ່ງກ່າວກໍ່ຈະຖືກລ໊ອກ ແລະ ເມື່ອ ບັດ ATM ຫາກ ຕົກເຮ່ຍ ໂດຍມີຜູ້ອື່ນເກັບໄດ້ກໍບໍ່ສາມາດຖອນໄດ້ເພາະບໍ່ຮູ້ເລກລະຫັດ. ສ່ວນການຖອນເງິນ ກໍສາມາດ ຖອນໄດ້ ໃນຕູ້ ATM ຢູ່ທຸກສາຂາ ໃນຂອບເຂດທົ່ວປະເທດ ແຕ່ ທາງທະນາຄານຈະໄດ້ເກັບຄ່າບໍລິການ 2000 ກີບ/ຄົນ/ເດືອນ ສຳລັບບັນດາ ຄູອາຈານຢູ່ເຂດຫ່າງໄກສອກຫລີກຕາມເມືອງ ແລະ ບ້ານທີ່ເພິ່ນຂໍເບີກຈ່າຍເງິນເດືອນ ເປັນງວດ 6 ເດືອນ ນັ້ນ, ກໍພວມ ຄົ້ນຄວ້າຈະຈ່າຍຜ່ານລະບົບໄປສະນີ ຫລືຜ່ານລະບົບທະນາຄານ ເພາະລະບົົບໄປສະນີໃນປະຈຸບັນເພິ່ນກໍ່ມີລະບົບເງິນຝາກ ບາງເທື່ອ ກະຊວງການເງິນຈະຈ່າຍໃນລະບົບເງິນຝາກຂອງລະບົບໄປສະນີ ແຕ່ ຖ້າເພິ່ນບໍ່ມາຮັບກໍ່ບໍ່ເປັນຫຍັງທາງໄປ ສະນີກໍຈະໄດ້ຄິດໄລ່ດອກເບຍໃຫ້.
ການເບີກຈ່າຍເງິນເດືອນຜ່ານລະບົບທະນາຄານຈະປະຕິບັດຢູ່ຂັ້ນສູນກາງໃຫ້ສຳເລັດໃນສົກງົບປະມານປີນີ້ ແລະ ຈະປະຕິບັດ ຢູ່ທຸກແຂວງໃນຂອບເຂດທົ່ວປະເທດນັບແຕ່ສົກງົບປະມານ ປີໜ້າເປັນຕົ້ນໄປ..
ທ່ານ ສັນຍາ ປະເສີດ ກ່າວວ່າ ເພື່ອເຮັດໃຫ້ການຕິດຕາມການເບີກຈ່າຍເງິນເດືອນມີລະບົບຄົບຊຸດ, ກະຊວງການເງິນໄດ້ພັດທະ
ນາ ລະບົບເຄື່ອຂ່າຍຄອມພິວເຕີ ຊຶ່ງເປັນການເຊື່ອມຕໍ່ລະຫວ່າງທະບວງການປົກຄອງ, ບັນດາກະຊວງອ້ອມຂ້າງສູນກາງ ແລະ ກະຊວງການເງິນໃນການບັນທຶກປະຫວັດ ແລະ ເງິນເດືອນຂອງພະນັກງານເພື່ອຄວາມໂປ່ງໃສ.
ການນຳໃຊ້ເງິນຕຣາຕ່າງປະເທດ ຢູ່ໃນ ສປປລາວ
* ໃນຫວ່າງບໍ່ດົນມານີ້ຄື ວັນທີ 8/5/2008 ໄດ້ມີການລົງຂ່າວຢູ່ຫນັງ ສືພິມລາວພັດທນາ ຫນ້າ 6 ຕໍ່ກັບບັນ ຫາທີ່ວ່າ” ພີ່ນ້ອງຄົນເຈັບຕ້ອງການຢາກໃຫ້ຮ້ານຂາຍຢາຂອງໂຮງຫມໍຕິດອັດຕາແລກປ່ຽນເງິນຫລັງຖືກເອົາປຽບ” ຕໍ່ກັບບັນຫານີ້ທະນາ ຄານ ແຫ່ງ ສປປ ລາວ ຂໍແຈ້ງມາຍັງພໍ່ແມ່ພີ່ນ້ອງປະຊາຊົນ, ຊາວຄ້າ ຂາຍ, ພະນັກງານ, ທະຫານ, ຕຳ ຫລວດທຸກທົ່ວຫນ້າຊາບທົ່ວເຖິງກັນວ່າ: ບຸກຄົນ ແລະ ນິຕິບຸກຄົນສາ ມາດຖືຄອງເງິນຕາຕ່າງປະເທດໄດ້ ແຕ່ບໍ່ມີສິດຈ່າຍ-ຮັບເງິນຕາຕ່າງປະເທດໂດຍກົງ ເພື່ອຊຳລະຄ່າສິນຄ້າ ແລະ ຄ່າບໍລິການ, ໃນເມື່ອມີຄວາມ ຕ້ອງການໃຊ້ຈ່າຍຕ້ອງນຳໄປແລກ ປ່ຽນເອົາເງິນກີບນຳທະນາຄານທຸ ລະກິດ ຫລື ຮ້ານແລກປ່ຽນເງິນຕາທີ່ໄດ້ຮັບອະນຸຍາດ ຊຶ່ງໄດ້ກຳນົດໄວ້ໃນມາດຕາ 3 ແລະ 9 ຂອງລັດຖະ ບັນຍັດວ່າດ້ວຍການຄຸ້ມຄອງເງິນ ຕາຕ່າງປະເທດ ແລະ ວັດຖຸມີຄ່າ ສະບັບເລກທີ 01/ສປປ, ລົງວັນທີ 9/8/2002. ພ້ອມດຽວກັນນີ້ ເພື່ອຜັນຂະຫຍາຍລັດຖະບັນຍັດຂ້າງເທິງ ໃນປີ 2007 ທີ່ຜ່ານມານາຍົກລັດຖະ ມົນຕີ ໄດ້ອອກດຳລັດເລກທີ 150/ ນຍ, ລົງວັນທີ 18/5/2007 ວ່າດ້ວຍ ການຄຸ້ມຄອງເງິນຕາຕ່າງປະເທດ ແລະ ສົ່ງເສີມນຳໃຊ້ເງິນກີບ ຊຶ່ງເນື້ອໃນຕົ້ນຕໍຂອງດຳລັດສະບັບນີ້ ໄດ້ກຳນົດໃຫ້ພາກລັດ ແລະ ເອກະຊົນ, ຫົວຫນ່ວຍທຸລະກິດ ແລະຫ້າງຮ້ານຕ່າງໆ ປະກາດລາຄາສິນຄ້າ, ຄ່າບໍລິການ, ຄ່າທຳນຽມລວມທັງການຊຳລະຢູ່ພາຍໃນ ສປປ ລາວ ຕ້ອງເປັນເງິນກີບ.
ໃນໄລຍະຜ່ານມາ ທຫລ ໄດ້ເປັນເຈົ້າການໃນການໂຄສະນາ, ເຜີຍແຜ່ນິຕິກຳຂ້າງເທິງຢ່າງກ້ວາງຂວາງ ເຮັດໃຫ້ມວນຊົນບາງຈຳ ນວນ, ບາງຫ້າງຮ້ານ ແລະ ບາງຫົວຫນ່ວຍທຸລະກິດ ຫັນປ່ຽນມານຳໃຊ້ເງິນກີບເຂົ້າໃນການຊຳລະສະສາງພາຍໃນໃຫ້ຫລາຍຂຶ້ນ, ແຕ່ຍັງມີມວນຊົນສ່ວນຫລາຍທີ່ຮູ້ລະບຽບກົດຫມາຍ ແຕ່ຝ່າຝືນນິຍົມນຳໃຊ້ເງິນຕາຕ່າງປະເທດຊຳລະຄ່າສິນ ຄ້າ ແລະ ຄ່າບໍລິການໂດຍກົງ ບໍ່ໄປແລກປ່ຽນນຳທະນາຄານທຸລະກິດ ແລະ ຮ້ານແລກປ່ຽນທີ່ໄດ້ຮັບອະນຸ ຍາດ. ຕໍ່ກັບບັນຫາດັ່ງກ່າວ ຈຶ່ງເຮັດໃຫ້ຮ້ານຄ້າ ແລະສະຖານທີ່ບໍລິການ ອື່ນໆ ຈຳເປັນຕ້ອງໄດ້ຮັບຄ່າຊຳລະສິນຄ້າເປັນເງິນຕາຕ່າງປະເທດ ເພື່ອຄວາມສະດວກຂອງລູກຄ້າ, ແຕ່ທາງຮ້ານຄ້າຕ້ອງຄິດໄລ່ໃນອັດ ຕາແລກປ່ຽນທີ່ຕ່ຳກວ່າທະນາ ຄານທຸລະກິດ. ຕົວຢ່າງ: ໃນວັນທີ 8/5/2008 ອັດຕາແລກປ່ຽນຂອງທະນາຄານທຸລະກິດ 1 ໂດລາ ເທົ່າກັບ 8.718 ກີບ ແຕ່ຮ້ານຄ້າຈະໄລ່ໃຫ້ 8.000 ກີບ ຕໍ່ໂດລາ ແລະ ອັດຕາແລກປ່ຽນຂອງທະນາຄານ 1 ບາດ ເທົ່າກັບ 276,57 ກີບ ແຕ່ຈະໄລ່ໃຫ້ 270 ກີບຕໍ່ບາດ. ຕໍ່ກັບບັນຫາດັ່ງ ກ່າວນີ້ ເບິ່ງແລ້ວຄືເປັນການເອົາລັດເອົາປຽບກັນຈົນເກີນໄປ ຕໍ່ກັບຜູ້ທີ່ເອົາເງິນຕາຕ່າງປະເທດຊຳລະຄ່າສິນຄ້າ ແລະ ບໍລິການ, ແຕ່ເຫັນວ່າ ການກະທຳດັ່ງກ່າວຂອງຮ້ານ ມີຈຸດປະສົງເຕືອນໃຫ້ຜູ້ຊື້ສິນຄ້າຊຳລະເປັນເງິນກີບ ຫລື ເປັນການລົງໂທດບຸກຄົນທີ່ນຳໃຊ້ເງິນຕາຕ່າງປະເທດຊຳລະຄ່າສິນຄ້າ ແລະ ບໍລິການ. ແຕ່ກົງກັນຂ້າມຖ້າຮ້ານຄ້າ ແລະ ສະຖານທີ່ໃຫ້ບໍລິການອື່ນໆ ຫາກກຳນົດອັດຕາແລກປ່ຽນໃນອັດຕາທີ່ສູງກວ່າອັດຕາແລກປຽນຂອງທະນາຄານທຸລະກິດນັ້ນ ແມ່ນເປັນການສົ່ງເສີມໃຫ້ມວນຊົນຫັນມານຳໃຊ້ເງິນຕາຕ່າງປະເທດ ໄປຊຳລະຄ່າສິນຄ້າ ຫລື ຄ່າບໍລິ ການໂດຍກົງກໍຖືວ່າເປັນການກະ ທຳຜິດຕໍ່ລະບຽບກົດຫມາຍຂອງ ສປປ ລາວ ບໍ່ວ່າກໍລະນີໃດກໍຕາມ ທີ່ກ່າວມາຂ້າງເທິງນັ້ນ ທະນາຄານແຫ່ງ ສປປ ລາວ ຮຽກຮ້ອງໃຫ້ທັງຮ້ານຄ້າ ກໍຄືຜູ້ຊື້ຈົ່ງຍົກສູງຈິດໃຈ ຊາດກໍຄືນັບຖືອະທິປະໄຕຂອງລາວ ໃນການນຳໃຊ້ເງິນກີບຊຳລະຄ່າສິນຄ້າແລະ ບໍລິການພາຍໃນປະເທດ ເພື່ອປະຕິບັດໃຫ້ຖືກຕ້ອງຕາມລະບຽບກົດຫມາຍຂອງ ສປປ ລາວ./.
ເຊຫະຫມານ 1 ສັນຍາລັກການຮວ່ມມື ຂົງເຂດພະລັງງານ ລາວ-ຫວຽດນາມ
*ມາຮອດປະຈຸບັນ, ສະພາບການກະກຽມໃຫ້ແກ່ການດຳເນີນການ ກໍ່ສ້າງເຂື່ອນໄຟຟ້າເຊຂະໝານ I ພວມດຳເນີນດ້ວຍຄວາມ
ຄືບໜ້າດີ ເພື່ອ ເພີ່ມກຳລັງການຜະລິດກະແສໄຟຟ້າ ຂອງ ສປປລາວ ຕອບສະໜອງຄວາມຮຽກຮ້ອງຕ້ອງການໃນໄລຍະໃໝ່ ທັງເປັນການສ້າງວຽກເຮັດງານທຳໃຫ້ແກ່ ປະຊາຊົນຊາວທ້ອງຖິ່ນ ແລະ ບັນດາເຂດອ້ອມຂ້າງ ກໍຄືເຮັດໃຫ້ປະເທດຊາດຫລຸດພົ້ນອອກຈາກສະພາວະດ້ອຍພັດທະນາຕາມທິດທາງພັກ-ລັດຖະບານ ກຳນົດອອກບັນລຸຜົນເປັນຈິງເປັນກ້າວໆ. ນີ້ແມ່ນການຮ່ວມມືສອງຊາດລາວ-ຫວຽດ ນາມເວົ້າລວມ ເວົ້າສະເພາະ ກໍຄື ການຮ່ວມມືໃນຂົງເຂດພະລັງງານລາວ - ຫວຽດນາມ ທີ່ມີທ່າຂະຫຍາຍຕົວບໍ່ຢຸດຢັ້ງ.
ໝາກຜົນເບື້ອງຕົ້ນຂອງການຮ່ວມມືດ້ານພະລັງງານກໍຄື ພາຍຫັລງ ໂຄງການກໍ່ສ້າງເຂື່ອນໄຟຟ້ານ້ຳຕົກເຊຂະໜານ I ມີທີ່ຕັ້ງ ຢູ່ ແຂວງອັດຕະປື ຊຶ່ງໄດ້ຮັບອະນຸຍາດ ຈາກລັດຖະບານ ສປປລາວ ແລະ ສສ. ຫວຽດນາມໂດຍໄດ້ມີພິທີລົງບັນທຶກຄວາມເຂົ້າໃຈ ໃນລະຫວ່າງເດືອນມີນາ 2006 ເປັນຕົ້ນມາ. ບໍລິສັດຫຸ້ນສ່ວນໄຟຟ້າຫວຽດນາມ-ລາວໃນຖານະເປັນເຈົ້າຂອງການລົງທຶນ ກໍ່ໄດ້ຮີບຮ້ອນສຸມໃສ່ຈັດຕັ້ງປະຕິບັດ ບັນດາໜ້າວຽກຕ່າງໆ ເພື່ອຮອງຮັບໃຫ້ແກ່ການກໍ່ສ້າງຈະເປີດຂຶ້ນຢ່າງເປັນທາງການໃນໄວໆນີ້ ໂດຍສະເພາະແມ່ນມາເຖິງປະຈຸບັນ ໄດ້ສຳເລັດວຽກງານການສຳຫລວດ ສຶກສາອອກແບບ, ວຽກງານປະເມີນຜົນກະທົບຕໍ່ສິ່ງແວດ
ລ້ອມ ແລະ ວາງແຜນຍົກຍ້າຍຈັດສັນປະຊາຊົນອອກຈາກເຂດໂຄງການກໍ່ສ້າງ ໄປຢູ່ບ່ອນຢູ່ໃໝ່ ແລະ ໜ້າວຽກອື່ນໆ.
ການກໍ່ສ້າງເຂື່ອນໄຟຟ້າເຊຂະ ໝານ I ຂອງບໍລິສັດຫຸ້ນສ່ວນໄຟຟ້າຫວຽດນາມ-ລາວເປັນຜູ້ລົງທຶນແມ່ນເປັນການຜັນຂະຫຍາຍຕາມແຜນການຮ່ວມມືທີ່ມີມານຳກັນມາກ່ອນແລ້ວນັ້ນ ມັນສຸດທີ່ມີຄວາມໝາຍສຳຄັນທາງດ້ານການເມືອງ ແລະ
ເສດຖະກິດ ເພາະຄວາມສຳເລັດຂອງໂຄງການຈະປະກອບສ່ວນໃຫ້ແກ່ການປະຕິບັດໂຄງການຮ່ວມມືພັດທະນາພະລັງງານໄຟຟ້າ ກໍຄືການຮ່ວມມືທາງດ້ານເສດຖະກິດ, ວັດທະນະທຳ, ເຕັກໂນໂລຊີລະຫວ່າງລັດຖະບານ ສ ປ ປ ລາວ ແລະ ສສ. ຫວຽດນາມ ມີບາດກ້າວໃໝ່ຢ່າງໜັກແໜ້ນ ຂຶ້ນອີກຂັ້ນ. ນີ້ແມ່ນອີກບາດກ້າວໜຶ່ງພິສູດໃຫ້ເຫັນວ່ານະໂຍບາຍ ເປີດ ກວ້າງການລົງທຶນ ແມ່ນຖືກ
ຕ້ອງ ສອດຄ່ອງເຮັດໃຫ້ນັກທຸລະກິດໄປຖືກກັບທິດທາງ ການພັດທະນາຂະແໜງພະລັງງານ ສອງປະເທດລາວ-ຫວຽດນາມວາງອອກ ບົນພື້ນຖານ ຄວາມເປັນເກະພາບ ຕ່າງຝ່າຍຕ່າງມີຜົນປະໂຫຍດ ອັນຈະເອື້ອອຳນວຍໃນການຍົກກຳລັງການຜະລິດໃຫ້ສູງຂຶ້ນ ທັງຊ່ວຍໃນການພັດທະນາຕາໜ່າງໄຟຟ້າລວມຂອງ ພາກພື້ນອາຊຽນ ໃຫ້ສູງຂຶ້ນ.
ຜ່ານການຄິດໄລ່ ແລະສຳຫລວດຕົວຈິງ ຊີ້ໃຫ້ເຫັນວ່າ ຖ້າສ້າງສຳເລັດ; ໂຄງການເຊຂະໝານ I ຈະ ແມ່ນໜຶ່ງໃນບັນດາໂຄງການທີ່ຈະນຳຜົນປະໂຫຍດທາງດ້ານເສດຖະກິດ ສູງ. ພ້ອມດຽວກັນ ການບໍລິການຂະຫຍາຍຜູ້ໃຊ້ໄຟຟ້າກໍ່ຈະກວ້າງຂວາງ ແລະ ພື້ນຖານໂຄງ ລ່າງສຳຄັນຈຳນວນໜຶ່ງ ກໍ່ຈະໄດ້ຮັບການພັດທະນາຂຶ້ນ . ຕໍ່ກັບຜູ້ລົງທຶນ ກໍ່ຈະໄດ້ຮັບຜົນປະໂຫຍດ ໃນການຮ່ວມລົງທຶນ, ເບື້ອງລັດຖະບານ ກໍຈະມີລາຍຮັບຈາກພາສີ , ອາກອນ ແລະ ທີ່ສຳຄັນກໍ່ຈະຊຸກຍູ້ໃຫ້ທ້ອງຖິ່ນບໍລິເວນໃກ້ຄຽງໄດ້ມີການພັດທະນາ, ປະຊາຊົນມີວຽກເຮັດນັບມື້ຫລາຍຂຶ້ນ ໂດຍໃນເປົ້າໝາຍຫລັກຂອງໂຄງການແມ່ນຜະລິດໄຟຟ້າເຂົ້າສູ່ລະບົບເຊື່ອມຕໍ່ ໄຟຟ້າຕົ້ນຕໍເພື່ອຂາຍໃຫ້ຫວຽດນາມ,ສະໜອງຄວາມຕ້ອງການໄຟຟ້າສຳຮອງສ່ວນໜຶ່ງໃຫ້ລາວ ແລະ ອາດຈະຂາຍໄຟຟ້າໃຫ້ປະ
ເທດໄທ.
ໂຄງການໄຟຟ້ານ້ຳຕົກເຊຂະໝານ I ເປັນໂຄງການລົງທຶນກໍ່ສ້າງປະກອບດ້ວຍສອງໂຮງງານໄຟຟ້ານ້ຳຕົກ ຄືເຂື່ອນໄຟຟ້ານ້ຳຕົກເຊຂະໝານ I ຕອນເທິງ ແລະ ເຂື່ອນໄຟຟ້າຊານໄຊຕອນລຸ່ມ; ໃນນີ້ໂຄງການເຊຂະໝານ I ມີກຳລັງຕິດຕັ້ງ
290 ເມກາວັດ ( MW ) ແລະ ໂຄງການ ຊານໄຊ ຈະມີກຳລັງຕິດຕັ້ງ 32 ເມກາວັດ ( MW ) ລວມຍອດການລົງທຶນ ຂອງໂຄງການ ມີປະມານ 441 ລ້ານໂດລາ . ການລົງທຶນກໍ່ສ້າງຂອງບໍລິສັດຫຸ້ນສ່ວນໄຟຟ້າຫວຽດນາມ-ລາວ ຊຶ່ງແຕ່ລະປີຈະໄດ້ເກັບລາຍຮັບຢ່າງຫຼວງຫລາຍໃຫ້ແກ່ງົບປະມານແຫ່ງລັດ ຂອງລາວລະອຽດຄື ລວມຍອດລາຍຮັບຂອງລັດຖະບານຈາກໂຄງການ 539 ກວ່າລ້ານໂດລາ; ໃນນັ້ນຈາກໂຄງການ 146 ກວ່າລ້ານໂດລາ, ຈາກອາກອນກຳໄລ 149 ກວ່າ ລ້ານໂດລາ ແລະ ຈາກການກຳໄລ ທີ່ໄດ້ຮັບ 243 ກວ່າລ້ານໂດລາ./.
ພັນທະຜູ້ກອບອາຊີບຮ້ານອາຫານ
* ຖ້າເວົ້າເຖິງອາຫານແລ້ວມັນແມ່ນວັດຖຸຫນຶ່ງ ທີ່ເປັນປັດໃຈສຳ ຄັນທີ່ສຸດທີ່ຄົນເຮົາຂາດບໍ່ໄດ້, ອາ ຫານລ້ວນແຕ່ສ້າງຄຸນປະໂຫຍດ ຕ່າງໆ ໃຫ້ແກ່ຮ່າງກາຍໃນການເສີມສ້າງພະລັງງານ ເຮັດໃຫ້ຮ່າງ ກາຍມີຄວາມສົມບູນ ພ້ອມທີ່ຈະປະ ກອບສ່ວນເຂົ້າໃນການສ້າງສາພັດ ທະນາປະເທດຊາດ. ເພື່ອເປັນການສົ່ງເສີມ ແລະ ຄຸ້ມຄອງຜູ້ປະກອບອາຊີບຮ້ານອາຫານ ກໍຄືຜູ້ບໍລິໂພກ ອາຫານໃຫ້ຖືກຕ້ອງຕາມຫລັກອານາໄມ, ພັກແລະລັດຖະບານຂອງພວກເຮົາຈຶ່ງໄດ້ອອກກົດ ຫມາຍວ່າດ້ວຍອາຫານສະບັບເລກ ທີ 04/ ສພຊ, ລົງວັນທີ15 ພຶດສະພາ 2004 ຊຶ່ງໄດ້ກຳນົດຫລັກການ ແລະ ມາດຕະການຕ່າງໆ ເພື່ອຄຸ້ມຄອງ, ກວດກາກິດຈະການກ່ຽວກັບອາຫານ ແນໃສ່ຄວບຄຸມຄຸນນະ ພາບ, ມາດຕະຖານ, ໂດຍສະເພາະຄວາມປອດໄພຂອງອາຫານ, ຮັບ ປະກັນທາງດ້ານໂພສະນາການ, ປົກປ້ອງສຸຂະພາບຂອງຜູ້ບໍລິໂພກ, ສົ່ງເສີມການຜະລິດ ແລະ ທຸລະກິດດ້ານອາຫານ. ມື້ນີ້ຜູ້ຂຽນຈະຂໍຍົກໃຫ້ເຫັນກ່ຽວກັບ ສະພາບການປະກອບອາຊີບດ້ານອາຫານວ່າ ມີຄວາມ ຮັບຜິດຊອບ ຫລືວ່າມີພັນທະແນວໃດ?
ໃນຍຸກແຫ່ງການພັດທະນາ ແລະ ສ້າງສາປະເທດຊາດ ການຈະເລີນເຕີບໂຕຂອງສັງຄົມນັບມື້ນັບສູງຂຶ້ນຈຶ່ງເຮັດໃຫ້ເກີດມີການແຂ່ງ ຂັນກັນຫລາຍຂຶ້ນ ທາງດ້ານການຜະລິດ ແລະທຸລະກິດ, ໂດຍສະເພາະ ຮ້ານອາຫານແມ່ນຂະຫຍາຍ ຕົວໄວຫລາຍໃນຕົວເມືອງໃຫຍ່, ທັງນີ້ກໍເພື່ອເປັນການອຳນວຍຄວາມສະດວກໃຫ້ແກ່ພະນັກງານລັດຖະກອນ, ນັກຮຽນ, ນັກສຶກສາ, ຕະຫຼອດຮອດນັກທຸລະກິດຜູ້ມີເວລາຫນ້ອຍໃນການແຕ່ງຢູ່ຄົວກິນ ຈຶ່ງຈຳເປັນອາໄສກິນເຂົ້ານອກບ້ານ ຫລື ຊື້ ຂອງກິນສຸກມາກິນ, ແຕ່ຜ່ານ ມາສັງເກດເຫັນວ່າ ຍັງມີບາງຄົນທີ່ປະ ກອບອາຊີບຮ້ານອາຫານຍັງບໍ່ທັນໄດ້ເອົາໃຈໃສ່ຕໍ່ຜູ້ບໍລິໂພກເທົ່າທີ່ຄວນເຊັ່ນ: ອາຫານບໍ່ມີຄວາມສະ ອາດ, ເສຍຄຸນນະພາບ ຫລື ເອົາອາ ຫານທີ່ຫມົດອາຍຸໃນການບໍລິໂພກ ມາຈຳຫນ່າຍ ອັນເຮັດໃຫ້ຜູ້ບໍລິໂພກເກີດພະຍາດຕ່າງໆ, ໂດຍສະເພາະພະຍາດຖອກທ້ອງ ຫລື ມະເຮັງ ແລະ ອື່ນໆ ເຊິ່ງພາໄປເຖິງຂັ້ນເສຍຊີວິດ. ເພື່ອເປັນການຄຸ້ມຄອງຜູ້ບໍລິໂພກອາຫານໃຫ້ມີຄວາມປອດໄພ, ໃນມາດຕາ 31 ຂອງກົດຫມາຍວ່າດ້ວຍອາຫານ ກໍໄດ້ກຳນົດເຖິງພັນ ທະຂອງຜູ້ດຳເນີນທຸລະກິດອາຫານ ຊຶ່ງໄດ້ລະບຸໄວ້ວ່າ ຜູ້ທີ່ດຳເນີນທຸລະກິດອາຫານ ຕ້ອງຮັບປະກັນຄວາມປອດໄພ, ອານາໄມ ແລະ ຄຸນນະ ພາບ ຂອງອາຫານ. ໃນກໍລະນີທີ່ອາຫານ ຫາກບໍ່ມີຄວາມປອດໄພ ແລະ ສ້າງຄວາມເສຍຫາຍໃຫ້ແກ່ຜູ້ບໍລິໂພກນັ້ນ ຜູ້ດຳເນີນທຸລະກິດຕ້ອງຮັບຜິດຊອບຕໍ່ລະບຽບກົດຫມາຍເຊັ່ນ: ການສຶກສາອົບຮົມ, ການປັບ ໃຫມ, ການໃຊ້ແທນຄ່າເສຍຫາຍ ລວມໄປເຖິງລົງໂທດທາງອາຍາ ຕາມມາດຕາ 144 ຂອງກົດຫມາຍອາຍາ ຊຶ່ງລະບຸໄວ້ວ່າ ບຸກຄົນຜູ້ໃດຫາກໄດ້ຜະລິດ ຫລື ຂາຍເຄື່ອງດື່ມ, ຊີ້ນ, ປາ, ຫມາກໄມ້ ແລະເຄື່ອງບໍລິໂພກອື່ນໆ ທີ່ເສຍຄຸນ ແລະ ເປັນອັນ ຕະລາຍຕໍ່ສຸຂະພາບຈະຖືກປັບໃຫມ ແຕ່ ຫນຶ່ງແສນຫາຫນຶ່ງລ້ານກີບ ໃນກໍລະນີການກະທຳນັ້ນຫາກເປັນການກະທຳໂດຍເຈດຕະນາຈະຖືກລົງໂທດຕັດອິດສະລະພາບແຕ່ ສາມເດືອນຫາສາມປີ ແລະ ຈະຖືກປັບໃຫມ ຫນຶ່ງລ້ານຫ້າແສນຫາຫ້າລ້ານກີບ.
ສະນັ້ນເພື່ອເປັນການແກ້ໄຂບັນ ຫາດັ່ງກ່າວນີ້ ຈິ່ງຮຽກຮ້ອງມາຍັງພາກສ່ວນທີ່ກ່ຽວຂ້ອງ,ໂດຍສະເພາະກະຊວງສາທາລະນະສຸກ (ກົມ ອາຫານແລະຢາ) ຕ້ອງໄດ້ຕິດ ຕາມກວດກາບັນດາຜູ້ປະກອບອາ ຊີບອາຫານຕ່າງໆ ເພື່ອຮັບປະກັນໃຫ້ໄດ້ຄຸນນະພາບ ແລະ ບັນດາຜູ້ປະ ກອບອາຊີບຮ້ານອາຫານກໍຕ້ອງເປັນເຈົ້າການຕື່ມອີກ ຕໍ່ຜູ້ບໍລິໂພກ ທັງນີ້ກໍເພື່ອຄວາມປອດໄພຂອງຜູ້ບໍລິໂພກແລະຄວາມກ້າວ ຫນ້າຂອງ ຜູ້ປະກອບການເອງ./.
6 ເດືອນຕົ້ນປີ 2007-2008 ຂອງພະແນກການເງິນ ແຂວງອູດົມໄຊ
* ໂດຍຄວາມເອົາໃຈໃສ່ເປັນ ເຈົ້າການຂອງພະນັກງານລັດຖະ ກອນທົ່ວຂະແໜງການເງິນ ແລະ ພາກສ່ວນຂະແໜງການທີ່ມີລາຍຮັບ ອ້ອມຂ້າງແຂວງ ແລະເມືອງ ຂອງ ແຂວງອຸດົມໄຊ ໄດ້ເອົາໃຈໃສ່ໃນ ການຂຸດຄົ້ນທຸກແຫລ່ງລາຍຮັບ ເພື່ອມອບເຂົ້າງົບປະມານໃນ 6 ເດືອນຕົ້ນປີ 2007-2008 ຕາມແຜນ ການປີ 19 ຕື້ 800 ລ້ານ ກີບ ປະຕິບັດ ໄດ້ 11 ຕື້ 780 ລ້ານກີບ ທຽບໃສ່ ແຜນການ ໄລຍະດຽວ ຂອງປີ ຜ່ານ ມາ 138,3%, ໃນນັ້ນຮັບຈາກຫ້ອງ ການສວຍສາອາກອນ 10 ຕື້ 314 ລ້ານ ກີບ, ຮັບຈາກຫ້ອງ ການຊັບ ສິນ 1 ຕື້ 466 ລ້ານກີບ. ນອກຈາກນີ້ ລາຍຮັບພູດສູນກາງ, ຫ້ອງການພາ ສີ 6 ຕື້ 151 ລ້ານກີບ ທຽບໃສ່ໄລຍະ ດຽວຂອງປີຜ່ານມາ 148% ແລະ ຮັບຈາກສູນກາງດູນ 42 ຕື້ 587 ລ້ານກີບ.
ພ້ອມດຽວກັນນັ້ນ ກໍໄດ້ເອົາໃຈ ໃສ່ຄຸ້ມຄອງລາຍຈ່າຍ ໃຫ້ໄປຕາມ ແຜນການທີ່ວາງໄວ້ ແລະ ຈ່າຍ ຕາມບູລິມະສິດຂອງລັດຖະບານ ເປັນຕົ້ນແມ່ນສຸມໃສ່ແກ້ໄຂເງິນເດືອນ, ເງິນນະໂຍບາຍ ໃຫ້ແກ່ພະນັກງານລັດຖະກອນ, ທະຫານ, ຕຳຫລວດ, ພະນັກງານບຳນານ ສຳເລັດໃນ ງວດສົກປີ 2007-2008 ເປັນຈຳ ນວນເງິນ 53 ຕື້ 836 ລ້ານກີບ ທຽບ ໃສ່ແຜນການ 6 ເດືອນ 106%.
ໃນນັ້ນຈ່າຍເງິນເດືອນ 27 ຕື້ 082 ລ້ານ ກີບ, ຈ່າຍເງິນອຸດໜູນ 9 ຕື້ 189 ລ້ານ ກີບ,ຈ່າຍເງິນບໍລິຫານ 5 ຕື້ 453ລ້ານ ກີບ, ຈ່າຍເງິນດັດສົມ 3 ຕື້ 5 ລ້ານກີບ, ຈ່າຍເງິນແຮ 382 ລ້ານກີບ, ຈ່າຍ ເງິນລົງທຶນ 7 ຕື້ 666 ລ້ານກີບ ແລະ ຈ່າຍເງິນຊື້ໃໝ່ 1 ຕື້ 059 ລ້ານກີບ. ສຳລັບທິດທາງແຜນການ 6 ເດືອນທ້າຍປີ 2007-2008 ນີ້ທາງ ພະແນກ ການເງິນ ແຂວງອຸ ດົມໄຊ ຕ້ອງສູ້ ຊົນຂຸດຄົ້ນລາຍຮັບໃຫ້ໄດ້ 11 ຕື້ 268 ລ້ານກີບ, ໃນນັ້ນລາຍ ຮັບທ້ອງຖິ່ນ 8 ຕື້ກວ່າກີບ, ສວ່ຍສາ ອາກອນ 7 ຕື້ ກວ່າກີບ, ຊັບສິນ 934 ລ້ານກີບ, ລາຍຮັບສູນກາງ 3 ຕື້ 249 ລ້ານກີບ, ລາຍຮັບພາສີ 3 ຕື້ 249 ລ້ານ ກີບ ແລະ ເອົາໃຈໃສ່ ຄຸ້ມຄອງ ລາຍຈ່າຍທັງໝົດໃຫ້ໄດ້ 51 ຕື້ 683 ລ້ານກີບ ໃນນັ້ນຈ່າຍ ເງິນເດືອນ 26 ຕື້ 079 ລ້ານກີບ, ເງິນ ນະໂຍບາຍ 12 ຕື້ 199 ລ້ານກີບ, ເງິນບໍລິ ຫານ 5 ຕື້ 207 ລ້ານກີບ, ເງິນດັດສົມ 2 ຕື້ 095 ລ້ານກີບ, ເງິນແຮ 149 ລ້ານ ກີບ, ເງິນລົງທຶນ 5 ຕື້ 884 ລ້ານ ກີບ ແລະ ເງິນຊື້ໃໝ່ 25 ລ້ານກີບ./.
ສົ່ງເສີມການຊຳລະສະສາງ ລະຫວ່າງປະເທດ
* ທະນາຄານ ພົງສະຫວັນ ຈຳ ກັດ ມີຄວາມຕ້ອງການຍົກສູງສະ ຖານະພາບຂອງເງິນກີບ ໃຫ້ເປັນທີ່ຮັບຮູ້ ແລະ ນຳໃຊ້ຢູ່ໄດ້ໃນ
ຫລາຍປະເທດຍິ່ງຂຶ້ນ ກໍ່ຄືການສະດວກສະ ບາຍໃນການຊຳລະສະສາງ ແລະ ໂອນເງິນໃນລະຫວ່າງປະເທດ ທັງເປັນການ
ສ້າງສາຍສຳພັນທີ່ດີກັບປະເທດເພື່ອນບ້ານ ແລະເປັນການເສີມຂະຫຍາຍທ່າແຮງທາງດ້ານທຸລະກິດຂອງທະນາຄານ ໃຫ້ກວ້າງຂວາງຕາມວິໄສທັດຜູ້ຖືຫຸ້ນວາງອອກກໍ່ຄືຕາມນະໂຍບາຍຂອງທະນາຄານ ແຫ່ງ ສປປ ລາວ ວາງອອກ, ໃນທ້າຍ
ອາທິດ ມານີ້ ທ່ານ ເດດພູວັງ ມູລຣັຕ, ຜູ້ຊ່ວຍຜູ້ວ່າການທະນາຄານ ແຫ່ງ ສປປ ລາວ ທັງເປັນປະທານຄະນະຮັບຜິດຊອບ
ສ້າງຕັ້ງຕະຫລາດຫລັກຊັບຂອງ ສປປ ລາວ ໄດ້ໃຫ້ກຽດນຳ ພາຄະນະບໍລິຫານງານຂອງ ທະນາ ຄານ ພົງສະຫວັນ ເຂົ້າ
ຢ້ຽມຢາມພົບປະກັບທ່ານຜູ້ວ່າການ ທະນາຄານ ແຫ່ງ ປະເທດໄທ.
ໃນໂອກາດນີ້ ທ່ານ ອ໋ອດ ພົງສະ ຫວັນ, ປະທານສະພາບໍລິຫານ ທະນາ ຄານ ພົງສະຫວັນ ຈຳກັດ ໃຫ້ສຳພາດວ່າ: ການເດີນ
ທາງມາຢ້ຽມຢາມໃນ ຄັ້ງນີ້ ຄະນະຜູ້ບໍລິຫານງານຂອງ ທະນາຄານ ພົງສະຫວັນ ໄດ້ຍົກເອົາຫລາຍບັນຫາຂຶ້ນມາປຶກສາຫາລື
ກ່ຽວກັບນະໂຍບາຍ ແລະ ເງື່ອນໄຂ ຄວາມເປັນໄປໄດ້ໃນການສ້າງຕັ້ງ ສຳນັກງານຕົວແທນ,ສາຂາຫຼືໜ່ວຍ ບໍລິການຂອງ
ທະນາຄານ ພົງສະ ຫວັນ ຢູ່ທີ່ປະເທດໄທ ແລະ ວຽກງານອື່ນໆ ທີ່ກ່ຽວຂ້ອງກັບການຊຳລະສະສາງ ລະຫວ່າງປະເທດ;
ທັງນີ້ກໍ່ເພື່ອເປັນການສົ່ງເສີມການຊຳລະສະ ສາງສະກຸນເງິນຂອງສອງປະເທດ ແກ່ພໍ່ຄ້າຊາວຂາຍ ເພື່ອຫລຸດຜ່ອນການ
ແລກປ່ຽນເງິນຕາຕ່າງປະເທດແບບຊະຊາຍ ແລະ ຫັນການຊຳລະ ສະສາງໃຫ້ເຂົ້າສູ່ລະບຽບກົດຫມາຍ, ໂດຍສະເພາະ
ການຊຳລະສະສາງຢູ່ຕາມຊາຍແດນຂອງ 2 ປະເທດ ລວມ ທັງການໂອນເງິນຂອງແຮງງານຄົນລາວທີ່ເຮັດວຽກຢູ່ໄທ
ໃຫ້ມີຄວາມສະດວກວ່ອງໄວ ແລະ ມີປະສິດທິ ພາບ. ນອກນີ້ ຍັງໄດ້ປຶກສາຫາລື ກ່ຽວກັບການນຳໃຊ້ບັດ ATM ຂອງ
ທະນາຄານພົງສະຫວັນ ເພື່ອຊື້ສິນຄ້າຢູ່ ບາງແຂວງຕາມຊາຍແດນ ແລະ ການສ້າງຕັ້ງຫນ່ວຍບໍລິການຢູ່ ຕາມຊາຍແດນ
ລາວ-ໄທ. ທະນາຄານ ພົງສະຫວັນ ຈຳກັດ ເປັນທະນາຄານທຸ ລະກິດເອກະຊົນຂອງ ສປປ ລາວ ທີ່ ໄດ້ເປີດການບໍລິການ
ມາແຕ່ວັນທີ 29 ມີນາ 2007ເຊິ່ງໃນປີດຽວກັນໄດ້ເພີ່ມທຶນຈົດທະບຽນຂອງຕົນຈາກ 10 ລ້ານໂດລາສະຫະລັດມາເປັນ
20 ລ້ານໂດລາສະຫະລັດ ແລະ ມີຝາກເງິນຄ້ຳປະກັນທຶນຈົດທະບຽນຈຳ ນວນ4,25ລ້ານໂດລາສະຫະລັດ ເພື່ອ ຄ້ຳປະ
ກັນຄວາມຫມັ້ນຄົງຂອງທະ ນາຄານ. ນອກນີ້ ທະນາຄານຍັງມີນະໂຍບາຍຄຸ້ມຄອງບໍລິຫານທະນາ ຄານຕາມລະບົບ
ສາກົນ ເຊິ່ງປະກອບດ້ວຍ ປະທານ ຮອງປະທານ ສະມາ ຊິກສະພາບໍລິຫານ ແລະ ຄະນະບໍລິ ຫານທີ່ມີຄວາມສາມາດ,
ມີລະບົບການກວດສອບພາຍໃນທີ່ຮັດກຸມ ແລະ ມີການສ້າງຕັ້ງຫນ່ວຍງານຕິດ ຕາມຂໍ້ມູນຕ້ານການຟອກເງິນ. ເພື່ອຮັບປະກັນຄວາມໂປ່ງໃສທະນາຄານຍັງໄດ້ຈ້າງບໍລິສັດກວດສອບພາຍໃນຄື: Ernst&Young ມາກວດສອບ ຄວາມ
ຖືກຕ້ອງຂອງຖານະການເງິນຂອງທະນາຄານ, ທັງນີ້ ກໍ່ເພື່ອກະ ກຽມສ້າງເງື່ອນໄຂໃນການຫັນທະ ນາຄານ ເພື່ອເປັນທະນາ
ຄານມະຫາຊົນ ເພື່ອກຽມພ້ອມໃນການເຂົ້າຮ່ວມເປັນສະມາຊິກໃນຕະຫລາດຫລັກຊັບທີ່ຈະສ້າງຕັ້ງຂຶ້ນໃນປີ 2010. ໃນໄລຍະ
1 ປີ ຜ່ານມາ, ທະນາຄານ ພົງສະຫວັນ ສາມາດບັນລຸຜົນສຳເລັດລື່ນຄາດໝາຍທີ່ວາງໄວ້ເຊັ່ນ: ລູກຄ້າ ເປີດບັນຊີກັບທະນາຄານ
ໄດ້ 30ພັນ ກວ່າບັນຊີ ລວມເປັນເງິນທັງຫມົດ ປະມານ 17 ລ້ານໂດລາສະຫະລັດ ແລະ ປ່ອຍສິນເຊື່ອດ້ວຍລະບຽບຫຼັກການ
ທີ່ຮັດກຸມໃນວົງເງິນເກືອບ 5 ລ້ານໂດລາສະຫະລັດ, ໄດ້ເປີດບັນ ຊີກັບທະນາຄານຕ່າງປະເທດ ເຊັ່ນ: ອາເມລິກັນເອັກສະເພຣດ,
ວັກໂຄເວຍ, ວີຊາ, ເຣັດເອສບີຊີ ແລະຈະເປີດ ບັນຊີກັບທະນາຄານໄທ ອີກ 5 ແຫ່ງແລະອື່ນໆ. ພ້ອມນີ້ ຍັງໄດ້ໃຫ້ການບໍ
ລິການຖອນຜ່ານຕູ້ ATM ໂດຍສັ່ງຊື້ 100 ຫນ່ວຍ ໃນເບື້ອງຕົ້ນ ດ້ວຍເງິນລົງທຶນ 2,4 ລ້ານໂດລາສະຫະລັດ.ເຊິ່ງປະຈຸບັນ
ໄດ້ຕິດຕັ້ງສຳເລັດແລ້ວ 23 ຫນ່ວຍ ແລະ ກຳລັງສືບຕໍ່ຕິດຕັ້ງຕໍ່ໄປ ແລະກະກຽມລະບົບໂພສ (POS) ເພື່ອໃຊ້ໃນການ
ສະສາງລະບົບສາ ທາລະນູປະໂພກ ເພື່ອຫລຸດຜ່ອນການນຳໃຊ້ງົດສົດ, ການໂອນເງິນຜ່ານເຄື່ອຄ່າຍເວສເທິນຢູນຽນ
(Western Union) ແລະ ສະວີບ (SWIFT)./.
ສາທາລະນະລັດ ປະຊາທິປະໄຕ ປະຊາຊົນລາວ
ສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນາຖາວອນ
*******
ທະນາຄານແຫ່ງ ສປປ ລາວ ເລກທີ: 03 /ທຫລ
ນະຄອນຫລວງວຽງຈັນ,ວັນທີ 30 ພຶດສະພາ 2007
ບົດແນະນຳເພີ່ມເຕີມກ່ຽວກັບການເຄື່ອນໄຫວຂອງໜ່ວຍແລກປ່ຽນເງິນຕາ ຂອງທະນາຄານທຸລະກິດ
- ອີງຕາມລັດຖະບັນຍັດ ວ່າດ້ວຍການຄຸ້ມຄອງເງິນຕາຕ່າງປະເທດ ແລະວັດຖຸມີຄ່າ ສະບັບເລກທີ 01/ສປປ, ລົງວັນທີ 9/8/2002.
- ອີງຕາມດຳລັດ ວ່າດ້ວຍການຄຸ້ມຄອງເງິນຕາຕ່າງປະເທດ ແລະສົ່ງເສີມການນຳໃຊ້ເງິນກີບ ສະບັບເລກທີ 150/ນຍ, ລົງວັນທີ 18/5/2007.
- ອີງຕາມບົດແນະນຳກ່ຽວກັບການເຄື່ອນໄຫວຂອງໜ່ວຍແລກປ່ຽນເງິນຕາຂອງທະນາຄານທຸລະກິດສະບັບເລກທີ 03/ທຫລ ລົງວັນທີ 6/8/2004. ເພື່ອອຳນວຍຄວາມສະດວກໃຫ້ແກ່ການແລກປ່ຽນເງິນຕາ ຂອງຜູ້ເດີນທາງອອກ ສປປ ລາວ.
ຜູ້ວ່າການທະນາຄານ ແຫ່ງ ສປປ ລາວ ອອກບົດແນະນຳເພີ່ມເຕີມກ່ຽວກັບການຈັດຕັ້ງປະຕິບັດ ບົດແນະນຳສະບັບເລກທີ 03/ທຫລ ລົງວັນທີ 6/8/2004 ດັ່ງນີ້:
1). ອະນຸຍາດໃຫ້ໜ່ວຍແລກປ່ຽນເງິນຕາຂອງທະນາຄານທຸລະກິດ ປະຈຳດ່ານສາກົນ ຂາຍເງິນຕາຕ່າງປະເທດໃຫ້ຜູ້ທີ່ຕ້ອງການ ເດີນທາງໄປຕ່າງປະເທດ ໄດ້ບໍ່ເກີນ 20 ລ້ານກີບ (ຊາວລ້ານກີບ) ຕໍ່ຄົນ ຕໍ່ວັນ ໂດຍໃຫ້ຜູ້ເດີນທາງໄປຕ່າງປະເທດ ປະກອບເອກະສານຢັ້ງຢືນດັ່ງນີ້:
- ກໍລະນີເດີນທາງທາງຍົນ ໃຫ້ນຳເອົາໜັງສືຜ່ານແດນ ແລະບັດຂຶ້ນຍົນທີ່ລົງວັນທີກົງກັນກັບວັນທີ່ຕ້ອງການຊື້ເງິນຕາຕ່າງປະເທດ ມາຢັ້ງຢືນ.
- ກໍລະນີເດີນທາງທາງລົດ ຫລືທາງເຮືອໃຫ້ນຳເອົາໜັງສືຜ່ານແດນ, ບັດຜ່ານແດນ ຫລືປຶ້ມຜ່ານແດນ ທີ່ມີການຈ້ຳກາອອກລົງວັນທີກົງກັບມື້ທີ່ຕ້ອງການຊື້ເງິນຕາຕ່າງປະເທດ ມາຢັ້ງຢືນ.
-ສຳລັບນັກທ່ອງທ່ຽວຕ່າງປະເທດ ທີ່ໄດ້ຂາຍເງິນຕາຕ່າງປະເທດ ໃຫ້ຮ້ານແລກປ່ຽນເງິນຕາ ຫລືໜ່ວຍແລກປ່ຽນເງິນຕາຂອງທະນາຄານທຸລະກິດໃດໜຶ່ງ ແຕ່ນຳໃຊ້ເງິນກີບທີ່ໄດ້ຈາກການຂາຍເງິນຕາຕ່າງປະເທດນັ້ນ ບໍ່ໝົດ ແມ່ນສາມາດແລກເອົາເງິນຕາຕ່າງປະເທດຄືນຕາມຈຳນວນເງິນກີບທີ່ຍັງເຫລືອ ໂດຍມີໃບຢັ້ງຢືນການຂາຍເງິນຕາຕ່າງປະເທດ ໃຫ້ຮ້ານແລກປ່ຽນເງິນຕາ ຫລືໜ່ວຍແລກປ່ຽນເງິນຕາ ຂອງທະນາຄາທຸລະກິດ.
2). ໜ່ວຍແລກປ່ຽນເງິນຕາ ຂອງທະນາຄານທຸລະກິດແຫ່ງອື່ນໆ ແມ່ນໃຫ້ປະຕິບັດບົດແນະນຳ ກ່ຽວກັບການເຄື່ອນໄຫວ ຂອງໜ່ວຍແລກປ່ຽນເງິນຕາ ຂອງທະນາຄານທຸລະກິດ ສະບັບເລກທີ 03/ທຫລ, ລົງວັນທີ 6/8/2004. ເວັ້ນເສຍແຕ່ໄດ້ຮັບອະນຸຍາດສະເພາະ ຈາກທະນາຄານແຫ່ງ ສປປ ລາວ.
3). ໜ່ວຍແລກປ່ຽນເງິນຕາ ມີໜ້າທີ່ລາຍງານການ ຊື້-ຂາຍເງິນຕາ ໃຫ້ທະນາຄານທຸລະກິດ ສຳນັກງານໃຫຍ່ເປັນປະຈຳວັນ ເພື່ອສັງລວມເຂົ້າລາຍງານປະຈຳວັນ ໃຫ້ທະນາຄານແຫ່ງ ສປປ ລາວ (ກົມນະໂຍບາຍເງິນຕາ).
4). ບົດແນະນຳສະບັບນີ້ ມີຜົນຍັງຄັບໃຊ້ນັບແຕ່ມື້ລົງລາຍເຊັນເປັນຕົ້ນໄປ.
ຜູ້ວ່າການທະນາຄານແຫ່ງ ສປປ ລາວ
ພູເພັດ ຄຳພູນວົງ
----------------------------
ຂະແໜງການພະລັງງານ-ບໍ່ແຮ່ ສືບຕໍ່ຂະຫຍາຍຕົວຢ່າງຕໍ່ເນື່ອງ
*(ຂປລ): ຂະແໜງການພະລັງງານ-ບໍ່ແຮ່ ໄດ້່ສືບຕໍ່ມີທ່າກ້າວ ແລະ ຂະຫຍາຍຕົວຢ່າງຕໍ່ເນື່ອງໃນລະດັບສູງພໍສົມຄວນ, ໃນສົກປີ 2006-2007 ສາມາດຍາດໄດ້ຜົນສຳເລັດໃນຫລາຍດ້ານຢ່າງເປັນຮູບປະທຳ, ທຽບໃສ່ປີຜ່ານມາອັດຕາການຂະຫຍາຍຕົວເພີ່ມຂຶ້ນ 20,4%, ໃນນັ້ນອຸດສາຫະກຳໄຟຟ້າຫລຸດລົງ 7% ຍ້ອນປະລິມານນ້ຳໄຫລເຂົ້າອ່າງຫລຸດລົງ, ອຸດສາຫະກຳບໍ່ແຮ່ເພີ່ມຂຶ້ນ 27,4% ໂຄງປະກອບການຜະລິດໄຟຟ້າກວມ15,8%, ການຜະລິດບໍ່ແຮ່ກວມ 84,2%.
ປະຈຸບັນ ທົ່ວປະເທດມີກຳລັງຕິດຕັ້ງໄຟຟ້າທັງໝົດ 673,4 ເມກາວັດ, ກວມປະມານ 4% ຂອງທ່າແຮງໄຟຟ້ານ້ຳຕົກ.ຊຶ່ງໃນ ສົກປີ 2006-2007 ເຫັນວ່າການຜະລິດກະແສໄຟຟ້າ (ລວມທັງ IPP ແລະ EDL) ປະຕິບັດໄດ້ທັງໝົດ 3.464,3 ລ້ານກິໂລວັດໂມງ ເພີ່ມຂຶ້ນປະມານ 2% ທຽບໃສ່ແຜນການປີ ແລະ ທຽບໃສ່ປີຜ່ານມາຫລຸດລົງ 7% ຍ້ອນປະລິມານນ້ຳໄຫລເຂົ້າອ່າງແຕ່ລະເຂື່ອນມີໜ້ອຍກວ່າປີຜ່ານມາໂດຍສະເພາະແມ່ນຈາກນ້ຳຝົນ, ການຈຳໜ່າຍໄຟຟ້າອອກຕ່າງປະເທດປະຕິ ບັດໄດ້ 2.304,1 ລ້ານກິໂລວັດໂມງ, ມູນຄ່າ 92,5 ລ້ານໂດລາ, ໃນນີ້ຂອງ EDL ເທົ່າກັບ 295,6 ລ້ານກິໂລວັດໂມງ ມູນຄ່າ 10,5 ໂດລາ ແລະ ຂອງ IPP ຈຳໜ່າຍໄດ້ 2.008,5 ກິໂລວັດໂມງ ມູນຄ່າ 82 ລ້ານໂດລາ, ສ່ວນການນຳເຂົ້າພະລັງງານໄຟຟ້າຈາກຕ່າງປະເທດ ຂອງລັດວິສາຫະກິດໄຟຟ້າລາວເທົ່າກັບ 416,99 ລ້ານກິໂລວັດໂມງ ມູນຄ່າ 18,8 ລ້ານໂດລາສະຫະລັດ.
ຄວາມຄືບໜ້າຂອງໂຄງການກໍ່ສ້າງເຂື່ອນໄຟຟ້າແຫ່ງຕ່າງໆເຫັນວ່າ:ໂຄງການນ້ຳເທີນ2 ມາຮອດທ້າຍເດືອນ 8/2007 ການກໍ່ສ້າງບັນລຸໄດ້ 65% ໂຄງການດັ່ງກ່າວສາມາດສ້າງວຽກເຮັດງານທຳໄດ້ 6.778 ຄົນ ໃນນີ້ມີແຮງງານຄົນລາວ 5.088 ຄົນກວມ 75% ຂອງຈຳນວນພົນລະເມືອງທັງໝົດ, ໂຄງການນ້ຳງື່ມ 2 ກໍ່ສ້າງມາຮອດທ້າຍເດືອນ 9/2007 ສຳເລັດປະມານ 43% ຄາດວ່າຈະສຳເລັດໃນປີ 2011 , ໂຄງການເຊເສັດ 2 ມາຮອດທ້າຍເດືອນ 8/2007 ສຳເລັດການກໍ່ສ້າງປະມານ 51% , ໂຄງການເຊຂະໝານ 3 ສຳເລັດການກໍ່ສ້າງປະມານ 31%, ໂຄງການຂະຫຍາຍສາຍສົ່ງໄຟຟ້າຊົນນະບົດພາກເໜືອ ໄດ້ປະຕິບັດຢູ່ ແຂວງວຽງຈັນ, ຫລວງພະບາງ, ໄຊຍະບູລີ, ຫລວງນ້ຳທາ, ອຸດົມໄຊ ແລະ ຊຽງຂວາງ ມາຮອດທ້າຍເດືອນ 9 ປະຕິບັດໄດ້ 38% ແລະ ໂຄງການກໍ່ສ້າງສາຍສົ່ງພາກກາງ-ພາກໃຕ້ ປະຕິບັດໄດ້ປະມານ 10%. ເມື່ອສັງລວມແລ້ວ ມາເຖິງປະຈຸບັນລະບົບສາຍສົ່ງໄຟຟ້າແຮງສູງທົ່ວປະເທດມີ 1.452,7 ກິໂລແມັດ, ແຮງກາງ 8.729,8 ກິໂລແມັດ ແລະ ແຮງຕ່ຳ 8.591,5 ກິໂລແມັດ.
ດ້ານທໍລະນີສາດ-ບໍ່ແຮ່ຈັງຫວະການຂະຫຍາຍຕົວຂອງອຸດສາກຳ-ບໍ່ແຮ່ເພີ່ມຂຶ້ນ 27,4% ທຽບໃສ່ປີຜ່ານມາ ໄດ້ອະນຸຍາດໃຫ້ບັນດາບໍລິສັດລົງທຶນເຂົ້າໃນກິດຈະການຊອກຄົ້ນ ແລະ ສຳຫລວດບໍ່ແຮ່ຈຳນວນ 10 ບໍລິສັດ, ມີ 10 ໂຄງການ ເຊິ່ງໄດ້ເຮັດໃຫ້ການລົງທຶນເຂົ້າໃນຂະແໜງທໍລະນີສາດ-ບໍ່ແຮ່ ເພີ່ມຂຶ້ນເປັນ 123 ບໍລິສັດ, 196 ກິດຈະການ ໃນນັ້ນສູນກາງຄຸ້ມຄອງມີ 102 ບໍລິສັດ, ມີ 167 ກິດຈະການ, ກຳລັງດຳເນີນການຊອກຄົ້ນ 69 ກິດຈະການ, ສຳຫລວດ 50 ກິດຈະການ, ສ້າງບົດວິພາກເສດຖະກິດເຕັກນິກ 3 ໂຄງການ ແລະ ຂຸດຄົ້ນ 45 ກິດຈະການ. ກິດຈະການທັງໝົດໄດ້ກວມເອົາແຮ່ທາດຕ່າງໆຄື: ຄຳ, ເງີນ, ທອງ, ສັງກະສີ, ຊືນ, ຖ່ານຫີນ, ແຮ່, ກົ່ວ, ແກ້ວປະເສີດ, ດິນໜຽວ ຮັບໃຊ້ການຜະລິດຊີມັງ, ຫີນບາຣິດ ຫີນກາວ, ເກືອໂປຕັສ ແລະ ອື່ນໆ. ບາງແຮ່ທາດສຳຄັນທີ່ຜະລິດໄດ້ໃນສົກປີ 2006-2007 ມີຄື: ຜະລິດຄຳປະສົມ ຢູ່ເຊໂປນໄດ້ 10,08 ໂຕນ ຈຳໜ່າຍໄດ້ 11 ໂຕນ ມູນຄ່າ 93 ລ້ານໂດລາ, ຜະລິດທອງໄດ້ 59 ພັນໂຕນ, ຈຳໜ່າຍໄດ້ 67 ພັນໂຕນ ມູນຄ່າ 477 ລ້ານໂດລາ, ບໍລິສັດພູເບັ້ຍມາຍນິງ ຢູ່ໄຊສົມບູນຜະລິດຄຳໄດ້ 0,81 ໂຕນ, ສົ່ງອອກໄດ້0,75 ໂຕນ ເປັນມູນຄ່າ 13, 26 ລ້ານໂດລາສະຫະລັດ. ນອກນັ້ນຍັງຜະລິດແຮ່ທາດອື່ນໆເຊັ່ນ: ແຮ່ກົ່ວ ຜະລິດໄດ້ 810 ໂຕນ ມູນຄ່າ 20,26 ຕື້ກີບ, ຫີນກາວ 251 ໂຕນ ມູນຄ່າ 9,79 ຕື້ກີບ, ຖ່ານຫີນລຶກໃນ 489.238 ໂຕນ ມູນຄ່າ 67,51 ຕື້ກີບ, ຖ່ານຫີນແອນຕຣາໄຊ 72 ພັນໂຕນ ມູນຄ່າ 7,2 ຕື້ກີບ, ຫີນບາລິດ (ຂາວແລະດຳ) 24000 ໂຕນ ມູນຄ່າ 177,6 ລ້ານກີບ, ແຮ່ສັງກະສີ 12.446 ໂຕນ ມູນຄ່າ 11, 76 ຕື້ກີບ, ຫີນປູນ 357.500 ໂຕນ ມູນຄ່າ 6,44 ຕື້ກີບ, ແຮ່ຊືນ 2.600 ໂຕນ ມູນຄ່າ 2,46 ຕື້ກີບ ແລະ ອື່ນໆ ອີກຈຳນວນໜຶ່ງ.
ຄຽງຄູ່ກັບຜົນສຳເລັດດັ່ງກ່າວນັ້ນ ວຽກງານພະລັງງານບໍ່ແຮ່ ກໍຍັງມີບາງຂໍ້ຄົງຄ້າງເຊັ່ນ: ການຜະລິດ ແລະ ຈຳໜ່າຍກະແສໄຟຟ້າຮັບໃຊ້ພາຍໃນຍັງບໍ່ທັນພຽງພໍກັບຄວາມຕ້ອງການ, ການຜະລິດກະແສໄຟຟ້າເພື່ອສົ່ງອອກ ຍັງມີຄວາມຊັກຊ້າກວ່າແຜນການທີ່ວາງໄວ້, ຍັງຂາດແຄນ ພະນັກງານດ້ານການຄຸ້ມຄອງ, ກວດກາ ແລະ ປະເມີນຜົນໃນຂົງເຂດວຽກງານທໍລະນີສາດ ແລະ ບໍ່ແຮ່./.
---------------------
