ນັກມວຍແດນຈຳປາ ຊະນະ 3 ປະລາໄຊ 1
* ນັກມວຍ ຈາກ ແຂວງ ຈຳປາສັກ ຂຶ້ນມາສະແດງລີລາເກັ່ງ ຢູ່ໃນນະຄອນຫລວງວຽງຈັນ ໂດຍການຊະ ນະ 3 ຄົນ ແລະ ປະລາໄຊພຽງ 1 ຄົນເທົ່ານັ້ນ ໃນ ການແຂ່ງຂັນຊົກມວຍ ລາຍການ M-150 ເມື່ອວັນທີ 6 ກຸມພານີ້ ຢູ່ເວທີມວຍ ໂຮງກາຍະສິນແຫ່ງຊາດ. ການແຂ່ງຂັນດັ່ງກ່າວ ສ້າງໄດ້ຄວາມເບີກບານມ່ວນຊື່ນແກ່ກອງເຊຍເປັນຢ່າງດີ ເນື່ອງຈາກວ່າ ນັກມວຍ ຈາກ ແຂວງ ຈຳປາສັກ ໄດ້ຂຶ້ນມາສະແດງ ລີລາສິລະ ປະການຕໍ່ສູ້ໃຫ້ແຟນມວຍນະຄອນຫລວງວຽງຈັນໄດ້ເຫັນເຊິ່ງຜົນການແຂ່ງຂັນມີດັ່ງນີ້: ຫນຶ່ງຈຳປາສັກ ແຂວງ ຈຳປາສັກ ຊະນະນ໊ອກ ກາລະມີນ ຂວັນໃຈສີ ໂຄດ ( ຝຣັ່ງ) ລຸ້ນ 60 ກິໂລ ໃນຍົກທີ 3, ແສນ ຫລ່ຽມ ຈຳປາສັກ ຊະນະ ສົມຊາຍ ເພັດແພງຂວັນ ລຸ້ນ 50 ກິໂລ, ຂຸນແຜນ ຈຳປາສັກ ຊະນະ ລັກເລ້ ໄອໂອ ດິນ ລຸ້ນ 52 ກິໂລ, ຄູ່ເອກ ຊາດສະໄຫມ ແຂວງ ຈຳປາສັກ ເສຍຄະແນນໃຫ້ ແສງເພັດ ສິດອາລີ ລຸ້ນ 65 ກິໂລ, ເກັບຕົກ ສິດຊຽນນິຍົມ ຊະນະ ຈໍດຸ ສິດ ລັດສະຫມີ ລຸ້ນ 32 ກິໂລ, ມືດສາມມໍ ສິດລັດສະຫມີ ຊະນະ ພະລັງໄຊ ຄູພະລະສຶກສາ ລຸ້ນ 53 ກິໂລ ແລະ ມວຍຮອງຄູ່ເອກ: ສະຫມິງນ້ອຍ ກະຊວງ ປກສ ຊະນະ ສາຍຊົນ ຂວັນໃຈສີໂຄດ ລຸ້ນ 55 ກິໂລ./.
ກັບສາລະບານ
