ໃຫ້ກຳລັງໃຈຕໍ່ນັກເຕາະບານຢ່າງສ້າງສັນ
* ເປັນເລື່ອງທີ່ຫນ້າຍິນດີສຳ ລັບກອງເຊຍ ທີ່ໄດ້ສົນໃຈໄປເບິ່ງ ໄປເຊຍການແຂ່ງຂັນລາວລີກ 1 ຫລາຍຂຶ້ນເມື່ອທຽບໃສ່ຕົ້ນລະດູການ,ແຕ່ການໃຫ້ກຳລັງໃຈນັ້ນ ກໍໃຫ້ເປັນຢ່າງສ້າງ ສັນ ທີ່ແທ້ ຈິງໂດຍຈຳເປັນທີ່ສຸດຕ້ອງໄດ້ຫລີກເວັ້ນການສົ່ງສຽງຮ້ອງໂຮທີ່ເປັນລາງລົບຈົນກາຍເປັນການກົດດັນໃຫ້ແກ່ນັກກິລາຫລາຍເກີນໄປເຊິ່ງຈະສົ່ງຜົນບໍ່ດີຕາມມາ ດັ່ງກໍລະນີການແຂ່ງ ຂັນໃນຮອບ ຂາໄປ ທີ່ມີີຫຼາຍຕໍ່ຫລາຍເທື່ອທີ່ກອງເຊຍໄດ້ໄປເບິ່ງເພື່ອຫວັງເຫັນທີມທີ່ຕົນມັກຫລິ້ນດີ ແລະໄດ້ຮັບໄຊຊະ ນະ, ແຕ່ກົງກັນຂ້າມຖ້ານັດໃດທີ່ທີມຕົນມັກຫລິ້ນ ບໍ່ໄດ້ດີກໍເກີດມີ ສຽງ ວິພາກວິຈານຮ້ອງໂຮໃສ່ຍ້ອນບໍ່ພໍໃຈ ໂດຍການເວົ້າສຽດສີ ເວົ້າເຢີ້ຍ ຕ່າງໆນາໆ ຈົນເຮັດໃຫ້ນັກກິລາບໍ່ມີສະມາທິແລ້ວຫລິ້ນໂດຍການໃຊ້ອາລົມ ແລະ ເຂົ້າປະທະກັນຢ່າງຮຸນແຮງ ຫມາຍຄວາມວ່າຫລິ້ນກັນນອກເກມເຊິ່ງທີ່ສຸດແລ້ວກໍເປັນການທຳລາຍຄຳວ່າ:ຄວາມສາມັກຄີແລະການພັດທະນາຕົນເອງທັງພັດທະນາວົງການບານເຕະຂອງປະເທດເຮົາ.ຊ້ຳບໍ່ຫນຳບາງ ເທື່ອ ນັກກິລາ ກໍແລ່ນອອກຈາກເດີ່ນໃນໄລຍະແຂ່ງຂັນ ເພື່ອມາໂຕ້ຖຽງກັບກອງເຊຍກໍມີ ດັ່ງໃນນັດ ຄຂປກ ພົບກັບ ເອສຣາ ເຊິ່ງ ເອສຣາ ເປັນຝ່າຍພິກຊະນະ ຄຂປກ ຈົນສ້າງ ຄວາມ ບໍ່ພໍໃຈໃຫ້ແກ່ກອງເຊຍ ແລ້ວເກີດການສົ່ງສຽງເຊຍແບບບໍ່ສ້າງສັນ ຈົນເຮັດໃຫ້ ລຳເນົາ ສິງໂຕ ແລ່ນອອກຈາກເດີ່ນໄປຖຽງກອງເຊຍ.ຕໍ່ເຫດການດັ່ງກ່າວ,ທ່ານ ບຸນລັບ ເຄນກິຕິສັກ ຄູຝຶກ ທີມ ຄຂປກ ຍອມຮັບວ່າ ລຳເນົາ ສິງໂຕ ສະແດງທ່າທີບໍ່ຖືກຕ້ອງ ເພາະກອງເຊຍມີສິດທີ່ຈະເຊຍ ຫລື ເວົ້າແນວໃດກໍໄດ້, ສ່ວນເຮົາເປັນນັກກິລາ ກໍຕ້ອງຮູ້ຫນ້າທີ່ຂອງຕົນ ແລະ ຕັ້ງໃຈແຂ່ງຂັນຢ່າງດຽວ ບໍ່ຄວນຈະໄປໂຕ້ຖຽງກອງເຊຍ. ຕໍ່ກໍລະນີນີ້,ນັກກິລາບາງຄົນ ໄດ້ໃຫ້ທັດສະນະວ່າ:ນັດໃດທີ່ມີກອງເຊຍມາເບິ່ງຫຼາຍ ກໍມີກຳລັງໃຈຫຼາຍຂຶ້ນ,ແຕ່ກົງກັນຂ້າມຖ້າມີການເຊຍທີ່ບໍ່ສ້າງສັນ ກໍສາມາດກົດດັນໃຫ້ເຮົາຫລິ້ນ ບານຍາກ ຂຶ້ນ ເຊິ່ງບາງເທື່ອກໍເກີດອາລົມຖຽງຄືນ ເຖິງຮູ້ວ່າການປະພຶດດັ່ງກ່າວບໍ່ເຫມາະສົມກໍຕາມ. “ ຄືກັບການຫົດນ້ຳໃສ່ກັນ,ແຕ່ຖ້າຕ່າງຝ່າຍເຫັນໃຈເຊິ່ງກັນ ແລະ ກັນ ເລື່ອງຫຍຸ້ງຍາກກໍຈະບໍ່ເກີດຂຶ້ນ ເພາະທຸກຄົນຕ່າງກໍມັກສິ່ງສວຍງາມມັກຄຳເວົ້າດີຕໍ່ກັນ ເມື່ອຮູ້ຈັກການເອົາໃຈເພິ່ນ ມາໃສ່ ໃຈໂຕ ກໍຈະເຮັດໃຫ້ຄວາມສາມັກຄີເກີດຂຶ້ນໄດ້ທຸກບ່ອນທຸກເວລາ ເຊື່ອແນ່ວ່າ ບໍ່ມີໃຜດອກມັກສິ່ງບໍ່ດີ ແລະ ກ່ອນຈະເວົ້າໃຫ້ເພິ່ນ ໃຫ້ເບິ່ງຕົນເອງກ່ອນ ວ່າໄດ້ປະຕິບັດຕົນ ດີພຽງ ໃດ? “ກອງເຊຍບາງຄົນ ໃຫ້ທັດສະນະ. ກອງເຊຍລາວ ເປັນກອງເຊຍທີ່ມີນ້ຳໃຈນັກກິລາສູງ ເຊິ່ງໄດ້ຮັບການຍ້ອງຍໍຈາກສາກົນມາແລ້ວໃນຊີເກມ ຄັ້ງທີ 25 ຜ່ານມາ ໂດຍເຫັນໄດ້ຈາກການນຳທຸງຊາດ,ນຸ່ງເສື້ອ,ແຕ້ມຫນ້າ ທີ່ມີ ກາທຸງຊາດ ແລະ ນຳໃຊ້ອຸປະກອນເຂົ້າໃນການເຊຍຢ່າງມີສີສັນ ແລະ ມີໄມຕີຈິດ,ຖ້າຈະໃຫ້ດີ ກໍຕ້ອງຮັກສາມູນເຊື້ອທີ່ໂດດເດັ່ນນັ້ນໄວ້ ເພື່ອເປັນແບບຢ່າງໃຫ້ແກ່ ລຸ້ນເຍົາວະຊົນ ຄົນ ລຸ້ນ ຫລັງຕໍ່ໄປ./.
ກັບສາລະບານ
