ແຂ່ງຂັນກິລາເທັນນິດເປບຊີເປີດກ້ວາງກຽມ
ຄວາມພ້ອມເຂົ້າຊູ່ການແຂ່ງຂັນຊີເກມ
ນັກກິລາເທັນນິດ ຈຳນວນເກືອບ 100 ຄົນ, ທັງຍິງ-ຊາຍ ໃນລຸ້ນເຍົາວະຊົນ, ຊາວໜຸ່ມ ແລະລຸ້ນ ທົ່ວໄປ ຕ່າງກໍໄດ້ເຂົ້າຮ່ວມການແຂ່ງຂັນກິລາເທັນນິດ ແປັບຊີ ເປີດກວ້າງຄັ້ງທີ 12 ຊຶ່ງຈັດຂຶ້ນໃນວັນທີ 15 ຕຸລາ 2007 ນີ້ ໄປຈົນເຖິງວັນທີ 30 ຕຸລາ 2007 ທີ່ສະໜາມກິລາເທັນນິດວຽງຈັນ; ທັງນີ້ ກໍເພື່ອເປັນການສ້າງບັນຍາກາດ ສະເຫລີມ ສະຫລອງ ນະຄອນຫລວງວຽງຈັນ ຄົບຮອບ 450 ປີ, ທັງເປັນການແລກປ່ຽນປະສົບການ ພັດທະນານັກກິລາເທັນນິດໃຫ້ໄປສູ່ຄຸນນະ ພາບໃໝ່ ແລະກຽມປັດໄຈໃນການກຽມຄວາມພ້ອມຂອງນັກກິລາເທັນນິດ ໃນການເຂົ້າຮ່ວມແຂ່ງຂັນກິລາຊີເກມ ທີ່ສປປ ລາວ ໄດ້ຮັບກຽດເປັນເຈົ້າພາບໃນປີ 2009.
ທ່ານ ໜູໝັ້ນ ພັນວົງສາ ຮອງຜູ້ອຳນວຍການນ້ຳຫວານລາວແປັບຊີຈຳກັດ ໄດ້ມີຄຳເຫັນວ່າ: ຕະ ຫລອດໄລຍະຜ່ານມາ ໄປຄຽງຄູ່ກັບການດຳເນີນທຸລະກິດໃນການຜະລິດເຄື່ອງດື່ມອອກບໍລິການຮັບໃຊ້ສັງຄົມແລ້ວ ກໍຍັງມີຄວາມມຸ່ງໝັ້ນໃນການສະໜັບສະໜູນຊ່ວຍເຫລືອສັງຄົມດ້ວຍດີເລື້ອຍມາ, ໂດຍສະເພາະການໃຫ້ການສົ່ງເສີມການສຶກສາ, ຂະບວນກິລາ, ສິລະປະ, ວັດທະນະທຳ ແລະດ້ານອື່ນໆ ເຊັ່ນດຽວກັນກັບຂະບວນການສ້າງກິດຈະກຳເພື່ອຫ່າງໄກຈາກຢາເສບຕິດ.
ການແຂ່ງຂັນກິລາເທັນນິດແປັບຊີ ເປີດກວ້າງປະຈຳປີໃນຄັ້ງນີ້ກໍເໝືອນກັບທຸກໆປີຜ່ານມາ ເພື່ອເນັ້ນພັດທະນານັກກິລາເທັນນິດຂອງພວກເຮົາ ມີປະສົບການ ມີເທັນນິດສີມືໃນການຫລິ້ນເທັນນິດນັບມື້ນັບກ້າວຂຶ້ນສູ່ຄຸນນະພາບໃໝ່ ແລະທັງເປັນປັດໄຈກຽມຄັດເລືອກນັກກິລາຜູ້ດີເດັ່ນເຂົ້າສູ່ທີມຊາດເພື່ອເຂົ້າຮ່ວມແຂ່ງຂັນໃນລາຍການໃຫຍ່ສາກົນ ແລະພາກພື້ນ. ນີ້ຖືເປັນ ຄັ້ງທີ 12 ທີ່ ບໍລິສັດແປັບຊີ ໄດ້ປະ ກອບສ່ວນໃນການສະໜັບສະໜູນກິ ລາປະເພດດັ່ງກ່າວ ແລະສະເພາະ ປີນີ້ບໍລິສັດດັ່ງກ່າວກໍໄດ້ໃຫ້ການສະ ໜັບສະໜູນ ລວມມີເງິນສົດ ແລະວັດ ຖຸຕ່າງໆມູນຄ່າທັງໝົດ 33.570.000 ກີບ.
ການແຂ່ງຂັນກິລາເທັນນິດ ໃນ ຄັ້ງນີ້ມີປະເພດດ່ຽວ: ເຍົາວະຊົນ ຊາຍດ່ຽວ ອາຍຸ 10-12 ປີ, ເຍົາວະ ຊົນຊາຍດ່ຽວ ອາຍຸ 12-14 ປີ, ເຍົາ ວະຊົນຊາຍດ່ຽວ 14-16 ປີ, ເຍົາ ວະຊົນຊາຍດ່ຽວ 16-18 ປີ, ຊາຍ ດ່ຽວ 18-25 ປີ. ປະເພດຄູ່ມີ: ເຍົາວະ ຊົນຊາຍຄູ່ 10-12 ປີ, ເຍົາວະຊົນ ຊາຍຄູ່ 12-14 ປີ, ເຍົາວະຊົນຊາຍຄູ່ 16-18 ປີ ແລະປະເພດຊາຍຄູ່ 18 ປີ ຂຶ້ນໄປ, ສຳລັບກົດລະບຽບ ຂອງ ການແຂ່ງຂັນແມ່ນລ້ວນແລ້ວແຕ່ ປະຕິບັດຕາມຫລັກການເທັນນິດ ສາກົນ.
