ຂ່າວພາຍໃນປະເທດ

ນາຍົກລັດຖະມົນຕີ ແຫ່ງຣາຊະ​ອານາຈັກ​ໄທ ເດີນທາງ​ມາ​ເຖິງ ສປປ ລາວ ຢ່າງ​ເປັນ​ທາງ​ການ

*(ຂປລ) : ພະນະ​ທ່ານ​ນາງ ຍິ່ງ​ລັກ ຊິນນະ​ວັດ, ນາຍົກລັດຖະມົນຕີ ແຫ່ງ ຣາຊະ​ອານາຈັກ​ໄທ ພ້ອມ​ຄະນະ ໄດ້​ເດີນທາງມາ​ເຖິງ​ນະຄອນຫລວງ​ວຽງ​ຈັນ​ ​ໃນຕອນ ບ່າຍວັນທີ 16 ກັນຍາ 2011 ນີ້ ດ້ວຍ​ຖ້ຽວ​ບິນ​ພິ​ເສດຂອງ​ກອງທັບ​ອາກາດ​ໄທເພື່ອ​ເຄື່ອນ​ໄຫວ​ຢ້ຽມຢາມ ສປປ ລາວ ຢ່າງ​ເປັນ​ທາງ​ການ. ພໍ​ມາ​ເຖິງ​ ສະໜາມ​ ບິນ​ວັດ​ໄຕ​ ຄະນະ ກໍ​ໄດ້ຮັບການ​ຕ້ອນຮັບ ຈາກ​ລັດຖະມົນຕີ​ກຽດຕິຍົດ ຈາກ​ນັ້ນ ພະ ນະ​ທ່ານ​ນາງ ຍິ່ງ​ລັກ ຊິນນະ​ວັດ ພ້ອມ​​ຄະນະ​ ​ກໍ​ໄດ ້ເດີນ ທາງ​ໄປ ຫ້ອງ​ວ່າ ການ​ລັດຖະບານ ແລະ ​ໄດ້ຮັບ​ການ​ຕ້ອນຮັບ​ຢ່າງ​ສົມ​ກຽດ ຈາກ​ພະນະ​ທ່ານ ທອງ​ສິງ ທຳ​ມະ​ວົງ, ນາຍົກລັດຖະມົນຕີ ແຫ່ງ ສປປ ລາວ ພ້ອມ​ຄະນະ ​ໂດຍ​ມີນາ​ງ ສາວ​ມອບ​ຊໍ່​ດອກ​ໄມ້, ກອງ​ດຸລິ​ຍາງ​ກອງທັບ​ປະຊາຊົນ​ລາວ​ບັນ​ເລງ​ເພັງ​ຊາດ​ໄທ ແລະ ລາວ ຕາມ​ລຳດັບ ຕໍ່​ມາ​ພະນະ​ທ່ານ ທອງ​ສິງ ທຳ​ມະ​ວົງ ​ໄດ້​ນຳ ພາ​ພະ ນະ​ທ່ານ​ນາງ ຍິ່ງ​ລັກ ຊິນນະ​ວັດ​ຍ່າງ​ກວດ​ແຖວ​ກອງ​ກຽດຕິຍົດ./.

ກັບສາລະບານ

 

ຂ່າວສານປະເທດລາວ ( ຂປລ ) - 80 ຖະໜົນເສດຖາທິລາດ, ນະຄອນຫລວງວຽງຈັນ, ສປປລາວ ໂທ: ( 856-21 ) 215402, ແຟັກ: 212446