ຂ່າວພາຍໃນປະເທດ

ເຫດຜົນການກຳນົດຂໍ້ແຂງຂັນ 4 ບຸກຂອງຊາວໜຸ່ມ

*(ຂປລ) ການກຳນົດເນື້ອໃນຂໍ້ແຂ່ງຂັນ 4 ບຸກຄື: ບຸກດ້ານແນວຄິດ, ດ້ານການສຶກສາຮ່ຳຮຽນ, ດ້ານ ການສ້າງວຽກງເຮັດງານທຳ ແລະ ດ້ານການເຕົ້າໂຮມ ຄວາມສາມັກຄີ. ແມ່ນການສືບຕໍ່ຜັນຂະຫຍາຍເນື້ອໃນ ຂໍ້ແຂ່ງຂັນ 2 ສາມັກຄີ 3 ດີ 4 ພັດທະນາ ໃນເມື່ອກ່ອນໃຫ້ສອດຄ່ອງ ແລະ ແທດເໝາະກັບແນວທາງ ນະໂຍບາຍ ຂອງພັກ ແລະ ໜ້າທີ່ວຽກງານຂອງຄະນະຊາວໜຸ່ມ ປະຊາຊົນປະຕິວັດລາວ ໃນແຕ່ລະໄລຍະ.

ຂໍ້ແຂ່ງຂັນ 2 ສາມັກຄີ 3 ດີ 4 ພັດທະນາ ເປັນຂໍ້ແຂ່ງຂັນທີ່ມີເນື້ອໃນດີ ເປັນບ່ອນອີງໃຫ້ແກ່ຄະນະບໍລິຫານງານ ຊາວໜຸ່ມປະຊາຊົນປະຕິວັດລາວ (ຊປປລ) ແຕ່ລະຂັ້ນ ໃນການສຶກສາອົບຮົມຊາວໜຸ່ມ-ເຍົາວະຊົນ. ແຕ່ຂໍ້ແຂ່ງຂັນນີ້ມີລັກສະນະຍາວ ແລະ ມີເນື້ອໃນກວ້າງຂວາງ, ມີຄວາມຫຍຸ້ງຍາກໃນການກຳນົດມາດ ຖານ ເພື່ອເປັນໄມ້ຫລາວັດແທກໜ່ວຍຊາວໜຸ່ມດີເດັ່ນ, ບຸກຄົນດີເດັ່ນ. ສະນັ້ນ ຈຶ່ງໄດ້ກຳນົດຂໍ້ແຂ່ງຂັນໃໝ່ “4 ບຸກ“ ໃຫ້ເປັນຂໍ້ແຂ່ງຂັນທີ່ສັ້ນ ແລະ ມີເນື້ອໃນ ຮັດກຸມກວ່າເກົ່າ ຊຶ່ງເນື້ອໃນຂໍ້ແຂ່ງຂັນດັ່ງກ່າວ ແມ່ນຕິດພັນກັບໜ້າທີ່ ວຽກງານຕົ້ນຕໍຂອງ ຄະນະບໍລິຫານງານ ຊປປລ ໃນໄລຍະໃໝ່. ພ້ອມນີ້ ຍັງເປັນການ ຫັນໜ້າທີ່ລວມໃນມະ ຕິກອງປະຊຸມໃຫຍ່ຄັ້ງທີ IX ຂອງພັກ ດ້ວຍ ການສ້າງບາດກ້າວບຸກທະລຸໃນ 4 ດ້ານມາເປັນເນື້ອໃນລະອຽດ ໃນການຈັດຕັ້ງປະຕິບັດ ຕົວຈິງແນໃສ່ເຮັດໃຫ້ ແນວທາງນະໂຍບາຍ, ລະບຽບກົດໝາຍ, ບັນດາຄາດໝາຍສູ້ຊົນທີ່ພັກ-ລັດຖະບານວາງອອກ ກໍຄື ແຜນພັດທະນາຊາວໜຸ່ມ-ເຍົາວະ ຊົນ ແຕ່ນີ້ຮອດປີ 2020 ໄດ້ຮັບການຈັດ ຕັ້ງປະຕິບັດ ບົນຈິດໃຈມີການແຂ່ງຂັນຢ່າງເປັນຂະ ບວນຟົດຟື້ນ ໃນທຸກຂົງເຂດວຽກງານຊາວໜຸ່ມ-ເຍົາວະຊົນ ແລະ ເກີດຜົນສຳເລັດໃນຊີວິດຂອງຊາວໜຸ່ມ ແລະ ສັງຄົມ.

ເນື້ອໃນຂໍ້ແຂ່ງຂັນ 4 ບຸກດັ່ງກ່າວ ແມ່ນໄດ້ກຳນົດໃນກອງປະຊຸມໃຫຍ່ ຜູ້ແທນຊາວໜຸ່ມທົ່ວປະເທດ ຄັ້ງທີ VI ຊຶ່ງໄດ້ຈັດຂຶ້ນແຕ່ວັນທີ 23-24 ສິງຫາ 2011 ທີ່ນະຄອນຫລວງວຽງຈັນ./.

 

ຂ່າວສານປະເທດລາວ ( ຂປລ ) - 80 ຖະໜົນເສດຖາທິລາດ, ນະຄອນຫລວງວຽງຈັນ, ສປປລາວ ໂທ: ( 856-21 ) 215402, ແຟັກ: 212446