ການຮ່ວມມືລາວ-ຈີນ ມີບາດກ້າວຂະຫຍາຍຕົວຕໍ່ເນື່ອງ
*(ຂປລ): ໃນໂອກາດກ່າວຕ້ອນຮັບ ທ່ານ ຮູ ເຈີ້ງຢົວ, ຜູ້ຊ່ວຍລັດຖະມົນຕີ ກະຊວງການຕ່າງປະເທດ ແລະ ຄະ ນະ ທີ່ມາຢ້ຽມຢາມ ສປປລາວ ໃນວັນທີ 7 ມີນາ 2010, ທ່ານ ນາຍົກລັຖະໃນຕີ ບົວສອນ ບຸບ ຜາວັນ ໄດ້ສະແດງຄວາມຍິນດີ ຕໍ່ສາຍພົວ ພັນມິດຕະພາບອັນເປັນມູນເຊື້ອ ແລະ ການຮ່ວມມືຖານມິດສະຫາຍອ້າຍນ້ອງ ລະ ຫວ່າງ ສປປ ລາວ ແລະ ສປ ຈີນ ທີ່ໄດ້ມີບາດກ້າວຂະຫຍາຍຕົວຢ່າງຕໍ່ເນື່ອງ, ພິເສດທັງ ສອງ ຝ່າຍ ໄດ້ຍົກລະດັບການພົວພັນຈາກ 4 ດີ ຄື: ເປັນ ເພື່ອນທີ່ດີ, ເປັນບ້ານໃກ້ເຮືອນ ຄຽງ ທີ່ດີ, ເປັນຄູ່ຮ່ວມມືທີ່ດີ ແລະ ເປັນສະຫາຍທີ່ດີ ຂ້ືນເປັນຄູ່ຮ່ວມມືຍຸດທະສາດຮອບດ້ານ ອັນໝັ້ນຄົງຍາວນານ. ທ່ານນາຍົກລັດຖະມົນຕີ ໄດ້ສະແດງຄວາມຂອບໃຈຕໍ່ລັດຖະບານ ແລະ ປະຊາຊົນຈີນ ທີ່ໄດ້ໃຫ້ການຊ່ວຍເຫລືອທາງການເພື່ອການພັດທະນາ ແລະ ທຶນກູ້ຢືມ ພິເສດໃຫ້ ແກ່ລັດ ຖະບານລາວ ອັນເປັນການປະກອບສ່ວນໃຫຍ່ຫລວງໃນການພັດທະນາເສດຖະກິດ-ສັງ ຄົມ ຂອງ ສປປ ລາວ ໃຫ້ເຂັ້ມແຂງ ແລະ ຫວັງວ່າ ລັດຖະ ບານສປ ຈີນ ຈະສືບຕໍ່ໃຫ້ການ ຊ່ວຍເຫລືອແກ່ ສປປ ລາວ ຕື່ມອີກໃນຊຸມປີຕໍ່ໜ້າ. ທ່ານນາຍົກລັດຖະມົນຕີ ຍັງໄດ້ສະແດງຄວາມຊົມເຊີຍຕໍ່ການຮ່ວມມື ຂອງສອງກະຊວງການຕ່າງປະເທດ ລາວ-ຈີນ ທີ່ໄດ້ເອົາໃຈໃສ່ຊຸກຍູ້ບັນດາຂະແໜງການກ່ຽວຂ້ອງ ຈັດຕັ້ງປະຕິບັດບັນດາສັນຍາ ທີ່ການນຳຂອງສອງປະ ເທດໄດ້ ຕົກລົງກັນ ໃຫ້ປະກົດຜົນເປັນຈິງ, ຂໍຂອບໃຈຕໍ່ກະຊວງການຕ່າງປະເທດ ສປ ຈີນ ທີ່ໃຫ້ການສະໜັບສະໜູນ ແລະ ຊ່ວຍສ້າງຊັບພະຍາກອນໃຫ້ແກ່ຝ່າຍລາວ ອັນ ໄດ້ນຳຜົນປະໂຫຍດຫລາບດ້ານ ແກ່ ສປປ ລາວ. ໃນວັນດຽວກັນ ຢູ່ທີ່ກະຊວງການຕາງປະເທດ ທ່ານ ພົງສະຫວັດ ບຸບຜາ, ລັດຖະມົນຕີຊ່ວຍວ່າການກະຊວງການຕ່າງປະເທດ ໄດ້ຕອນຮັບການຢ້ຽມຂ່ຳນັບ ຂອງ ທ່ານ ຮູເຈີ້ງຢົວ ພ້ອມຄະນະ ເຊັ່ນກັນ./.
ກັບສາລະບານ
