ຜູ້ປະຈຳການລັດຖະບານ ຕີລາຄາສູງການຮ່ວມມືລາວ-ຫວຽດນາມ
*(ຂປລ): ສະຫາຍ ສົມສະຫວາດ ເລັ່ງສະຫວັດ, ກຳມະການກົມການເມືອງສູນກາງພັກ, ຮອງນາ ຍົກ ລັດຖະມົນ ຕີ, ຜູ້ປະຈຳການລັດຖະບານ ໄດ້ຕ້ອນຮັບ ສະ ຫາຍ ຫງວຽນ ຊວນ ຝຸກ, ກຳມະການສູນ ກາງ ພັກ, ລັດຖະມົນຕີ, ຫົວໜ້າ ຫ້ອງວ່າການລັດຖະບານ ແຫ່ງ ສສ ຫວຽດນາມ ພ້ອມດ້ວຍຄະນະ ໃນວັນທີ 5 ມີນາ 2010 ທີ່ສຳນັກງານນາຍົກລັດຖະ ມົນຕີ ໃນໂອກາດທີ່ສະຫາຍ ແລະ ຄະນະ ເດີມທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ແຕ່ວັນທີ 3-6 ມີນາ 2010. ສະຫາຍ ຜູ້ປະຈຳການລັດຖະບານ ໄດ້ສະແດງຄວາມຊົມເຊີຍ ແລະ ຕີລາສູງ ຕໍ່ຄະນະຜູ້ແທນຫວຽດນາມ ທີ່ ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນຄັ້ງນີ້ ຊຶ່ງເປັນການປະກອບສ່ວນ ເຂົ້າ ໃນ ການເພີ່ມພູນຄູນສ້າງ ສາຍພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຂອງ ສອງປະເທດ ໂດຍສະເພາະແມ່ນການສືບຕໍ່ຮັດແໜ້ນສາຍພົວພັນຮ່ວມມື ລະຫວ່າງ ຫ້ອງວ່າການສຳນັກງານຍາຍົກລັດຖະມົນຕີ ແລະ ຄະນະເລຂາທິ ການລັດ ຖະບານ ແຫ່ງ ສປປ ລາວ ກັບຫ້ອງວ່າການລັດຖະບານແຫ່ງ ສສ ຫວຽດນາມ ໃຫ້ນັບມື້ຂະຫຍາຍຕົວຍິ່ງຂຶ້ນ. ສະຫາຍ ຫງວຽນ ຊວນ ຝຸກ ກໍໄດ້ສະແດງຄວາມຂອບອົກ ຂອບໃຈຕໍ່ ສະຫາຍຜູ້ປະຈຳການລັດຖະ ບານ ແລະເຈົ້າໜ້າທີ່ທຸກພາກສ່ວນທີ່ກ່ຽວຂ້ອງ ທີ່ໄດ້ໃຫ້ ການຕ້ອນຮັບຢ່າງອົບອຸ່ນ ແລະ ສົມກຽດ ອັນໄດ້ເຮັດໃຫ້ການເດີນມາມາຢ້ຽມຢາມ ແລະ ເຮັດວຽກຢູ່ ສປປ ລາວ ຄັ້ງນີ້ ປະສົບຜົນສຳເລັດຢ່າງຈົບງາມ ຊຶ່ງໄດ້ສະ ແດງອອກໃນການຮ່ວມມືໃນ ຕໍ່ໜ້າ ກ່ຽວກັບການຄຸ້ມຄອງວຽກງານຂອງລັດຖະບານ, ການແລກປ່ຽນຂໍ້ມູນຂ່າວສານຕ່າງໆ, ວຽກງານພົວພັນຕ່າງ ປະເທດກັບ ບັນດາປະເທດຕ່າງໆ, ອົງການຈັດຕັ້ງສາກົນ ແລະ ການພົວພັນ ລະຫວ່າງສອງຫ້ອງວ່າການ, ການປັບປຸງ ແລະ ບູລະນະການປົກຄອງຂອງລັດຖະບານ, ໂຄງຮ່າງ ການ ຈັດຕັ້ງ, ສິດ-ໜ້າທີ່, ພາລະບົດບາດຂອງຫ້ອງວ່າການ, ວຽກງານການຈໍລະຈອນເອກະສານ, ການສຳເນົາເອກະສານ, ການບໍລິຫານທົ່ວໄປ ແລະ ວຽກງານ ອື່ນໆອີກ./.
ກັບສາລະບານ
