ເພີ່ມທະວີການພົວພັນຮ່ວມມື ລາວ-ລັດເຊຍ
*(ຂປລ) : ທ່ານ ນາຍົກລັດຖະມົນຕີ ແຫ່ງ ສປປ ລາວ ບົວສອນ ບຸບຜາວັນ ໄດ້ຕ້ອນຮັບການເຂົ້າ ຢ້ຽມຂ່ຳ ນັບຂອງ ທ່ານ ກຣາເຊີນ ອີລູມຊີນົບ, ປະທານລັດ ການມຶກເກຍ ແຫ່ງ ສະຫະພັນ ລັດເຊຍ ພ້ອມຄະ ນະ ໃນຕອນເຊົ້າ ວັນທີ 6 ມີນາ 2010 ຢູ່ທີ່ສຳນັກງານນາຍົກລັດຖະມົນຕີ ໃນໂອກາດທີ່ຄະນະຜູ້ແທນດັ່ງ ກ່າວ ເດີນທາງມາຢ້ຽມຢາມ ແລະ ເຮັດວຽກ ຢູ່ສປປ ລາວ. ທ່ານນາຍົກລັດຖະມົນຕີ ໄດ້ສະແດງຄວາມຍິນດີຕ້ອນຮັບ ພ້ອມທັງສະແດງຄວາມ ຂອບ ໃຈ ຕໍ່ການຊ່ວຍເຫລືອ ຂອງ ລັດຖະບານສະຫະພັນ ລັດເຊຍ ດ້ານຕ່າງໆ ໃນໄລຍະ ຜ່ານ ມາ ຊຶ່ງສິ່ງດັ່ງກ່າວໄດ້ສະແດງໃຫ້ເຫັນວ່າ: ສາຍພົວພັນມິດຕະພາບ ລະຫວ່າງ ສອງປະ ເທດ ລາວ-ລັດເຊຍ ມີການຂະຫຍາຍຕົວຢ່າງບໍ່ຢຸດຢັ້ງ ແລະ ຫວັງຢ່າງຍິ່ງວ່າ ລັດຖະ ບານ ກໍຄືປະຊາຊົນ ລັດເຊຍ ຈະໃຫ້ການອູ້ມຊູຊ່ວຍເຫລືອ ສປປ ລາວ ໃນການສ້າງສາພັດທະ ນາປະເທດຊາດໃຫ້ເຮືອງສີວິໄລ ເຮັດໃຫ້ ຊີວິດການເປັນຢູ່ຂອງປະຊາຊົນນັບມື້ດີຂຶ້ນ ຄຽງ ຄູ່ກັບການເພີ່ມທະວີສາຍພົວພັນມິດຕະພາບ ແລະ ການຮ່ວມມື ຂອງສອງປະເທດ ໃຫ້ໄດ້ ຮັບການຂະ ຫຍາຍຕົວ ຢ່າງບໍ່ຢຸດຢັ້ງ. ທ່ານ ກຣາຊີນ ອີລູມຊີນົບ ກໍໄດ້ສະແດງຄວາມຂອບໃຈ ຕໍ່ການຕ້ອນຮັບອັນອົບອຸ່ນ ຂອງ ທ່ານ ນາຍົກ ລັດຖະມົນຕີ ພ້ອມຄະນະ ແລະ ຍັງໄດ້ຢືນຢັນວ່າ: ຈະປະ ກອບສ່ວນເຂົ້າໃນການພັດທະນາ ດ້ານເສດຖະ ກິດ-ສັງຄົມ ຂອງ ສປປ ລາວ ໃຫ້ມີຂະ ຫຍາຍຕົວຢ່າງຕໍ່ເນື່ອງ ຕາມແນວທາງນະໂຍບາຍ ຂອງລັດຖະບານທັງ ສອງປະເທດວາງອອກ./.
ກັບສາລະບານ
