ຂ່າວພາຍໃນປະເທດ

ສຳເລັດກອງປະຊຸມໃຫຍ່ສະຫະພັນແມ່ຍິງແຂວງຄຳມ່ວນຄັ້ງທີ 8

*(ຂປລ): ກອງປະຊຸມໃຫຍ່ສະຫະພັນແມ່ຍິງ ແຂວງຄຳມ່ວນຄັ້ງທີ 8 ໄດ້ສຳເລັດລົງໃນວັນທີ 29 ເມສາຜ່ານມານີ້ ຢູ່ທີ່ຫ້ອງປະຊຸມສະໂມສອນ 21 ມີນາ ເມືອງ ທ່າແຂກ ພາຍຫລັງທີ່ໄດ້ດຳເນີນມາ 2 ວັນ ໂດຍ ການເປັນປະທານຂອງທ່ານນາງ ໄພບູນ ໄຊຍະກຸມມານ, ປະທານສະຫະພັນແມ່ຍິງ ແຂວງຄຳມ່ວນ, ມີທ່ານ ນາງ ສີໃສ ລືເດດມູນສອນ, ກຳມະການສູນກາງພັກ, ປະທານສູນກາງສະຫະພັນແມ່ຍິງລາວ, ພ້ອມດ້ວຍ ປະທານສະຫະພັນແມ່ຍິງ ແຂວງບໍລິຄຳໄຊ ແລະ ສະ ຫວັນນະເຂດ, ບັນດາຖືກເຊີນຈາກ ພະແນກການ, ອົງ ການຈັດຕັ້ງອ້ອມຂ້າງແຂວງ ຕະຫລອດຮອດຜູ້ແທນສົມບູນ ເຂົ້າຮ່ວມທັງໝົດ 100 ຄົນ.
ກອງປະຊຸມຄັ້ງນີ້ ໄດ້ມີການຕີລາຄາ ຢ່າງພາວະວິໄສຕໍ່ຜົນງານການນຳພາ ຂອງຄະນະບໍລິຫານ ງານ ສະຫະພັນແມ່ຍິງ ແຂວງຄຳມ່ວນ ຕະຫລອດໄລຍະ 5 ປີ ຜ່ານມາ ໂດຍໄດ້ຍົກໃຫ້ເຫັນຜົນງານດ້ານດີ, ດ້ານອ່ອນ, ບັນດາຂໍ້ຂາດຕົກບົກຜ່ອງ ແລະ ບົດຮຽນທີ່ຖອດຖອນໄດ້, ຈາກການຈັດຕັ້ງປະຕີບັດ ມະຕິກອງປະ ຊຸມ ໃຫຍ່ຄັ້ງທີ 7 ຜ່ານມາ, ກອງປະຊຸມໄດ້ເປັນເອກະພາບສູງ ຕໍ່ຮ່າງບົດລາຍງານການເມືອງ ຂອງຄະນະບໍລິ ຫານ ສະຫະພັນແມ່ຍິງ ແຂວງຄຳມ່ວນ ຕໍ່ກອງ ປະ ຊຸມໃຫຍ່ຄັ້ງທີ 8 ແລະ ທິດທາງແຜນການຄາດໝາຍ ສູ້ຊົນ ໃນ 5 ປີຕໍ່ໜ້າ (2010-2015) ທີ່ສະເໜີໂດຍທ່ານນາງ ໄພບູນ ໄຊຍະກຸມມານ ອັນພົ້ນເດັ່ນ ແມ່ນ ສາມາດຍາດ ໄດ້ຜົນສຳເລັດ ໃນການປະຕິບັດແຜນພັດທະນາເສດຖະກິດ-ສັງຄົມຂອງແຂວງ, ຂອງເມືອງ ແລະ ຂະແໜງ ການທ້ອງຖິ່ນ ໂດຍຕິດພັນກັບ 5 ແຜນງານ 16 ໂຄງການ ສູນກາງສະ ຫະພັນແມ່ຍິງລາວ ວາງອອກ ໂດຍ ພື້ນຖານ, ເປັນຕົ້ນແມ່ນ ການປະຕິບັດເນື້ອໃນຂໍ້ແຂ່ງຂັນ 3 ດີ, ການສົ່ງເສີມ ແລະ ຜະ ລິດ ເປັນສິນຄ້າ, ການຄຸ້ມ ຄອງກອງທຶນ ແລະ ດ້ານອື່ນໆ.
ເພື່ອຮັບປະກັນການຊີ້ນຳໆພາ ຂະບວນການຂອງເອື້ອຍນ້ອງແມ່ຍິງບັນດາເຜົ່າ ບັນດາຊັ້ນຄົນ ໃນ ທົ່ວແຂວງ ຕໍ່ກັບການປະຕິບັດແນວ ທາງປ່ຽນແປງໃໝ່ ຢ່າງ ມີຫລັກການຂອງພັກ ໃຫ້ປະກົດຜົນເປັນຈິງ, ກອງ ປະຊຸມໄດ້ປ່ອນບັດເລືອກຕັ້ງເອົາ ຄະນະບໍລິຫານງານສະຫະພັນແມ່ຍິງແຂວງຊຸດໃໝ່ ຈຳນວນ 25 ສະ ຫາຍ, ກອງປະຊຸມຄົບຄະນະຄັ້ງປະຖົມມະລືກ ໄດ້ເປັນເອກະສັນເລືອກເອົາທ່ານນາງ ໄພບູນ ໄຊຍະກຸມມານ ເປັນປະ ທານສະຫະພັນແມ່ຍິງ ແຂວງຄຳມ່ວນ, ເລືອກ ເອົາ ທ່ານນາງ ວຽງມະນີ ຈັນທະນະສິນ ພ້ອມດ້ວຍທ່ານນາງ ບຸນຊ່ຽນ ມະນີວັນ, ເປັນຮອງປະທານສະຫະພັນແມ່ຍິງແຂວງ ແລະ ເລືອກເອົາທ່ານນາງ ວຽງມະນີ ຈັນທະນະສິນ ເປັນປະທານກວດກາ ຂອງຄະນະບໍລິຫານງານສະຫະພັນແມ່ຍິງແຂວງ. ໃນຂະນະດຽວກັນ ກອງປະ ຊຸມ ຍັງໄດ້ປ່ອນບັດຄັດ ເລືອກເອົາຄະນະ ຜູ້ແທນ ສົມບູນຈຳນວນ 14 ສະຫາຍ ເພື່ອເຂົ້າຮ່ວມກອງປະຊຸມໃຫຍ່ ຄັ້ງທີ 6 ຂອງສູນກາງສະຫະພັນແມ່ຍິງລາວ ທີ່ຈະໄດ້ຈັດຂຶ້ນໃນມໍ່ໆນີ້./.

ກັບສາລະບານ

ຂ່າວສານປະເທດລາວ ( ຂປລ ) - 80 ຖະໜົນເສດຖາທິລາດ, ນະຄອນຫລວງວຽງຈັນ, ສປປລາວ ໂທ: ( 856-21 ) 215402, ແຟັກ: 212446