ຂ່າວພາຍໃນປະເທດ

ທະນາຄານ​ ແຫ່ງ​ສປປ ລາວ ສາຂາພາກ​ກາງ ເປີດ​ບໍລິການ​ແລ້ວ

* (ຂປລ): ພິທີ​ເປີດ​ນຳໃຊ້ສຳນັກງານທະນາຄານ ​ແຫ່ງ ສປປ ລາວ ​ໃນ​ເຂດ​ພາກ​ກາງ ມີທີ່​​ຕັ້ງຢູ່ເມືອ​ງ​ໄກ ສອນ ພົມ​ວິຫານ ແຂວງ​ສະຫວັນ​ນະ​ເຂດ ​ໄດ້​ມີ​ຂຶ້ນ​ໃນ​ ວັນ​ທີ 24 ມິຖຸນາ 2010 ນີ້ ພາຍຫລັງ​ການກໍ່ສ້າງ​ສຳ​ເລັດ​ສົມບູນ​ ຊຶ່ງເປັນ​ຜົນສຳ​ເລັດໜຶ່ງ ​ໃນ​ການ​ຜັນ​ຂະຫຍາຍ​ມະຕິ 8 ຂອງ​ພັກ ກໍ​ຄື​ແຜນ​ພັດທະນາ​ເສດຖະ ກິດ-ສັງຄົມ ຂອງ​ລັດຖະບານ ກ່ຽວກັບ​ການ​ຮັກສາ​ສະເຖຍລະ​ພາບ​ເງິນຕາ​ແຫ່ງ​ຊາດ ​ເພື່ອ​ປະ ກອບ ສ່ວນ​ ຍູ້​ແຮງ​ການ​ພັດທະນາ ​ແລະ ​ແກ້​ໄຂ​ຄວາມທຸກ​ຍາກ ​ຂອງ​ ປະຊາຊົນ​ໃຫ້​ບັນ ລຸ​ຕາມ​ ຄາດໝາຍທີ່​ກຳນົດ​ໄວ້.
ໃນໂອກາດກ່າວເປີດ ທ່ານ​ ພູ​ເພັດ ຄຳ​ພູນ​ວົງ, ຜູ້​ວ່າ​ທະນາຄານ​ແຫ່ງ ສປປ ລາວ ຊີ້​ໃຫ້​ເຫັນ​ວ່າ: ​ໃນ​ໄລຍະ​ຜ່ານ​ມາ ທະນາຄານ​ໄດ້​ມີ​ການ​ຫັນ​ເອົາ​ການ ​ຄຸ້ມ​ຄອງ​ ມະຫາ​ພາກ ທາງ​ດ້ານ​ເງິນຕາ ​ແລະ ສິນ​ເຊື່ອ​ ລົງ​ສູ່​ທ້ອງ​ຖິ່ນ ໂດຍ​ໃຫ້​ມີ​ສຳນັກງານ​ຕັ້ງຢູ່​ທົ່ວ​ທຸກ​ພາກ​ຂອງ​ປະ​ເທດ. ມາຮອດປະ ຈຸບັນໄດ້ສຳເລັດການຈັດຕັ້ງປະ ຕິ ບັດແລ້ວ ຄື: ສາຂາພາກເໜືອຢູ່ແຂວງອຸດົມໄຊ, ສາຂາພາກ ໃຕ້ຢູ່ທີ່ແຂວງຈຳປາສັກແລະສາຂາພາກກາງກໍຄືສຳນັກງານໃໝ່ທີ່ແຂວງສະຫວັນນະເຂດ ແຫ່ງ ນີ້ ໂດຍມີຈຸດປະສົງ ຫັນເອົາວຽກງານຄຸ້ມຄອງມະຫາພາກ ທາງດ້ານເງິນຕາ ແລະ ສິນເຊື່ອ ລົງສູ່ປະຊາຊົນທ້ອງຖິ່ນພາກກາງ. ທະນາຄານແຫ່ງນີ້ມີຖານະທຽບເທົ່າກົມຂຶ້ນກັບທະນາ ຄານ ສປປ ລາວ, ມີພາລະບົດບາດ ໃນການປະຕິບັດນະໂຍບາຍເງິນຕາ, ອັດຕາແລກປ່ຽນ ຕາມ ທີ່ ທະນາຄານກາງວາງອອກ, ປະຕິບັດ ນະ ໂຍບາຍ ແລະ ຄຸ້ມຄອງເງິນຕາຕ່າງປະເທດ, ສົ່ງເສີມການນຳໃຊ້ ເງິນກີບ, ຄຸ້ມຄອງກວດກາ ແລະ ເປັນທະນາ ຄານ ກາງໃຫ້ແກ່ບັນດາທະນາຄານທຸລະກິດ ແລະ ສະຖາບັນ ການເງິນ ໂດຍສະເພາະຢູ່ໃນຂອບເຂດ 3 ແຂວງຄື: ສະຫວັນນະເຂດ, ບໍລິຄຳໄຊ ແລະ ຄຳມ່ວນ. ບົນ ພື້ນຖານ ລະ ບຽບກົດໝາຍທີ່ກຳນົດໄວ້. ທະ ນາຄານ​ແຫ່ງ ສປປ ລາວ ​ໃນ​ເຂດ​ພາກ​ກາງ ຍັງເປັນເສນາທິການ ໃຫ້ອຳ ນາດ ການປົກຄອງແຂວງ ໃນການ ຄຸ້ມ ຄອງມະຫາພາກທາງດ້ານເງິນຕາ-ສິນເຊື່ອ, ສ້າງ ເງື່ອນໄຂເອື້ອອຳ ນວຍໃຫ້ ລະບົບທະນາຄານ ແລະ ສະຖາບັນການເງິນ ຢູ່ໃນສາມແຂວງດັ່ງກ່າວ ສາມາດ ເຄື່ອນໄຫວ ໄດ້ ຢ່າງແຂງແຮງ ແລະ ໝັ້ນຄົງ.
ຜູ້​ວ່າ​ທະນາຄານ​ ແຫ່ງ ສປປ ລາວ ກ່າວຕື່ມວ່າ: ໃນໄລຍະ 4 ປີຜ່ານມາ ເຖິງວ່າສະພາບແວດລ້ອມ ທາງເສດຖະກິດ-ການເງິນສາກົນ ບໍ່ເອື້ອອຳນວຍ, ພາຍໃນ ປະເທດ ກໍປະສົບໄພທຳມະຊາດຢ່າງຮ້າຍແຮງ. ແຕ່ ດ້ວຍຄວາມສູ້ຊົນ ໃນການຈັດຕັ້ງປະຕິບັດແນວທາງ ແລະ ກົນໄກຂອງ ພັກ-ລັດຖະບານ ປະເທດລາວ ສາ ມາດ ບັນລຸຜົນສຳເລັດ ໃນການພັດທະນາເສດຖະກິດ-ສັງຄົມ, ເສດຖະກິດມະຫາພາກຂະຫຍາຍຕົວດີຂຶ້ນ, ລວມຍອດ ຜະລິດຕະພັນພາຍໃນບໍ່ຕ່ຳກວ່າ 7,5%, ລາຍໄດ້ສະເລ່ຍຕໍ່ຄົນສູງຂຶ້ນ. ສິ່ງສຳຄັນສະເຖຍ ລະພາບ ເງິນຕາ ມີ ຄວາມໝັ້ນທ່ຽງ, ລະບົບທະນາຄານ ໄດ້ຮັບການຂະຫຍາຍຕົວ ແລະ ວອ່ງໄວ ຊຶ່ງນັບມື້ ມີບົດ ບາດສຳຄັນໃນການພັດທະນາ, ທັງເປັນພື້ນຖານທີ່ດີສຳລັບການກ້າວຂຶ້ນຂອງປະເທດລາວ ໃນຕໍ່ໜ້າ. ຢ່າງ ໃດກໍຕາມ ເພື່ອຮັບ ປະກັນຄວາມໝັ້ນຄົງ ແກ່ການ ພັດທະນາໃນເງື່ອນໄຂເສດຖະກິດຕະຫລາດ ແລະ ການ ເຊື່ອມໂຍງສາກົນ ທ່ານ ຍັງໄດ້ຮຽກຮ້ອງໃຫ້ມີການເພີ່ມທະວີ ການຄຸ້ມຄອງລະບົບການ ເງິນໃຫ້ ກວ້າງ ຂວາງ ແລະ ທົ່ວເຖິງ./.

ກັບສາລະບານ

 

ຂ່າວສານປະເທດລາວ ( ຂປລ ) - 80 ຖະໜົນເສດຖາທິລາດ, ນະຄອນຫລວງວຽງຈັນ, ສປປລາວ ໂທ: ( 856-21 ) 215402, ແຟັກ: 212446