ຜູ້ຊີ້ນຳວຽກງານແນວຄິດ ຢ້ຽມຢາມໂຄງການຢູ່ແຂວງຫລວງນ້ຳທາ
*(ຂປລ): ທ່ານ ສະຫມານ ວິຍະເກດ ຜູ້ຊີ້ນຳວຽກງານແນວຄິດທິດສະດີແລະວັດທະນະທຳສູນກາງພັກພ້ອມດ້ວຍຄະນະໄດ້ຢ້ຽມຢາມໂຄງການຊ່ວຍເຫລືອຂອງ ສສ ຫວຽດນາມ ຢູ່ແຂວງຫລວງນ້ຳທາໂດຍສະເພາະໂຄງການກໍ່ສ້າງຫໍວັດທະນະທຳມິດຕະພາບແລະໂຄງການກໍ່ສ້າງໂຮງຮຽນການເມືອງການປົກ ຄອງໃນໂອ ກາດໄປເຄື່ອນໄຫວຢ້ຽມຢາມແລະ ເຮັດວຽກຢູ່ແຂວງພາກເຫນືອໃນລະຫວ່າງວັນທີ14-18 ກຸມພານີ້. ໂຄງການກໍ່ສ້າງຫໍວັດທະນະທຳມິດຕະພາບດັ່ງກ່າວໄດ້ຮັບການຊ່ວຍເຫລືອຈາກແຂວງຫວິງຟຸກ ສສ ຫວຽດນາມ ໃນມູນຄ່າການກໍ່ສ້າງທັງຫມົດ13 ຕື້ກີບ,ສຳລັບ ໂຄງການກໍ່ສ້າງໂຮງຮຽນການເມືອງການປົກ ຄອງກໍໄດ້ຮັບການຊ່ວຍເຫລືອຈາກແຂວງຫວິງຟຸກ ເຊັ່ນດຽວກັນລວມທັງແຂວງ ຟູເທາະ ໃນມູນຄ່າການກໍ່ສ້າງທັງ ຫມົດ 8,4 ຕື້ກີບ ຫລື ປະມານ 1 ລ້ານໂດລາສະຫະລັດ. ປະຈຸບັນສອງໂຄງການຊ່ວຍເຫລືອດັ່ງກ່າວໄດ້ສຳເລັດການກໍ່ສ້າງແລະໄດ້ຈັດພິທີມອບຮັບຢ່າງເປັນທາງການແລ້ວເມື່ອບໍ່ດົນມານີ້ ອັນໄດ້ປະກອບສ່ວນ ສຳຄັນ ເຂົ້າ ໃນການພັດທະນາຊັບພະຍາກອນມະນຸດກໍຄືປະສ່ວນເຂົ້າໃນການພັດທະນາເສດຖະກິດ-ສັງຄົມຂອງແຂວງດັ່ງກ່າວນັບມື້ນັບດີຂຶ້ນ./.
ກັບສາລະບານ
