ສະຫລອງວັນສ້າງຕັ້ງສາຍພົວພັນ ການທູດ ລາວ-ອາເມລິກາ ຄົບຮອບ 55 ປີ
*(ຂປລ): ທ່າ ຣາວິກ ຮູໂຊ (Ravic HUSO), ເອກອັກຄະລັດຖະທູດ ສະຫະລັດ ອາເມລິກາ ປະ ຈຳລາວ ໄດ້ຈັດງານລ້ຽງ ເພື່ອສະເຫລີມສະຫລອງ ວັນສ້າງ ຕັ້ງສາຍພົວພັນການທູດລາວ - ອາເມລິກາ ຄົບ ຮອບ 55 ປີ (1960-2010) ໃນຕອນຄ່ຳວັນທີ 18 ກຸມພາ 2010 ທີ່ເຮືອນພັກທູດອາເມລິກາ ໂດຍເປັນ ກຽດ ເຂົ້າຮ່ວມຂອງທ່ານ ບົວເງິນ ຊາພູວົງ, ລັດຖະມົນຕີຊ່ວຍວ່າການກະຊວງຖະແຫລງຂ່າວ ແລະ ວັດທະ ນະທຳ, ມີບັນດາພະນັກງານ ຂັ້ນສູງຂອງ ລາວ ແລະ ພະນັກງາສະຖານທູດ ເຂົ້າຮ່ວມ. ສປປ ລາວ ແລະ ສະຫະລັດ ອາເມລິກາ ໄດ້ສ້າງຕັ້ງສາຍພົວພັນການທູດນຳກັນໃນປີ 1960 ແລະ ໄດ້ມີການພົວພັນຮ່ວມມືກັນ ເປັນຕົ້ນ ການຮ່ວມ ມືດ້ານການຄ້າ ແລະ ການລົງທຶນ, ດ້ານມະນຸດສະທຳ, ການ ປາບປາມຢາເສບຕິດ, ການຮ່ວມມືໃນການສະກັດກັ້ນ ການແຜ່ລະບາດຂອງ ພະຍາດໄຂ້ຫວັດສັດ ປີກ ແລະ ພະຍາດຕິດຕໍ່ອື່ນໆ. ໂອກາດດັ່ງກ່າວ ກໍໄດ້ມີການສະເໜີ ການປະສົມປະສານ ລະຫວ່າງ ວັດທະນະທຳລາວ-ອາເມລິກາ ຈາກນັກສະແດງ ຈອນນີ ອອນເຊັນ(Jonny Olsen) ດ້ວຍການສະແດງດົນຕີພື້ນເມືອງລາວ ທີ່ມີລັກສະນະແບບດັ້ງເດີມ ເປັນຕົ້ນ ການສະແດງເສບດົນຕີພື້ນເມືອງລາວ, ເປົ່າແຄນຈຳ ປາເມືອງ ລາວ, ລຳເຕີ້ຍ, ລຳຜູ້ໄທ, ລຳຕັ່ງຫວາຍ, ຮ້ອງເພງ ເຊີນມາຟ້ອນລຳວົງລາວ, ຂ້ອຍຮັກສາວລາວ ແລະ ອື່ນໆ ./.
ກັບສາລະບານ
