ຂ່າວພາຍໃນປະເທດ

ທ່ານເລຂາທິການໃຫຍ ໃຫ້ທິດຊີ້ນຳ ການ​ເຮັດ​ວຽກ 3 ສ້າງ ໃຫ້​ເລິກ​ເຊິ່ງ​ເຖິງ​ຖອງ ຮາກ​ຖານ​ຕ້ອງ​ເຂັ້ມ​ແຂງ

 

(ຂປລ): ກອງ​ປະຊຸມ​ທົ່ວ​ປະ​ເທດ ​ເພື່ອ​ຊຸກຍູ້​ວຽກງານ 3 ສ້າງ​ໃຫ້​ເຂົ້າ​ສູ່​ລວງ​ເລິກ ​ໄດ້​ສຳ​ເລັດ​ລົງ​ໃນ​ວັນ​ທີ 5 ກຸມພາ 2013 ທີ່​ສູນ​ການ​ຮ່ວມ​ມືສາກົນ ແລະ ຝຶກ​ອົບຮົມ, ທ່ານ​ ຈູມ​ມາລີ ​ໄຊ​ຍະ​ສອນ, ເລຂາທິການໃຫຍ່ ຄະນະບໍລິຫານງານສູນກາງພັກ, ປະທານ​ປະ​ເທດ ແຫ່ງ ສປປ ລາວ ​ໄດ້​ເປັນກຽດ​ໂອ້​ລົມ​ ​ແລະ ​ໃຫ້​ທິດ​ຊີ້ນຳ​ແກ່​ຄະນະ​ລັດຖະບານ ພ້ອມດ້ວຍອຳ ນາດ​ການ​ປົກຄອງ​ທ້ອງ​ຖິ່ນ ​ໂດຍ​ເນັ້ນ​ໃຫ້​ປະຕິບັດ​ວຽກງານ 3 ສ້າງ​ຢ່າງ​ເລິກ​ເຊິ່ງ​ເຖິງ​ຖອງ​ໃນ​ເງື່ອນ​ໄຂ​ໃໝ່. ທັງ​ນີ້ ກໍ​ແມ່ນ​ການ​ຫັນ​ເອົາ​ມະຕິ IX ຂອງ​ພັກ ກໍ​ຄື​ທິດ​ນຳ 4 ບຸກທະລຸ ​ເຂົ້າ​ສູ່​ການ​ປະຕິບັດວຽກງານ​ຕົວ​ຈິງໃຫ້​ມີ​ຜົນສຳ​ເລັດ.

ທ່ານ​ເລຂາທິການໃຫຍ່ ຢ້ຳຕື່ມ​ວ່າ: ວຽກສາມ​ສ້າງ​ ແມ່ນ​ວຽກຍຸດ​ທະ​ສາດ​ຍາວ​ນານ ​ເພື່ອ​ບັນລຸ​ຈຸດໝາຍ​ເຮັດ​ໃຫ້​ລະບອບ​ປະຊາທິປະ​ໄຕ ປະຊາຊົນມີ​ຄວາມໝັ້ນຄົງ, ປະ​ເທດ​ຊາດ​ ມັ່ງ​ຄັ່ງ​ເຂັ້ມ​ແຂງ, ປະຊາຊົນ​ຮັ່ງມີ​ຜາ​ສຸກ, ສັງຄົມ​ມີ​ປະຊາທິປະ​ໄຕ, ຍຸຕິ​ທຳ ​ແລະ ສີວິ​ໄລ ຊຶ່ງ​ເນື້ອ​ແທ້​ເປັນ​ອຸດົມ​ການ​ສັງຄົມ​ນິຍົມ. ສະນັ້ນ ການ​ປະຕິບັດ​ວຽກງານ​ສາມ​ສ້າງ ​ໃຫ້​ບັນລ ຸ​ຈຸດໝາຍສັງຄົມ​ນິຍົມ ຕ້ອງ​ເລີ່​ມສ້າງ​ຮາກ​ຖານ​ໃຫ້​ເຂັ້ມ​ແຂງ ຊຶ່ງ​ລວມ​ເອົາ​ຫລາຍ​ດ້ານ​ເຊັ່ນ: ດ້ານ​ການ​ເມືອງ, ​ເສດຖະກິດ, ສັງຄົມ-ວັດທະນະທຳ ​ແລະ ດ້ານ​ປ້ອງ​ກັນຊາ​ດ-ປ້ອງ​ກັນ​ ຄວາມ​ສະຫງົບ. ວຽກ 3 ສ້າງ​ ມີ​ລັກສະນະ​ຮອບດ້ານ ​ແລະ ​ເລັ່ງທວງ​ໃຫ້​ມີ​ຫລາຍ​ພາກສ່ວນ​ເຂົ້າ​ຮ່ວມ ແມ່ນ ໜ້າທີ່​ລວມຂອງ​ທົ່ວພັກ, ທົ່ວ​ລັດ ​ແລະ ທົ່ວ​ປວງ​ຊົນ, ເປັນ​ການ​ເສີມ​ ຂະຫຍາຍ​ສິດ​ເປັນ​ເຈົ້າ​ໃຫ້​ແກ່​ທ້ອງ​ຖິ່ນ​ຮາກ​ຖານ​ ໃຫ້​ມີ​ຄວາມ​ຮັບຜິດຊອບຫລາຍ​ຂຶ້ນ ຕິດ​ພັນ​ກັບ​ການ​ໄດ້​ຮັບ​ຜົນ​ປະ​ໂຫຍ​ດຢ່າງ​ເໝາະສົມ ​ໂດຍ​ສະ​ເພາະ​ແມ່ນ 51 ​ເມືອງ ​ແລະ 108 ບ້ານ​ເປົ້າໝາຍການ​ ​ໃຫ້​ມີ​ຄວາມ​ເຂັ້ມ​ແຂງ ກໍ​ຈະ​ເປັນ​ພື້ນຖານ​ທີ່​ດີ​ໃນ​ການ​ປະຕິບັດ​ວຽກສາມ​ສ້າງໃຫ້​ບັນລຸ​ຜົນ.

ຢ່າງ​ໃດ​ກໍ​ຕາມ ທ່ານ​ຈູມ​ມາລີ ​ໄຊ​ຍະ​ສອນ​ ຍັງຊີ້​ໃຫ້​ເຫັນ​ວ່າ: ການ​ມອບ​ສິດ-ມອບ​ຄວາມ​ຮັບຜິດຊອບ ແລະ ການ​ແບ່ງ​ຜົນ​ປະ​ໂຫຍ​ດ​ໃຫ້​ທ້ອງ​ຖິ່ນ​ ໃນ​ເບື້ອຕົ້ນ ການ​ເຮັດ​ທົດ​ລອງ ກໍ​ ຈະ​ມີ​ບັນຫາ​ຈຳນວນໜຶ່ງ ລະຫວ່າງ​ສູນ​ກາງ ​ແລະ ທ້ອງ​ຖິ່ນ, ສະນັ້ນ ຈິ່ງ​ຮີບ​ຮ້ອນ​ປັບປຸງ​ແກ້​ໄຂ​ໃຫ້​ຖືກ​ທິດ ​ແລະ ມີ​ການ​ປຶກສາ​ຫາລື​ປະສານ​ສົມທົບ​ກັນ​ລະອຽດ ​ໃນ​ການ​ແບ່ງ​ງານ, ​ແຕ່​ບໍ່​ໃຫ້​ຟ້າວ​ຫລາຍ, ວຽກທີ່​ເຮັດ​ແລ້ວ​ກໍ​ຕ້ອງ​ກວດກາ​ຄືນ ກ່ອນ​ຈະ​ເຂົ້າ​ສູ່ໜ້າ ວຽກ​ໃໝ່. ວຽກສາມ​ສ້າງ​ຍັງ​ແມ່ນ​ການ​ຊຸກຍູ້​ການ​ພັດທະນາ​ເຂົ້າ​ສູ່​ບາດ​ລ້ຽວ​ໃໝ່ ​ໂດຍ​ສະ​ເພາະ ​ແມ່ນ​ ການ​ແກ້​ໄຂ​ຄວາມທຸກ​ຍາກ​​​ແກ່ປະຊາຊົນ ໃຫ້​ຍັງ​ເຫລືອບໍ່​ເກີນ 10% ​​ແລະ ການ​ບັນລຸ​ເປົ້າໝາສະຫັດ​ສະວັດ​ ເພື່ອ​ການ​ພັດທະນາ ໃນ​ປີ 2015, ​ເປັນ​ການ​ເປີດ​ ສັງກາດ​ ໃໝ່​ແຫ່ງ​ ຄວາມ​ພາກພູມ​ໃຈ ທີ່​ປະ​ເທດ​ເຮົາ​ມີ​ຖານະ​ອັນ​ສົມ​ກຽດ​ໃນ​ເວທີ​ປະຊາ​ຄົມ​ໂລກ ​ໂດຍ​ການ​ຫລຸດ​ພົ້ນ​ຈາກ​ກຸ່ມ​ປະ​ເທດດ້ອຍ​ພັດທະນາ.

ທ່ານເລຂາທິການໃຫຍ່ ໄດ້ກ່າວ​ເນັ້ນຢ່າງໜັກ​ແໜ້ນວ່າ: ການ​ເຮັດ​ວຽກ 3 ສ້າງ​ຕ້ອງ​ເປັນ​ປັດ​ໄຈ​ຊຸກຍູ້​ສົ່ງ​ເສີມ​ການ​ພັດທະນາ, ຕ້ອງ​ມີ​ແຜນການ ​ແລະ ​ໂຄງການ​ອັນ​ລະອຽດຕົວຈິງ ຕົ້ນ ຕໍ​ແມ່ນ​ຢູ່​ຂັ້ນ​ເມືອງ ​ແລະ ບ້ານ. ຖ້າ​ຫາກ​ເລືອກ​ເມືອງ ​ແລະ ບ້ານ​ເປົ້າໝາຍບໍ່ຖືກ​ຕາມ​ເງື່ອນ​ໄຂ​ສ້າງ​ເປັນ​ເມືອງ​ເຂັ້ມ​ແຂງ, ​ເປັນ​ບ້ານ​ພັດທະນາ ​ແລະ ​ເປັນ​ຕົວ​ເມືອງ​ນ້ອຍ​ໄດ້ ກໍ​ໃຫ ້​ເລືອກ​ປ່ຽນ​ແທນ​ທັນທີ, ເຮັດໃຫ້​ໂຄງການ​ລົງທຶນ​ຂອງ​ລັດ ​ເພື່ອ​ພັດທະນາ​ຂົງ​ເຂດ​ນີ້​​ມີໝາກຜົນ​ຕົວ​ຈິງ. ການສ້າງແຜນການ ໂຄງການພັດທະນາຢູ່ເມືອງ ແລະ ບ້ານເປົ້າໝາຍ 3 ສ້າງ ຕ້ອງມີລັກສະນະບູລິມະສິດ ແລະ ມີຈຸດສຸມ ໝາຍຄວາມວ່າສຸມໃສ່ເສີມຂະຫຍາຍທ່ານແຮງ ແລະ ຄວາມສາມາດຂອງເມືອງ ແລະ ບ້ານເປົ້າໝາຍກ່ອນ, ເຮັດໃຫ້ເມືອງ ແລະ ບ້ານ ນັ້ນມີການພັດທະນາ ເພື່ອເປັນ ທ່າແຮງຊຸກຍູ້ການພັດທະນາໃນບໍລິເວນອ້ອມຮອບ ເຮັດໃຫ້ບ້ານອື່ນພັດທະນາຕໍ່ກັນໄປ. ນອກຈາກ​ໂຄງການ​ຜະລິດ​ເປັນ​ສິນຄ້າ ​ແລະ ການ​ບໍລິ ການ​ທີ່​ ສ້າງ​ລາຍ​ໄດ້​ໃຫ້​ປະຊາຊົນ​ແລ້ວ ກໍ​ຕ້ອງ​ມີ​ໂຄງການ​ອື່ນ​ທີ່​ຂຶ້ນກັບ​ສູນ​ກາງ ​ແລະ ທ້ອງ​ຖິ່ນ, ​ເມື່ອມີ​ການຈັດ​ສັນ​ໂຄງການ​ ທັງຕ້ອງ​ໃຫ້​ສະ​ແດງ​ອອກ​ໃນ​ແຜນ​ພັດທະນາ​ຂອງ​ເມືອງ, ​ແຂວງ ​ແລະ ທົ່ວ​ປະ​ເທດ.

ກັບສາລະບານ

 

ຂ່າວສານປະເທດລາວ ( ຂປລ ) - 80 ຖະໜົນເສດຖາທິລາດ, ນະຄອນຫລວງວຽງຈັນ, ສປປລາວ ໂທ: ( 856-21 ) 215402, ແຟັກ: 212446