ຂ່າວພາຍໃນປະເທດ

ທ່ານຫົວຫນ້າ​ຄະນະ​ຈັດຕັ້ງສູນ​ກາງ​ພັກ ຕີລາຄາການຮ່ວມມືລະຫວ່າງ ຊາວໜຸ່ມລາວ-ຈີນ ​

(ຂປລ) ທ່ານ ຈັນ​ສີ ​ໂພ​ສີຄຳ, ຫົວຫນ້າ​ຄະນະ​ຈັດຕັ້ງສູນ​ກາງ​ພັກ ໄດ້ໃຫ້ ກຽດຕ້ອນຮັບ ການເຂົ້າຢ້ຽມຂ່ຳນັບຂອງທ່ານ ນາງ ຫລູ ເມ໋ຍ ຮອງຄະນະບໍລິຫານ ງານ ຊາວໜຸ່ມກອມມູນິດຈີນ ແລະ ຄະນະໃນວັນທີ 2 ມີນາ 2012 ນີ້ຢູ່ທີ່ຫ້ອງວ່າການສູນກາງພັກ ໃນໂອກາດທີ່ເດີທາງມາຢ້ຽມຢາມ ແລະ ເຮັດ ວຽກຢູ່ ສປປ ລາວ ແຕ່ວັນທີ 1-4 ມີນາ 2012 ນີ້

ທ່ານ ຈັນ​ສີ ​ໂພ​ສີຄຳ ໄດ້ສະແດງຄວາມຕ້ອນຮັບ ຊົມເຊີຍ ແລະ ຕີລາຄາສູງຕໍ່ ທ່ານ ນາງ ຫລູ ເມ໋ຍ ແລະ ຄະນະໃນຄັ້ງນີ້ ເຊິ່ງເປັນການປະກອບສ່ວນ ສຳຄັນເຂົ້າໃນ ການເສີມຂະຫຍາຍສາຍພົວພັນ, ຄວາມສາມັກຄີ ແລະ ການຮ່ວມມືຮອບດ້ານລະຫວ່າງສອງພັກ-ລັດ ກໍຄືປະຊາຊົນ ສອງຊາດໂດຍ ສະ ເພາະແມ່ນການຮ່ວມມືລະຫວ່າງສອງອົງການຊາວໜຸ່ມລາວ-ຈີນໃຫ້ນັບມື້ນັບພັດທະນາກ້າວເຂົ້າສູ່ລວງເລິກເທື່ອລະກ້າວ./.

ກັບສາລະບານ

 

ຂ່າວສານປະເທດລາວ ( ຂປລ ) - 80 ຖະໜົນເສດຖາທິລາດ, ນະຄອນຫລວງວຽງຈັນ, ສປປລາວ ໂທ: ( 856-21 ) 215402, ແຟັກ: 212446