ຂ່າວພາຍໃນປະເທດ

ກອງປະຊຸມລັດຖະບານ ສະໄໝສາມັນ ປະຈຳເດືອນກຸມພາ 2012

*(ຂປລ): ວັນ­ທີ 21-22 ກຸມພາ 2012 ໄດ້ຈັດກອງປະຊຸມລັດຖະບານ­ສະໄໝສາມັນ­  ປະຈຳເດືອນ­ກຸມພາ ພາຍໃຕ້ການ­ເປັນ­ປະທານ­ຂອງທ່ານ­ ທອງສິງ ທຳມະວົງ, ­ນາຍົກລັດຖະມົນ­ຕີ ແຫ່ງ ສປປ ລາວ ໂດຍ ມີບັນ­ດາທ່ານ­ຮອງ­ນາຍົກລັດຖະມົ­ນຕີ, ສະມາຊິກລັດຖະບານ­ ແລະ ຂະແໜງການ­ທີ່ກ່ຽວຂ້ອງ ເຂົ້າຮ່ວມ.

ກອງປະຊຸມໄດ້­ຳເອົາຮ່າງນ​ະ​ໂຍບາຍ, ຍຸດທະສາດ, ກົດໝາຍ ແລະ ດຳລັດ ຈຳນວນໜຶ່ງເຂົ້າພິຈາລະນາ ເປັນຕົ້ນນະໂຍບາຍການພັດທະນາ ຊັບພະຍາກອນ ມະນຸດ, ແຜນຍຸດທະສາດສົ່ງເສີມບົດບາດ ຍິງ-ຊາຍ ໃນ­ຂົງເຂດການ­ປົກຄອງ ແຕ່ປີ 2011-2015,​ ການ­ສ້າງຕັ້ງເຂດປ່າປ້ອງກັນ­ແຫ່ງຊາດ ຈຳ­ນວນ­ 49 ແຫ່ງ ທີ່­ຢູ່ 16 ແຂວງ ໃນ­ທົ່ວປະເທດ, ກົດໝາຍ ວ່າດ້ວຍກະສິກຳ ສະບັບປັບປຸງ, ຮ່າງກົດໝາຍວ່າດ້ວຍ ກາ­ກວດສອບ, ຮ່າງດຳລັດຈັດຕັ້ງປະຕິບັດກົດໝາຍ ວ່າດ້ວຍສະຖິຕິ, ຮ່າງດຳລັດວ່າດ້ວຍຈັນ­ຍາບັນ­ ຂອງລັດຖະກອນ­, ຮ່າງ ດຳລັດ ວ່າດ້ວຍມາດຖານ­ຄວາມທຸກຍາກ ແລະ ມາດຕະການ­ພັດທະນ­າ ໄລຍະ 2012-2015, ຮ່າງດຳລັດ ຈັດ ຕັ້ງປະຕິບັດກົດໝາຍ ວ່າດ້ວຍມາດຕະຖາ­ນ, ­ນະໂຍບາຍປັບປຸງລາຄາໄຟຟ້າໃໝ່ ແຕ່ປີ 2011-2016.

ໃນ­ໂອກາດກ່າວໄຂກອງປະຊຸມ  ທ່ານນ­­າຍົກລັດຖະມົນ­ຕີ  ໄດ້ເນັ້ນວ່າກອງປະຊຸມໃນເ­ທື້ອນີ້ ຈະ­ມີ ການປຶກສາຫາລື ແລະ ພິຈາລະ­ນາຫຼາຍບັນ­ຫາທີ່ສຳຄັນ­ ແລະ ຈຳເປັນ ­ສຳລັບກາ­ນພັດທະ­ນາເສດຖະກິດ-ສັງ ຄົມ ຢູູ່ປະເທດເຮົາ ແລະ ​ສະ​ເໜີ​ໃຫ້ຂະ​ແໜງ​ການ­​​ກ່ຽວຂ້ອງ ລາຍ​ງານ­ສະ​ເພາະ​ແຕ່ບັນ­ຫາທີ່​​​ເຫັນ­​ວ່າ ຍັງບໍ່​ທັນ ­​ເປັ­ນ​ເອກະ​ພາບທາງ​ດ້ານ­​ທັດສະນ­ະ ​ແລະ ຍັງ​ບໍ່​ທັ­ຈະ​ແຈ້ງ​ ​ເປັ­ນຕົ້­ນ ກ່ຽວກັບ​ແ­ນວທາງ​­ນະ​ໂຍບາຍ ​ແລະ ບໍ່​ຂັດ​ກັບນ­ິຕິ​ກຳ​ອື່ນ­​ໆ. ພ້ອມ­ນັ້ນ­ ​ໃຫ້​ບັນ­ດາ​ທ່ານ­​ສະມາຊິກ​ລັດຖະບານ­ ​ປະກອບ​ຄຳ​ເຫັນ­​ໃຫ້​ຖືກ​ຈຸດ ແລະ ​ເປັ­​ນເຈົ້າ​ ກາ­ນ​ຍົກ​ສູງ​ຄວາມ​ຮັບຜິດຊອບ​ຂອງ​ຕົນ­​ ປະກອບ​ຄຳ​ເຫັ­ນ​ໃສ່​ແຕ່​ລະ​ບັນ­ຫາ​ຢ່າງ​ມີ​ຈຸດ​ສຸມ, ຕົວ​ຈິງ ​ແລະ ກົງ​ໄປ​ກົງ​ມາ ​ເພື່ອ​ເຮັດ​ໃຫ້ກາ­ນ​ພິຈາລະນ­າ​ແຕ່​ລະ​ບັນ­ຫາ ​ສາມາດເປັນ­ເອກະ​ພາບ​ ແລະ ຕົກລົງ​ຮັບຮອງເອົາໄດ້./.

ກັບສາລະບານ

 

ຂ່າວສານປະເທດລາວ ( ຂປລ ) - 80 ຖະໜົນເສດຖາທິລາດ, ນະຄອນຫລວງວຽງຈັນ, ສປປລາວ ໂທ: ( 856-21 ) 215402, ແຟັກ: 212446