ຂ່າວພາຍໃນປະເທດ

ນາງ​ສາວ​ລາວ​ປະ​ຈຳປີ 2012 ອວຍພອນປີ​ໃໝ່​ຮອງ​ປະທານ​
ສະມາຄົມ​ນັກ​ຂ່າວ​ແຫ່ງ ສປປ ລາວ ​ແລະ ສື່​ມວນ​ຊົນ

(ຂປລ) ໃນ​ວັນ​ທີ 27 ທັນວາ 2012 ຢູ່​ທີ່​ສະມາຄົມ​ນັກ​ຂ່າວ​ແຫ່ງ ສປປ ລາວ, ນາງ​ສາວ​ລາວ​ປະ​ຈຳປີ 2012 ຄຣິດສະຕິ​ນາ ລາຊາ​ສີມມາ ​ແລະ ທິມງານ​ໄດ້​ນຳ​ເອົາ​ກະຕ່າ​ດອກ​ໄມ້​ ເຂົ້າ​ອວຍພອນ​ທ່ານ ສົມ​ສະໜຸກ ມີ​ໄຊ, ຮອງ​ປະທານ​ສະມາຄົມ​ນັກ​ຂ່າວ​ແຫ່ງ ສປປ ລາວ ​ແລະ ບັນດາ​ສື່​ມວນ​ຊົນ​ ເນື່ອງ​ໃນ​ໂອກາດ​ສົ່ງ​ທ້າຍ​ປີ​ເກົ່າປີ ພສ 2555 ແລະ ​ຕ້ອນຮັບ​ ປີ​ໃໝ່​ສາກົນ​ປີ ພສ 2556 ທີ່​ຈະ​ມາ​ເຖິງ​ນີ້.

​ໃນ​ໂອກາດ​ນີ້ ທ່ານ ສົມ​ສະໜຸກ ມີ​ໄຊ ກໍ​ໄດ້​ຕາງໜ້າ​ໃຫ້​ສື່​ມວນ​ຊົນສະ​ແດງ​ການ​ຕ້ອນຮັບ ​ແລະ ຂອບ​ໃຈຕໍ່​ທີ​ມງານ​ນາງ​ສາວ​ລາວ ​ທີ່​ໄດ້​ນຳ​ເອົາ​ກະຕ່າ​ດອກ​ໄມ້ມາ​ອວຍພອນ​ໃນ​ຄັ້ງນີ້ ພ້ອມ​ທັງ​ຂໍ​ໃຫ້​ບັນດາ​ນາງສາວ​ລາວ​ຈົ່ງ​ມີ​ສຸຂະພາບ​ແຂງ​ແຮງ​ ປະສົບ​ຜົນ​ສຳ​ເລັດ​ໃນ​ໜ້າ​ທີ່​ການ​ງານ​ ຕັ້ງປະຕິບັດ​ໜ້າ​ທີ່​ອັນ​ຊົງ​ກຽດ​ນີ້​ໃຫ້​ສົມ​ກັບ​ການ​ເປັນ​ທູດ​ວັດທະນະ​ທຳ​ຂອງ​ລາວ ​ເຮົາ​ໄດ້​ພາກພູມ​ໃຈ./.

ກັບສາລະບານ

 

ຂ່າວສານປະເທດລາວ ( ຂປລ ) - 80 ຖະໜົນເສດຖາທິລາດ, ນະຄອນຫລວງວຽງຈັນ, ສປປລາວ ໂທ: ( 856-21 ) 215402, ແຟັກ: 212446