ຂ່າວພາຍໃນປະເທດ

ສາວຫວຽດນາມຊະນະສາວໄທ 2-1 ຄອງຫລຽນຄຳ ສ່ວນສາວລາວ ຖະຫລົ່ມ ສາວສິງກະໂປ
3-0 ໄດ້ຫລຽນທອງ

ຕາມຄາດໝາຍທີມສາວນັກສຶກສາມະຫາວິທະຍາໄລລາວ ໄລ່ຖະຫລົ່ມ ແລະ ເອົາຊະນະທີມນັກສຶກສາສາວສິງກາໂປ 3-0 ປະຕູໂດຍ 3 ປະຕູໄດ້ຈາກການຍິງຂອງ ນຸມອ່າງ ມະຫົງສາ ນາທີ 54, ສຸພາ ວັນໄພວັນ ນາທີ 58 ຈົບເກມເປັນອັນດັບ 3 ແລະ ສຸຈິດຕາ ພົນຫາລາດ ນາທີ 85 ໄດ້ຫລຽນທອງ ຂະນະທີ່ທີມສາວນັກສຶກສາຫວຽດນາມ ສອຍ ທີມ ນັກສຶກສາສາວຈາກໄທ 2-1 ຄ້ວາຫລຽນຄຳສ່ວນໄທ ໄດ້ພຽງຫລຽນເງິນໃນການແຂ່ງຂັນເຕະບານຍິງງານ ມະຫາກຳກິລາມະຫາວິທະຍາໄລອາຊຽນຄັ້ງທີ 16 ທີ່ ສປປ ລາວ.

ການແຂ່ງຂັນນັດຊີງຫລຽນຄຳ ແລະ ຫລຽນທອງ ໃນຄັ້ງນີ້ໄດ້ມີຂຶ້ນໃນຕອນແລງວັນທີ 18 ທັນ ວາ 2012 ທີ່ສະໜາມກິລາເຈົ້າອະນຸວົງ ໂດຍຄູ່ຊີງຫລຽນທອງ ເປັນການພົບກັນ ລະຫວ່າງທີມສາວນັກສຶກສາລາວ ພົບກັບທີມສາວນັກສຶກສາຈາກທີມສິງກາໂປ ແລະ ທີມສາວນັກສຶກສາຈາກໄທພົບກັບທີມສາວນັກສຶກສາຈາກ ສສ ຫວຽດນາມ. ຜົນການແຂ່ງ ຂັນໂດຍສະເພາະຄູ່ຊີງຫລຽນຄຳຄູ່ນີ້ສົມກັບເປັນຄູ່ເອກທີ່ສົມສັກສີໂດຍມີແຟນບານເຂົ້າຊົມ-ເຊຍ ຫລາຍຮ້ອຍຄົນ ແລະ ໃນເຄິ່ງທຳອິດ 3 ນາທີແຮກສາວຫວຽດນາມ ໄດ້ປະຕູ ອອກນຳໄປກ່ອນໃນນາທີທີ 3 ຈາກການຍິງທີ່ສວຍງາມຂອງທິທູ ຫງຽດ ດີດຂ້າມຫົວມືປະຕູໄທຈາກນັ້ນທັງສອງກໍບຸກໃສ່ກັນຢ່າງດຸເດືອດ ແລະ ສາວໄທມາຕີສະເໝີໄດ້ໃນນາທີທີ 23 ຈາກການຍິງທາວໂຕປາຈະລີກ່ອນຈົບ ເກມ ໃນເຄິ່ງທຳອິດ.

ແຕ່ແນວໃດກໍຕາມກັບມາຫລິ້ນໃນເຄິ່ງເວລາທີສອງທິເມືອກ ຫງຽນ ປີກຊ້າຍຈອມລຸຍທີມນັກສຶກສາຫວຽດນາມ ເປີດບານໃຫ້ ຫງຽນ ທິ ຫງຽດ ແລ່ນແຊງກອງຫລັງໄທເຖິງສອງ ຄົນ ແລະ ພາບານເຂົ້າໃນເຂດໂທດແບບບໍ່ລີລໍຍິງເຕັມຂໍ່ຂວາບານພຸ້ງໜີມືພູນສິງມືປະຕູໄທຕຳຕາໜ່າງຢ່າງສວຍງາມນາ ທີທີ 66 ສົ່ງຜົນໃຫ້ທີ ມນັກສຶກສາຫວຽດນາມ ຂຶ້ນນຳ 2-1 ຫລັງ ຈາກນັ້ນໃນເວລາທີ່ເຫລືອທີມສາວ ນັກສຶກສາຫວຽດນາມປ່ຽນເກມພາກັນລົງຕັ້ງຮັບໃນແດນຕົນເອງຢ່າງແໜ້ນໜາກົດດັນໃຫ້ ທີມສາວນັກສຶກສາໄທເປີດເກມບຸກ ທັງໂຍນ ແລະ ຫລິ້ນ ຕໍ່ບານທີ່ແນ່ນນອນເຈາະແລ້ວ ເຈາະອີກແຕ່ບໍ່ສາມາດຍິງປະຕູສາວນັກສຶກສາຫວຽດນາມໄດ້ ແຖມທ້າຍເກມເກືອບຖືກທີມນັກສຶກສາສາວ ຫວຽດນາມ ຍິງປະຕູ ທີ່ສາມໄດ້ຫລາຍ ເທື່ອ ແລະ ຄົບ 90 ນາທີສາວຫວຽດນາມເປັນຝ່າຍເອົາຊະນະສາວໄທໄປແບບຫວຸດຫວິດ 2-1 ປະຕູໄດ້ຫລຽນຄຳໄປຄອງສ່ວນສາວໄທໄດ້ ຫລຽນເງິນ ແລະ ສາວລາວ ໄດ້ຄອງຫລຽນທອງ ເປັນການ ປິດສາກກິລາເຕະບານຍິງມ.ອາຊຽນ ຄັ້ງທີ 16 ທີ່ ສປປ ລາວ.

ກັບສາລະບານ

 

ຂ່າວສານປະເທດລາວ ( ຂປລ ) - 80 ຖະໜົນເສດຖາທິລາດ, ນະຄອນຫລວງວຽງຈັນ, ສປປລາວ ໂທ: ( 856-21 ) 215402, ແຟັກ: 212446