ຕີລາຄາວຽກງານກວດກາພັກ-ລັດ ແຂວງຊຽງຂວາງ
*(ຂປລ): ທ່ານ ອິນທະວົງ ທະມະວອນ, ປະທານກວດກາພັກ-ລັດ ແຂວງຊຽງຂວາງ ໄດ້ຍົກໃຫ້ເຫັນຜົນງານໄລຍະ 1 ປີຜ່ານມາ ຕໍ່ກອງປະຊຸມສະຫລຸບຕີລາຄາ ວຽກງານກວດກາພັກ-ລັດ ແຂວງ ຊຶ່ງໄດ້ດຳເນີນຢ່າງເປັນປົກກະຕິ ໃນປີ 2009 ໄດ້ລົງກວດກາຮອບທີ 1 ໄດ້ 8 ເມືອງ ແລະ ລົງເຖິງໜ່ວຍພັກບ້ານ, ໜ່ວຍ ພັກ ຮາກຖານ ພະແນກການອ້ອມຂ້າງແຂວງ ທັງໝົດ 7 ຮາກຖານ, ມີ 10 ໜ່ວຍພັກ ຂະຫຍາຍ ສະມາ ຊິກ ໄດ້ ທັງໝົດ 1.278 ສະຫາຍ, ນອກນີ້ຄະນະພັກ ແຕ່ລະ ຂັ້ນ ໄດ້ເອົາໃຈໃສ່ຊີ້ນຳການສ້າງໜ່ວຍພັກແຂງ ຮູ້ ນຳພາ ຮອບດ້ານ, ຜ່ານການກວດກາເຫັນວ່າ ສະມາຊິກພັກສ່ວນຫລາຍ ມີຄວາມບຸກບືກມີ ຄວາມເປັນ ແບບ ຢ່າງ. ກອງປະຊຸມດັ່ງກ່າວ ໄດ້ຈັດຂຶ້ນໃນລະຫວ່າງວັນທີ 11-12 ກຸມພາ 2010 ຢູ່ທີ່ຫ້ອງວ່າການແຂວງ ພ້ອມທັງໄດ້ວາງທິດທາງແຜນການໃນຕໍ່ໜ້າ ໂດຍຍົກສູງຄວາມ ສາມາດ ໃນການເຄື່ອນໄຫວວຽກງານກວດ ກາພັກ-ລັດ, ວຽກງານກວດກາຕ້ອງດຳເນີນເປັນປົກກະຕິຮອບດ້ານ ແລະ ມີຈຸດສຸມ ກ້າກວດກາ ທັງຊອກໃຫ້ ເຫັນ ດ້ານຕັ້ງໜ້າ ແລະ ສະກັດກັ້ນປະກົດການຫຍໍ້ທໍ້, ບຳລຸງ ແລະ ກໍ່ສ້າງພະນັກງານກວດກາພັກ-ລັດ ໃຫ້ມີ ຄຸນ ທາດການເມືອງ, ມີຄວາມໜັກແໜ້ນ, ມີຄວາມ ບໍລິ ສຸດ ໃນໜ້າທີ່ວຽກງານ ແລະ ມີຄວາມຮູ້ ຄວາມສາ ມາດ ໃນ ດ້ານວິຊາສະເພາະ ເພື່ອສຳເລັດໜ້າທີ່ໆພັກ-ລັດ ແລະ ປະຊາຊົນ ມອບໝາຍໃຫ້./.
ກັບສາລະບານ
