ທ່ານນາຍົກລັດຖະມົນຕີ ເຄື່ອນໄຫວຢ້ຽມຢາມ ແລະ ເຮັດວຽກ ຢູ່ແຂວງຊຽງຂວາງ
*(ຂປລ): ທ່ານນາຍົກລັດຖະມົນຕີ ບົວສອນ ບຸບຜາວັນ ພ້ອມດ້ວຍຄະນະ ໄດ້ລົງເຄື່ອນໄຫວຢ້ຽມຢາມ ແລະ ເຮັດວຽກ ຢູ່ແຂວງຊຽງຂວາງ ໃນລະຫວ່າງວັນທີ 11-12 ກຸມພາ 2010 ໂດຍໄດ້ຮັບການຕ້ອນຮັບຈາກທ່ານ ຄຳສິງ ດາຊາວພວນ, ເລຂາພັກແຂວງ ພ້ອມດ້ວຍຄະນະພັກ, ອຳນາດການປົກຄອງແຂວງ, ເມືອງ ຕະ ຫລອດຮອດປະຊາຊົນ ເຂດບ້ານ ແລະ ກຸ່ມບ້ານພັດທະນາ ອ້ອມຂ້າງແຂວງ. ໃນວັນທີ 11 ກຸມພາ ຊຶ່ງເປັນມື້ທຳອິດຂອງການລົງເຄື່ອນໄຫວ ທ່ານນາຍົກລັດຖະມົນຕີ ໄດ້ໄປຢ້ຽມ ຢາມ ພົບປະກັບຄະນະນຳ ແລະ ປະຊາຊົນເຂດພັດ ທະນາ ຄັງວຽງ-ນ້ຳງາດ, ບ້ານນາຄ້ອນ ເມືອງໝອກ ແລະ ໄດ້ຟັງລາຍງານ ກ່ຽວກັບສະພາບ ການ ພັດທະນາເສດຖະກິດ-ສັງຄົມ, ວຽກງານປ້ອງກັນຊາດ-ປ້ອງກັນຄວາມສະຫງົບພາຍໃນ ທ້ອງ ຖິ່ນດັ່ງກ່າວ ຈາກທ່ານ ພັນໂທ ບົວໃສ ແພງສົມບັດ, ຫົວໜ້າກອງພັດທະ ນາເຂດ ຈຸດ ສຸມ ບ້ານຄັງວຽງ-ນ້ຳງາດ ຊຶ່ງໄລຍະຜ່ານມາ ຄະນະນຳ ແຂວງ ຊຽງຂວາງ ກໍຄືອຳນາດ ການປົກ ຄອງເມືອງໝອກໄດ້ເອົາໃຈໃສ່ສຶກສາອົບຮົມດ້ານການເມືອງແນວຄິດ ໃຫ້ປະ ຊາ ຊົນມີຄວາມຮັບຮູ້ ເຊື່ອມຊຶມ ແນວທາງ ນະໂຍ ບາຍຂອງພັກ-ລັດຖະບານ, ມີສະຕິ ແລະ ມີຄວາມຕື່ນຕົວ ໃນການພັດທະນາຄອບຄົວ ແລະ ບ້ານ ໃຫ້ມີຄວາມ ຈະເລີນກ້າວ ໜ້າ. ຈາກນັ້ນ ໃນຕອນ ແລງ ຂອງວັນດຽວກັນ ທ່ານນາຍົກລັດຖະມົນຕີ ໄດ້ໄປຢ້ຽມຢາມ ເຂດຈຸດສຸມນ້ຳສຽມ ເມືອງຜາໄຊ ຊຶ່ງຫາກໍໄດ້ຮັບການສ້າງຕັ້ງຂຶ້ນໃໝ່ ແຕ່ເຫັນວ່າການ ສ້າງ ສາພັດ ທະນາແມ່ນມີບາດ ກ້າວຂະຫຍາຍຕົວ ແຕກຕ່າງຈາກເມື່ອກ່ອນ. ເຂດດັ່ງ ກ່າວ ມີຄວາມຫຍຸ້ງຍາກສັບສົນທີ່ສຸດ ເພາະມີກຸ່ມຄົນບໍ່ດີໃຊ້ ເຂດນີ້ເປັນບ່ອນເຄື່ອນ ໄຫວກໍ່ຄວາມບໍ່ສະຫງົບໃຫ້ແກ່ບ້ານເມືອງ. ແຕ່ຍ້ອນຄວາມເອົາໃຈໃສ່ຊີ້ນຳ-ນຳພາ ໃນການສ້າງສາພັດທະນາ ຂອງອຳນາດການປົກຄອງທຸກຂັ້ນ ບວກກັບ ຄວາມ ຕື່ນຕົວຂອງປະຊາຊົນ ຈຶ່ງເຮັດໃຫ້ເຂດດັ່ງກ່າວ ມີຄວາມສະຫງົບ, ການພັດ ທະນາດ້ານເສດຖະກິດ-ສັງຄົມ ມີການຂະຫຍາຍຕົວເປັນກ້າວໆ. ຕໍ່ມາໃນວັນທີ 12 ກຸມພາ ທ່ານນາຍົກລັດຖະມົນຕີ ໄດ້ໃຫ້ກຽດໂອ້ລົມຕໍ່ຄະນະພັກ, ອຳນາດການປົກ ຄອງ, ສະມາຊິກພັກ, ພະນັກງານຂັ້ນສູງ ແຂວງຊຽງຂວາງ ໃນໂອກາດເຂົ້າຮ່ວມກອງປະຊຸມ ກວດກາພັກ- ລັດແຂວງ ປະຈຳປີ 2009 ຊຶ່ງທ່ານ ວຽງຖະໜອມ ພົມມະຈັນ, ຜູ້ປະຈຳການ ເຈົ້າແຂວງຊຽງຂວາງ ໄດ້ລາຍງານ ສະພາບການພົ້ນເດັ່ນພາຍໃນແຂວງ ໃນສົກປີ 2008-2009 ຊຶ່ງເຫັນວ່າມີຄວາມສະຫງົບໂດຍພື້ນຖານ, ປະ ຊາຊົນມີຄວາມເຊື່ອໝັ້ນ ຕໍ່ການນຳພາຂອງພັກ-ລັດແລະໄດ້ປະກອບສ່ວນຢ່າງຕັ້ງໜ້າເຂົ້າໃນແຜນພັດທະນາເສດຖະກິດ-ສັງຄົມຂອງແຂວງ, ມາຮອດປະຈຸບັນ ການແກ້ໄຂຄວາມທຸກຍາກຂອງປະຊາຊົນ ແມ່ນ ສຳ ເລັດຈຳ ນວນໜຶ່ງ, ດ້ານເສດຖະກິດເຫັນວ່າ ລວມຍອດຜະລິດຕະພັນພາຍໃນບັນລຸ 1.176 ຕື້ກວ່າກີບ, ໃນນັ້ນວຽກງານ ກະສິກຳຂະຫຍາຍ ຕົວໃນລະດັບ 3,6%, ອຸດສາຫະກຳ 10,7% ແລະ ວຽກງານບໍລິການ 16,7%, ສ່ວນດ້ານການຜະລິດເຂົ້າ ສະມັດຕະພາບສະເລ່ຍປະມານ 3,39 ໂຕນຕໍ່ເຮັກຕາ ສ່ວນວຽກ ງານ ອື່ນໆ ກໍເຫັນວ່າມີການຂະ ຫຍາຍຕົວໄປຄຽງຄູ່ກັນ. ໂອກາດດັ່ງກ່າວ ທ່ານນາຍົກລັດຖະມົນຕີ ໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນງານການສ້າງສາພັດທະນາ ຢູ່ແຂວງຊຽງຂວາງ, ພ້ອມທັງໄດ້ເນັ້ນ ໜັກບາງ ວຽກທີ່ຈະຕ້ອງໄດ້ເອົາໃຈໃສ່ ເຊັ່ນ: ບັນຫາດ້ານເສດ ຖະກິດ, ວຽກງານປ້ອງກັນຊາດ-ປ້ອງກັນຄວາມສະຫງົບ ແລະ ການສ້າງຂະບວນການດ້ານຕ່າງໆ ເພື່ອກະ ກຽມໃຫ້ແກ່ກອງປະຊຸມໃຫຍ່ອົງຄະນະພັກແຂວງຄັ້ງທີ VI ທີ່ຈະໄຂຂຶ້ນໃນຕໍ່ໜ້າໃຫ້ໄດ້ຮັບຜົນດີ. ທ່ານ ນາຍົກ ລັດຖະມົນຕີ ພ້ອມດ້ວຍຄະນະ ຍັງໄດ້ໄປທ່ຽວຊົມ ຮູບຈຳລອງກອງພັນທີສອງຜ່າວົງປິດລ້ອມຂອງສັດຕູ ຢູ່ທົ່ງໄຫຫີນ ອີກດ້ວຍ./.
ກັບສາລະບານ
