ບ້ານປຸ່ງ ບ້ານດີເດັ່ນໃນການປົກປັກຮັກສາໂຄງການຍ່ອຍ
ຂປລ:ປະຈຸບັນເຫັນໄດ້ວ່າບັນດາໂຄງການຍ່ອຍທີ່ກໍ່ສ້າງໄປແລ້ວແະໄດ້ມອບຄວາມຮັບຜິດຊອບໃຫ້ແກ່ຊຸມຊົນ ເປັນຜູ້ຊົມໃຊ້ ແລະ ບູລະນະສ້ອມແປງນັ້ນ, ບາງ ເຂດ ກໍເຮັດໄດ້ດີແຕ່ບາງເຂດຍັງຂາດຄວາມ ເອົາໃຈ ໃສ່ ແລະ ຂາດຄວາມເປັນ ເຈົ້າການ.ແນວ ໃດກໍດີ,ຍັງມີບ້ານໜຶ່ງຂອງແຂວງຫົວພັນ ທີ່ໄດ້ກາຍເປັນ ບ້ານດີ ເດັ່ນ ໃນການ ປົກປັກຮັກສາໂຄງ ການຍ່ອຍ ຈາກການສະໜັບສະໜູນຂອງທລຍ ເຊິ່ງບ້ານນັ້ນກໍຄືບ້ານ ປຸ່ງທີ່ຂຶ້ນກັບກຸ່ມບ້ານ ຊຽງ ແມນ ເມືອງວຽງໄຊ ແຂວງດັ່ງ ກ່າວ. ບ້ານປຸ່ງ ຫ່າງຈາກເທສະບານເມືອງໄປທາງທິດເໜືອ 13 ກມ,ມີ 46 ຄອບຄົວ ໃນນີ້ມີ 5 ຄອບຄົວ ເປັນ ຄອບຄົວທຸກຍາກ (ຈາກການເກັບກຳຂໍ້ມູນເດືອນ ມີນາ 2009), ມີພົນລະເມືອງ 213 ຄົນ, ຍິງ 103 ຄົນ. ອາຊີບຕົ້ນຕໍຂອງເຂົາເຈົ້າແມ່ນເຮັດນາ,ປູກພືດທັນຍາຫານ,ລ້ຽງສັດ ແລະ ອື່ນໆ. ກ່ອນໜ້ານີ້,ຊີວິດການເປັນຢູ່ຂອງປະຊາຊົນຢູ່ເຂດນີ້ຍັງຫຍຸ້ງຍາກໂດຍສະເພາະພົບບັນຫາ ຂາດ ເຂີນນ້ຳກິນ-ນ້ຳໃຊ້ .ໃນຊີວິດປະຈຳວັນ ຂອງປະຊາຊົນໃນບ້ານນີ້ແມ່ນໃຊ້ນ້ຳ ສີມເຮັດໃຫ້ ເສຍ ເວລາ ໄປເອົານ້ຳ ແລະ ນຳໃຊ້ນ້ຳເປິເປື້ອນ ໃນລະດູຝົນ. ແນວໃດກໍດີ,ມາເຖິງສົກປີ 2004-05 ຜ່ານມາ,ພາຍຫລັງທລຍສະໜັບສະໜູູນງົບປະມານກໍ່ສ້າງ ນ້ຳລິນ ແລະພາຍ ຫລັງສຳເລັດ ການກໍ່ສ້າງ,ກອງທຶນ ຫລຸດ ຜ່ອນຄວາມທຸກຍາກກໍໄດ້ ມອບໃຫ້ປະ ຊາຊົນເປັນເຈົ້າການ ປົກປັກຮັກສາແລະຜ່ານ ຈາກການນຳ ໃຊ້ມາເປັນເວລາກວ່າ4ປີ ແລ້ວແຕ່ສະພາບຂອງໂຄງການດັ່ງກ່າວຍັງດີ, ແຂກຄົນກາຍໄປມາຜູ້ໃດ ກໍ ຮູ້ວ່ານ້ຳລິນດັ່ງກ່າວກໍ່ສ້າງມາ ດົນແລ້ວແຕ່ເບິ່ງຮູບນອກຄືວ່າ ຫາກໍສ້າງສຳເລັດ,ບໍ່ພຽງ ແຕ່ການບຳ ລຸງຮັກສາໂຄງສ້າງເທົ່ານັ້ນ, ປະຊາຊົນ ຍັງໄດ້ປົກປັກ ຮັກສາ ເຂດຕົ້ນນ້ຳຫ້າມບໍ່ໃຫ້ຖາງປ່າ ເຮັດໄຮ່ຢ່າງເດັດຂາດສົ່ງຜົນ ເຮັດ ໃຫ້ສາມາດຮັກສາປະລິມານນ້ຳກິນ-ນ້ຳ ໃຊ້ໄດ້ພຽງພໍຕະຫລອດປີ.ນີ້ເປັນການ ຊີ້ ໃຫ້ເຫັນວ່າ: ປະ ຊາຊົນບ້ານດັ່ງກ່າວໄດ້ເອົາໃຈໃສ່ແລະເປັນເຈົ້າການ ປົກປັກ ຮັກ ສາ,ຂະນະທີ່ ອຳນາດການປົກ ຄອງທ້ອງຖິ່ນ ແລະທີມງານກອງ ທຶນຫລຸດຜ່ອນຄວາມ ທຸກ ຍາກປະຈຳກຸ່ມບ້ານດັ່ງກ່າວກໍໄດ້ເອົາໃຈໃສ່ຊີ້ນຳ ຢ່າງໃກ້ຊິດຕິດແທດ ໂດຍຖືສຳຄັນການສຶກສາອົບຮົມພໍ່ແມ່ປະຊາຊົນໃນບ້ານ. ທ່ານ ເຂັມທອງ ອ່ອນນະວົງ ຕົວແທນບ້ານປຸ່ງໃຫ້ທັດສະນະວ່າ:ປັດໄຈສຳຄັນທີ່ເຮັດໃຫ້ການປົກປັກຮັກ ສາໄດ້ດີນີ້ກໍຍ້ອນຄວາມເປັນເຈົ້າການຂອງ ປະຊາ ຊົນທັງ ໝົດພ້ອມ ດ້ວຍອຳນາດ ການປົກຄອງພ້ອມກັນເອົາ ໃຈໃສ່,ມີຄວາມເປັນເອກະພາບ,ສາມັກຄີຮ່ວມກັນເປັນເຈົ້າການປະຕິ ບັດລະບຽບຂອງການນຳ ໃຊ້ນ້ຳລິນດັ່ງ ກ່າວຕາມທິດຊີ້ນຳ ຂອງກອງທຶນຫລຸດຜ່ອນຄວາມທຸກຍາກ ເປັນຕົ້ນໄດ້ສ້າງກອງທຶນພັດທະນາຂັ້ນບ້ານໂດຍ ການເກັບເງິນຄ່ານຳໃຊ້ນ້ຳ 1.000 ກີບຕໍ່ຄົນຕໍ່ປີ ເພື່ອເປັນທຶນບູລະນະ ສ້ອມແປງໂຄງການນ້ຳລິນດັ່ງກ່າວ. ການຊົມໃຊ້ເງິນກອງທຶນນີ້ໄດ້ແບ່ງເປັນ 2 ຮ່ວງຄື 50% ສຳລັບສ້ອງແປງໃຫຍ່;50% ສຳລັບຈ່າຍ ໃຫ້ ຜູ້ຮັບຜິດ ຊອບບົວລະບັດຮັກສາ ຫົວງານ ແລະ ອ່າງເກັບນ້ຳ ທັງໄດ້ຕິດ ຕາມອາທິດ ໜຶ່ງ 2 ເທ່ືອ.ສຳລັບການສ້ອມແປງນ້ອຍ ເຊັ່ນ:ກ໊ອກເພ,ອະນາ ໄມອ້ອມກ໊ອກ ,ເຮັດຮົ້ວ ເປັນຕົ້ນ ແມ່ນຄວາມຮັບຜິດ ຊອບຂອງກຸ່ມຊົມ ໃຊ້ນ້ຳທີ່ຈັດແບ່ງເປັນ ໜ່ວຍ.ນອກຈາກເປັນຕົວແບບດ້ານການປົກປັກຮັກສາ ໂຄງການຍ່ອຍແລ້ວ, ບ້ານ ປຸງຍັງມີກຸ່ມຈັກ ສານທີ່ເປັນຕົວ ແບບສາມາດສ້າງລາຍຮັບ ໃຫ້ຄອບຄົວ,ມີກຸ່ມທ້ອນເງິນທີ່ມີຄວາມເຂັ້ມແຂງສາມາດເປັນແຫຼ່ງ ສິນເຊື່ອໃຫ້ແກ່ປະຊາຊົນ.
ກັບສາລະບານ
