ຈີນ ລົງທຶນປູກຢາງພາລາຢູ່ແຂວງຫລວງນ້ຳທາ 1.000 ເຮັກຕາ
*(ຂປລ): ບໍລິສັດ ລົງທຶນຢາງພາລາ ແຂວງຢຸນນານ ສປ ຈີນ ໄດ້ລົງທຶນກວ່າ 1 ລ້ານໂດລາສະຫະລັດ ເພື່ອສົ່ງເສີມປະຊາຊົນແຂວງຫລວງນ້ຳທາ ປູກຢາງພາລາຢູ່ເຂດສີວິໄລ ເມືອງລອງໃນເນື້ອທີ່ 1.000 ເຮັກຕາ ຊຶ່ງມີອາຍຸດຳເນີນໂຄງການ 35 ປີໂດຍທາງບໍລິິສັດຈະເປັນຜູ້ຮັບຊື້ຜົນຜະລິດທັງໝົດ.ພິທີລົງນາມ ເພື່ອອະນຸມັດສຳປະທານ ໄດ້ມີຂຶ້ນໃນວັນທີ 3 ກັນຍາ 2007ນີ້ ລະ ຫວ່າງທ່ານ ສົມຈັນ ມີດວງຈັນ, ຮອງຫົວໜ້າພະແນກກະສິກຳ-ປ່າໄມ້, ທ່ານ ສົມໝາຍ ໂກສະດາ ຮອງຫົວໜ້າພະແນກແຜນການ ແລະ ການລົງທຶນ ແຂວງຫລວງນ້ຳທາ ແລະ ທ່ານ ຫລິວ ເຕີຫລຽນ ຫັວໜ້າບໍລິສັດລົງທຶນຢາງພາລາແຂວງຢຸນນານໂດຍການເຂົ້າຮ່ວມເປັນສັກຂີພິຍານຂອງພະນັກງານກ່ຽວຂ້ອງທັງສອງຝ່າຍ. ການຕົກລົງໃຫ້ສຳປະທານປູກຢາງພາລາໃນຄັ້ງນີ້ ແນໃສ່ສົ່ງເສີມກາງສ້າງລາຍຮັບໃຫ້ປະຊາຊົນ ໃນເຂດດັ່ງກ່າວໃຫ້ມີຊີວິດການເປັນຢູ່ດີຂຶ້ນ
ກັບສາລະບານ
