ລາວ-ເຢຍລະມັນ ເພີ່ມທະວີການພົວພັນວຽກງານສະພາ
*(ຂປລ) : ຄະນະຜູ້ແທນສະພາແຫ່ງຊາດລາວ, ນຳໂດຍທ່ານ ດາວອນ ຫວ່າງວິຈິດ ຮອງຫົວໜ້າກຳ ມາທິການກົດໝາຍ ຂອງສະ ພາແຫ່ງຊາດ ໄດ້ພົບປະກັບຄະນະຜູ້ແທນລັດຖະສະພາເຢຍລະມັນ, ນຳໂດຍ ທ່ານ ແຮນມຸດ ໂກນິສເຮົ້າ (Helmut Konigshaus) ຕາງໜ້າກຳມາທິການຊ່ວຍເຫຼືອ ແລະ ຮ່ວມມືພັດທະນາ ໃນວັນທີ 28 ສິງຫາຜ່ານມານີ້ ຢູ່ທີ່ສະພາແຫ່ງຊາດ, ນະຄອນຫຼວງວຽງຈັນ. ການພົບປະສອງຝ່າຍຄັ້ງນີ້ ແມ່ນແນໃສ່ແລກປ່ຽນບົດຮຽນ ກ່ຽວກັບການເຮັດວຽກ ແລະ ປະສານ ງານລະຫວ່າງພັກ ແລະ ລັດຖະສະພາ, ການຮ່ວມມືຊ່ວຍເຫຼືອລະຫວ່າງ ສະພາແຫ່ງຊາດລາວ ແລະ ລັດຖະ ສະພາເຢຍລະມັນ. ຄະນະຜູ້ແທນສະພາແຫ່ງຊາດລາວ ໄດ້ສະເໜີໃຫ້ຝ່າຍເຢຍລະມັນພິຈະລະນາການສ້າງຄວາມເຂັ້ມແຂງໃຫ້ແກ່ກຳມາທິການຂອງສະພາແຫ່ງຊາດ ເພື່ອແນໃສ່ເຮັດໃຫ້ ສະພາແຫ່ງຊາດສາມາດ ປະຕິ ບັດບົດບາດ ຕິດຕາມກວດກາ, ການຈັດຕັ້ງປະຕິບັດກົດໝາຍ ແລະ ຊຸກຍູ້ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ. ນອກນັ້ນ ສອງຝ່າຍຍັງໄດ້ປຶກສາຫາລື ກ່ຽວກັບການສະໜັບສະໜູນ ເຊິ່ງກັນ ແລະ ກັນ ໃນເວທີສາກົນ. ໃນການພົບປະຄັ້ງນີ້ ຄະນະຜູ້ແທນເຢຍລະມັນ ຍັງໄດ້ແຈ້ງໃຫ້ຝ່າຍລາວຊາບວ່າ: ຢູ່ປະເທດ ເຢຍລະ ມັນ ສະມາຄົມມິດຕະພາບລາວ-ເຢຍລະມັນ ກໍໄດ້ຮັບການສ້າງຕັ້ງຂຶ້ນ ເຊັ່ນດຽວກັນ ເພື່ອແນໃສ່ຊຸກຍູ້ ແລະ ສົ່ງ ເສີມສາຍພົວພັນມິດຕະພາບ ການຮ່ວມມື ລະຫ່ສາງສອງຊາດ. ການຢ້ຽມຢາມຂອງຄະນະຜູ້ແທນ ລັດຖະສະ ພາເຢຍລະມັນຄັ້ງນີ້ ແມ່ນການປະກອບສ່ວນເສີມສ້າງສາຍພົວພັນ ແລະ ການຮ່ວມມືລະຫວ່າງສອງສະພາ ກໍຄືປະຊາຊົນສອງປະເທດໃຫ້ແໜ້ນແຟ້ນຍິ່ງໆຂຶ້ນ./.
ກັບສາລະບານ
