ທ່ານປະທານສະພາແຫ່ງຊາດຕ້ອນຮັບທູດຕ່າງປະເທດ
*(ຂປລ) ໃນຕອນເຊົ້າວັນທີ 3 ກັນຍານີ້ ທີ່ຫໍສະພາແຫ່ງຊາດ, ທ່ານ ທອງສິງ ທຳມະວົງ, ປະທານສະພາ ແຫ່ງຊາດລາວໄດ້ຕ້ອນ ຮັບການເຂົ້າຢ້ຽມຂ່ຳນັບ ຂອງ ທ່ານ ປັກ ໂມງກູ, ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສປປ ເກົາຫລີ ປະຈຳ ສປປ ລາວ ເພື່ອສະແດງຄວາມ ຍິນດີ ຕໍ່ຜົນການຢ້ຽມຢາມສາທາລະນະລັດ ປະຊາຊົນ ປະຊາທິປະໄຕ ເກົາຫລີ ຂອງທ່ານປະ ທານສະພາແຫ່ງຊາດລາວ ພ້ອມດ້ວຍຄະນະ ໃນລະ ຫວ່າງວັນທີ 31 ກໍລະກົດ ເຖິງວັນທີ 4 ສິງຫານີ້ ຕາມຄຳເຊີນຂອງ ທ່ານ ປະທານສະພາປະຊາຊົນສູງສຸດແຫ່ງ ສປປ ເກົາຫລີ ຊຶ່ງເປັນການເພີ່ມທະວີ , ເສີມສ້າງສາຍພົວພັນມິດຕະພາບ ແລະ ການຮ່ວມມືນຳກັນໂດຍສະເພາະແມ່ນສືບຕໍ່ແລກປ່ຽນບົດຮຽນລະຫວ່າງສອງອົງການນິຕິບັດຍັດຂອງສອງປະເທດອີກດ້ວຍ. ໃນຕອນເຊົ້າວັນດຽວກັນ ທ່ານ ທອງສີງ ທຳມະວົງ, ປະທານສະພາແຫ່ງຊາດ ໄດ້ໃຫ້ກຽດຕ້ອນຮັບການເຂົ້າຢ້ຽມຂ່ຳນັບອຳລາ ຂອງ ທ່ານ ມາໂກໂຕະ ກັດຊຶຣະ (MAKOTO KATSURA), ເອກອັກຄະລາຊະທູດ ວິສາມັນ ຜູ້ມີອຳນາດເຕັມແຫ່ງປະເທດຍີ່ປຸ່ນ ປະຈຳສປປ ລາວ ພາຍຫລັງທີ່ໄດ້ສຳເລັດໜ້າທີ່ການທູດ ເປັນເວລາ 3 ປີ . ທ່ານ ທອງສິງ ທຳມະວົງ, ປະທານສະພາແຫ່ງຊາດ ໄດ້ສະແດງຄວາມຊົມເຊີຍ ແລະ ຕີລາສູງຕໍ່ການປະຕິບັດຫນ້າທີ່ການທູດ ຂອງທ່ານ ທູດ ຕະຫລອດໄລຍະການປະຕິບັດວຽກງານການທູດ ເພື່ອເສີມຂະຫຍາຍສາຍພົວພັນມິດຕະພາບ, ການຮ່ວມມື ແລະ ຊ່ວຍເຫລືອ ລະຫວ່າງ ລາວ ແລະ ຍີ່ປຸ່ນໃຫ້ ນັບມື້ແຕກດອກຜົນຍິ່ງໆຂຶ້ນ. ທ່ານ ປະທານສະພາແຫ່ງຊາດກໍໄດ້ຖືໂອກາດອວຍພອນໃຫ້ທ່ານທູດຈົ່ງເດີນທາງກັບຄືນປະເທດດ້ວຍຄວາມສະຫວັດພາບ ແລະ ປະສົບຜົນສຳເລັດໃນຫນ້າທີ່ວຽກງານໃຫມ່ຂອງທ່ານ./.
ກັບສາລະບານ
