ຂ່າວພາຍໃນປະເທດ

​ສ້າງ​ຕັ້ງທະນາຄານ ລາວ-ຝຣັ່ງ

*(ຂປລ): ສປປ ລາວ ແລະ ປະເທດຝຣັ່ງ ໄດ້ຕົກລົງຮ່ວມມືກັນໃນການສ້າງຕັ້ງ ທະນາຄານ ແຫ່ງໃຫມ່ ຊຶ່ງເປັນ “ ທະນາຄານ ລາວ-ຝຣັ່ງ” ໂດຍ ຕອບ​ສະໜອງ​ນະ​ໂຍບາຍ​ພັດທະນາ​ທາງ​ດ້ານ​ເສດຖະກິດ ​ແລະ ການ​ເງິນ​ຂອງ​ລັດຖະບານ​ແຫ່ງ ສປປ ລາວ ​ເວົ້າ​ລວມ, ​ເວົ້າ​ສະ​ເພາະ ​ແມ່ນ ​ນະ​ໂຍ ບາຍ​ທີ່​ໄດ້​ວາງ​ອອກ​ໂດຍ​ທະນາຄານ ​ແຫ່ງ ສປປ ລາວ​ ເພື່ອ​ປະກອບ ສ່ວນ ​ເຂົ້າ​ໃນ​ການ​ພັດທະ ນາ​ເສດຖະກິດ​ ຂອງ​ຊາດ. ການຮ່ວມກັນສ້າງຕັ້ງ ທະນາຄານ ໃຫມ່ນີ້ ແມ່ນ ເພື່ອ​ຍົກ​ສູງ​ ຄຸນ​ນະພາ​ບ ​ແລະ ຄວາມ​ສາມາດ​​ໃນ​ການ​ບໍລິການ ​ແລະ ພັດທະນາ ​ລະ ບົບ​ເຕັກ​ໂນ​ໂລ​ຊີ​ການ​ທະນາຄານ ​ໃຫ້​ນັບ​ມື້ນັບ​ເທົ່າ​ທຽມ​ ກັບ​ສາ ກົນ​​.
​ໃນ​ວັນ​ທີ 24 ຕຸລາ 2008, ທ່ານ ວັນ​ຄຳ​ ວໍລະ​ວົງ, ຮອງ​ຜູ້​ອຳນວຍ​ການ​ ທະນາ ຄານ​ການ​ຄ້າ​ຕ່າງປະ​ເທດ​ລາວ ​ແລະ ທ່ານ YVES jacquot, ຜູ້​ອຳນວຍ​ການ ​ໃຫຍ່​ບໍລິສັດ COFIBRED ໃນກຸ່ມ​ທະນາຄານ​ເບຣດບັງ ​ໂປ​ປູ​ຍ​ແລ, ໄດ້​ຮ່ວມກັນ ລົງ​ນາມ ໃນ​ບົດ ​ບັນທຶກ​ການ​ຮ່ວມ​ມື​ສ້າງຕັ້ງທະ ນາ ຄານ​ລາວ​-ຝລັງ ​ໂດຍ​ມີ​ທ່ານ ສົມ​ພາວ ​ໄພສິດ, ຮອງ​ຜູ້​ວ່າການ​ທະນາຄານ​ແຫ່ງ ສປປ ລາວ, ທ່ານ Francois CENEMAUD, ເອກ​ອັກຄະ​ລັດ​ຖະ​ທູດ​ແຫ່ງ​ປະ​ເທດ​ຝຣັ່ງ​ປະ​ຈຳ​ລາວ, ມີ​ບັນດາ​ຫົວໜ້າ​ກົມ, ຮອງ​ກົມ​ຈາກ​ກະຊວງ​ ການ​ເງິນ ​ແລະ ທະ​ນາຄາ​ນ​ແຫ່ງ​ ສປປ ລາວ ​ເຂົ້າ​ຮ່ວມ.
ທະນາຄານ​ແຫ່ງໃໝ່​ນີ້​ ຈະ​ມີ​ທຶນ​ຈົດ​ທະບຽນ​ເບື້ອງຕົ້ນ​ຈຳນວນ 20 ລ້ານ​ໂດ​ລາ​ສະຫະລັດ​, ​ໂດຍ​ກຸ່ມ​ທະນາຄານ BRED banque populaire ຖື​ຫຸ້ນ 54%, ​ເທົ່າ​ກັບ 10.800.000 ໂດ​ລາ​ສະຫະລັດ ​ແລະ ທະນາຄານ​ການ​ຄ້າ​ຕ່າງປະ​ເທດ​ລາວ​ຖື​ຫຸ້ນ 46% ​ເທົ່າ​ກັບ 9.200.000 ໂດ​ລາ​ສະຫະລັດ. ນອກ​ນີ້ກຸ່ມ​ທະນາຄານ​ຝຣັ່ງ ​ຍັງ​ຈະໃຫ້ການ​ຊ່ວຍ​ເຫຼືອ​ໃນ​ການ​ກໍ່ສ້າງ ​ແລະ ຝຶກ​ອົບຮົມ​ຢູ່​ ພາຍ ​ໃນ ​ແລະ ຕ່າງປະ​ເທດ​ໃຫ້​ພະນັກງານ​ທະນາຄານ​ໃໝ່ ມີຄວາມສາມາດໃນການບໍລິ ການທຽບ ທັນກັບສາກົນ.
ພາຍຫຼັງ​ເປີດ​ບໍລິການ​ເປັນ​ທາງ​ການ​ແ​ລ້ວ, ທະນະ​ຄານ​ລາວ-ຝຣັ່ງຈະ​ໄດ້​ສືບຕໍ່​ຂະຫຍາຍ​ສຳ ນັກງານ​ຕົວ​ແທນ​ຫຼື​ສາຂາ​ທະນາຄານ ​ຂອງ​ ຕົນ​ ອອກ​ໄປ​​ໃນ​ຂອບ​​ເຂດ​ທົ່ວ​ປະ​ເທດ​ເປັນຕົ້ນ ຢູ່​ແຂວງ​ຫລວງ​ພະ​ບາງ, ຈຳປາ​ສັກ ​ແລະ ສະຫວັນ​ນະ​ເຂດ./.

ກັບສາລະບານ

ຂ່າວສານປະເທດລາວ (ຂປລ) - 80 ຖະໜົນ ເສດຖາທິລາດ, ວຽງຈັນ ສ ປ ປ ລາວ- ໂທ. (856-21) 21 5402, 21 2447- ແຟັກ 21 2446