ປະທານກວດກາສູນກາງພັກໃຫ້ທິດຊີ້ນຳຕໍ່ວຽກງານກວດກາທະນາຄານແຫ່ງ ສປປ. ລາວ
ຂປລ. ຄະນະພັກ, ຄະນະນຳ ແລະ ພະນັກງານສະມາຊິກພັກທຸກລະດັບ ໃນທົ່ວອົງຄະນະພັກທະນາ ຄານແຫ່ງ ສປປ. ລາວ (ທຫລ) ຕ້ອງບຸຸກທະລຸທາງດ້ານທັດສະນະ ແລະ ຄວາມ ຮັບຮູ້, ເຂົ້າໃຈຕໍ່ວຽກງານກວດກາ, ວຽກງານສະກັດກັ້ນ ແລະ ຕ້ານການສໍ້ລາດບັງຫລວງໃນເງື່ອນໄຂປະຈຸບັນ ໃຫ້ຖືກຕ້ອງ ແລະ ຖືເອົາວຽກງານນີ້ເປັນວຽກໜຶ່ງທີ່ສຳຄັນ ແລະ ຂາດ ບໍ່ໄດ້ໃນການນຳພາຂອງພັກ ແລະ ການຄຸ້ມຄອງຂອງລັດ, ຕ້ອງເຫັນໄດ້ ຜົນຮ້າຍຂອງການຖືເບົາຂອງການສໍ້ລາດບັງຫລວງ ທີ່ເກີດຂຶ້ນໃນຖັນແຖວພະນັກງານສະມາຊິກພັກໃນປະຈຸບັນ. ນີ້ແມ່ນບາງເນື້ອໃນຂອງການໂອ້ລົມ ແລະ ໃຫ້ທິດຊີ້ນຳຂອງ ທ່ານດຣ. ບຸນທອງ ຈິດມະນີ ກຳມະ ການກົມການເມືອງສູນກາງພັກ, ເລຂາທິການສູນກາງພັກ, ປະທານ ຄະນະ ກວດ ກາສູນກາງພັກ, ປະ ທານອົງການກວດກາລັດຖະບານ, ຫົວໜ້າອົງການຕ້ານການສໍ້ລາດບັງຫລວງ ຕໍ່ກອງປະຊຸມວຽກງານກວດ ກາທະນາຄານ ແຫ່ງ ສປປ. ລາວ ປະຈຳປີ 2012. ໃນ ວັນທີ 17 ພຶດສະພາ 2013 ທີ່ສະຖາບັນການທະນາຄານ, ນະຄອນຫລວງວຽງຈັນ.
ນອກຈາກເນື້ອໃນທີ່ກ່າວມາຂ້າງເທິງແລ້ວ, ທ່ານດຣ. ບຸນທອງ ຈິດມະນີ ຍັງໄດ້ເນັ້ນໜັກໃຫ້ຄະນະພັກ, ຄະນະນຳ ແລະ ພະນັກງານສະມາຊິກພັກທຸກລະດັບ ໃນທົ່ວອົງຄະ ນະ ພັກ ທະນາຄານ ແຫ່ງ ສປປ. ລາວ ຕ້ອງສືບຕໍ່ຄົ້ນຄວ້າ, ກຳແໜ້ນ ແລະ ຜັນຂະຫຍາຍຈັດຕັ້ງປະຕິບັດເນື້ອໃນກອງປະຊຸມກວດກາທົ່ວປະເທດ ຄັ້ງທີ 2 ລວມທັງບົດໂອ້ລົມຂອງ ທ່ານ ເລ ຂາທິການໃຫຍ່ ຄະນະບໍລິຫານງານສູນກາງພັກປະຊາຊົນປະຕິວັດລາວ; ກຳແໜ້ນ ແລະ ປະຕິບັດຢ່າງຖຶກຕ້ອງການຕິດຕາມກວດກາພາຍໃນພັກ, ປະຕິບັດຢ່າງຖືກຕ້ອງ, ເຂັ້ມງວດ ແລະ ເປັນປົກກະຕິຕໍ່ການກວດກາລັດ, ສະກັດກັ້ນ ແລະ ຕ້ານການສໍ້ລາດບັງຫລວງໃນເງື່ອນໄຂປະຈຸບັນ; ກ່ຽວກັບການຄົ້ນຄວ້າແກ້ໄຂຄຳຮ້ອງ-ຄຳສະເໜີ ຂອງພະ ນັກງານ ສະ ມາ ຊິກພັກ ແລະ ພົນລະເມືອງ ອັນນີ້ກໍເປັນວຽກທີ່ບໍ່ຄວນຖືເບົາ, ສິ່ງສຳຄັນແມ່ນຕ້ອງສ້າງເງື່ອນໄຂໃຫ້ສະມາຊິກພັກ, ພະນັກງານ ແລະ ລູກຄ້າ ໄດ້ສົ່ງຄຳຮ້ອງ- ຄຳສະເໜີຂອງຕົນ ໄປເຖິງການຈັດຕັ້ງ ແລະ ບຸກຄົນທີ່ກ່ຽວຂ້ອງ; ຄະນະພັກທະນາຄານ, ຄະນະພັກຮາກຖານ ແລະ ໜ່ວຍພັກ ກໍຄືການນຳຕ້ອງເອົາໃຈໃສ່ປັບປຸງການຈັດຕັ້ງ ແລະ ພະນັກງານ ທີ່ເຮັດ ວຽກກວດກາຢູ່ຂັ້ນ ຂອງຕົນໃຫ້ມີຄວາມເຂັ້ມແຂງ, ເລືອກເຟັ້ນ ແລະ ປະກອບພະນັກງານໃຫ້ມີຄຸນນະພາບສູງຂຶ້ນເລື້ອຍໆ; ຕ້ອງເພີ່ມທະວີການນຳພາຂອງຄະນະພັກທະນາຄານ ແຫ່ງ ສປປ. ລາວ, ຄະນະພັກຮາກຖານ ແລະ ຄະນະໜ່ວຍ ກໍຄືການນຳທຸກຂັ້ນ, ທຸກລະດັບຕໍ່ວຽກງານກວດກາ, ວຽກງານສະກັດກັ້ນຕ້ານການສໍ້ລາດບັງຫລວງ ແລະ ອື່ນໆ.
ກອງປະຊຸມດັ່ງກ່າວ ແມ່ນໄດ້ດຳເນີນມາແຕ່ວັນທີ 16 ພຶດສະພາ ພາຍໃຕ້ການເປັນປະທານຂອງ ທ່ານ ສົມພາວ ໄຟສິດ ເລຂາຄະນະພັກ, ຜູ້ວ່າການທະນາຄານແຫ່ງ ສປປ. ລາວ ນັ້ນ, ຜູ້ເຂົ້າຮ່ວມໄດ້ພ້ອມກັນສະຫລຸບຕີລາຄາຄືນການເຄື່ອນໄຫວວຽກງານກວດກາຂອງທະນາຄານໃນປີ 2012 ແລະ ແລະ ແຜນການປີ 2013. ພ້ອມນີ້ ຍັງໄດຮັບຟັງການ ເຜີຍແຜ່ ຍຸດ ທະສາດຕ້ານການສໍ້ລາດບັງຫລວງ ແຕ່ນີ້ຮອດປີ 2020 ແລະ ແຜນການຈັດຕັ້ງປະຕິບັດ ແລະ ໄດ້ປະກອບຄຳຄິດຄຳເຫັນໃສ່ບັນດາຫົວຂໍ້ຕ່າງໆເຊັ່ນ: ປະກົດການ ຫຍໍ້ທໍ້ກ່ຽວ ກັບ ໂຄງການກໍ່ສ້າງ, ສ້ອມແປງ, ຈັດຊື້ ແລະ ນຳໃຊ້ບໍລິການຕ່າງໆຂອງ ທຫລ , ຂໍ້ສະດວກ-ຂໍ້ຫຍຸ້ງຍາກ ແລະ ມາດຕະການ ໃນການແກ້ໄຂ ຂອງການຄຸ້ມ ຄອງທະ ນາຄານ ທຸລະ ກິດໃນ ປະຈຸບັນ, ບົດຮຽນການກວດກາຂອງທະນາຄານການຄ້າຕ່າງປະເທດມະຫາຊົນ ແລະ ການແກ້ໄຂໜີ້ທີ່ບໍ່ເກີດດອກອອກຜົນ ແລະ ອື່ນໆ./.
ກັບສາລະບານ
