ຮັດແໜ້ນການຮ່ວມມືວຽກງານຕ່າງປະເທດ ລາວ-ໂປໂລຍ

*(ຂປລ): ທ່ານ ພົງສະຫວັດ ບຸບຜາ, ລັດຖະມົນຕີຊ່ວຍວ່າການກະຊວງການຕ່າງປະເທດ ສປປ ລາວ ໄດ້ຕ້ອນຮັບ ທ່ານ ດຣ. ພາເວລ ໂວຊີໂຊສກີ (Pawel Wojciechowski), ລັດຖະມົນຕີຊ່ວຍວ່າ ການກະຊວງການ ຕ່າງປະເທດ ໂປໂລຍ ພ້ອມດ້ວຍຄະນະ ໃນວັນທີ 10 ມີນາ 2010 ທີ່ກະຊວງການ ຕ່າງ ປະ ເທດ ໃນໂອກາດທີ່ຄະ ນະດັ່ງກ່າວ ໄດ້ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ລະ ຫວ່າງ ວັນທີ 9-10 ມີນາ 2010 ນີ້.
ທ່ານລັດຖະມົນຕີຊ່ວຍວ່າການ ກະຊວງການຕ່າງປະເທດ ແຫ່ງ ສປປ ລາວ ໄດ້ສະແດງ ຄວາມຊົມ ເຊີຍ ແລະ ຕີລາຄາສູງ ຕໍ່ການເດີນທາງມີຢ້ຽມຢາມ ແລະ ເຮັດວຽກຢູ່ລາວ ໃນ ຄັ້ງນີ້ ຊຶ່ງເປັນການປະກອບ ສ່ວນເຮັດໃຫ້ການສ້າງສາພັດທະນາທັງສອງປະເທດ ນັບມື້ ເຕີບ ໃຫຍ່ຂະຫບາຍຕົວເປັນກ້າວໆ ຕາມເງື່ອນໄຂ ແລະ ສະພາບການສາກົນ ທີ່ເອື້ອຍ ອຳນວຍໃຫ້ໃນແຕ່ລະໄລຍະຜ່ານມາ ຂະນະດຽວກັນ ກໍເປັນການເສີມສ້າງ ສາຍພົວພັນ ແລະ ການຮ່ວມມືຂອງສອງປະເທດ ໂດຍສະເພາະແມ່ນຮັດແໜ້ນ ການຮ່ວມມືດ້ານວຽກ ງານ ການຕ່າງປະເທດ ລະຫວ່າງ ລາວ-ໂປໂລຍ ໃຫ້ນັບມື້ຂະຫຍາຍຕົວຢ່າງບໍ່ຢຸດຢັ້ງ ພ້ອມນີ້ ທ່ານຍັງໄດ້ ສະແດງ ຄວາມຂອບອົກຂອບໃຈຕໍ່ລັດຖະບານໂປໂລຍ ທີ່ໄດ້ໃຫ ້ການຊ່ວຍ ເຫລືອໃນເມື່ອກ່ອນ ກໍຄື ໄລຍະແຫ່ງການ ສ້າງສາພັດທະນາປະເທດຊາດ ໃນປະຈຸ ບັນ ແລະ ຫວັງວ່າ ຈະໄດ້ສືບຕໍ່ຮ່ວມມືກັບຝ່າຍໂປໂລຍ ເພື່ອຮັກ ສາ ແລະ ເສີມຂະຫຍາຍການພົວພັນ ແລະ ການຮ່ວມມືອັນເປັນມູນເຊື້ອລະຫວ່າງ ລາວ-ໂປໂລຍ ໃຫ້ມີປະສິດທິ ຜົນຍິ່ງໆຂຶ້ນເພື່ອຜົນປະໂຫຍດ ຂອງ ປະຊາ ຊົນລາວ ແລະ ໂປໂລຍ.
ທ່ານລັດຖະມົນຕີຊ່ວຍວ່າການກະຊວງການຕ່າງປະເທດໂປໂລຍ ກໍໄດ້ກ່າວຂອບອົກຂອບໃຈ ຕໍ່ທ່ານ ລັດຖະມົນຕີຊ່ວຍວ່າການກະຊວງການຕ່າງປະເທດລາວ ຕະຫລອດຮອດພາກສ່ວນຕ່າງໆກ່ຽວຂ້ອງ ທີ່ໄດ້ ໃຫ້ ການຕ້ອນຮັບຢ່າງອົບອຸ່ນ ແລະ ໃຫ້ການຮ່ວມມືເປັນຢ່າງດີ ໂດຍສະເພາະ ແມ່ນອຳນວຍຄວາມສະດວກ ໃນໄລ ຍະການເຄື່ອນໄຫວຢ້ຽມຢາມ ແລະ ເຮັດວຽກຢູ່ ສປປ ລາວ ຈົນໄດ້ຮັບຜົນສຳເລັດເປັນຢ່າງດີ. ພ້ອມ ທັງ ຢືນ ຢັນທີ່ຈະສືບຕໍ່ຊຸກຍູ້ໃຫ້ນັກທຸລະກິດ ຂອງ ໂປໂລຍ ມາສຶກສາຄວາມເປັນໄປໄດ້ໃນການລົງ ທຶນຢູ່ລາວ ໂດຍສະ ເພາະແມ່ນດ້ານບໍ່ແຮ່. ນອກນີ້ ທັງສອງຝ່າຍຍັງໄດ້ແລກປ່ຽນຄຳຄິດຄຳເຫັນ ແລະ ປຶກສາ ຫາລືກ່ຽວ ກັບບັນ ຫາສາກົນ ແລະ ພາກພື້ນຕື່ມອີກ/.

ກັບສາລະບານ