ກອງປະຊຸມຮ່ວມ ລະຫວ່າງ ຄະນະປະຈຳສະພາແຫ່ງຊາດ ກັບອົງການກວດສອບແຫ່ງລັດ
ຂປລ. ກອງປະຊຸມຮ່ວມ ລະຫວ່າງ ຄະນະປະຈຳສະພາແຫ່ງຊາດ ກັບອົງການກວດສອບແຫ່ງລັດ ໄດ້ຈັດຂຶ້ນໃນວັນທີ 19 ມິຖຸນາ 2013 ນີ້ຢູ່ທີ່ຫ້ອງປະຊຸມນ້ອຍສະພາແຫ່ງຊາດ ໂດຍການເປັນປະທານຂອງທ່ານ ນາງ ປານີ ຢ່າທໍ່ຕູ້ ປະທານສະພາແຫ່ງຊາດ, ທ່ານ ນາງ ວຽງທອງ ສີພັນດອນ ປະທານອົງການກວດສອບແຫ່ງລັດ, ມີບັນດາຄະນະປະຈຳ, ກຳມະທິການເສດຖະຸກິດແຜນການ-ການເງິນ, ມີບັນດາຮອງປະທານອົງ ການກວດສອບແຫ່ງລັດ ພ້ອມດ້ວຍພະນັກງານທີ່ກ່ຽວຂ້ອງ ເຂົ້າຮ່ວມ.
ໃນກອງປະຊຸມ ບັນດາຜູ້ເຂົ້າຮ່ວມໄດ້ຮັບຟັງບົດລາຍງານ ການເຄື່ອນໄຫວວຽກງານຂອງອົງການກວດສອບແຫ່ງລັດ ປະຈຳສົກປີ 2012-2013 ແລະ ແຜນການກວດສອບປະຈຳປີ 2013-2014, ລາຍງານຜົນການກວດສອບ ການສະຫລຸບຂາດຕົວ ການຈັດຕັ້ງປະຕິບັດແຜນງົບປະມານແຫ່ງລັດ ສົກປີ 2010-2011 ແລະ ສົກປີ 2011-2012, ລາຍງານ ສາເຫດຂອງການຜິດດ່ຽງບັນຊີ 94,83 ຕື້ກີບ ໃນສົກງົບປະມານ 2009-2012 ຂອງຄັງເງິນນະຄອນຫລວງວຽງຈັນ, ລາຍງານການກວດສອບ ຕາມມະຕິຕົກລົງຂອງສະພາແຫ່ງຊາດ, ພ້ອມນີ້ ບັນດາຜູ້ເຂົ້າຮ່ວມ ຍັງໄດ້ປະກອບຄຳຄິດຄຳເຫັນ ຕໍ່ການເຄື່ອນໄຫວວຽກງານຂອງອົງການກວດສອບແຫ່ງລັດ ຕໍ່ການແກ້ໄຂບັນຫາຕ່າງໆ, ຮັບຟັງການເຈາະຈີ້ມ ແລະ ໃຫ້ທິດຊີ້ນຳ ໃນການປະກອບຄຳເຫັນ ຂອງປະ ທານກອງປະຊຸມ ທັງນີ້ ກໍເພື່ອສ້າງຄວາມເປັນເອກະພາບຕໍ່ການແກ້ໄຂບັນຫາຕ່າງໆ./.
ກັບສາລະບານ
