ຫລາຍແຫ່ງໄຂສົກຮຽນໃໝ່ 2010-2011
*(ຂປລ): ວັນທີ 1 ກັນຍາ 2010 ພະແນກສຶກສາ ຫລາຍແຂວງໃນທົ່ວປະເທດ ໄດ້ໄຂສົກຮຽນໃໝ່ 2010-2011 ຢ່າງເປັນເອກະພາບ ແລະ ມີບັນຍາກາດອັນ ເບີກບານມ່ວນຊື່ນ ເພື່ອໃຫ້ ລູກຫລານໃນເກນອາຍຸໄດ້ເຂົ້ຮຽນ ແລະ ສ້າງທຸກເງື່ອນໄຂອຳນວຍຄວາມສະດວກໃຫ້ລູກຫລານຂອງຕົນ ໄດ້ເຂົ້າຮຽນຢ່າງທົ່ວເຖິງ, ພະນັກງານ-ຄູອາຈານ, ນັກຮຽນ-ນັກສຶກສາ, ອົງການປົກຄອງທ້ອງຖິ່ນ ຕະຫລອດຮອດປະຊາຊົນບັນດາເຜົ່າທົ່ວປະເທດ ພ້ອມກັນເອົາໃຈໃສ່ຈັດຕັ້ງປະຕິບັດ ແຜນຍຸດທະສາດປະຕິຮູບການສຶກສາແຫ່ງຊາດ ສົກປີ 2010- 2015 ໃຫ້ໄດ້ຮັບຜົນສຳ ເລັດຕາມຈຸດປະສົງ ແລະ ລະດັບຄາດໝາຍ, ໂດຍໃຫ້ຖືເອົາວຽກງານ ສຶກສາອົບຮົມແນວ ຄິດ ໃຫ້ແກ່ພະນັກງານ ຄູ-ອາຈານ, ນັກຮຽນ-ນັກສຶກສາ ເປັນບັນຫາສຳຄັນ ແນໃສ່ໃຫ້ ເຂົາເຈົ້າເຂົ້າໃຈຕໍ່ແນວທາງນະໂຍບາຍຂອງພັກ-ລັດຖະບານ ແລ້ວຕັ້ງໜ້າຝຶກຝົນຫລໍ່ ຫລອມ ຕົນເອງໃ ຫ້ກາຍເປັນຄູ-ອາຈານ ແລະ ນັກຮຽນ-ນັກສຶກສາທີ່ດີຂອງຊາດ. ເອົາໃຈ ໃສ່ສ້າງຂະບວນການແຂ່ງຂັນພາຍ ໃຕ້ຫົວ ຂໍ້ທີ່ວ່າ: ສອນດີ- ສອນເກັ່ງ, ຕ້ານ-ແກ້ໄຂປະ ກົດ ການ ຫຍໍ້ທໍ້ຕ່າງໆ ແລະ ສ້າງສະຖາບັນການສຶກສາ-ໂຮງຮຽນ ໃຫ້ມີສິ່ງແວດລ້ອມທີ່ດີ ໂດຍປະຕິບັດໃຫ້ຄົບ ຖ້ວນ ຕາມ 5 ຫລັກມູນການສຶກສາເຊັ່ນ: ຄຸນສົມບັດສຶກສາ, ປັນ ຍາ ສຶກສາ, ສິລະ ປະສຶກສາ, ພາລະສຶກສາ ແລະ ແຮງງານສຶກສາ. ສະເພາະຢູ່ແຂວງຫົວພັນ ປະຈຸບັນມີໂຮງຮຽນອະນຸບານ 81 ແຫ່ງ, ທຽບປີ 2005 ເພີ່ມຂຶ້ນ 224%; ປະ ຖົມ 770 ແຫ່ງເທົ່າກັບ 101,5%; ມັດທະຍົມຕົ້ນ 67 ແຫ່ງ, ເພີ່ມຂຶ້ນ 41,2%; ມັດທະຍົມປາຍ 20 ແຫ່ງ ເພີ່ມຂຶ້ນ 72,73%., ອັດຕາເຂົ້າຮຽນ ຂອງ ເດັກອາຍຸ 3-5 ປີກວມ 14,2%, ປະຖົມປະຕິບັດໄດ້ 104,65%, ມັດທະຍົມຕົ້ນ 95% ແລະ ມັດທະຍົມປາຍ 89.5%. ອັດຕາການຮູ້ໜັງສືຂອງປະຊາກອນ ກວມ 95,8% ແລະ ປະກາດຈົບຊັ້ນປະຖົມບຳລຸງໄດ້ 3 ເມືອງ. ທົ່ວ ຂະແໜງການສຶກສາ ແຂວງຫົວພັນ ມີບຸກຄະລະກອນທັງໝົດ 2912 ຄົນ, ໃນນັ້ນຜູ້ບໍລິຫານ 208 ຄົນ ແລະ ຄູສອນ 2704 ຄົນ, ມີໂຮງຮຽນຖາວອນ 193 ຫຼັງ, ເຄິ່ງຖາວອນ 332 ຫຼັງ ແລະ ຊົ່ວ ຄາວ 288 ຫຼັງ. ສ່ວນແຂວງວຽງຈັນ ມີໂຮງຮຽນລ້ຽງເດັກ-ອະນຸບານ ທັງພາກລັດແລະເອກະຊົນທັງໝົດ 82 ແຫ່ງ, ມີຄູສອນ 227 ຄົນ, ມີນັກຮຽນ 4.208 ຄົນ, ຍິງ 2.095ຄົນ, ອັດຕາເຂົ້າຮຽນລວມຊັ້ນອະ ນຸບານ ບັນ ລຸ 23,95%, ໂຮງຮຽນປະຖົມ 502 ແຫ່ງ, ມີຄຸູສອນ 2.500 ຄົນ, ນັກຮຽນ 69.945 ຄົນ, ຍິງ 33.293 ຄົນ, ສຳລັບສົກຮຽນ 2010-2011 ນີ້, ທົ່ວແຂວງ ມີ ຄູອາຈານທັງໝົດ 5.173 ຄົນ, ຍິງ 2.116 ຄົນ, ໃນນີ້ອາຈານຊັ້ນມັດທະຍົມມີ 2.453 ຄົນ, ຍິງ 801 ຄົນ, ຄູປະຖົມ 2.493 ຄົນ, ຍິງ 1.088 ຄົນ, ຄູອະນຸບານ 227 ຄົນ (ຍິງທັງໝົດ) ແລະ ມີນັກຮຽນ ທັງໝົດ 116.604 ຄົນ, ຍິງ 53.627 ຄົນ, ໃນນີ້ ມັດທະຍົມມີ 42.451 ຄົນ, ຍິງ18.239ຄົນ, ນັກຮຽນປະຖົມມີ 69.945 ຄົນ, ຍິງ 33.293 ຄົນ, ອະນຸບານມີ 4.205 ຄົນ, ຍິງ 2095 ຄົນ./.
ກັບສາລະບານ
