 |
|---|
 |
 |
 |
 |
 |
 |
 |
 |
 |
 |
 |
 |
 |
 |
 |
 |
|
||||||||||||||||
|---|---|---|---|---|---|---|---|---|---|---|---|---|---|---|---|---|
|
||||||||||||||||
 |
 |
ຖະແຫລງຂ່າວ
ວຽກງານຖະແຫລງຂ່າວໂດຍຢຶດຫມັ້ນທັດສະນະຂອງພັກ, ຢຶດຫມັ້ນໃນຄວາມເປັນຈິງ ແລະ ເປັນເຄື່ອງມືອັນແຫລມຄົມທາງດ້ານການເມືອງ-ແນວຄິດ; ທັງເປັນນັກໂຄສະນາ, ນັກຂົນຂວາຍ
ມະຫາຊົນ,
ເປັນນັກຈັດຕັ້ງ ລວມຫມູ່ແລະເປັນເວທີແຫ່ງການເສີມຂະຫຍາຍປະຊາທິປະໄຕ ຂອງມະຫາຊົນ ທັງເປັນແຫລ່ງສະຫນອງຂໍ້ມູນຂ່າວສານ, ສາລະຄວາມຮູ້ ແລະ ຄວາມບັນເທີງໃຫ້ແກ່ມະຫາຊົນ, ໃນໄລຍະຜ່ານມາບັນດາສື່ມວນຊົນໄດ້ມີການຂະຫຍາຍຕົວຢ່າງກວ້າງຂວາງ ມີບົດບາດນຳຫນ້າ ໃນການເຜີຍແຜ່ແນວທາງນະໂຍບາຍຂອງພັກ-ລັດ, ບັນດາຄຳສັ່ງຂໍ້ກຳນົດ, ກົດຫມາຍ, ພ້ອມກັນນັ້ນກໍເຜີຍແຜ່ມູນເຊື້ອປະຫວັດສາດອັນສຳຄັນ ປຸກລະດົມຂົນຂວາຍມະຫາຊົນ ສ້າງນ້ຳໃຈຮັກຊາດ ຮັກລະບອບໃຫມ່, ສ້າງກ້ອນກຳລັງສາມັກຄີປວງຊົນ ເພື່ອພາລະກິດປົກປັກຮັກສາ ແລະ ສ້າງສາປະເທດຊາດ, ສັນລະເສີນແບບຢ່າງ ວຽກດີຄົນເດັ່ນ, ຍົກໃຫ້ເຫັນປັດໃຈໃຫມ່ ແລະ ບົດຮຽນໃຫມ່ ທີ່ເກີດຂຶ້ນໃນຂະ ບວນອອກແຮງງານ ທັງນຳເອົາຄວາມຄິດຄວາມເຫັນ ທີ່ມີລັກສະນະສ້າງສັນຂອງມະຫາຊົນ ທີ່ສ່ອງແສງຄວາມເປັນຈິງຂອງສັງຄົມ ແລະ ຄຳສະເຫນີຂອງເຂົາເຈົ້າອອກມາເຜີຍແຜ່, ສາມາດຕອບສະ ຫນອງໄດ້ສ່ວນໃດສ່ວນຫນຶ່ງຕາມຄວາມຮຽກຮ້ອງຕ້ອງການຂອງປະຊາຊົນ. ພ້ອມນັ້ນພັກ-ລັດຖະບານ ຍັງໄດ້ລົງທຶນເຂົ້າໃນການປັບປຸງໂຄງລ່າງ, ວັດຖຸເຕັກນິກໃຫ້ຂະແຫນງການສື່ມວນຊົນຈຳ ນວນຫນຶ່ງ. ປະຈຸບັນມີສຳນັກຂ່າວສານ 1 ແຫ່ງ, ຫນັງສືພິມລາຍວັນ(ພາສາລາວ) 3 ສະບັບ, ຫນັງສືພິມລາຍວັນ (ພາສາອັງກິດ) 2 ສະບັບ, ນອກຈາກນັ້ນຍັງມີ ຫນັງສືພິມ ວາລະສານຂອງຂະແຫນງການຕ່າງໆຈຳ ນວນຫນຶ່ງ. ມີໂຮງພິມ 40 ກວ່າແຫ່ງ ເຕັກນິກການພິມກໍໄດ້ຮັບການພັດທະນາສ້າງເງື່ອນໄຂໃຫ້ບັນ ດາສື່ສິ່ງພິມບໍ່ວ່າຢູ່ສູນກາງ ແລະ ທ້ອງຖິ່ນ ມີຄວາມຈົບງາມມີຫລາຍສີສັນ ຫລາຍຮູບແບບຂຶ້ນຕື່ມ. ສະຖານີວິທະຍຸກະຈາຍສຽງຂັ້ນສູນກາງ ແລະ ທ້ອງຖິ່ນມີທັງຫມົດ 31 ແຫ່ງ ທຽບໃສ່ປີ 2000 ເພີ່ມຂຶ້ນ 17 ແຫ່ງ, ກະຈາຍຄື້ນສຽງກວມເອົາ 70%-80% ຂອງພື້ນທີ່ທົ່ວປະເທດ. ສະຖານີໂທລະພາບ ສູນກາງ 2 ຊ່ອງ, ສະນີໂທລະພາບທ້ອງຖິ່ນ ແລະ ເຄເບີນທີວີຈຳນວນຫນຶ່ງ. ນອກຈາກນີ້ແລ້ວ ບັນ ດາສື່ມວນຊົນ ສຳຄັນຍັງມີເວບໄຊເປັນຂອງຕົນເອງ ເພື່ອເຜີຍແຜ່ຂໍ້ມູນຂ່າວສານຕໍ່ພາຍໃນ ແລະ ຕ່າງປະເທດ.
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
