ໂຣກ 10 ຊະນິດທີ່ມັກເກີດນຳພະນັກງານຫ້ອງການ
ດ້ວຍໜ້າທີ່ຂອງພະນັກງານຍຸກໃໝ່ທີ່ຕ້ອງປະເຊີນກັບຄວາມຄຽດຈາກການເຮັດວຽກປະຈຳວັນ ເພື່ອສ້າງຖານຄວາມໝັັ້ນຄົງໃຫ້ກັບຄອບຄົວ ເຮັດໃຫ້ພະນັກງານ ສ່ວນໜຶ່ງ ປ່ອຍປະທີ່ຈະຮັກສາສຸຂະພາບຂອງຕົນເອງ . ພະນັກງານທີ່ເຮັດວຽກໃນຫ້ອງການ ຕ້ອງໃຊ້ເວລາຫລາຍຊົ່ວ ໂມງ ແລະ ນັ່ງຢູ່ໜ້າຈໍຄອມພົວເຕີ ເປັນ ເວລາດົນນານ ຫລື ວຸ້ນວາຍຢູ່ກັບເອກະສານທີ່ຕ້ອງພິມ ຈົນເກືອບບໍ່ໄດ້ອອກຈາກຕັ່ງໄປເຮັດວຽກອື່ນ .
ຄວາມຄຽດດັ່ງກ່າວ ຖ້າປ່ອຍໃຫ້ເປັນເລື່ອງປົກກະຕິໄປເລື່ອຍໆ ສິ່ງທີ່ອາດຕາມາຄື ຄວາມຊຸດໂຊມຂອງຮ່າງກາຍ . ແລະ ນຳໄປສູ່ຄວາມ ສ່ຽງຕໍ່ການຄຸກຄາມ ດ້ວຍພະຍາດຕ່າງໆ ເນື່ອງຈາກວ່າ ຮ່າງກາຍ ຕ້ອງແບກຮັບກັບຄວາມເຄັ່ງຄຽດໂດຍປາສະຈາກການຜ່ອນຄາຍ .
ໂຣກ 10 ຊະນິດດ່ັງກ່າວ ປະກອບດ້ວຍ :
1. ມືຊາ
ມືຊາ ເປັນການອັກເສບຂອງເອັັນຫຸ້ມຂໍ້ມື , ເສັ້ນເອັ້ນນິ້ວມື້ . ປັດຈຸບັນ , ພະຍາດນີ້ ມັກພົບ ຫຼາຍເນື່ອງຈາກວ່າ ເທັກໂນໂລຢີ ເຂົ້າມາມີສ່ວນໃນຊີວິດປະຈຳວັນ ເຊັ່ນ ການໃຊ້ນຳໃຊ້ເຄື່ອງ ຄອມພົວເຕີ , ການຈັບເມົາໃນທ່າເດີມໆ ແລະ ເປັນເວລານານຊຶ່ງເຮັດໃຫ້ກ້າມເນື້ອກົດທັບເສັ້ນ ປະສາດ ແລະ ເສັ້ນເອັນຈົນ ອັກເສບ ຊຶ່ງເຮັດໃຫ້ເກີດອາກາດປວດຂອງປາຍປະສາດນິ້ວມືື .
2. ໂຣກຕໍ້ຫີນ ແລະ ຕາມົວ
ໂຣກນີ້ ມັກເກີດຂຶ້ນກັບຜູ້ທີ່ມີອາຍຸ 40 ປີຂຶ້ນໄປຊຶ່ງມີຄວາມສ່ຽງສູງໃນການເປັນໂຣກ ຕໍ້ຫີນ ຫຼື ກຳລັງເປັນໂຣກນີ້ໂດຍບໍ່ຮູ້ຕົວ . ຜູ້ທີ່ເປັນໂຣກນີ້ ຖ້າບໍ່ໄດ້ຮັບ ການຮັກສາຢ່າງຖືກ ອາດ ເຮັດໃຫ້ຕາບອດໄດ້ . ສາເຫດຕົ້ນຕໍຂອງໂຣກນີ້ ເກີດຈາກການໃຊ້ສາຍຕາເປັນເວລາດົນໆ . ການ ອັກເສບ ຫຼື ຕິດເຊື້ອຂອງແກ້ວຕາ ຈາກການໃຊ້ ຄອນແທກເລນ (contact lens); ດັ່ງນັ້ນ , ແຕ່ລະຄົນ ຄວນກວດສຸຂະພາບຕາທຸກໆ 2 ປີ ເພື່ອປ້ອງກັນ ແລະ ຫຼຸດຄວາມສ່ຽງໃນການເກີດ ໂຣກຕໍ້ຫີນ .
3. ໂຣກນິ້ວໃນຖົງນ້ຳບີ
ໂຣກນິ້ວໃນຖົງນ້ຳບີ ເກີດຈາກການກິນອາຫານທີ່ມີໄຂມັນສູງເປັນປະຈຳ . ໂຣກນີ້ ມັກ ພົບໃນເພດຍິງທີ່ມີອາຍຸ 40 ປີຂຶ້ນໄປ . ຄົນອ້ວນ ມັກເປັນໂຣກນີ້ ຫຼາຍກວ່າ ຄົນຈ່ອຍ . ນອກຈາກນີ້ ຍັງມີປັດໄຈອື່ນໆທີ່ສົ່ງຜົນໃຫ້ເກີດໂຣກນີ້ ເຊັ່ນ ກຳມະພັນ , ການອັກເສບຂອງຖົງນ້ຳບີ , ການກິນຢາຄຸມກຳເນີດເປັນເວລາ ນານ . ເມື່ອ ເປັນນິ້ວໃນຖົງນ້ຳບີແລ້ວ , ຖ້າບໍ່ຟ້າວຮັກສາ ອາດຈະກໍ່ໃຫ້ ເກີດອາການຊຳເຮື້ອຕາມມາອີກດ້ວຍ .
4. ໂຣກພົກຍ່ຽວອັກເສບ
ໂຮກນີ້ີ້ ມັກເກີດກັບຜູ້ທີ່ນັ່ງເຮັດວຽກເປັນເວລານານໆ ຫລື ບຸກຄົນທີ່ມັກເດີນທາງໄກຊຶ່ງ ຕ້ອງອົດຖ່າຍເບົາເປັນປະຈຳຊຶ່ງເປັນສາເຫດຂອງ ໂຣກພົກຍ່ຽວອັກ ເສບ. ໂຣກນີ້ ເກີດຈາກເຊື້ອ ແບກທີເຣຍເຂົ້າໄປຕາມທໍ່ພົກຍ່ຽວແລ້ວ ກໍ່ໃຫ້ເກີດການອັກເສບ. ໂຣກນີ້ ມັກເກີດນຳເພດຍິງ ຫລາຍກວ່າເພດຊາຍ.
5. ອາການຄຽດ, ນອນບໍ່ຫລັບ
ໂຣກນີ້ ມັກເກີດຂຶ້ນກັບຄົນທີ່ເຮັດວຽກ, ບໍ່ວ່າຄົນທີ່ເລີ່ມເຮັດວຽກໃໝ່ໆ ຫລື ຄົນທີ່ເຮັດ ວຽກມາເປັນສິບໆປີ. ບາງຄົນ ອາດຈະບໍ່ຮູ້ຕົວເລີຍວ່າ ຕົນເອງ ກຳລັງປະ ເຊີນກັບ ອາການຄຽດ ທີ່ກຳລັງເກີດຂຶ້ນກັບຕົນເອງ. ວິທີການຫລີກລ້ຽງອາການຄຽດທີ່ງ່າຍທີ່ສຸດ ຄື ຮູ້ຈັກຜ່ອນຄາຍກັບ ໜ້າທີ່ຂອງຕົນເອງ, ການປະວຽກ ຂອງຕົນເອງ ແລ້ວອອກໄປຍ່າງປະມານ 10 ນາທີຊຶ່ງເປັນການ ຜ່ອນຄາຍ ອີກວິທີໜຶ່ງ.
6. ຄວາມດັນເລືອດສູງ
ໂຣກນີ້ ເປັນໄພງຽບທີ່ບໍ່ສະແດງອາການ ແລະ ມັກພົບກັບຜູ້ທີ່ມີອາຍຸ 40 ປີຂຶ້ນໄປ . ໂຣກນີ້ ເກີດຈາກປັດໄຈບາງຢ່າງ ເຊັ່ນ ໂຣກອ້ວນ , ຄວາມຄຽດ , ການຮັບ ປະທານອາຫານທີ່ມີ ລົດເຄັມ , ການສູບຢາ , ດື່ມເຫຼົ້າ ຫລື ຜູ້ທີ່ເຮັດວຽກນັ່ງໂຕ໊ະໃນສຳນັກງານ ກໍມີຄວາມສ່ຽງສູງກວ່າ ຜູ້ທີ່ເຮັດວຽກທີ່ໃຊ້ກຳລັງ . ໂຣກຄວາມ ດັນ ເລືອດສູງ ບໍ່ພຽງແຕ່ເລື່ອງຄວາມດັນ , ແຕ່ຍັງອາດນຳ ໄປສູ່ເສັ້ນເລືອດແຕກ , ອຳມະພຶດ , ອຳມະພາດ , ໄຕວາຍ , ພິການ ແລະ ຫົວໃຈວາຍໄດ້ອີກດ້ວຍ .
7. ໂຣກອ້ວນ
ຈາກການວິໄຈທາງການແພດຫຼ້າສຸດ ພົບວ່າ ໂຣກອ້ວນ ແຜ່ຫຼາຍກັບຄົນໄວເຮັດວຽກ . ຜູ້ຍິງ ສາມາດເປັນໂຣກອ້ວນໄດ້ງ່າຍກວ່າຜູ້ຊາຍ . ໂຣກອ້ວນ ຍັງເປັນ ບໍ່ເກີດຂອງໂຣກອື່ນໆອີກ ເຊັ່ນ : ໂຣກເບົາຫວານ , ໂຣກຫົວໃຈ , ໄຂມັນໃນຫຼອດເລືອດສູງ , ຄວາມດັນເລືອດສູງ . ຜູ້ທີ່ເປັນ ໂຣກອ້ວນ ຄວນເອົາໃຈໃສ່ເລື່ອງ ອາຫານການກິນເປັນພິເສດ , ຄວນປຶກສາເລື່ອງໂພສະນາການ ແລະ ຄວນຫາເວລາອອກກຳລັງກາຍຢ່າງສະໝຳ່ສະເໝີ .
8. ໂຣກກົດໄຫຼຢ້ອນກັບ .
ໂຣກນີ້ ມັກເກີດຂຶ້ນກັບຄົນທີ່ກິນອາຫານບໍ່ເປັນເວລາ . ຄົນທີ່ບໍ່ມີເວລາ , ຟ້າວຟັ່ງຈົນ ຫຍ້ຳອາຫານບໍ່ລະອຽດ . ຄົນທີ່ມີອາການຄຽດຮຸນແຮງ ຈົນອາຫານບໍ່ຍ່ອຍ ແລະ ຄົນທີ່ສູບຢາ ແລະ ດື່ມເຫຼົົ້າຫຼາຍ ມັກສ່ຽງກັບການເປັນໂຣກກົດໄຫຼຢ້ອນກັບ . ຜູ້ປ່ວຍທີ່ເປັນໂຣກນີ້ ເປັນເວລາ 10 ປີ ອາດນຳໄປສູ່ການ ເກີດໂຣກ ມະເຮັງຫຼອດອາຫານສ່ວນປາຍໄດ້ອີກດ້ວຍ .
9. ປວດຫຼັງເປັນເວລາຍາວນານ .
ການໃຊ້ຊີວິດຢູ່ໜ້າຈໍຄອມພົວເຕີມື້ລະ 8 ຊົ່ວໂມງ ຫຼື ຫຼາຍກວ່ານັ້ນ , ຕະຫຼອດຈົນໃສ່ ເກີບສົ້ນສູງເລື້ອຍໆ ອາດເປັນສາເຫດສຳຄັນຂອງອາການປວດຄໍ , ປວດບາໄຫຼ່ , ປວດຫຼັງ , ປວດ ແຂນ - ຂາ ແລະ ສະໂພກ . ອາການປວດດັ່ງກ່າວ ແມ່ນເນື່ອງມາຈາກໂຣກກ່ຽວກັບກະດູກສັນຫຼັງ . ຜູ້ທີ່ມີອາການປວດດັ່ງກ່າວ ຄວນໄປພົບແພດ ຫຼື ຜູ້ຊ່ຽວຊານສະເພາະໂຣກ ເພື່ອວິເຄາະອາການ ປວດ ແລະ ຮັກສາໃຫ້ຖືກຕ້ອງ .
10. ປວດຫົວ ໄມເກຣນ ເປັນເວລາຍາວນານ .
ອາການປວດຫົວ ໄມເກຣນ ກໍເປັນໂຣກຊະນິດໜຶ່ງທີ່ມີຄົນປ່ວຍເປັນຈຳນວນຫຼາຍ . ຜູ້ປ່ວຍຈະຮູ້ສຶກວ່າ ເມື່ອນັ່ງເຮັດວຽກທີ່ເຄັ່ງຄຽດ ຈະຮູ້ສຶກປວດ ບໍລິເວນ ຂະມັບ ດ້ານໜ້າ ຫົວ ຫຼື ດ້ານຫຼັງຕົ້ນຄໍ . ອາການປວດດັ່ງກ່າວ ຄືສັນຍານເຕືອນໃຫ້ຜູ້ປ່ວຍ ຮູ້ເຖິງສະພາບສ່ຽງຕໍ່ການເປັນ ໂຣກໄມເກຣນ . ການພັກຜ່ອນບໍ່ ພຽງພໍ, ແສງແດດກ້າ , ຄວາມຮ້ອນ ແລະ ອາການຂາດຮໍໂມນ ບາງຊະນິດ ກໍເປັນປັດໄຈກໍ່ໃຫ້ເກີດອາການປວດຫົວໄມເກຣນເໝືອນກັນ .
ວົງການແພດ ມັກກວດພົບໂຣກ 10 ຊະນິດດັ່ງກ່າວຫຼາຍ ແລະ ໂຣກ 10 ຊະນິດນີ້ິ້ ມັກຄຸກຄາມຊີວິດຄົນໄວເຮັດວຽກ . ເຖິງເວລາແລ້ວທີ່ພວກເຮົາ ຄວນໃຫ້ເວລາ ກັບຕົນເອງ ແລະ ກັບມາສຳຫຼວດຄວາມຜິດປົກກະຕິຂອງຮ່າງກາຍ ເພື່ອຈະໄດ້ຮູ້ວ່າ ຮ່າງກາຍ ກຳລັງສົ່ງສັນຍານ ເຕືອນໄພອັນໃດ ແດ່ກ່ອນທີ່ ທຸກຢ່າງ ຈະຊ້າເກີນການແກ້ໄຂ .
ກັບສາລະບານ
