ຍັງຈື່ບໍ່ລືມ ຕອນທ່ີເຮົາພົບກັນ
* ເປັນຄວາມຊົງຈຳດີໆທີ່ເກີດຂຶ້ນ ລະຫວ່າງແຟນເພງ ກັບ ກຸ່ມສິລະປິນວົງຣອ໊ກ ຂອງລາວ ແລະ ໄທ ໃນ ຄອນເສີດ ເພງຣອ໊ກແຫ່ງ ປີ ຂອງທິໂກ ທີ່ຫາກໍ ສຳເລັດ ໄປຫວ່າງບໍ່ດົນມານີ້ໂດຍສະເພາະງານ Meet and Greet ເຊິ່ງ ທິໂກ ໄດ້ຄັດເລືອກເອົາແຟນເພງ ຈຳນວນ 30 ຄົນ ມາພົບປະ ແລະ ຮ່ວມຫລິ້ນກິດ ຈະກຳ ກັບ ນັກສິລະ ປິນວົງ ແຄລສ. ນ້ອງ ລັດດາວັນ ທອງສະຫວັດ, ນັກສຶກສາຂອງ ໂຮງຮຽນ ລາວສິງກະໂປ ເວົ້າວ່າ: ຮູ້ສຶກດີໃຈ, ຕື່ນເຕັ້ນ ແລະ ປະທັບໃຈທີ່ໄດ້ ໃກ້ຊິດກັບ ສິລະປິນ ວົງແຄລສ ເພາະວົງດັ່ງກ່າວ ເປັນອີກວົງເພງຣ໊ອກ ຫນຶ່ງທີ່ ນ້ອງມັກຫລາຍ, ເມື່ອໄດ້ສົນທະນາກັນແບບໃກ້ຊິດ ກໍເຫັນວ່າສິລະປິນ ວົງດັ່ງກ່າວ ແມ່ນເປັນກັນເອງ ແລະ ກໍ ເປັນແບບທຳມະດາ, ແຕ່ຫນ້າເສຍດາຍທີ່ໃນມື້ນັ້ນ ບໍ່ມີໂອກາດໄດ້ພົບປະກັບສິລະປິນລາວ ເພາະສິລະປິນວົງ ຣ໊ອກ ຂອງລາວໃນປະຈຸບັນກໍມີຄວາມສາມາດສູງ ແລະ ເພງທີ່ແຕ່ງອອກມາກໍເປັນທີ່ປະ ທັບໃຈຜູ້ຟັງເປັນ ຢ່າງດີ.ສຳລັບໃນມື້ຄອນເສີດ ຍິ່ງມ່ວນຫລາຍ ເພາະວົງດົນຕີຣ໊ອກຂອງລາວ ໂດຍສະເພາະ ວົງເຊວ ໄດ້ຂຶ້ນ ສະແດງລີລາທີ່ຫນ້າປະທັບໃຈ ກັບ ວົງແຄລສ ໄດ້ຢ່າງຄຶກຄື້ນມ່ວນຊື່ນຕໍ່ຜູ້ທີ່ໄດ້ຮ່ວມຊົມຄອນເສີດ ໃນເທື່ອ ນັ້ນ.ເມື່ອທຽບກັນແລ້ວ ລະຫວ່າງ ນັກດົນຕີເພງຣ໊ອກ ຂອງລາວ ກັບ ໄທ ກໍມີຄວາມສາມາດໃກ້ຄຽງກັນ ແລະ ສີມືສູສີກັນ,ແຕ່ມີຄວາມແຕກຕ່າງເລັກຫນ້ອຍ.ທັງນີ້ ກໍຍ້ອນວ່າ ເພງຣ໊ອກຢູ່ ປະເທດໄທ ເປັນທີ່ນິຍົມກັນ ມາ ຫລາຍປີແລ້ວ, ແຕ່ຖ້າຫາກວົງດົນຕີຣ໊ອກຂອງລາວສືບຕໍ່ພັດທະນາ ເຊື່ອແນ່ວ່າອີກບໍ່ດົນຄວາມສາມາດຈະ ເທົ່າທຽມກັບຫລາຍປະເທດ ຫລື ເຫນືອກວ່າກໍ ເປັນໄດ້.ນ້ອງ ລັດດາວັນ ກ່າວຕື່ມວ່າ: ກິດຈະກຳດີໆເຊັ່ນນີ້ ເກີດຂຶ້ນໄດ້ຍ້ອນ ບໍລິສັດ ມີລີຄອມລາວ “ທິໂກ” ທີ່ຕ້ອງການເອົາໃຈລູກຄ້າ ກໍຄືຄືນກຳໄລໃຫ້ແກ່ລູກ ໂດຍ ການ ຈັດກິດຈະກຳຫລາຍໆຢ່າງໃນໄລຍະຜ່ານມາ ຫນຶ່ງໃນນີ້ ກໍແມ່ນການຈັດຄອນເສີດຂອງ ນັກຮ້ອງ ຂອງ ລາວ ກໍຄືຕ່າງປະເທດ. ໃນນາມສ່ວນໂຕ ຢາກ ໃຫ້ ທິໂກ ສືບຕໍ່ຈັດກິດຈະກຳແບບນີ້ ຫລື ຈັດງານຄືນກຳໄລ ແກ່ລູກຄ້າເລື້ອຍໆໄປ. /.
ກັບສາລະບານ
