ຖາມ-​ຕອບ ຄວາມ​ຮູ້​ການພົວພັນພິເສດ ​ລາວ​​-​​ຫວຽດ​ນາມ

*(ຂ​ປ​ລ): ສູນ​ກາງ​ຊາວ​ໜຸ່ມ​ປະ​ຊາ​ຊົນ​ ປະ​ຕິ​ວັດ​ລາວ ​ຮ່ວມ​ກັບ​ຊາວ​ໜຸ່ມ​ນະ​ຄອນ​ຫລວງວຽງ​ຈັນ ແລະ​ໂຮງຮຽນ​ມັດ​ທະ​ຍົມທົ່ວ​ນະ​ຄອນ​ຫລວງວຽງ​ຈັນ​ ໄດ້​ຈັດກິດ​ຈະ​ກຳ​ຖາມ​-​ຕອບ​ ຄວາມ​ຮູ້​ຮອບ​ຕົວ​ໃນ
​ ຫົວ​ຂໍ້ “ລາວ-​​ຫວຽດ​ນາມ​ ໃນ​ຫົວ​ໃຈ​ຂອງ​ຂ້ອຍ” ເພື່ອ​ສະ​ເຫລີມ​ສະ​ຫລອງ 2 ວັນ​ປະ​ຫວັດ​ສາດ ຄື: ວັນ​ສ້າງ​ຕັ້ງ​ສາຍ​ພົວ​ພັນ​ການ​ທູດ​ຄົບ​ຮອບ 45 ປີ ແລະ​ວັນ​ເຊັນ​ສົນ​ທິ​ສັນ​ຍາມິດຕະພາບ ແລະ ການຮ່ວມ
ມື ​ ຄົບ​ຮອບ 30 ປີ, ໃນ​ວັນ​ທີ 25 ກໍ​ລະ​ກົດ 2007 ທີ່​ຫໍ​ວັດ​ທະ​ນະ​ທຳ​ແຫ່ງ​ຊາດ.
ທ່ານ ຄຳ​ພັນ ສິດ​ທິ​ດຳ​ພາ, ເລ​ຂາ​ຄະ​ນະ​ບໍ​ລິ​ຫານ​ງານ​ສູນ​ກາງ ຊ​ປ​ປ​ ລາວ, ທ່ານ ຫງວຽນ​ ຮົວ ​ຕ​ວັ່ນ, ເລ​ຂາທີນຶ່ງ ຂອງສະຖານເອກອັກຄະລັດຖະທູດ​ຫວຽດ​ນາມ​ປະ​ຈຳ​ ລາວ, ມີ​ຊາວ​ໜຸ່ມ​ ຈາກ​ພາກ​ສ່ວນ​ຕ່າງໆ, ຄູອາ​ຈານ, ​ນັກ​ຮຽນ​ມັດ​ທະ​ຍົມ​ມ.ຕົ້ນ-​ມ.ປາຍ ອ້ອມ​ຂ້າງ​ນະ​ຄອນ​ຫລວງ​ 300 ກວ່າ​ຄົນເຂົ້າຮ່ວມໃນກິດຈະກຳດັ່ງກ່າວ ໂດຍຈຸດ​ປະ​ສົງຕົ້ນຕໍແມ່ນ​ເພື່ອ​ເຮັດ​ໃຫ້​ບັນ​ດາ​ສະ​ມາ​ຊິກ​ຊາວ​ໜຸ່ມ,​ນັກ​ຮຽນ ຢູ່​ໃນ​ຂົງ​ເຂດ​ການ​ສຶກ​ສາ​ກໍ​ຄື​ຂົງ​ເຂດ​ຂອງ 3 ອົງ​ການ​ຈັດ​ຕັ້ງ​ມະ​ຫາ​ຊົນ​ໃນ​ທົ່ວ​ໂຮງ​ຮຽນ​ມັດ​ທະ​ຍົມມ.ຕົ້ນ-​ມ.ປາຍ​ອ້ອມ​ຂ້າງ​ນະ​ຄອນ​ຫລວງວຽງ​ຈັນໄດ້​ຮັບ​ຮູ້ແລະ​ເຂົ້າ​ໃຈ​ກ່ຽວກັບມູນ​ເຊື້ອ​,​ປະ​ຫວ​ັດສາດ​ແລະ​
ວັດ​ທະ​ນະ​ທຳ​ຂອງປະຊາຊົນ​ຫວຽດ​ນາມ, ຂະນະດຽວກັນກໍເປັນ ການໂຄສະນາສຶກສາອົບຮົມຄວາມ
ຮັບຮູ້, ຄວາມຮູ້ສຶກຂອງບັນດາຊັ້ນຄົນ ພິເສດກໍແມ່ນ ຄົນລຸ້ນຫນຸ່ມ ຂອງລາວ ຕໍ່ສາຍພົວພັນແບບພິເສດ
ແລະ ເປັນມູນເຊື້ອມາແຕ່ດົນນານ, ຄວາມບໍລິສຸດຜຸດຜ່ອງ ແລະ ການຮ່ວມມືຮອບດ້ານ ລະຫວ່າງ
ປະຊາຊົນ ສອງຊາດ ລາວ ແລະ ຫວຽດນາມ. ການສ້າງກິດຈະກຳດັ່ງກ່າວເພື່ອເປັນ​ການ​ສ້າງ​ຂະ​ບວນ​ການ ໃນ​ການ​ສະ​ເຫລີມ​ສະ​ຫລອງສອງ ວັນປະຫວັດສາດ ລາວ-ຫວຽດນາມໃຫ້​ມີ​ຄວາມ​ຟົດຟື້ນ​ຍິ່ງ​ຂຶ້ນ.​
ເຂົ້າຮ່ວມກິດຈະກຳຖາມ-​ຕອບ​ ຄັ້ງ​ນີ້​ມີ ນັກ​ຮຽນ​ຈັດເປັນ​ 9 ທິມ, ຊຶ່ງ​ແຕ່​ລະ​ທີມ​ໄດ້​ຮັບ​ ລ​າງວັນ​ຊົມ​ເຊີຍ​
ຈາກ​ສູນ​ກາງ​ຊາວ​ໜຸ່ມ ​ປ​ປ ລາວ ເປັນ​ຕົ້ນ ອຸ​ປະ​ກອບ​ການ​ສຶກ​ສາ​./.