ຈະຫຼຸດຄວາມດັນເລືອດໄດ້ແນວໃດ
ເປີດຄໍລຳເພື່ອສຸຂະພາບມື້ນີ້ຜູ້ຂຽນຢາກພາທ່ານໄປຮູ້ຈັກວິທີຫລຸດຄວາມດັນເລືອດສູງສຳລັບຜູ້ທີ່ເປັນພະຍາດ ດັ່ງກ່າວ, ຕ້ອງຄະລຳຂອງກິນດ້ວຍເຮົາເອງແລະມີການວາງແຜນຢ່າງຄັກແນ່ບໍ່ຈຳເປັນໄປຊື້ຢາມາກິນກໍໄດ້, ໃນບົດ ຮຽນນີ້ຢາກຍົກບາງອາຫານທີ່ສຳຄັນແລະອາຫານທີ່ບໍ່ຈຳເປັນເຮົາຈະຕ້ອງໄດ້ຈຳກັດເຊັ່ນ: ການກິນອາຫານທີ່ມີໄຂມັນແລະເຄັມ, ຄວນ ຫລີກລ່ຽງປະເພດຂົ້ວຈືນແລະຈຳກັດການກີນນ້ຳມັນສັດ, ເຮົາຄວນເພີ່ມການກີນແບບອົບແລະລວກ. ຈຳກັດການກິນເຄັມແລະອາຫານທີ່ມີ ທາດນາຕຣີ (natri) ຄື ກຸ້ງແຫ້ງ, ໄຂ່ລູກແລະອື່ນໆ. ກິນປາແທນຊີ້ນ, ໃນບັນດາແຫລງທີ່ສະໜອງໂປຣຕີນ ມີປາ, ສັດປີກ, ຊີ້ນງົວ,ໝູແລະແບ້. ທາດຕຸ້ຍໃນປາໄປປັບປຸງທາດ acidgras polyinsatures ,ມີຜົນດີໃນການຮັກສາຂອງຈຸລັງແລະຊ່ວຍຫລຸດຜ່ອນລະດັບໂກເຣສເຕີໂຣນ cholesterol ທີ່ເສຍໄປໃນເລືອດແລະຮັກສາcholesterol ທີ່ຍັງຢູ່. ນອກຈາກນັ້ນຍັງສະໜອງທາດ DHA ແລະ EPA ຫລືຍັງເອີ້ນວ່າໂອເມກາ 3 (omega 3) ທີ່ໄປກະທົບໃຫ້ເລືອດແລ່ນສະດວກ, ຄວນກິນປາ 2-3 ເທື່ອອາທິດ. ເພີ່ມການກິນຜັກ ແລະ ໝາກໄມ້, ເພາະມັນຈະໄປຊ່ວຍສ້າງ cholestrol ທີ່ເສຍໄປໃນເລືອດຄື: ຜັກບົ້ງ, ຜັກຕັງໂອ, ໝາກເຫລັ່ນ, ກາຣົດ, ແລະອື່ນໆ. ການຢຸດເຊົາສູບຢາຍິ່ງເປັນການດີ, ເພາະວ່າຢາສູບພາໃຫ້ເກີດພະຍາດຄວາມດັນເລືອດສູງ, ລວມທັງພະຍາດຫົວໃຈຕີບແລະພະຍາດຫລອດລົມຫາຍໃຈ. ການຫລຸດນ້ຳໜັກ 5 ກິໂລກໍສາມາດຊ່ວຍຫລຸດຄວາມດັນເລືອດໄດ້ 10%. ນອກຈາກນັ້ນຍັງຊ່ວຍຄວາມສ່ຽງເປັນພະຍາດເບົາຫວານ. ຈຳກັດການດື່ມເຫລົ້າ. ຕາມການຢັ້ງຢືນຜູ້ທີ່ເປັນພະຍາດຄວາມດັນເລືອດສູງແມ່ນດື່ມເຫລົ້າບໍ່ໄດ້ແທ້ໆ. ເພາະເຫລົ້າມັນໄປແກ້ຢາທີ່ກິນຫລຸດຄວາມດັນສ່ຳບໍ່ໜຳຍັງໄປທຳລາຍເສັ້ນເລືອດໃນສະໝອງ ແລະເພີ່ມການອອກກຳລັງກາຍ, ທຸກມື້ຕ້ອງມີການອອກກຳລັງການເປັນປະຈຳບໍ່ໄດ້ຂາດ ແຕ່ຢູ່ໃນລະດັບທຳມະດາຍ່າງຫລືລອຍນ້ຳປະມານ 30- 45 ນາທີ, 2- 3 ເທື່ອອາທິດ. ການເຄື່ອນໄຫວອອກກຳລັງກາຍຈະພາໃຫ້ຫລຸດຄວາມດັນເລືອດສູງແລະບໍ່ຄວນ ອອກກຳລັງກາຍຈົນເກີນໄປຈະພາໃຫ້ຄວາມດັນເລືອດສູງຕື່ມ./.
