 |
|---|
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
|---|
|
 |
|
 |
|
 |
|
ກົດບ່ອນນີ້ ເພື່ອເບິ່ງສະພາບອາກາດ ໃນ ຫຼວງພະບາງ, ສະຫວັນນະເຂດ ແລະ ປາກເຊ. |
|
 |
 |
ການປ້ອງກັນຊາດ ແລະ ປ້ອງກັນຄວາມສະຫງົບນັບມື້ເຂັ້ມແຂງ.
ບັນດາກຳລັງປະກອບອາວຸດປະຊາຊົນລາວ ກຳເນີດເກີດຂຶ້ນ ແລະ ໄດ້ຮັບການລ້ຽງດູອູ້ມຊູຈາກປະຊາຊົນລາວບັນດາເຜົ່າ, ໂດຍແມ່ນພັກປະຊາຊົນປະຕິວັດລາວ ເປັນຜູ້ຈັດຕັ້ງນຳພາແລະ ສຶກສາອົບຮົມ ຍາມໃດກໍເປັນຜູ້ທີ່ບໍລິສຸດຕໍ່ຊາດ, ຕໍ່ພັກ, ຮັບໃຊ້ປະຊາຊົນຢ່າງສຸດໃຈ ແລະ ຕັດສິນໃຈເຮັດສຳເລັດທຸກຫນ້າທີ່.
30 ປີຜ່ານມາ ບັນດາກຳລັງປະກອບອາວຸດປະຊາຊົນລາວ ໄດ້ເສີມຂະຫຍາຍມູນເຊື້ອອັນດີງາມຂອງຕົນ ໃຫ້ຮັ່ງມີເຂັ້ມແຂງ, ປະກອບສ່ວນ ສ້າງປະເທດລາວ ສັນຕິພາບ, ເອກະລາດ, ປະຊາທິປະໄຕ, ເອກະພາບ ແລະ ວັດທະນາຖາວອນ.
ກຳລັງປະກອບອາວຸດປະຊາຊົນລາວ ໂດຍປະສານສົມທົບແຫນ້ນ ກຳລັງປ້ອງກັນຊາດ- ປ້ອງກັນຄວາມສະຫງົບໄດ້ພ້ອມກັບປະຊາຊົນບັນດາເຜົ່າ ທົ່ວປະເທດເພີ່ມທະວີ ແລະ ຮັດແຫນ້ນ ຄວາມສາມັກ ຄີທົ່ວປວງຊົນ, ເດັດດ່ຽວຕອບໂຕ້ ຕໍ່ກົນອຸບາຍ ແລະ ການເຄື່ອນໄຫວປອງຮ້າຍຂອງພວກປໍລະປັກ ທີ່ຫວັງມ້າງເພຄວາມເປັນເອກະພາບ ແລະ ຄວາມສະຫງົບປອດໄພຂອງຊາດນັ້ນ ໃຫ້ປະລາໄຊລົງໃນທຸກກໍລະນີ.
ບັນດາກຳລັງປະກອບອາວຸດປະຊາຊົນລາວ ໄດ້ຕັ້ງຫນ້າສຶກສາອົບຮົມ ບັນດາພະນັກງານ, ນັກຮົບ ແລະ ພົນຕຳຫລວດ ແຕ່ລະຄົນໃຫ້ມີຄວາມເຂົ້າໃຈແຈ້ງ ບັນຫາຍຸດທະສາດ ການເພິ່ງຕົນເອງ ກຸ້ມຕົນເອງ, ສ້າງຄວາມເຂັ້ມແຂງດ້ວຍຕົນເອງ. ອອກແຮງງານ ເພີ່ມພູນຜະລິດຜົນປູກຝັງລ້ຽງສັດ, ປູກຕົ້ນໄມ້ໃຫ້ເປັນປ່າ... ສ້າງໃຫ້ກົມກອງຕ່າງໆມີລາຍຮັບ ນັບມື້ນັບຫລາຍ, ຍົກລະດັບຊີວິດການເປັນຢູ່ທາງດ້ານວັດຖຸ ແລະ ຈິດໃຈ ຂອງທະຫານ, ຕຳຫລວດ ໃຫ້ດີຂຶ້ນຢ່າງບໍ່ຢຸດຢັ້ງ. ພ້ອມນັ້ນ ກໍໄດ້ປະກອບສ່ວນ ຢ່າງຕັ້ງຫນ້າເຂົ້າໃນ ການພັດທະນາ ເສດຖະກິດ-ສັງຄົມ ຂອງປະເທດ, ເປັນຕົ້ນແມ່ນການສ້າງສາພັດທະນາເຂດຫ່າງໄກສອກຫລີກ, ເຂດພູດອຍຊົນເຜົ່າ, ຕົວຢ່າງ ຢູ່ເຂດຫລັກ 20 ເມືອງຄຳເກີດ ແຂວງບໍລິຄຳໄຊ.
ປະຕິບັດຕາມຄຳຮຽກຮ້ອງຂອງພັກ, ບັນດາກຳລັງປະກອບອາວຸດປະຊາຊົນລາວ ໄດ້ຮ່ວມກັບຂະແຫນງການຕ່າງໆ ຫັນເອົາກຳລັງລົງຮາກຖານທ້ອງຖິ່ນຕ່າງໆ ປັບປຸງກໍ່ສ້າງອຳນາດການປົກຄອງປະຊາທິປະໄຕ ປະຊາຊົນຢູ່ຮາກຖານ, ເອົາໃຈໃສ່ ຊ່ວຍເຫລືອປະຊາຊົນ ຂະຫຍາຍການຜະລິດກະສິກຳປູກຝັງລ້ຽງສັດ, ຂະຫຍາຍການສຶກສາ ວັດທະນະທຳຢູ່ຊົນນະບົດ, ປົວແປງຊີວິດການເປັນຢູ່ໃຫ້ດີຂຶ້ນ, ຕ້ານກົນອຸບາຍຫັນປ່ຽນໂດຍສັນຕິ ແລະ ກົນອຸບາຍອື່ນໆຂອງພວກທີ່ເປັນປໍລະປັກເຮັດໃຫ້ທົ່ວປະເທດມີຄວາມສະຫງົບ ໂດຍພື້ນຖານ. ກຳລັງປະກອບອາວຸດປະຊາຊົນລາວ ໄດ້ສືບຕໍ່ເພີ່ມທະວີຮັດແຫນ້ນຄວາມສາມັກຄີແບບພິເສດເປັນມູນເຊື້ອ ແລະ ການຮ່ວມມືຮອບດ້ານ ກັບກອງທັບ ແລະ ກຳລັງຮັກສາຄວາມສະຫງົບ ປະຊາຊົນຫວຽດນາມ, ເພີ່ມທະວີຮັດແຫນ້ນຄວາມສາມັກຄີ ກັບກອງທັບປະເທດ ສັງຄົມນິຍົມອື່ນ ແລະ ພົວພັນເປັນປົກກະຕິກັບກອງທັບ ແລະ ກອງຮັກສາຄວາມສະຫງົບ ບັນດາປະເທດເພື່ອນບ້ານໃກ້ຄຽງ. ອອກແຮງປັບປຸງກໍ່ສ້າງ ທັງສາມປະເພດກຳລັງເຊັ່ນ: ກຳລັງຫລວງ, ກຳລັງປະກອບອາວຸດ ທ້ອງຖິ່ນ ແລະ ທະຫານລາດກອງຫລອນ-ກອງປ້ອງກັນຕົວໃຫ້ເຂັ້ມແຂງຫນັກແຫນ້ນ ມີຄວາມສາມາດພຽງພໍ ໃນການກຽມພ້ອມສູ້ຮົບມີໄຊ ໃນເງື່ອນໄຂສະພາບການໃຫມ່, ປົກປັກຮັກສາການສ້າງສາຢ່າງສັນຕິຂອງປະຊາຊົນບັນດາເຜົ່າ, ປົກປັກຮັກສາປະເທດຊາດ ແລະ ຫມາກຜົນຂອງການປະຕິວັດໄວ້ຢ່າງຫມັ້ນຄົງ.
ທ່ານພົນເອກ ຄຳໄຕ ສີພັນດອນ ປະທານຄະນະ ບໍລິຫານງານສູນກາງພັກ ໄດ້ກ່າວຍ້ອງ ຍໍສັນລະເສີນ ກຳລັງປະກອບອາວຸດປະຊາຊົນລາວ ໃນໂອກາດລະນຶກວັນສ້າງຕັ້ງກອງທັບຄົບຮອບ 45 ປີ (20 ມັງກອນ 1949-20 ມັງກອນ 1994) ວ່າ: “ ພວກເຮົາສຸດທີ່ເອກອ້າງທະນົງໃຈທີ່ເຫັນວ່າພາຍໃຕ້ການນຳພາຂອງພັກ, ພະນັກງານ, ນັກຮົບໃນກຳລັງປະກອບອາວຸດ ໄດ້ເສີມຂະຫຍາຍມູນເຊື້ອຕໍ່ສູ້ເດັດດ່ຽວ ອາດຫານບໍ່ຍອມຈຳນົນ, ຍາກປານໃດກໍ່ບຸກ, ທຸກປານໃດກໍ່ສູ້, ເຖິງຈະເສຍສະຫລະກໍ່ບໍ່ຢ້ານ ສະຫນອງຕໍ່ຄຳຮຽກຮ້ອງຂອງພັກ ແລະ ຂອງປະຊາຊົນດ້ວຍຄວາມຈົ່ງຮັກພັກດີ, ຊື່ສັດບໍລິສຸດ ແລະ ເດັດດ່ຽວຫນຽວແຫນ້ນ. ກອງທັບປະຊາຊົນລາວ ສົມແລ້ວທີ່ເປັນກອງ ທັບວິລະຊົນຂອງຊາດລາວວິລະຊົນ”.
ຢືນຕໍ່ຫນ້າຄວາມຮຽກຮ້ອງຕ້ອງການໃຫມ່ ໃນການປົກປັກຮັກສາ ແລະ ສ້າງສາປະເທດຊາດ, ບັນດາກຳລັງ ປະກອບອາວຸດ ປະຊາຊົນລາວ ໄດ້ຢຶດຫມັ້ນສືບຕໍ່ປະຕິບັດແນວທາງປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນ ແລະ ຮອບດ້ານ ໂດຍການເສີມຂະຫຍາຍມູນເຊື້ອ ແລະ ບົດຮຽນສົງຄາມປະຊາຊົນເຂົ້າໃນສະພາບການໃຫມ່ຢ່າງແທດເຫມາະ;ສືບຕໍ່ປັບປຸງກໍ່ສ້າງຕົນ ເອງໃຫ້ເຂັ້ມແຂງໃນທຸກດ້ານ. ກ່ອນອື່ນແມ່ນເອົາໃຈໃສ່ປັບປຸງຍົກສູງຄຸນນະພາບດ້ານການເມືອງ, ກໍ່ສ້າງກອງແຂງຮອບດ້ານ, ເສີມຂະຫຍາຍທາດແທ້ ແລະ ມູນເຊື້ອອັນສະຫງ່າອົງອາດຂອງກຳລັງ ປະກອບອາວຸດຢ່າງບໍ່ຢຸດຢັ້ງ; ຍົກລະດັບຊີວິດການເປັນຢູ່ຂອງກຳລັງປ້ອງກັນຊາດ-ປ້ອງກັນຄວາມສະຫງົບໃຫ້ນັບມື້ສູງຂຶ້ນ; ຕັ້ງຫນ້າປະກອບສ່ວນກໍ່ສ້າງຮາກຖານປະຊາຊົນ, ພັດທະນາຊົນນະບົດ, ປັບປຸງຕາຫນ່າງປ້ອງກັນຊາດ-ປ້ອງກັນຄວາມສະຫງົບໃຫ້ແຫນ້ນແກ່ນ ເຮັດໃຫ້ທຸກຄົນທຸກຄອບຄົວ ເຂົ້າຮ່ວມເຮັດຫນ້າທີ່ຮັກສາຄວາມສະຫງົບປອດໄພ, ຄວາມເປັນລະບຽບຮຽບຮ້ອຍຂອງບ້ານຊ່ອງ ແລະ ກໍ່ສ້າງເສດຖະກິດ ຂະຫຍາຍວັດທະນະທຳຂອງຊາດ ໃຫ້ນັບມື້ຈະເລີນກ້າວຫນ້າ, ຮັບປະກັນການປະຕິບັດ 3 ຫນ້າທີ່ ແລະ 4 ການພົວພັນ ຂອງກຳລັງປະກອບອາວຸດ ດ້ວຍຄຸນນະພາບໃຫມ່ ທີ່ນັບມື້ນັບສູງຂຶ້ນຢ່າງບໍ່ຢຸດຢັ້ງ.
| ກັບສາລະບານ | |
