:: KPL :: Lao News Agency

* I.ການຕ້ານການສໍ້ລາດບັງຫລວງ ມີຄວາມສຳຄັນຄືແນວໃດ ?
ການສໍ້ລາດບັງຫລວງເປັນໄພອັນຕະລາຍຢ່າງໃຫຍ່ຫລວງຕໍ່ລະບອບປະຊາທິປະໄຕ ປະຊາຊົນຂອງພວກເຮົາ ເພາະມັນໄດ້ສາງຄວາມເສຍຫາຍແກ່ຊັບສົມບັດຂອງລັດ, ຂອງລວມຫມູ່ ຫລື ບຸກຄົນ, ມີຜົນກະທົບໂດຍກົງຕໍ່ແນວທາງນະໂຍບາຍຂອງພັກ, ຕໍ່ແຜນພັດທະນາທຸກດ້ານຂອງລັດ ແລະ ເຮັດໃຫ້ບົດບາດອິດທິພົນຂອງພັກ - ລັດຫລຸດຜ່ອນລົງ. ໂດຍເຫັນໄດ້ໄພອັນຕະລາຍດັ່ງກ່າວ ທັງເພື່ອເປັນການເຊີດຊູສະຕິຕໍ່ລະບຽບວິໄນ ແລະ ກົດຫມາຍ, ເຮັດໃຫ້ກົງຈັກການຈັດຕັ້ງທຸກຂັ້ນຂອງພັກ, ລັດ ແລະ ອົງການຈັດຕັ້ງມະຫາຊົນ ມີຄວາມເຂັ້ມແຂງ, ໂປ່ງໃສ, ສັງຄົມມີຄວາມສະຫງົບເປັນລະບຽບຮຽບຮ້ອຍ ແລະ ມີຄວາມຍຸຕິທຳ, ປົກປ້ອງຜົນປະໂຫຍດຂອງລັດ, ລວມຫມູ່ ແລະ ບຸກຄົນ, ເຊີດຊູບົດບາດອິດທິພົນ ແລະ ກຽດສັກສີ ຂອງລະບອບປະຊາທິປະໄຕປະຊາຊົນ ທ່ານນາຍົກລັດຖະມົນຕີ ໄດ້ອອກດຳລັດ ເລກທີ 193/ນຍ, ລົງວັນທີ 2/11/1999 ວ່າດ້ວຍການຕ້ານການສໍ້ລາດບັງຫລວງ ແລະ ມາເຖິງວັນທ 20 ພຶດສະພາ 2005 ສະພາແຫ່ງຊາດ ສ.ປ.ປ.ລາວ ກໍໄດ້ມີມະຕິຕົກລົງສະບັບເລກທີ 26/ສພຊ ກ່ຽວກັບການຕົກລົງຮັບຮອງເອົາກົດຫມາຍວ່າດ້ວຍການຕ້ານ ແລະ ສະກັດກັ້ນການສໍ້ລາດບັງຫລວງ ແລະ ຖືກປະກາດໃຊ້ຕາມລັດຖະດຳລັດຂອງປະທານປະເທດແຫ່ງ ສ.ປ.ປ.ລາວ ສະບັບເລກທີ 45/ສປປ ລົງວັນທີ 25 ພຶດສະພາ 2005 ຊຶ່ງກົດຫມາຍວ່າດ້ວຍການຕ້ານ ແລະ ສະກັດກັ້ນການສໍ້ລາດບັງຫລວງລວມມີ 10 ຫມວດ ແລະ 53 ມາດຕາ.
II. ຄວາມຮັບຮູ້ກ່ຽວກັບການສໍ້ລາດບັງຫລວງ
1. ການສໍ້ລາດບັງຫລວງ ແມ່ນຫຍັງ ?
ການສໍ້ລາດບັງຫລວງ ແມ່ນການປະພຶດຂອງພະນັກງານ, ລັດຖະກອນ ທີ່ສວຍໃຊ້ໜ້າທີ່ຕຳແໜ່ງສິດອຳນາດ ເພື່ອຫາຜົນປະໂຫຍດຂອງຕົນ, ຄອບຄົວ, ຈຸ້ມເຈື້ອ, ເຊື້ອສາຍ, ຫມູ່ຄູ່, ພັກພວກ ດ້ວຍການຍັກຍອກ, ສໍ້ໂກງ, ຮັບສິນບົນ ຫລື ເຈດຕະນາລະເມີດລະບຽບກົດຫມາຍ.
2. ພຶດຕິກຳທີ່ເປັນການສໍ້ລາດບັງຫລວງ ສະແດງອອກໃນຮູບການໃດແດ່ ?
ພຶດຕິກຳທີ່ເປັນການສໍ້ລາດບັງຫລວງ ສະແດງອອກໃນຮູບການຕ່າງໆດັ່ງຕໍ່ໄປນີ້:
1. ລັກ, ໂລບ, ຕັດຮອນ, ສັບປ່ຽນ, ເຊື່ອງອຳ ຫລື ສວຍໃຊ້ເງິນ, ຄຳ, ທຶນຮອນ, ພາຫະນະ ແລະ ວັດຖຸເຄື່ອງຂອງລັດ, ຂອງລວມຫມູ່ທີ່ຕົນຖືກມອບຫມາຍໃຫ້ຄຸ້ມຄອງ, ຮັກສາ, ນຳໃຊ້, ຂົນສົ່ງ, ສ້ອມແປງ ຫລື ເຮັດວຽກໃດໜຶ່ງເພື່ອຫາຜົນປະໂຫຍດໃຫ້ຕົນເອງ.
2. ສົມຮູ້ຮ່ວມຄິດກັບຄົນພາຍ ນອກ ຫລື ໃຊ້ລ່ຽມ, ກົນອຸບາຍ, ຕົວະຍົວະຫລອກລວງ, ປອມແປງເອກະສານຊຳລະສະສາງ ເພື່ອສວຍໃຊ້ເອົາຊັບສົມບັດຂອງລັດ ຫລື ຂອງລວມຫມູ່ ມາຮັບໃຊ້ ຜົນປະໂຫຍດສ່ວນຕົວ, ພັກພວກ. ຈຸ້ມເຈື້ອ, ເຊື້ອສາຍ, ເອົາຊັບສົມບັດຂອງລັດໄປຊວດຈຳຫລື ຄ້ຳປະກັນ.
3. ຂໍເອົາ, ທວງເອົາ, ຕົກລົງໃຫ້ ຫລື ຣັບເອົາສິນບົນ ໂດຍກົງ ຫລື ທາງອ້ອມ ເພື່ອຮັບໃຊ້ສິດຜົນປະໂຫຍດຂອງຜູ້ໃຫ້ສິນບົນ ດ້ວການກະທຳ ຫລື ບໍ່ກະທຳສິ່ງໃດໜຶ່ງ າມຈຸດປະສົງຂອງຜູ້ໃຫ້ສິນບົນອັນເປັນການລ່ວງລະເມີດກົດຫມາຍ, ຫລັກການ ແລະ ລະບຽບການຕ່າງໆຊຶ່ງສົ່ງຜົນເສຍຫາຍໃຫ້ແກ່ລັດ, ລວມຫມູ່ ຫລື ບຸກຄົນ.
4. ສວຍໃຊ້ໂອກາດເກີນຂອບເຂດ, ໜ້າທີ່ຕຳແໜ່ງທີ່ຕົນຮັບຜິດຊອບ ເພື່ອຫາຜົນປະໂຫຍດແກ່ຕົນເອງ, ຄອບຄົວ, ຈຸ້ມເຈື້ອ, ເຊື້ອສາຍ, ຫມູ່ຄູ່, ພັກພວກ ຊຶ່ງສ້າງຄວາມເສຍຫາຍແກ່ຜົນປະໂຫຍດຂອງລັດ, ລວມຫມູ່ ຫລື ຂອງບຸກຄົນ.
ໃຊ້ອຳນາດເກີນຂອບເຂດ ຕັດສິນບັນຫາທ່ບໍ່ຢູ່ໃນຄວາມຮັບຜິດຊອບຂອງຕົນ ຫລື ຕັດສິນບັນຫາເກີນຂອບເຂດຄວາມຮັບຜິດຊອບຂອງຕົນຊຶ່ງພາໃຫ້ມິຄວາມເສຍຫາຍເກີດຂຶ້ນ ແຕ່ຕົນເອງ, ຄອບຄົວ, ຈຸ້ມເຈື້ອ, ເຊື້ອສາຍ, ຫມູ່ຄູ່, ພັກພວກ ຊ້ຳພັດໄດ້ຮັບຜົນປະໂຫຍກຈາກການກະທຳດັ່ງກ່າວ.
6. ນຳໃຊ້ຊັບສົມບັດຂອງພັກ, ລັດ ເຮັດຂອງຕ້ອນ, ຂອງຂວັນ, ຂອງຝາກ ເກີນລະບຽບຂອງລັດທີ່ໄດ້ກຳນົດໄວ້.
7.ຜູ້ທີ່ດຳລົງຕຳແໜ່ງທາງບໍລິຫານໃດໜຶ່ງ ສັບຊ້ອນ, ແຕ່ງຕັ້ງເອົາພໍ່, ແມ່, ຜົວ, ເມຍ, ອ້າຍ, ເອື້ອຍ, ນ້ອງຄີງ, ລູກ ແລະ ພີ່ນ້ອງ ໃກ້ສິດຂອງຕົນໃຫ້ຮັບຜິດຊອບວຽກງານຈັດຕັ້ງ - ພະນັກງານ, ວຽກງານ ກວດກາ, ເລຂາ, ບັນຊີ, ການເງິນ, ນາຍຄັງ, ນາຍສາງ ຫລື ເປັນຜູ້ຈັດຊື້, ຈັດ ຈ້າງຕ່າງໆ ຢູ່ພາຍໃນການຈັດຕັ້ງຂອງຕົນທີ່ຈະສ້າງເງື່ອນໄຂໃຫ້ມີການສໍ້ລາດບັງຫລວງ.
(ຍັງມີຕໍ່)