:: KPL :: Lao News Agency

ປະກາດແຈ້ງການຂອງຄະນະກຳມະການເລືອກຕັ້ງລະດັບຊາດ
ວ່າດ້ວຍການປະກາດລາຍຊື່ ຜູ້ສະໝັກຮັບເລືອກຕັ້ງເປັນສະມາຊິກສະພາແຫ່ງຊາດ ຊຸດ ທີ VII
___________________

- ອີງໃສ່ກົດໝາຍວ່າດ້ວຍການເລືອກຕັ້ງສະມາຊິກສະພາແຫ່ງຊາດ ສະບັບປັບປຸງ ມາດຕາ 12 ກ່ຽວກັບມາດຖານຂອງຜູ້ສະໝັກຮັບເລືອກຕັ້ງ ແລະ ມາດຕາ 15 ກ່ຽວກັບການປະກາດລາຍຊື່ ຜູ້ສະໝັກຮັບເລືອກຕັ້ງ.
- ອີງໃສ່ລັດຖະດຳລັດຂອງປະທານປະເທດແຫ່ງ ສປປ ລາວ ສະບັບເລກທີ 021 / ສປປ, ລົງວັນທີ 1/3/2011 ວ່າດ້ວຍການປະກາດຈຳນວນຜູ້ສະໝັກຮັບເລືອກຕັ້ງສະມາຊິກສະພາແຫ່ງ ຊາດຊຸດທີ VII ຢູ່ແຕ່ລະເຂດເລືອກຕັ້ງ.
- ອີງຕາມການຄົ້ນຄວ້ານຳສະເໜີຂອງກະຊວງ - ອົງການ ແລະ ທ້ອງຖິ່ນໃນທົ່ວ ປະເທດ.
ຜ່ານການຄົ້ນຄວ້າພິຈາລະນາຕົກລົງເຫັນດີເປັນເອກະພາບຂອງກອງປະຊຸມຄະນະກຳມະການເລືອກຕັ້ງລະດັບຊາດຄັ້ງວັນທີ 28/2/2011. ຄະນະກຳມະການ ເລືອກຕັ້ງລະດັບຊາດປະກາດແຈ້ງການກ່ຽວກັບລາຍຊື່ຜູ້ສະໝັກຮັບ ເລືອກຕັ້ງສະມາຊິກສະພາແຫ່ງຊາດຊຸດທີ VII ຢູ່ເຂດເລືອກຕັ້ງຕ່າງໆໃນທົ່ວປະເທດຊຶ່ງປະກອບມີດັ່ງນີ້ :

I. ລາຍຊື່ຂອງຜູ້ສະໝັກຮັບເລືອກຕັ້ງສະມາຊິກສະພາແຫ່ງຊາດ ຊຸດທີ VII ຢູ່ແຕ່ລະເຂດເລືອກຕັ້ງມີຄື:
v ເຂດເລືອກຕັ້ງທີ 1: ນະຄອນຫລວງວຽງຈັນ .
( ຈຳນວນຜູ້ສະໝັກຮັບເລືອກຕັ້ງ 21 ທ່ານ ເລືອກເອົາ 15 ທ່ານ )

ທ່ານດຣ. ຄຳເຜີຍ ປານມະໄລທອງ, ກຳມະການສູນກາງພັກ, ເລຂາຄະນະພັກ, ຫົວໜ້າສະຖາບັນວິທະຍາສາດສັງຄົມແຫ່ງຊາດ, ເຜົ່າລາວ.
ທ່ານ ສົມວັນດີ ນາຖາວົງສ໌ ຮອງເລຂາຄະນະພັກ, ຮອງເຈົ້າຄອງນະຄອນຫຼວງວຽງຈັນ, ປະທານຄະນະສະມາຊິກສະພາແຫ່ງຊາດເຂດເລືອກຕັ້ງທີ 1, ສະມາຊິກສະພາແຫ່ງຊາດຊຸດທີ VI, ເຜົ່າລາວ .
ທ່ານສຈ . ດຣ . ກິແກ້ວ ໄຂຄຳພິທູນ, ກຳມະການສູນກາງພັກ, ເລຂາຄະນະພັກ, ຫົວໜ້າສະຖາບັນການເມືອງ - ການປົກຄອງແຫ່ງຊາດ, ສະມາຊິກສະພາ ແຫ່ງຊາດຊຸດທີ VI, ເຜົ່າລາວ .
ທ່ານ ບຸນທ່ຽງ ຂຸນສີ, ກຳມະການປະຈຳພັກນະຄອນຫລວງວຽງຈັນ, ເລຂາຄະນະພັກເມືອງ, ເຈົ້າ ເມືອງໆສັງທອງ, ເຜົ່າລາວ .
ທ່ານ ດຣ . ດວງ ສະຫວັດ ສຸພານຸວົງ, ລັດຖະມົນຕີປະຈຳສຳນັກງານນາຍົກລັດຖະມົນຕີ, ສະມາ ຊິກສະພາແຫ່ງຊາດຊຸດທີ VI, ເຜົ່າລາວ .
ທ່ານ ອຸ່ນເຮືອນ ໂພທິລາດ, ກຳມະການພັກນະຄອນຫລວງວຽງຈັນ, ປະທານແນວລາວສ້າງຊາດນະຄອນຫຼວງວຽງຈັນ, ສະມາຊິກສະພາ ແຫ່ງຊາດ ຊຸດທີ VI, ເຜົ່າລາວ .
ທ່ານ ດຣ. ນ. ສຸວັນເພັງ ບຸບຜານຸວົງ, ຮອງປະທານກຳມາທິການ ເສດຖະກິດແຜນການ - ການເງິນ ສະພາແຫ່ງຊາດ, ສະມາຊິກສະພາແຫ່ງຊາດຊຸດທີ VI, ເຜົ່າລາວ .
ທ່ານ ບົວເງິນ ຊາພູວົງ , ຮອງເລຂາຄະນະພັກກະຊວງ , ລັດຖະມົນຕີຊ່ວຍວ່າການກະຊວງຖະແຫລ່ງ ຂ່າວແລະວັດທະນາທຳ, ສະມາຊິກສະພາແຫ່ງ ຊາດຊຸດທີ VI, ເຜົ່າລາວ .
ທ່ານ ນາງ ວັນເພັງ ແກ້ວນະຄອນ, ກຳມະການພັກນະຄອນຫລວງວຽງຈັນ, ຫົວໜ້າພະແນກຖະແຫຼງຂ່າວ - ວັດທະນາທຳນະຄອນຫຼວງວຽງຈັນ, ສະມາຊິກສະພາແຫ່ງຊາດຊຸດ ທີ VI, ເຜົ່າລາວ
ທ່ານ ດຣ . ກຸແກ້ວ ອັກຄະມົນຕີ, ຮອງປະທານກຳມາທິການ - ການຕ່າງປະເທດ ສະພາ ແຫ່ງຊາດ , ສະມາຊິກສະພາແຫ່ງຊາດຊຸດທີ VI, ເຜົ່າລາວ .
ທ່ານສຈ . ດຣ . ນາງບຸນ ຍົງບຸບຜາ , ຮອງປະທານກຳມາທິການ - ການຕ່າງປະເທດສະພາ ແຫ່ງຊາດ , ສະມາຊິກສະພາແຫ່ງຊາດຊຸດທີ VI, ເຜົ່າລາວ .
ທ່ານ ພັນເອກ ດຣ. ສົມ ຫວັງ ທຳມະສິດ , ກຳມະການຄະນະພັກກະຊວງ , ຫົວໜ້າກົມວິທະຍາສາດ - ປະຫວັດສາດກະຊວງປ້ອງກັນຄວາມສະຫງົບ , ສະມາຊິກສະພາແຫ່ງຊາດ ຊຸດທີ VI, ເຜົ່າລາວ .
ທ່ານດຣ. ນາງບົວຄຳ ທິບພະວົງ , ຮອງຫົວໜ້າກົມການຄ້າພາຍໃນກະຊວງອຸດສາຫະກຳ ແລະ ການຄ້າ , ກຳມະການຄະນະບໍລິຫານງານສູນກາງສະຫະພັນແມ່ຍິງ , ປະທານສະຫະພັນແມ່ຍິງ ກະຊວງ , ເຜົ່າລາວ .
ທ່ານ ນາງ ຄຳຟອງ ພູມວົງໄຊ , ຫົວໜ້າຫ້ອງການຊັບພະຍາກອນນ້ຳ ແລະ ສິ່ງແວດລ້ອມ ນະຄອນຫຼວງວຽງຈັນ , ເຜົ່າລາວ .
ທ່ານ ບຸນວັນ ຈະສົ້ວເກົ້າ , ກຳມະການປະຈຳພັກເມືອງ, ປະທານກວດກາເມືອງໄຊທານີ ນະຄອນຫລວງວຽງຈັນ , ເຜົ່າມົ້ງ .
ທ່ານ ລາດຊະນີວົງ ອະມາຣາທິທາດາ, ກຳມະການພັກນະຄອນຫລວງວຽງຈັນ , ຫົວໜ້າພະແນກກະສິກຳ - ປ່າໄມ້ນະຄອນຫຼວງວຽງຈັນ, ສະມາຊິກສະພາແຫ່ງຊາດຊຸດທີ VI, ເຜົ່າລາວ .
ທ່ານ ນາງ ລຳພອຍ ສີອັກຄະຈັນ, ກຳມະການພັກນະຄອນຫລວງວຽງຈັນ , ກຳມະການຄະນະບໍລິ ຫານງານສູນກາງສະຫະພັນແມ່ຍິງ, ປະທານສະຫະພັນແມ່ຍິງນະຄອນຫຼວງວຽງຈັນ , ເຜົ່າລາວ .
ທ່ານ ບຸນທາມ ພຸດທະວົງສາ, ກຳມະການພັກນະຄອນຫລວງວຽງຈັນ , ເລຂາຄະນະບໍລິຫານງານຊາວໜຸ່ມນະຄອນຫຼວງວຽງຈັນ , ເຜົ່າລາວ .
ທ່ານ ພັນໂທ ບຸນເພັງ ສິດທິສັກ, ຮອງເລຂາຄະນະພັກກອງບັນຊາການທະຫານນະຄອນຫຼວງວຽງຈັນ , ເຜົ່າລາວ .
ທ່ານ ດຣ. ສີສະຫຼຽວ ສະແຫວງສຶກສາ , ອຳນວຍການບໍລິສັດຜະລິດຕະພັນກະສິກອນລາວ , ເຜົ່າລາວ .
ທ່ານດຣ. ເກດແກ້ວ ສີຫາລາດ, ເລຂາຄະນະພັກຮາກຖານ, ຮອງປະທານອົງການພັດທະນາບໍລິຫານຕົວເມືອງນະຄອນຫລວງວຽງຈັນ, ເຜົ່າລາວ .

v ເຂດເລືອກຕັ້ງທີ 2: ແຂວງຜົ້ງສາລີ .
(ຈຳນວນຜູ້ສະໝັກຮັບເລືອກຕັ້ງ 7 ທ່ານ ເລືອກເອົາ 5 ທ່ານ)

ທ່ານ ຄຳຈັນ ຄຳວົງໃຈ, ກຳມະການປະຈຳພັກແຂວງ, ປະທານແນວລາວສ້າງຊາດແຂວງ ຜົ້ງສາລີ, ເຜົ່າກຶມມຸ.
ທ່ານ ຄຳປິງ ແສງຕານນະລາດ, ກຳມະການພັກກະຊວງ, ຫົວໜ້າກົມກວດກາກະຊວງ ແຮງງານ ແລະ ສະຫວັດດີການສັງຄົມ, ເຜົ່າຜູ້ນ້ອຍ.
ທ່ານ ຈັນສີ ແສງສົມພູ, ກຳມະການພັກແຂວງ, ຫົວໜ້າຄະນະໂຄສະນາອົບຮົມ ແຂວງຜົ້ງສາລີ, ເຜົ່າລື້.
ທ່ານ ສີແກ້ວ ສີປະຈັກ, ຮອງຫົວໜ້າຄະນະຈັດຕັ້ງ ແຂວງຜົ້ງສາລີ, ເຜົ່າຜູ້ນ້ອຍ.
ທ່ານ ນາງ ຈັນມະນີ ນາມວົງ ,ຮອງປະທານກຳມະບານແຂວງຜົ້ງສາລີ, ເຜົ່າລື້.
ທ່ານ ທອງຄຳ ລີລາວົງ, ຮອງຫົວໜ້າພະແນກຍຸຕິທຳແຂວງຜົ້ງສາລີ, ເຜົ່າອາຄາ.
ທ່ານ ພູເງິນ ສີຫາບຸດ, ຮອງຫົວໜ້າຫ້ອງວ່າການສະພາແຫ່ງຊາດເຂດເລືອກຕັ້ງທີ2ແຂວງຜົ້ງສາລີ, ເຜົ່າລາວ.

v ເຂດເລືອກຕັ້ງທີ 3: ແຂວງຫລວງນ້ຳທາ.
(ຈຳນວນຜູ້ສະໝັກຮັບເລືອກຕັ້ງ 7 ທ່ານ ເລືອກເອົາ 5 ທ່ານ)

ທ່ານ ວອນຄຳ ເພັດທະວົງ, ກຳມະການປະຈຳພັກແຂວງຫລວງນ້ຳທາ, ຫົວໜ້າຄະນະບໍລິຫານ ເຂດເສດຖະກິດພິເສດບໍ່ເຕັນ-ແດນຄຳ, ປະທານຄະນະສະມາຊິກສະພາແຫ່ງຊາດ ເຂດເລືອກຕັ້ງ ທີ 3, ສະມາຊິກ ສະພາແຫ່ງຊາດຊຸດທີ VI, ເຜົ່າໄຕ.
ທ່ານ ນາງ ບັນດິດ ປະທຸມວັນ, ກຳມະການຄະນະພັກ, ຮອງປະທານສູນກາງສະຫະພັນແມ່ຍິງລາວ, ເຜົ່າລາວ.
ທ່ານ ຮສຈ,ດຣ. ຄຳເຫລັກ ໄຊດາລາ, ກຳມະການພັກແຂວງຫລວງນ້ຳທາ, ຫົວໜ້າພະແນກກະສິກຳ-ປ່າໄມ້ ແຂວງຫລວງນ້ຳທາ, ເຜົ່າຜູ້ນ້ອຍ.
ທ່ານ ນາງ ລັດສະໝີ ມິ່ງບຸບຜາ, ກຳມະການພັກແຂວງ, ຜູ້ປະຈຳການຄະນະສະມາຊິກສະພາແຫ່ງຊາດເຂດເລືອກຕັ້ງທີ3ແຂວງຫລວງນ້ຳທາ, ສະມາຊິກສະພາແຫ່ງຊາດຊຸດທີ VI, ເຜົ່າກຶມມຸ.
ທ່ານນາງ ສາຍຄຳ ແກ້ວພິລາ, ຫົວໜ້າຫ້ອງການຄະນະກຳມະການສົ່ງເສີມຄວາມກ້າວ ໜ້າແມ່ຍິງ ແຂວງຫລວງນ້ຳທາ, ເຜົ່າໄຕ.
ທ່ານ ກົງເພັດ ແກ້ວບົວພາ, ຫົວໜ້າຫ້ອງວ່າການສະພາແຫ່ງຊາດເຂດເລືອກຕັ້ງທີ 3 ແຂວງຫລວງ ນ້ຳທາ, ເຜົ່າກຶມມຸ.
ທ່ານ ເປີແລ ທົງສະໄຫວ, ຮອງຫົວໜ້າພະແນກແຮງງານ ແລະ ສະຫວັດດີການສັງຄົມແຂວງຫລວງນ້ຳທາ, ເຜົ່າແລ່ນແຕນ.

v ເຂດເລືອກຕັ້ງທີ 4: ແຂວງອຸດົມໄຊ.
(ຈຳນວນຜູ້ສະໝັກຮັບເລືອກຕັ້ງ 9 ທ່ານ ເລືອກເອົາ 6 ທ່ານ)

ທ່ານ ບຸນລອດ ອ່ອນພະຈັນ, ກຳມະການປະຈຳພັກແຂວງ, ຫົວໜ້າຄະນະໂຄສະນາອົບຮົມແຂວງ ອຸດົມໄຊ, ເຜົ່າລື້.
ທ່ານ ຄຳຊາວ ໄກຊົງ, ຫົວໜ້າກົມບັນດາເຜົ່າ ສະພາແຫ່ງຊາດ, ເຜົ່າມົ້ງ.
ທ່ານ ຫຸມແພງ ສິດທິວົງ, ກຳມະການພັກແຂວງ,ຫົວໜ້າພະແນກແຜນການ ແລະ ການລົງທຶນແຂວງອຸດົມໄຊ, ເຜົ່າກຶມມຸ.
ທ່ານ ນາງ ສົມຈັນ ຈິດວົງເດືອນ, ຜູ້ປະຈຳການຄະນະສະມາຊິກສະພາແຫ່ງຊາດເຂດ ເລືອກຕັ້ງທີ 4 ແຂວງອຸດົມໄຊ, ສະມາຊິກສະພາແຫ່ງຊາດ ຊຸດທີ VI, ເຜົ່າກຶມມຸ.
ທ່ານ ພອນສະຫວັນ ພັນທະວິຈິດ, ກຳມະການພັກແຂວງ,ຫົວໜ້າພະແນກຖະແຫຼ່ງຂ່າວ- ວັດທະ ນາທຳແຂວງອຸດົມໄຊ, ເຜົ່າລາວ.
ທ່ານ ນາງ ຄຳພອນ ພິມມະຈັນ, ຮອງປະທານສະຫະພັນກຳມະບານແຂວງອຸດົມໄຊ, ເຜົ່າ ກຶມມຸ.
ທ່ານ ມໍຊົງ, ປະທານສານປະຊາຊົນແຂວງອຸດົມໄຊ, ເຜົ່າມົ້ງ.
ທ່ານ ພັນໂທ ບຸນຍົງ ໜໍ່ແກ້ວ, ກຳມະການພັກກອງບັນຊາການທະຫານແຂວງ, ຮອງຫົວໜ້າການເມືອງກອງບັນຊາການທະຫານແຂວງອຸດົມໄຊ, ເຜົ່າຜູ້ນ້ອຍ.
ທ່ານ ບຸນທັນ ສຸລິຍະວົງ, ເລຂາຄະນະບໍລິຫານງານຊາວໜຸ່ມແຂວງອຸດົມໄຊ, ເຜົ່າລື້.

v ເຂດເລືອກຕັ້ງທີ 5: ແຂວງບໍ່ແກ້ວ.
(ຈຳນວນຜູ້ສະໝັກຮັບເລືອກຕັ້ງ 7 ທ່ານ ເລືອກເອົາ 5 ທ່ານ)

ທ່ານ ວິໄຊກອນ ວັນນະຈອມຈັນ ຮອງເລຂາພັກແຂວງ, ປະທານແນວລາວສ້າງຊາດ ແຂວງບໍ່ແກ້ວ, ປະທານຄະນະສະມາຊິກສະພາແຫ່ງຊາດ ເຂດເລືອກຕັ້ງທີ 5, ສະມາຊິກສະພາແຫ່ງຊາດ ຊຸດທີ VI, ເຜົ່າລື້.
ທ່ານ ດຣ. ອຸ່ນແກ້ວ ວຸທິລາດ ຮອງປະທານກຳມາທິການກົດໝາຍສະພາແຫ່ງ ຊາດ,ກຳມະການຄະນະພັກສະພາແຫ່ງຊາດ,ສະມາຊິກສະພາແຫ່ງຊາດຊຸດທີ VI, ເຜົ່າຜູ້ນ້ອຍ.
ທ່ານ ອູລາວັນ ບຸນທະຈັກ ກຳມະການພັກແຂວງ, ເລຂາພັກເມືອງ,ເຈົ້າເມືອງ ໆ ປາກທາ ແຂວງບໍ່ແກ້ວ, ເຜົ່າລາວ.
ທ່ານ ລີຕຸເລັ່ງ ຈົງເຕັງ ກຳມະການພັກແຂວງ, ຮອງປະທານແນວລາວສ້າງຊາດ ແຂວງບໍ່ແກ້ວ, ເຜົ່າມົ້ງ.
ທ່ານ ດຣ.ນາງ ຄຳຈອມພູ ສິລິທຳ ຮອງປະທານສະຫະພັນແມ່ຍິງແຂວງບໍ່ແກ້ວ, ເຜົ່າຜູ້ໄທ.
ທ່ານ ພັນໂທ ຈັນນວນ ອວນຄະນະຈັກ ຮອງເລຂາຄະນະພັກກອງບັນຊາການ, ຮອງຫົວ ໜ້າກອງບັນຊາການປ້ອງກັນຄວາມສະຫງົບ ແຂວງບໍ່ແກ້ວ, ເຜົ່າລະເມດ.
ທ່ານ ອິນຄຳ ຫລວງລືໄຊ ຫົວໜ້າຫ້ອງວ່າການສະພາແຫ່ງຊາດປະຈຳເຂດ ເລືອກ ຕັ້ງທີ 5 ແຂວງບໍ່ແກ້ວ, ເຜົ່າລື້.

v ເຂດເລືອກຕັ້ງທີ 6: ແຂວງຫລວງພະບາງ.
(ຈຳນວນຜູ້ສະໝັກຮັບເລືອກຕັ້ງ 13 ທ່ານ ເລືອກເອົາ 9 ທ່ານ)

ທ່ານ ບົວທອງ ແພງສະຫວັນ ກຳມະການປະຈຳພັກແຂວງ,ປະທານກວດກາ ພັກ-ລັດ ແຂວງຫລວງພະບາງ, ເຜົ່າກຶມມຸ.
ທ່ານ ດຣ.ບຸນທະວີ ສີສຸພັນທອງ, ກຳມະການພັກກະຊວງ, ລັດຖະມົນຕີຊ່ວຍວ່າການກະຊວງແຜນການ ແລະ ການລົງທຶນ, ເຜົ່າລາວ.
ທ່ານ ສິງຕັນ ໄຊລືຊົງ, ກຳມະການພັກແຂວງ, ຜູ້ປະຈຳການຄະນະສະ ມາຊິກສະພາແຫ່ງຊາດເຂດເລືອກຕັ້ງທີ 6 ແຂວງ ຫລວງພະບາງ ,ສະມາຊິກສະພາແຫ່ງຊາດຊຸດທີ VI, ເຜົ່າມົ້ງ.
ທ່ານ ພົນຈັດຕະວາ ວິໄລ ດວງມະນີ, ກຳມະການພັກກະຊວງປ້ອງກັນຄວາມສະຫງົບ, ຜູ້ອຳນວຍການວິທະຍາຄານປ້ອງກັນຄວາມ ສະຫງົບແຫ່ງ ຊາດ, ເຜົ່າມົ້ງ.
ທ່ານ ວິເສດ ສະແຫວງສຶກສາ, ຮອງຫົວໜ້າຫ້ອງວ່າການສະພາແຫ່ງຊາດ,ເຜົ່າ ລາວ.
ທ່ານ ຫຸມພັນ ທຳມຸງຄຸນ ຫົວໜ້າຫ້ອງວ່າການສະພາແຫ່ງຊາດເຂດເລືອກ ຕັ້ງທີ 6 ແຂວງຫລວງພະບາງ, ເຜົ່າລາວ.
ທ່ານ ບຸນທອນ ສິດສຸວົງ ຜູ້ອຳນວຍການບໍລິສັດ3 ຫຼຽມພັດທະນາເສດຖະກິດ , ເຜົ່າກຶມມຸ.
ທ່ານ ນາງ ອຳພອນ ສີວິໄລສັກ ກຳມະການພັກແຂວງ, ກຳມະການຄະນະບໍລິຫານງານສູນກາງ ສະຫະພັນແມ່ຍິງລາວ,ປະທານສະຫະພັນແມ່ຍິງ ແຂວງຫລວງພະບາງ, ເຜົ່າລາວ.
ທ່ານ ຄອນສີ ຄອນຈະເລີນ ຮອງຫົວໜ້າພະແນກຍຸຕິທຳແຂວງຫລວງພະບາງ, ເຜົ່າລາວ.
ທ່ານ ບຸນທຳ ແສນພັນສິລ,ິ ອຳນວຍການລັດວິສາຫະກິດໄຟຟ້າລາວ ສາຂາ ແຂວງ ຫລວງພະບາງ, ເຜົ່າລາວ.
ທ່ານ ພັນໂທ ຄຳຜຸຍ ວັນນະຈິດ, ກຳມະການຄະນະພັກກອງ ບັນຊາການ,ຮອງຫົວ ໜ້າກອງບັນຊາການທະຫານແຂວງຫລວງພະບາງ, ເຜົ່າກຶມມຸ.
ທ່ານ ນາງ ອິນທະວອນ ພົມມະຈັນ, ກຳມະການປະຈຳພັກເມືອງ, ປະທານສະຫະພັນ ແມ່ຍິງ ເມືອງຫລວງພະບາງ, ເຜົ່າລາວ.
ທ່ານ ບຸນເລື່ອນ ມະນີວົງ ຮອງຫົວໜ້າໄອຍະການ ປະຊາຊົນແຂວງຫລວງ ພະບາງ, ເຜົ່າລາວ.

v ເຂດເລືອກຕັ້ງທີ 7: ແຂວງໄຊຍະບູລີ.
(ຈຳນວນຜູ້ສະໝັກຮັບເລືອກຕັ້ງ 10 ທ່ານ ເລືອກເອົາ 7 ທ່ານ)

ທ່ານ ນາງ ປານີ ຢາທໍ່ຕູ້ ,ກຳມະການກົມການເມືອງສູນກາງພັກ, ປະທານສະພາແຫ່ງຊາດ,ສະມາຊິກສະພາແຫ່ງຊາດ ຊຸດທີ VI, ເຜົ່າມົ້ງ.
ທ່ານ ຄຳສຸກ ທ່ໍ ຮອງເລຂາຄະນະພັກແຂວງ, ປະທານແນວລາວສ້າງຊາດແຂວງໄຊຍະບູລີ, ເຜົ່າມົ້ງ.
ທ່ານ ວົງຈັນ ພົມສະຫວັດ ຮອງເລຂາຄະນະພັກ,ຮອງປະທານສູນກາງແນວລາວສ້າງຊາດ, ສະມາຊິກສະພາແຫ່ງຊາດຊຸດທີ VI, ເຜົ່າ ກຶມມຸ.
ທ່ານ ທອງດີ ພັບບົວອອນ ກຳມະການພັກແຂວງ,ເລຂາພັກເມືອງ,ເຈົ້າ ເມືອງ ໆຄອບ, ເຜົ່າລາວ.
ທ່ານ ພັນເອກ ຄຳສຸກ ວີອິນທະວົງ ຮອງເລຂາຄະນະພັກກອງບັນຊາການ, ຫົວໜ້າການເມືອງກອງບັນຊາການທະຫານແຂວງໄຊຍະບູລີ, ເຜົ່າໄຕດຳ.
ທ່ານ ນາງ ອິດມະນີ ຈັນທະຄູນ ຮອງປະທານແນວລາວສ້າງຊາດແຂວງໄຊຍະບູລີ, ເຜົ່າໄຕດຳ.
ທ່ານ ຈັນຖະໜອມ ວົງສົມຈິດ ກຳມະການພັກແຂວງ, ຫົວໜ້າພະແນກແຜນ ການ-ການ ລົງທຶນແຂວງໄຊຍະບູລີ, ເຜົ່າລາວ.
ທ່ານ ດຣ. ຄຳຫລ້າ ພູທອນສີ ຮອງເລຂາໜ່ວຍພັກ, ຮອງຫົວໜ້າພະແນກສາ ທາລະນະສຸກແຂວງໄຊຍະບູລີ, ເຜົ່າລາວ.
ທ່ານ ພັນໂທ ຄຳຜາຍ ວິໄລພອນ ຮອງເລຂາຄະນະພັກກອງບັນຊາການ, ຮອງຫົວ ໜ້າກອງບັນຊາການປ້ອງກັນຄວາມສະຫງົບແຂວງໄຊຍະບູລີ, ເຜົ່າກຶມມຸ.
ທ່ານ ຫຸມພັນ ພິມສະຫວັດ ຮອງເລຂາຄະນະພັກເມືອງໆພຽງ ແຂວງໄຊຍະບູລີ, ເຜົ່າລາວ.

v ເຂດເລືອກຕັ້ງທີ 8: ແຂວງຫົວພັນ.
(ຈຳນວນຜູ້ສະໝັກຮັບເລືອກຕັ້ງ 9 ທ່ານ ເລືອກເອົາ 6 ທ່ານ)

ທ່ານ ສົມພັນ ແພງຄຳມີ ກຳມະການສູນກາງພັກ,ເລຂາຄະນະພັກ, ຫົວໜ້າ ອົງ ການໄອຍະການປະຊາຊົນສູງສຸດ, ເຜົ່າລາວ.
ທ່ານ ຄຳວອນ ບຸນທະວົງ ກຳມະການປະຈຳພັກແຂວງ, ຫົວໜ້າກໍ່ສ້າງຮາກຖານ ການເມືອງແຂວງຫົວພັນ, ເຜົ່າກຶມມຸ.
ທ່ານ ພອນສຸກ ທອງສົມບັດ ປະທານສານປະຊາຊົນແຂວງຫົວພັນ, ເຜົ່າລາວ.
ທ່ານ ນາງ ອຳໄພວອນ ລ້ອມບຸນແພງ ຮອງຫົວໜ້າໄອຍະການປະຊາຊົນແຂວງ ຫົວ ພັນ, ເຜົ່າລາວ.
ທ່ານ ພັນຕີ ວົງສັກ ຊາວຊົວຢາງ ຫົວໜ້າພະແນກກວດກາກອງບັນຊາການທະ ຫານ ແຂວງຫົວພັນ, ເຜົ່າມົ້ງ.
ທ່ານ ນາງ ມີສອນ ທອງໄຊສີ ຜູ້ປະຈຳການຄະນະສະມາຊິກສະພາແຫ່ງ ຊາດ ເຂດເລືອກຕັ້ງທີ8ແຂວງຫົວພັນ,ສະມາຊິກສະພາແຫ່ງຊາດ ຊຸດທີ VI,ເຜົ່າໄຕ.
ທ່ານ ພອນສານ ວິໄລເມັ້ງ ຫົວໜ້າພະແນກອຸດສາຫະກຳແລະການຄ້າ ແຂວງຫົວພັນ, ເຜົ່າອິວມຽນ.
ທ່ານ ນາງ ໝັ້ນ ເພັງຄະຕິຍະ ຮອງເລຂາຄະນະພັກເມືອງ, ຮອງເຈົ້າເມືອງໆ ຊຳເໜືອ ແຂວງຫົວພັນ, ເຜົ່າລາວ.
ທ່ານ ນາງ ພວງວອນ ລັດຕະນະສຸກ ຮອງອຳນວຍການໂຮງໝໍແຂວງຫົວພັນ, ເຜົ່າລາວ.

v ເຂດເລືອກຕັ້ງທີ 9: ແຂວງຊຽງຂວາງ.
(ຈຳນວນຜູ້ສະໝັກຮັບເລືອກຕັ້ງ 9 ທ່ານ ເລືອກເອົາ 6 ທ່ານ)

ທ່ານ ນາງ ບຸນເພັງ ມູນໂພໄຊ ກຳມະການສູນກາງພັກ, ຮອງຫົວໜ້າຄະນະຈັດຕັ້ງສູນກາງພັກ, ເລຂາຄະນະພັກທະບວງການປົກຄອງ, ລັດຖະມົນຕີປະຈຳສຳນັກງານນາຍົກລັດຖະມົນຕີ, ຫົວໜ້າທະບວງການປົກຄອງ ແລະ ຄຸ້ມຄອງ ລັດຖະກອນ,ເຜົ່າລາວ.
ທ່ານ ບຸນຕົ້ນ ຈັນທະພອນ ກຳມະການປະຈຳພັກແຂວງ, ປະທານແນວລາວ ສ້າງ ຊາດແຂວງຊຽງຂວາງ, ເຜົ່າລາວ.
ທ່ານ ນາງ ບົວສີ ນາຖາວົງ ກຳມະການພັກແຂວງ, ກຳມະການຄະນະບໍລິຫານງານສູນກາງສະຫະພັນແມ່ຍິງລາວ, ປະທານສະຫະພັນແມ່ຍິງ ແຂວງຊຽງຂວາງ, ເຜົ່າລາວ.
ທ່ານ ສົມວັນດີ ສີສຸພັນ ຫົວໜ້າຫ້ອງວ່າການສະພາແຫ່ງຊາດ ເຂດເລືອກ ຕັ້ງທີ 9 ແຂວງຊຽງຂວາງ, ເຜົ່າລາວ.
ທ່ານ ນາງ ແສງຄຳ ຊົ່ງຊະນະ ຮອງຫົວໜ້າພະແນກທ່ອງທ່ຽວແຂວງຊຽງຂວາງ, ເຜົ່າມົ້ງ.
ທ່ານ ພັນໂທ ຄຳຫລ້າ ຈັນດາລາ ຮອງຫົວໜ້າການເມືອງກອງບັນຊາການທະຫານແຂວງ ຊຽງຂວາງ, ເຜົ່າລາວ.
ທ່ານ ດຣ.ວິນຍານ ເຈິ້ຢ່າໄຊຈູ ຮອງຫົວໜ້າພະແນກສາທາລະນະສຸກແຂວງຊຽງຂວາງ, ເຜົ່າມົ້ງ.
ທ່ານ ສີວອນ ອ່ອນລາວົງ ຮອງຫົວໜ້າຂະແໜງການຄ້າພາຍໃນ ຂອງພະແນກອຸດສາຫະກຳ-ການຄ້າແຂວງຊຽງຂວາງ,ເຜົ່າກຶມມຸ.
ທ່ານ ວິໄລສຸກ ພິມມະສອນ ອຳນວຍການບໍລິສັດຂາເຂົ້າ-ຂາອອກເຄື່ອງໄອທີ ທີ່ປຶກສາທາງດ້ານເສດຖະກິດ, ວັດທະນະທຳ-ສັງຄົມ ແຂວງຊຽງຂວາງ, ເຜົ່າລາວ.

v ເຂດເລືອກຕັ້ງທີ 10: ແຂວງວຽງຈັນ.
(ຈຳນວນຜູ້ສະໝັກຮັບເລືອກຕັ້ງ 13 ທ່ານ ເລືອກເອົາ 9 ທ່ານ)

ທ່ານ ດວງດີ ອຸດທະຈັກ ປະທານກຳມາທິການວັດທະນະທຳ-ສັງຄົມ ສະພາແຫ່ງຊາດ, ເລຂາໜ່ວຍພັກ, ສະມາຊິກສະພາແຫ່ງຊາດຊຸດທີ VI, ເຜົ່າລາວ.
ທ່ານ ບຸນເພັງ ສາຍນໍລະດີ ກຳມະການປະຈຳພັກແຂວງ, ຫົວໜ້າຄະນະຈັດຕັ້ງ ແຂວງວຽງຈັນ, ເຜົ່າລາວ.
ທ່ານ ລີຕູ້ ບົວປາວ ກຳມະການປະຈຳພັກກະຊວງ, ລັດຖະມົນຕີຊ່ວຍ ວ່າການກະຊວງສຶກສາທິການ, ເຜົ່າມົ້ງ.
ທ່ານຮສຈ.ດຣ. ສົມອົກ ກິ່ງສະດາ ຮອງເລຂາຄະນະພັກຮາກຖານ, ອະທິການບໍດີມະຫາວິທະຍາໄລວິທະຍາສາດສຸຂະພາບ, ສະມາຊິກສະພາແຫ່ງຊາດຊຸດທີ VI, ເຜົ່າລາວ.
ທ່ານ ສົມດີ ແກ້ວດາລາວິນ ກຳມະການພັກແຂວງ, ເຈົ້າເມືອງໆເຟືອງ ແຂວງວຽງ ຈັນ, ສະມາຊິກສະພາແຫ່ງຊາດຊຸດທີ VI, ເຜົ່າກຶມມຸ.
ທ່ານ ພັນເອກ ອ່ອນສີ ແສນສຸກ ຮອງຫົວໜ້າຫ້ອງວ່າການກະຊວງປ້ອງກັນປະເທດ, ເຜົ່າຜູ້ນ້ອຍ.
ທ່ານ ນາງ ຈັນທະບູນ ໂພສະລາດ ກຳມະການພັກແຂວງ, ກຳມະການຄະນະບໍລິຫານງານສູນກາງສະຫະພັນແມ່ຍິງລາວ, ປະທານສະຫະພັນແມ່ຍິງແຂວງວຽງຈັນ, ເຜົ່າລາວ.
ທ່ານ ຄຳແດງ ສີລາວົງ ເລຂາໜ່ວຍພັກ, ຫົວໜ້າຫ້ອງວ່າການສະພາແຫ່ງ ຊາດເຂດເລືອກຕັ້ງທີ 10 ແຂວງວຽງຈັນ, ເຜົ່າລາວ.
ທ່ານ ນາງ ບົວວັນ ທຳມະວົງ ກຳມະການປະຈຳພັກເມືອງ, ຮອງເຈົ້າເມືອງໆ ແກ້ວອຸດົມແຂວງວຽງຈັນ, ເຜົ່າພວນ.
ທ່ານ ວິນັດ ສີສຸວົງ ກຳມະການພັກແຂວງ, ຫົວໜ້າພະແນກຍຸຕິທຳ ແຂວງວຽງຈັນ, ເຜົ່າລາວ.
ທ່ານ ເພັດສະໄໝ ວົງຄຳມູນຕີ ຫົວໜ້າພະແນກກະສິກຳ-ປ່າໄມ້ແຂວງ ວຽງຈັນ, ເຜົ່າລາວ
ທ່ານ ພັນໂທ ຄຳເຄນ ອູດຕະມາ ກຳມະການປະຈຳພັກກອງບັນຊາການ, ຮອງ ຫົວໜ້າກອງບັນຊາການທະຫານແຂວງວຽງຈັນ , ເຜົ່າລາວ.
ທ່ານ ນາງ ຄຳແວ່ນ ອ່ອນປະດິດ ເລຂາໜ່ວຍພັກ, ຫົວໜ້າພະແນກວິທະຍາສາດ-ເຕັກໂນໂລຊີແຂວງວຽງຈັນ, ເຜົ່າລາວ.

v ເຂດເລືອກຕັ້ງທີ 11: ແຂວງບໍລິຄຳໄຊ.
(ຈຳນວນຜູ້ສະໝັກຮັບເລືອກຕັ້ງ 9 ທ່ານ ເລືອກເອົາ 6 ທ່ານ)

ທ່ານ ບຸນມາ ບຸຈະເລີນ ກຳມະການປະຈຳພັກແຂວງ, ຫົວໜ້າພະແນກ ແຜນການ ແລະ ການລົງທຶນແຂວງບໍລິຄຳໄຊ, ເຜົ່າລາວ.
ທ່ານ ນາງ ບົວພັນ ລີໄກຢາ ສະມາຊິກສະພາແຫ່ງຊາດຊຸດທີ VI, ເຜົ່າມົ້ງ.
ທ່ານ ບຸນເສັງ ປະທຳມະວົງ ກຳມະການພັກແຂວງ,ຫົວໜ້າ ພະແນກກະສິກຳ -ປ່າໄມ້ ແຂວງບໍລິຄຳໄຊ, ເຜົ່າລາວ.
ທ່ານ ພັນເອກ ຈວງຈັນ ລາດຊະວົງ ກຳມະການພັກແຂວງ, ຫົວໜ້າການເມືອງກອງ ບັນຊາການທະຫານແຂວງບໍລິຄຳໄຊ, ສະມາຊິກສະພາແຫ່ງ ຊາດຊຸດທີ VI, ເຜົ່າລາວ.
ທ່ານ ປາວຊົງ ເຊັຍຕູ້ຢົງຮົ່ວ ຮອງປະທານແນວລາວສ້າງຊາດແຂວງບໍລິຄຳໄຊ, ເຜົ່າມົ້ງ.
ທ່ານ ນາງ ມາລີສາ ອາໄພລາດ ຮອງປະທານສະຫະພັນແມ່ຍິງແຂວງບໍລິຄຳໄຊ, ເຜົ່າລາວ.
ທ່ານ ສົມເພັດ ຄຳມະນີ ຮອງເລຂາພັກເມືອງ, ຮອງເຈົ້າເມືອງໆຄຳເກີດ ແຂວງ ບໍລິຄຳໄຊ, ເຜົ່າກຶມມຸ.
ທ່ານ ນາງ ສີໄຄ ສີປະເສີດ ຮອງຫົວໜ້າຫ້ອງວ່າການປົກຄອງແຂວງບໍລິຄຳໄຊ, ເຜົ່າລາວ.
ທ່ານ ໃສຄຳ ທອງລັດ ຫົວໜ້າພະແນກພະລັງງານແລະ ບໍ່ແຮ່ແຂວງບໍລິຄຳໄຊ, ເຜົ່າລາວ.

v ເຂດເລືອກຕັ້ງທີ 12: ແຂວງຄຳມ່ວນ.
(ຈຳນວນຜູ້ສະໝັກຮັບເລືອກຕັ້ງ 10 ທ່ານ ເລືອກເອົາ 7 ທ່ານ)

ທ່ານ ນາງ ສູນທອນ ໄຊຍະຈັກ ກຳມະການປະຈຳພັກ, ຮອງຫົວໜ້າຄະນະພົວພັນຕ່າງປະເທດສູນກາງພັກ, ເລຂາຄະນະພັກຮາກຖານ, ເອກອັກຄະລັດຖະທູດລາວປະຈຳ ສສ. ຫວຽດນາມ, ເຜົ່າລາວ
ທ່ານ ດຣ.ບຸນຍົງ ຄິນສະໜອນ ກຳມະການປະຈຳພັກແຂວງ, ປະທານແນວ ລາວສ້າງຊາດແຂວງຄຳມ່ວນ, ສະມາຊິກສະພາແຫ່ງຊາດຊຸດທີ VI, ເຜົ່າໄຕ.
ທ່ານ ພົນຈັດຕະວາ ຄຳຜາງ ກອງຈັນແສງ ກຳມະການຄະນະພັກກົມໃຫຍ່ການເມືອງກອງ ທັບ,ຮອງປະທານສານປະຊາຊົນສູງສຸດ, ຫົວໜ້າສານ ທະຫານຂັ້ນສູງ, ເຜົ່າລາວ.
ທ່ານ ແສງທອງ ພະຄຸນທອງ ກຳມະການພັກແຂວງ, ຫົວໜ້າພະແນກແຮງງານ-ສະຫວັດດີການສັງຄົມແຂວງຄຳມ່ວນ, ເຜົ່າລາວ.
ທ່ານ ອິນທະຫວາ ມູນດາລາ ເລຂາໜ່ວຍພັກ, ຜູ້ປະຈຳການຄະນະສະມາຊິກສະພາແຫ່ງເຂດເລືອກຕັ້ງທີ12ແຂວງຄຳມ່ວນ, ສະມາຊິກ ສະພາແຫ່ງຊາດຊຸດທີ VI, ເຜົ່າກະເລີງ.
ທ່ານ ນາງ ວຽງມະນີ ຈັນທະນະສິນ ຮອງເລຂາໜ່ວຍພັກ, ຮອງປະທານສະຫະພັນ ແມ່ຍິງ ແຂວງຄຳມ່ວນ, ເຜົ່າລາວ.
ທ່ານ ບຸນປັນ ດວງລາຕີ ຮອງອຳນວຍການໄຟຟ້າລາວສາຂາແຂວງ ຄຳມ່ວນ, ເຜົ່າແຊກ.
ທ່ານ ດຣ. ເກດສະໜາ ລັດຖະຈັກ ຮອງເລຂາຄະນະພັກຮາກຖານ, ຫົວໜ້າພະແນກ ສາທາລະນະສຸກແຂວງຄຳມ່ວນ, ເຜົ່າໄຕ.
ທ່ານ ພັນໂທ ທິບພະຈັນ ໂພໄຊ ກຳມະການພັກກອງບັນຊາການ, ຮອງກອງ ບັນຊາການ ປ້ອງກັນຄວາມສະຫງົບແຂວງຄຳມ່ວນ, ເຜົ່າລາວ.
ທ່ານ ນາງ ວົງພະຈັນ ສີບຸນເຮືອງ ຮອງເລຂາໜ່ວຍພັກ, ຮອງເລຂາຄະນະບໍລິຫານງານຊາວໜຸ່ມແຂວງຄຳມ່ວນ, ເຜົ່າຜູ້ໄທ.

v ເຂດເລືອກຕັ້ງທີ 13: ແຂວງສະຫວັນນະເຂດ.
(ຈຳນວນຜູ້ສະໝັກຮັບເລືອກຕັ້ງ 25 ທ່ານ ເລືອກເອົາ 17 ທ່ານ)

ທ່ານ ດຣ. ໄຊສົມພອນ ພົມວິຫານ ກຳມະການສູນກາງພັກ, ເລຂາຄະນະພັກສະພາແຫ່ງຊາດ, ຮອງປະທານສະພາແຫ່ງຊາດ, ປະທານກຳມາທິການການຕ່າງປະເທດສະພາແຫ່ງຊາດ, ສະມາຊິກສະພາແຫ່ງຊາດຊຸດທີ VI, ເຜົ່າລາວ.
ທ່ານ ຫວັນຄຳ ອິນທະຈັກ ກຳມະການປະຈຳພັກແຂວງ, ປະທານແນວລາວສ້າງຊາດແຂວງສະຫວັນນະເຂດ, ສະມາຊິກສະພາແຫ່ງຊາດຊຸດທີ VI, ເຜົ່າຜູ້ໄທ.
ທ່ານ ດຣ.ສົມພູ ດວງສະຫວັນ ຮອງປະທານກຳມາທິການວັດທະນາທຳ-ສັງຄົມ ສະພາແຫ່ງຊາດ, ສະມາຊິກສະພາແຫ່ງຊາດ ຊຸດທີ VI, ເຜົ່າລາວ.
ທ່ານ ສີມູນ ອຸ່ນລາສີ ຮອງປະທານສູນກາງສະຫະພັນກຳມະບານລາວ, ເຜົ່າລາວ.
ທ່ານ ສົມເພັດ ອິນທະທິລາດ ກຳມະການພັກແຂວງ, ເລຂາພັກເມືອງ, ເຈົ້າເມືອງໆພິນແຂວງສະຫວັນນະເຂດ, ສະມາຊິກສະພາແຫ່ງຊາດ ຊຸດທີ VI, ເຜົ່າມັງກອງ.
ທ່ານ ບຸນຈັນ ສິນທະວົງ ລັດຖະມົນຕີຊ່ວຍວ່າການກະຊວງໂຍທາທິການ ແລະ ຂົນສົ່ງ, ເຜົ່າລາວ.
ທ່ານ ນາງ ບຸນເຍື້ອນ ທິດພຸດທະວົງ ກຳມະການພັກແຂວງ, ກຳມະການຄະນະບໍລິຫານງານສູນກາງສະຫະພັນແມ່ຍິງລາວ, ປະທານສະຫະພັນແມ່ຍິງ ແຂວງສະຫວັນນະເຂດ, ສະມາຊິກສະພາແຫ່ງຊາດ ຊຸດທີ VI, ເຜົ່າຜູ້ໄທ..
ທ່ານ ດຣ.ສອນທະນູ ທຳມະວົງ ກຳມະການຄະນະພັກສູນກາງຊາວໜຸ່ມ, ເລຂາ ທິການ ສູນກາງຊາວໜຸ່ມປະຊາຊົນປະຕິວັດລາວ, ເຜົ່າລາວ.
ທ່ານ ບຸນເຕັມ ຊວງສາຍາວົງ ຜູ້ປະຈຳການຄະນະສະມາຊິກສະພາແຫ່ງຊາດ ເຂດເລືອກຕັ້ງທີ 13 ແຂວງສະຫວັນນະເຂດ, ສະມາຊິກສະພາແຫ່ງຊາດ ຊຸດທີ VI, ເຜົ່າມັງກອງ.
ທ່ານ ພົງສະເໜ່ ຍຸຕິທຳ ຮອງປະທານກຳມາທິການບັນດາເຜົ່າສະພາແຫ່ງຊາດ, ສະມາຊິກສະພາແຫ່ງຊາດຊຸດທີ VI, ເຜົ່າລາວ.
ທ່ານ ຄຳພັນ ຄູນສັກສີ ຮອງເລຂາພັກເມືອງ, ປະທານແນວ ລາວສ້າງ ຊາດເມືອງໄຊບູລີແຂວງສະຫວັນນະເຂດ ,ເຜົ່າຊ່ວຍ.
ທ່ານ ບຸນປອນ ສີສຸລາດ ຫົວໜ້າກົມປະເມີນຜົນ, ກຳມະການຄະນະບໍລິຫານງານສູນກາງສະຫະພັນກຳມະບານລາວ, ປະທານກຳມະບານກະຊວງ ແຜນການ ແລະ ການລົງທຶນ, ສະມາຊິກສະພາແຫ່ງຊາດ ຊຸດທີ VI, ເຜົ່າລາວ.
ທ່ານ ບຸນຍົງ ໄຊປັນຍາ ກຳມະການພັກແຂວງ, ຫົວພະແນກຖະແຫລງຂ່າວ-ວັດທະນະທຳແຂວງສະຫວັນນະເຂດ, ສະມາຊິກສະພາແຫ່ງຊາດຊຸດທີ VI, ເຜົ່າຜູ້ໄທ.
ທ່ານ ຄຳມະນີ ອິນທິລາດ ກຳມະການປະຈຳພັກກະຊວງພະລັງງານ ແລະ ບໍ່ແຮ່, ຜູ້ອຳນວຍການລັດວິສາຫະກິດໄຟຟ້າລາວ, ສະມາຊິກສະພາແຫ່ງ ຊາດຊຸດທີ VI, ເຜົ່າລາວ.
ທ່ານ ນາງ ທັດສະດາພອນ ແສງສຸລິຍາ ຮອງຫົວໜ້າກົມກວດສອບລັດວິສາຫະກິດອົງການ ກວດສອບແຫ່ງລັດ, ສະມາຊິກສະພາແຫ່ງຊາດ ຊຸດ ທີ VI, ເຜົ່າລາວ.
ທ່ານ ສີທົນ ນັນທະລາດ ກຳມະການພັກແຂວງ,ຫົວໜ້າພະແນກ ແຜນການ-ການລົງທຶນແຂວງສະຫວັນນະເຂດ, ເຜົ່າລາວ.
ທ່ານ ນາງ ກິ່ງຄຳວົງ ເສີຍທອງຈັນ ຫົວໜ້າຫ້ອງການຄະນະກຳມະການສົ່ງເສີມ ຄວາມກ້າວໜ້າຂອງແມ່ຍິງແຂວງສະຫວັນນະເຂດ, ເຜົ່າລາວ.
ທ່ານ ພັນໂທ ສົມພອນ ສຸດທິສົມບັດ ຮອງປະທານສະຫະພັນນັກຮົບເກົ່າແຂວງສະຫວັນນະເຂດ, ເຜົ່າລາວ.
ທ່ານ ນາງ ພິມພອນ ຈັນທະວົງ ຮອງເລຂາພັກເມືອງ, ຮອງເຈົ້າເມືອງໆເຊໂປນ, ເຜົ່າລາວ.
ທ່ານ ຮສຈ.ດຣ. ບຸນປົງ ແກ້ວໂຣດົມ ວ່າການອະທິການບໍດີມະຫາວິທະຍາໄລສະຫວັນນະເຂດ, ເຜົ່າຜູ້ໄທ.
ທ່ານ ດຣ.ນາງ ຄຳເຫວີຍ ທຳມະຂັນ ຮອງຫົວໜ້າຂະແໜງອາຫານ ແລະ ຢາພະແນກ ສາທາລະນະສຸກແຂວງສະຫວັນນະເຂດ, ເຜົ່າຜູ້ໄທ.
ທ່ານ ພັນໂທ ສົມຈິດ ກິດຕິຍະລາດ ກຳມະການຄະນະພັກກອງພົນ, ຮອງຫົວໜ້າຫ້ອງການເມືອງກອງພົນທີ 4 , ເຜົ່າລາວ.
ທ່ານ ສຸກສະຫວັນ ໄຊສົມບັດ ອຳນວຍການວິທະຍາໄລໄຊສົມບັດການຊ່າງ ແຂວງ ສະຫວັນນະເຂດ, ເຜົ່າຜູ້ໄທ.
ທ່ານ ນາງ ສົງບັນດິດ ຍົດໝັ້ນຄົງ ອຳນວຍການບໍລິສັດທົ່ງລະຫາສິນ, ເຜົ່າຜູ້ໄທ.
ທ່ານ ບຸນຍົງ ຈັນນີຍະວົງ ຮອງຫົວໜ້າພະແນກສຶກສາແຂວງສະຫວັນນະເຂດ, ເຜົ່າຜູ້ໄທ.

v ເຂດເລືອກຕັ້ງທີ 14: ແຂວງສາລະວັນ.
(ຈຳນວນຜູ້ສະໝັກຮັບເລືອກຕັ້ງ 10 ທ່ານ ເລືອກເອົາ 7 ທ່ານ)

ທ່ານ ສຈ. ດາວອນ ຫວ່າງວິຈິດ ວ່າການປະທານກຳມາທິການກົດໝາຍ ສະພາແຫ່ງຊາດ, ສະມາຊິກສະພາແຫ່ງຊາດຊຸດທີVI, ເຜົ່າລາວ.
ທ່ານ ບຸນທຽມ ພົມມະສະຖິດ ກຳມະການປະຈຳພັກແຂວງ, ປະທານກວດກາ ແຂວງ ສາລະວັນ, ເຜົ່າລາວ.
ທ່ານນາງ ສວນສະຫວັນ ວິຍະເກດ ຮອງຫົວໜ້າກົມການຕ່າງປະເທດສະພາແຫ່ງ ຊາດ, ກຳມະການຄະນະບໍລິຫານງານສູນກາງ ສະຫະພັນແມ່ຍິງລາວ, ປະທານສະຫະພັນແມ່ຍິງ ສະພາແຫ່ງ ຊາດ, ເຜົ່າລາວ.
ທ່ານ ນາງ ມະນີຊົງ ລືສີສະໝຸດ ກຳມະການພັກແຂວງ, ຜູ້ປະຈຳການຄະນະສະມາຊິກສະພາແຫ່ງຊາດ ເຂດເລືອກຕັ້ງທີ14 ແຂວງ ສາລະວັນ, ສະມາຊິກສະພາແຫ່ງຊາດຊຸດທີ VI, ເຜົ່າລາວ.
ທ່ານ ແຫວນເພັດ ລັດດາວົງ ຫົວໜ້າໄອຍະການປະຊາຊົນແຂວງສາລະວັນ ,ສະມາຊິກສະພາແຫ່ງຊາດຊຸດທີ VI, ເຜົ່າລາວ.
ທ່ານ ສົມໃຈ ອຸ່ນຈິດ ຫົວໜ້າອົງການຄຸ້ມຄອງທີ່ດິນແຂວງສາລະວັນ, ເຜົ່າລາວ
ທ່ານ ຂັນໄຊ ລັດຖະເຮົ້າ ຫົວໜ້າພະແນກພົວພັນຕ່າງປະເທດ ແຂວງສາລະວັນ, ເຜົ່າລາວ.
ທ່ານ ພົງໄຊທະບຸນສຸກ ຮອງຫົວໜ້າຫ້ອງວ່າການປົກຄອງແຂວງສາລະວັນ, ເຜົ່າລື້.
ທ່ານ ສີສຸດອນ ອັງຄະໄລ ຫົວໜ້າຫ້ອງວ່າການສະພາແຫ່ງຊາດ ເຂດເລືອກ ຕັ້ງທີ 14 ແຂວງສາລະວັນ, ເຜົ່າລາວ.
ທ່ານ ໜູຕຽມ ຄຳປະເສີດ ເລຂາຄະນະບໍລິຫານງານຊາວໜຸ່ມແຂວງສາລະວັນ, ເຜົ່າລາວ.

v ເຂດເລືອກຕັ້ງທີ 15: ແຂວງຈຳປາສັກ.
(ຈຳນວນຜູ້ສະໝັກຮັບເລືອກຕັ້ງ 17 ທ່ານ ເລືອກເອົາ 12 ທ່ານ)

ທ່ານ ດຣ. ພັນດວງຈິດ ວົງສາ ກຳມະການສູນກາງພັກ,ເລຂາຄະນະພັກ, ຫົວໜ້າຄະນະໂຄສະນາອົບຮົມສູນກາງພັກ, ສະມາຊິກ ສະພາແຫ່ງ ຊາດຊຸດທີ VI, ເຜົ່າລາວ.
ທ່ານ ເມກສະຫວັນ ພົມພິທັກ ກຳມະການປະຈຳພັກແຂວງ, ຫົວໜ້າຄະນະຈັດ ຕັ້ງແຂວງຈຳປາສັກ,ສະມາຊິກສະພາແຫ່ງ ຊາດ ຊຸດທີ VI, ເຜົ່າລາວ.
ທ່ານ ສຈ.ດຣ. ພອນເທບ ພົນເສນາ ຮອງປະທານກຳມາທິການວັດທະນາທຳ-ສັງຄົມ ສະພາແຫ່ງຊາດ,ສະມາຊິກສະພາແຫ່ງຊາດ ຊຸດທີ VI, ເຜົ່າລາວ.
ທ່ານ ບົວລິນ ວົງພະຈັນ ກຳມະການພັກແຂວງ,ຫົວໜ້າພະແນກສຶກສາ ແຂວງຈຳປາສັກ, ເຜົ່າລາວ.
ທ່ານ ກິສິນ ສິນພັນງາມ ຮອງເລຂາຄະນະພັກກະຊວງ, ລັດຖະມົນຕີຊ່ວຍວ່າການກະຊວງຍຸຕິທຳ, ສະມາຊິກສະພາແຫ່ງ ຊາດຊຸດທີ VI, ເຜົ່າລາວ.
ທ່ານ ບຸນທຽນ ທອງແກ້ວ ຫົວໜ້າດ່ານສາກົນໜອງນົກຂຽນ, ເຜົ່າລາວ.
ທ່ານ ສິງເພັດ ບຸນສະຫວັດທິພັນ ກຳມະການຄະນະພັກ, ກຳມະການຄະນະກຳມະການ ກວດກາສູນກາງ, ເຜົ່າລາວ.
ທ່ານ ນາງ ປິ່ງຄຳ ລາຊະສີມາ ກຳມະການຄະນະພັກ,ຫົວໜ້າຫ້ອງການ ກະຊວງກະສິກຳ-ປ່າ ໄມ້, ເຜົ່າລາວ.
ທ່ານ ວັນນະລາ ສຸດທິຈັກ ຫົວໜ້າຫ້ອງວ່າການສະພາແຫ່ງຊາດເຂດ ເລືອກ ຕັ້ງທີ 15 ແຂວງຈຳປາສັກ, ເຜົ່າລາວ.
ທ່ານ ພັນໂທ ສີວັນ ອຸດທະຈັກ ກຳມະການຄະນະພັກ, ຮອງປະທານສະຫະພັນນັກຮົບເກົ່າແຫ່ງຊາດລາວ, ເຜົ່າລາວ.
ທ່ານ ນາງ ວາດສະໜາ ສິລິມາ ຮອງປະທານສະຫະພັນແມ່ຍິງແຂວງຈຳປາສັກ, ເຜົ່າລາວ.
ທ່ານ ອຸດອນ ສິງສຸວົງ ຜູ້ອຳນວຍການໂຮງງານບໍລິສັດເບຍລາວ ສາຂາປາກເຊ, ເຜົ່າລາວ.
ທ່ານ ວິຈິດ ແກ້ວບົວພາ ກຳມະການປະຈຳພັກເມືອງ,ຫົວໜ້າຄະນະໂຄສະນາອົບຮົມເມືອງປາກຊ່ອງ, ເຜົ່າຢາຣຸ.
ທ່ານ ຄຳສິງ ສີທະນົງສັກ ຮອງຫົວໜ້າພະແນກຍຸຕິທຳແຂວງຈຳປາສັກ, ເຜົ່າລາວ
ທ່ານ ຄຳແພງ ສີອາລຸນ ຮອງຫົວໜ້າຫ້ອງວ່າການສະພາແຫ່ງຊາດເຂດ ເລືອກ ຕັ້ງທີ 15 ແຂວງຈຳປາສັກ, ເຜົ່າລາວ.
ທ່ານ ນາງ ອໍລະດີ ຈັນທະວົງ ຫົວໜ້າໜ່ວຍງານພົວພັນຕ່າງປະເທດ, ວິທະຍາໄລການເງິນພາກໃຕ້, ເຜົ່າລາວ.
ທ່ານ ທອງຈັນ ພັນທະລາແສງ ຮອງຫົວໜ້າຫ້ອງວ່າການປົກຄອງແຂວງ ຈຳປາສັກ, ເຜົ່າລາວ.

v ເຂດເລືອກຕັ້ງທີ 16: ແຂວງເຊກອງ.
(ຈຳນວນຜູ້ສະໝັກຮັບເລືອກຕັ້ງ 7 ທ່ານ ເລືອກເອົາ 5 ທ່ານ)

ທ່ານ ຄຳແດງ ກົມມະດຳ ກຳມະການປະຈຳພັກແຂວງ, ປະທານແນວລາວ ສ້າງ ຊາດແຂວງເຊກອງ, ເຜົ່າຕະໂອ້ຍ.
ທ່ານ ນາງ ບຸນຂຳ ເຫງົ້າພະສິຣິ ຫົວໜ້າກົມກົດໝາຍ ສະພາແຫ່ງຊາດ, ເຜົ່າລາວ.
ທ່ານ ສົມສະໜຸກ ແກ້ວນິມິດ ຫົວໜ້າຫ້ອງວ່າການສະພາແຫ່ງຊາດເຂດເລືອກ ຕັ້ງທີ 16 ແຂວງເຊກອງ,ເຜົ່າລາວ.
ທ່ານ ສົມແປງ ເອີດລັດດາ ຮອງປະທານແນວລາວສ້າງຊາດແຂວງເຊກອງ, ເຜົ່າ ກະຕູ.
ທ່ານ ນາງ ໄຮມະນີ ວົງໜໍ່ແກ້ວ ຮອງປະທານສະຫະພັນແມ່ຍິງແຂວງເຊກອງ, ເຜົ່າກຣຽງ.
ທ່ານ ຄຳຊໍ ບຸດດາເພ ຫົວໜ້າຫ້ອງການກິລາແຂວງເຊກອງ, ເຜົ່າກຣຽງ.
ທ່ານ ນາງ ເພັດສະໝອນ ຄອນປະເສີດ ຮອງຫົວໜ້າພະແນກພະລັງງານ-ບໍ່ແຮ່ແຂວງເຊກອງ, ເຜົ່າລາວ.

v ເຂດເລືອກຕັ້ງທີ 17: ແຂວງອັດຕະປື.
(ຈຳນວນຜູ້ສະໝັກຮັບເລືອກຕັ້ງ 7 ທ່ານ ເລືອກເອົາ 5 ທ່ານ)

ທ່ານ ດຣ.ອ່ອນແກ້ວ ພົມມະກອນ ກຳມະການຄະນະພັກ, ຮອງ ຫົວໜ້າຄະນະຈັດຕັ້ງສູນກາງພັກ, ເຜົ່າລາວ.
ທ່ານ ບຸນໄຊ ຄຳມະນີວົງ ກຳມະການປະຈຳພັກແຂວງ, ປະທານແນວລາວສ້າງຊາດແຂວງອັດຕະປື,ເຜົ່າອາຣັກ
ທ່ານ ເພັດແກ້ວ ເຮືອງປັນຍາ ກຳມະການພັກແຂວງ,ຫົວໜ້າອຳນວຍການໂຮງ ຮຽນການເມືອງ-ການປົກຄອງແຂວງອັດຕະປື, ເຜົ່າລາວ.
ທ່ານ ພັນໂທ ໂຊກໄຊ ພິມມາລາ ກຳມະການພັກກອງບັນຊາການ, ຮອງຫົວໜ້າ ການເມືອງກອງບັນຊາການທະຫານແຂວງອັດຕະປື, ເຜົ່າລາວ.
ທ່ານ ນາງ ພອນມະນີ ຂຽນໄຊຍະວົງ ກຳມະການພັກເມືອງ, ປະທານສະຫະພັນແມ່ຍິງ ເມືອງ ສະໜາມໄຊ ແຂວງອັດຕະປື, ເຜົ່າໂອຍ.
ທ່ານ ບົວລະພັນ ວົງຊາລະຊິດ ຫົວໜ້າຫ້ອງວ່າການສະພາແຫ່ງຊາດເຂດເລືອກ ຕັ້ງທີ 17 ແຂວງອັດຕະປື, ເຜົ່າລາວ.
ທ່ານ ບຸນເສີດ ເສດທິລາດ ຮອງຫົວໜ້າພະແນກກະສິກຳ-ປ່າໄມ້ ແຂວງອັດຕະປື, ເຜົ່າເຈັງ.

II. ກ່ຽວກັບຄຸນລັກສະນະຂອງຜູ້ສະໝັກຮັບເລືອກຕັ້ງເປັນສະມາຊິກສະພາແຫ່ງຊາດຊຸດທີ VII ມີດັ່ງນີ້:
1./ ຈຳນວນຜູ້ສະໝັກ:
- ຜູ້ສະໝັກທັງໝົດມີ 190 ທ່ານ, ເພດຍິງ 47 ທ່ານ
- ຜູ້ສະໝັກຈາກສູນກາງມີ 47 ທ່ານ, ເພດຍິງ 12 ທ່ານ
- ຜູ້ສະໝັກທ້ອງຖິ່ນ 143 ທ່ານ , ເພດຍິງ 35 ທ່ານ
- ສສຊ ຊຸດທີ VI ສືບຕໍ່ສະໝັກ 45 ທ່ານ, ເພດຍິງ 11 ທ່ານ
- ລັດວິສາຫະກິດ 4 ທ່ານ, ເພດຍິງ 0 ທ່ານ.
- ວິສາຫະກິດເອກະຊົນ 5 ທ່ານ, ເພດຍິງ 1 ທ່ານ.

2./ ໂຄງປະກອບດ້ານເຜົ່າ:
- ໝວດພາສາລາວ-ໄຕ ມີ 140 ທ່ານ.
- ໝວດພາສາມອນ-ຂະແມ ມີ 28 ທ່ານ.
- ໝວດພາສາມົ້ງ-ອິວມຽນ ມີ 15 ທ່ານ.
- ໝວດພາສາຈີນ-ຕິເບດ ມີ 7 ທ່ານ.

3./ ໂຄງປະກອບດ້ານອາຍຸ:
- ອາຍຸ 45 ປີລົງມາ ມີ 26 ທ່ານ.
- ອາຍຸ 46 - 50 ປີ ມີ 42 ທ່ານ.
- ອາຍຸ 51 - 55 ປີ ມີ 58 ທ່ານ.
- ອາຍຸ 56 - 60 ປີ ມີ 43 ທ່ານ.
- ອາຍຸ 61 ປີຂື້ນໄປ ມີ 21 ທ່ານ.

4./ ໂຄງປະກອບດ້ານວິຊາສະເພາະ:
- ຊັ້ນຕົ້ນ ມີ 4 ທ່ານ.
- ຊັ້ນກາງ ມີ 18 ທ່ານ.
- ຊັ້ນສູງ ມີ 55 ທ່ານ.
- ປະລິນຍາຕີ ມີ 55 ທ່ານ.
- ປະລິນໂທ ມີ 36 ທ່ານ.
- ປະລິນຍາເອກ ມີ 22 ທ່ານ

5./ ລະດັບທິດສະດີ: ມີ 186 ທ່ານໄດ້ຜ່ານຮຽນທິດສະດີການເມືອງນັບແຕ່ຊັ້ນຕົ້ນຂື້ນໄປ.
6./ ພາກສ່ວນ ແລະ ວິຊາຊີບ :
- ຈາກຂົງເຂດພັກ ມີ 24 ທ່ານ.
- ຈາກຂົງເຂດເສດຖະກິດ ມີ 24 ທ່ານ.
- ຈາກຂົງເຂດວັດທະນະທຳ-ສັງຄົມ ມີ 21 ທ່ານ.
- ຈາກຂົງເຂດ ປກຊ-ປກສ ມີ 19 ທ່ານ. - ຈາກອົງການນິຕິບັນຍັດ ມີ 35 ທ່ານ.
- ຈາກອົງການແນວ ແລະ ອົງການມະຫາຊົນ ມີ 38 ທ່ານ.
- ຈາກຂົງເຂດປົກຄອງ ແລະ ຕຸລາການ ມີ 20 ທ່ານ.
- ຈາກລັດວິສາຫະກິດ ມີ 4 ທ່ານ.
- ຈາກວິສາຫະກິດເອກະຊົນ ມີ 5 ທ່ານ.
ດັ່ງນັ້ນ, ຄະນະກຳມະການເລືອກຕັ້ງລະດັບຊາດປະກາດແຈ້ງການກ່ຽວກັບລາຍຊື່ຜູ້ສະໝັກຮັບເລືອກຕັ້ງເປັນສະມາຊິກສະພາແຫ່ງຊາດ ຊຸດທີ VII ຢູ່ເຂດເລືອກ ຕັ້ງຕ່າງໆ ໃນຂອບເຂດທົ່ວປະເທດ.

ຄະນະກຳມະການເລືອກຕັ້ງລະດັບຊາດປະທານ

ລັດຖະດຳລັດ ວ່າດ້ວຍການປະກາດຈຳນວນຜູ້ສະໝັກ ຮັບເລືອກຕັ້ງ ແລະ ຈຳນວນສະມາຊິກ
ສະພາແຫ່ງຊາດ ຊຸດທີVII

*(ຂປລ): ອີງຕາມລັດຖະທຳມະນູນ ແຫ່ງ ສປປ ລາວ ຫມວດທີ VI ມາດຕາ 67,ວັນທີ 02 ແລະ ມາດຕາ 11 ຂອງກົດຫມາຍວ່າດ້ວຍການເລືອກຕັ້ງສະມາຊິກ ສະພາແຫ່ງຊາດ, ອີງຕາມມະຕິຕົກລົງຂອງຄະນະປະຈຳສະພາ ແຫ່ງຊາດ ວ່າດ້ວຍການກຳນົດຈຳນວນຜູ້ສະຫມັກຮັບເລືອກຕັ້ງ ແລະ ຈຳນວນສະມາຊິກສະພາ ແຫ່ງຊາດ ຊຸດທີ VII ໃນແຕ່ລະເຂດເລືອກຕັ້ງ, ສະບັບເລກທີ 15/ຄປຈ, ລົງວັນທີ 17 ກຸມພາ 2011, ອີງຕາມຫນັງສືສະເຫນີຂອງ ຄະນະປະຈຳສະພາແຫ່ງຊາດ ສະບັບເລກທີ 02/ຄປຈ ລົງວັນທີ 28 ກຸມ ພາ 2011. ທ່ານປະທານປະເທດ ແຫ່ງ ສປປ ລາວ ໄດ້ອອກລັດຖະດຳລັດສະບັບ ເລກ ທີ 021/ປປທ, ລົງວັນທີ 01/3/2011 ວ່າດ້ວຍການປະກາດ ຈຳນວນຂອງຜູ້ສະຫມັກຮັບເລືອກຕັ້ງ ແລະ ຈຳນວນສະມາຊິກສະພາແຫ່ງຊາດ ຊຸດທີ VII ດັ່ງນີ້:
ມາດຕາ 1: ປະກາດຈຳນວນຂອງຜູ້ສະຫມັກຮັບເລືອກຕັ້ງ ແລະ ຈຳນວນສະມາຊິກສະພາແຫ່ງຊາດ ຊຸດທີ VII ຢູ່ແຕ່ລະເຂດເລືອກຕັ້ງ ມີດັ່ງນີ້:

1. ເຂດ 01 ນະຄອນຫລວງວຽງຈັນ ຈຳນວນອອກສະຫມັກ 21 ທ່ານ ເລືອກເອົາ 15 ທ່ານ
2. ເຂດ 02 ແຂວງຜົ້ງສາລີ ຈຳນວນອອກສະຫມັກ 07 ທ່ານ ເລືອກເອົາ 05 ທ່ານ
3. ເຂດ 03 ແຂວງຫລວງນ້ຳທາ ຈຳນວນອອກສະຫມັກ 07 ທ່ານ ເລືອກເອົາ 05 ທານ
4. ເຂດ 04 ແຂວງອຸດົມໄຊ ຈຳນວນອອກສະຫມັກ 09 ທ່ານ ເລືອກເອົາ 06 ທ່ານ
5. ເຂດ 05 ແຂວງ ບໍ່ແກ້ວ ຈຳນວນອອກສະຫມັກ 07 ທ່ານ ເລືອກເອົາ 05 ທ່ານ
6. ເຂດ 06 ແຂວງຫລວງພະບາງ ຈຳນວນອອກສະຫມັກ 13 ທ່ານ ເລືອກເອົາ 09 ທ່ານ
7. ເຂດ 07 ແຂວງໄຊຍະບູລີ ຈຳນວນ ອອກສະຫມັກ 10 ທ່ານ ເລີອກເອົາ 07 ທ່ານ
8. ເຂດ08 ແຂວງຫົວພັນ ຈຳນວນ ອອກສະຫມັກ 09 ທານ ເລືອກເອົາ 06 ທ່ານ.
9. ເຂດ 09 ແຂວງຊຽງຂວາງ ຈຳນວນອອກສະຫມັກ 09 ທ່ານ ເລືອກເອົາ 06 ທ່ານ.
10. ເຂດ 10. ແຂວງວຽງຈັນ ຈຳນວນອອກສະຫມັກ 13 ທ່ານ ເລືອກເອົາ 09 ທ່ານ
11. ເຂດ 11 ແຂວງບໍລິຄຳໄຊ ຈຳນວນອອກສະຫມັກ 09 ທ່ານ ເລືອກເອົາ 06 ທ່ານ
12. ເຂດ 12 ແຂວງຄຳມ່ວນ ຈຳນວນອອກສະຫມັກ 10 ທ່ານ ເລືອກເອົາ 07 ທ່ານ
13. ເຂດ13 ແຂວງສະຫວັນນະເຂດ ຈຳນວນອອກສະຫມັກ 25 ທ່ານ ເລືອກເອົາ 17 ທ່ານ
14. ເຂດ 14 ແຂວງສາລະວັນ ຈຳນວນອອກສະຫມັກ 10 ທ່ານ ເລືອກເອົາ 07 ທ່ານ
15. ເຂດ 15 ແຂວງຈຳປາສັກ ຈຳນວນອອກສະຫມັກ 17 ທ່ານ ເລືອກເອົາ 12 ທ່ານ
16. ເຂດ 16 ແຂວງເຊກອງ ຈຳນວນອອກສະຫມັກ 07 ທ່ານ ເລືອກເອົາ 05 ທ່ານ
17. ເຂດ17 ແຂວງອັດຕະປື ຈຳນວນອອກສະຫມັກ 07 ທ່ານ ເລືອກເອົາ 05 ທ່ານ
ລວມ: 190 ທ່ານ ລວມ 132 ທ່ານ.

ຖະແຫລງຂ່າວກ່ຽວກັບການເລືອກຕັ້ງສະມາຊິກສະພາແຫ່ງຊາດຊຸດທີ VII

29/04/2011

ໃນຕອນເຊົ້າຂອງວັນທີ 29 ເມສາ 2011, ທ່ານ ໝູນແກ້ວ ອໍລະບູນ, ກຳມະການໃນຄະນະກຳມະການເລືອກຕັ້ງລະດັບຊາດໄດ້ຖະແຫລງຂ່າວ ຕໍ່ສື່ມວນຊົນພາຍໃນ ແລະ ຕ່າງປະເທດ ຊຶ່ງມີເນື້ອໃນດັ່ງນີ້: ມື້ນີ້, ຂ້າພະເຈົ້າ ຮູ້ສຶກເປັນກຽດ ແລະ ພາກພູມໃຈເປັນຢ່າງຍິ່ງທີ່ໄດ້ຮັບການມອບໝາຍ ຈາກຄະນະກຳມະການເລືອກຕັ້ງລະດັບຊາດ ມາພົບປະກັບບັນດາທ່ານ ເພື່ອແຈ້ງໃຫ້ຊາບກ່ຽວກັບການກະກຽມການເລືອກຕັ້ງສະມາຊິກສະພາແຫ່ງຊາດຊຸດທີ VII ຊຶ່ງຈະດຳເນີນການປ່ອນ ບັດເລືອກຕັ້ງໃນວັນທີ 30 ເມສາ 2011 ນີ້ .

ກ່ອນອື່ນ, ຂ້າພະເຈົ້າຂໍສະແດງຄວາມຊົມເຊີຍ ແລະ ຂອບໃຈຕໍ່ບັນດາທ່ານທີ່ໄດ້ໃຫ້ ຄວາມສຳຄັນ ແລະ ເຂົ້າຮ່ວມການຖະແຫລງຂ່າວໃນມື້ນີ້ .
ປະຕິບັດຕາມມາດຕາ 54 ຂອງລັດຖະທຳມະນູນຂອງ ສປປ ລາວ ແລະ ມາດຕາທີ່ກ່ຽວ ຂ້ອງກັບກົດໝາຍວ່າດ້ວຍການເລືອກຕັ້ງສະມາຊິກສະພາແຫ່ງຊາດ, ປະທານປະເທດແຫ່ງ ສປປ ລາວ ໄດ້ອອກລັດຖະດຳລັດສະບັບ ເລກທີ 295/ປປທ ປະກາດເອົາວັນເສົາ, ວັນທີ 30 ເມສາ 2011 ເປັນວັນເລືອກຕັ້ງສະມາຊິກສະພາແຫ່ງຊາດ ຊຸດທີ VII ແລະ ລັດຖະດຳລັດ ເລກທີ 296/ປປທ ວ່າດ້ວຍການປະກາດລາຍຊື່ຂອງຄະນະກຳມະການເລືອກຕັ້ງ ລະດັບຊາດ ເພື່ອຮັບໃຊ້ໃຫ້ແກ່ການເລືອກຕັ້ງສະມາຊິກສະພາແຫ່ງຊາດຊຸດທີ VII.

ນັບແຕ່ມື້ ໄດ້ຮັບການແຕ່ງຕັ້ງເປັນຕົ້ນມາ, ຄະນະກຳມະການເລືອກຕັ້ງລະດັບຊາດ ໄດ້ເລີ່ມຕົ້ນດຳເນີນການຈັດຕັ້ງ ແລະ ເຄື່ອນໄຫວວຽກງານຂອງຕົນ ເພື່ອຮັບໃຊ້ໃຫ້ແກ່ການເລືອກຕັ້ງຊຶ່ງກ່ອນອື່ນໝົດ ໄດ້ຈັດຕັ້ງການຝຶກອົບຮົບ ຫຼື ດຳເນີນຊີວິດການເມືອງໃນຂອບເຂດທົ່ວປະເທດແນ່ໃສ່ຍົກສູງຄວາມເຂົ້າໃຈ ແລະ ຄວາມເປັນເຈົ້າການໃຫ້ແກ່ຄະນະກຳມະການເລືອກຕັ້ງທຸກຊັ້ນ ກໍຄືປະຊາຊົນບັນດາເຜົ່າ ແລະ ໄດ້ດຳເນີນການທາບທາມຜູ້ສະໝັກເລືອກຕັ້ງ ເປັນສະມາຊິກສະພາແຫ່ງຊາດຊຸດທີ VII ຊຶ່ງລາຍລະອຽດຕ່າງໆ ມີດັ່ງນີ້:

1. ຈຳນວນຜູ້ສະໝັກຮັບເລືອກຕັ້ງ:

ຈຳນວນຜູ້ສະໝັກຮັບເລືອກຕັ້ງ ເປັນສະມາຊິກສະພາແຫ່ງຊາດຊຸດທີ VII ມີທັງໝົດ 190 ທ່ານ, ເພດຍິງ 46 ທ່ານ ແລະ ຈະເລືອກຕັ້ງເອົາ 132 ທ່ານຊຶ່ງໄດ້ເພີ່ມຂຶ້ນ ຈຳນວນ 17 ທ່ານ ຈາກ 115 ທ່ານໃນ ສະພາແຫ່ງຊາດຊຸດທີ VI. ໃນຈຳນວນ 190 ທ່ານ ທີ່ຮັບສະໝັກເລືອກ ຕັ້ງນີ້ມີຜູ້ສະໝັກຈາກສູນກາງ 47 ທ່ານ, ເພດຍິງ 12 ທ່ານ; ຜູ້ສະໝັກຈາກທ້ອງຖິ່ນ 143 ທ່ານ, ເພດຍິງ 34 ທ່ານ; ສະມາຊິກສະພາ ແຫ່ງຊາດຊຸດທີ VI ສືບຕໍ່ລົງສະໝັກ 45 ທ່ານ, ເພດຍິງ 11 ທ່ານ; ນັກທຸລະກິດຈາກລັດວິສາຫະກິດ 4 ທ່ານ, ບໍ່ມີເພດຍິງ; ນັກທຸລະກິດຈາກວິສາຫະກິດເອກະຊົນ 5 ທ່ານ, ເພດຍິງ 1 ທ່ານ.

2. ໂຄງປະກອບດ້ານເຜົ່າ:

ຜູ້ສະໝັກເລືອກຕັ້ງ ປະກອບມີບັນດາເຜົ່າທີ່ຈົດຕາມໝວດພາສາດັ່ງລຸ່ມນີ້:

- ໝວດພາສາລາວ-ໄຕ ມີ 140 ທ່ານ.
- ໝວດພາສາມອນ-ຂະແມ ມີ 28 ທ່ານ.
- ໝວດພາສາມົ້ງ-ອິວມຽນ ມີ 15 ທ່ານ.
- ໝວດພາສາຈີນ-ຕີເບດ ມີ 7 ທ່ານ.

3. ໂຄງປະກອບດ້ານອາຍຸ:

- ອາຍຸ 45 ປີລົງມາ ມີ 26 ທ່ານ.
- ອາຍຸ 46-50 ປີ ມີ 42 ທ່ານ.
- ອາຍຸ 51- 55 ປີ ມີ 58 ທ່ານ.
- ອາຍຸ 56- 60 ປີ ມີ 43 ທ່ານ.
- ອາຍຸ 61 ປີຂຶ້ນໄປ ມີ 21 ທ່ານ.

4. ໂຄງປະກອບດ້ານວິຊາສະເພາະ:

- ຈົບຊັ້ນຕົ້ນ ມີ 4 ທ່ານ.
- ຈົບຊັ້ນກາງ ມີ 18 ທ່ານ.
- ຈົບຊັ້ນສູງ ມີ 55 ທ່ານ.
- ຈົບປະລິນຍາຕີ ມີ 55 ທ່ານ.
- ຈົບປະລິນຍາໂທ ມີ 36 ທ່ານ.
- ຈົບປະລິນຍາເອກ ມີ 22 ທ່ານ.

5. ພາກສ່ວນ ແລະ ຂະແໜງການ:

- ຈາກອົງການຈັດຕັ້ງພັກ ມີ 24 ທ່ານ.
- ຈາກອົງການນິຕິບັນຍັດ ມີ 35 ທ່ານ.
- ຈາກອົງການແນວລາວຊາດ ແລະ ອົງການຈັດຕັ້ງມະຫາຊົນ ມີ 38 ທ່ານ
- ຈາກຂົງເຂດປົກຄອງ ແລະ ຕຸລາການ ມີ 20 ທ່ານ.
- ຈາກຂົງເຂດເສດຖະກິດ ມີ 24 ທ່ານ.
- ຈາກຂົງເຂດວັດທະນະທຳ - ສັງຄົມ ມີ 21 ທ່ານ.
- ຈາກຂົງເຂດປ້ອງກັນຊາດ-ປ້ອງກັນຄວາມສະຫງົບ ມີ 19 ທ່ານ.
- ຈາກຂົງເຂດລັດວິສາຫະກິດ ມີ 4 ທ່ານ
- ຈາກຂົງເຂດວິສາຫະກິດເອກະຊົນ ມີ 5 ທ່ານ.

ຂ້າພະເຈົ້າ ຂໍຖືໂອກາດນີ້ ແຈ້ງໃຫ້ບັນດາທ່ານຊາບວ່າມາຮອດມື້ນີ້, ການກະກຽມສຳລັບການເລືອກຕັ້ງສະມາຊິກສະພາແຫ່ງຊາດຊຸດທີ VII ໄດ້ດຳເນີນໄປຢ່າງເປັນປົກລະບົບ, ຕໍ່ເນື່ອງ ທັງມີຄວາມເປັນລະບຽບຮຽບຮ້ອຍດີຊຶ່ງ ປະກອບມີ 17 ເຂດເລືອກຕັ້ງ, ມີໝ່ວຍປ່ອນບັດ ເລືອກຕັ້ງທັງໝົດ 6.324 ໝ່ວຍ, ມີຜູ້ມີສິດປ່ອນບັດເລືອກຕັ້ງທັງໝົດ 3.267.210 ຄົນ, ເພດຍິງ 1.643.099 ຄົນ.

ຂ້າພະເຈົ້າ ຂໍຢືນຢັນວ່າ ວັນທີ 30 ເມສາ 2011, ປະຊາຊົນລາວບັນດາເຜົ່າທີ່ມີສິດເລືອກຕັ້ງໃນທົ່ວປະເທດ ແມ່ນມີຄວາມພ້ອມໃນການໄປປ່ອນບັດເລືອກຕັ້ງສະພາແຫ່ງຊາດຊຸດ ທີ VII ໄດ້ຕາມຄາດ ໝາຍທີ່ວາງໄວ້.

ການເລືອກຕັ້ງສະມາຊິກສະພາແຫ່ງຊາດຊຸດທີ VII ດຳເນີນໄປໃນບັນຍາກາດທີ່ປະຊາຊົນລາວທົ່ວປະເທດ ເລີ່ມຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງ IX ຂອງພັກປະຊາຊົນປະຕິວັດລາວ ເພື່ອສືບຕໍ່ບູລະນະພາລະກິດ ປ່ຽນແປງໃໝ່ ທັງເປັນການປະຕິບັດແຜນພັດທະນາເສດຖະກິດ-ສັງຄົມ 5 ປີ ຄັ້ງທີ VII, ເປັນການຍົກລະດັບປະຕິບັດສິດເປັນເຈົ້າປະເທດຊາດ ແລະ ເສີມຂະຫຍາຍປະຊາທິປະໄຕ ຂອງປະຊາຊົນບັນດາເຜົ່າຢ່າງກ້ວາງຂວາງ ຕື່ມອີກ.

ເປົ້າໝາຍສຳຄັນຂອງການເລືອກຕັ້ງສະມາຊິກສະພາແຫ່ງຊາດຊຸດທີ VII ນີ້ ແມ່ນປະຕິບັດຕາມອາຍຸການຂອງສະພາແຫ່ງຊາດທີ່ມີກຳນົດ 5 ປີຊຶ່ງເລີ່ມແຕ່ກອງປະຊຸມຄັ້ງປະຖົມມະລຶກຂອງສະພາແຫ່ງຊາດຊຸດທີ VI ປີ 2006 ຕາມທີ່ກຳນົດໄວ້ໃນມາດຕາ 5 ຂອງກົດໝາຍວ່າດ້ວຍສະພາແຫ່ງຊາດ ແລະ ທັງເປັນການປັບປຸງລະບົບອຳນາດແຫ່ງລັດ ແມ່ນການເພີ່ມທະວີຄວາມເຂັ້ມແຂງຂອງອົງການນຳພາແຫ່ງລັດ, ເພີ່ມທະວີການນຳພາຂອງພັກຕໍ່ ການຈັດຕັ້ງ ແລະ ການເຄື່ອນໄຫວຂອງອົງການລັດທຸກຂັ້ນ, ເຮັດໃຫ້ການເຄື່ອນໄຫວຂອງອົງການອຳນາດແຫ່ງລັດມີປະສິດທິພາບ, ມີຄວາມສັກສິດ ແລະ ຮັບປະກັນໃຫ້ອຳນາດແຫ່ງລັດ ເປັນລັດຂອງປະຊາຊົນ, ໂດຍປະຊາຊົນ ແລະ ເພື່ອ ຜົນປະໂຫຍດຂອງປະຊາຊົນຢ່າງແທ້ຈິງ.

ການເລືອກຕັ້ງສະມາຊິກສະພາແຫ່ງຊາດ ຊົງການອຳນາດແຫ່ງລັດ ມີປະສິດທິພາບ, ມີຄວາມສັກສິດ ແລະ ຮັບປະກັນໃຫ້ອຳນາດແຫ່ງລັດ ເປັນລັດຂອງປະຊາຊົນ, ໂດຍປະຊາຊົນ ແລະ ເພື່ອຜົນປະໂຫຍດຂອງປະຊາຊົນ ຢ່າງ ແທ້ຈິງ.

ການເລືອກຕັ້ງສະມາຊິກສະພາແຫ່ງຊາດຊຸດທີ VII ນີ້ ຈະດຳເນີນໄປເປັນຢ່າງດີບົນພື້ນ ຖານການເສີມຂະຫຍາຍປະຊາທິປະໄຕຂອງພົນລະເມືອງລາວໃນຂອບເຂດທົ່ວປະເທດ. ປະຊາຊົນທຸກຊັ້ນຄົນ ແລະ ປະຊາຊົນບັນດາເຜົ່າ ແມ່ນກຽມພ້ອມເຂົ້າຮ່ວມການປ່ອນບັນເລືອກຕັ້ງ ເອົາຜູ້ແທນຂອງຕົນດ້ວຍຄວາມຕື່ນຕົວ ແລະ ສະໝັກໃຈ. ຂ້າພະເຈົ້າມີຄວາມເຊື່ອໝັ້ນວ່າການເລືອກຕັ້ງຄັ້ງນີ້ ຈະດຳເນີນຢ່າງມີຜົນສຳເລັດອັນຈົບງາມ.

ໃນໂອກາດນີ້, ໃນນາມຄະນະກຳມະການການເລືອກຕັ້ງລະດັບຊາດ, ຂ້າພະເຈົ້າຂໍຮຽກຮ້ອງມາຍັງພໍ່ແມ່ປະຊາຊົນບັນດາເຜົ່າໃນທົ່ວປະເທດ, ໂດຍສະເພາະຜູ້ມີສິດເລືອກຕັ້ງທຸກຄົນ ໄດ້ເປັນເຈົ້າການ ແລະ ພ້ອມໃຈກັນອອກໄປ ໃຊ້ສິດເລືອກຕັ້ງ ຈະຈັດຂຶ້ນໃນວັນທີ 30 ເມສາ 2011 ນີ້, ພ້ອມກັນນັ້ນ ກໍຫວັງວ່າບັນດາທ່ານສື່ມວນຊົນທັງພາຍໃນ ແລະ ຕ່າງປະເທດ ຈະປະກອບສ່ວນນຳເອົາສະພາບຄວາມເປັນຈິງຂອງການເລືອກຕັ້ງຄັ້ງນີ້ ໄປໂຄສະນາ ເຜີຍແຜ່ໃຫ້ບັນດາປະເທດເພື່ອນມິດທັງຢູ່ໃກ້ ແລະ ໄກ ໄດ້ຮັບຊາບເພື່ອເພີ່ມທະວີຄວາມເຂົ້າໃຈຊຶ່ງກັນ ແລະ ກັນໃຫ້ດີຍິ່ງຂຶ້ນ.

ປະທານປະເທດ ປິຕິຊົມຊື່ນ ທີ່ເຫັນພໍ່ແມ່ປະຊາຊົນມາໃຊ້ສິດປ່ອນບັດເລືອກຕັ້ງ ສສຊ ຊຸດທີ VII

30/04/2011

*(ຂປລ): ທ່ານ ຈູມມາລີ ໄຊຍະສອນ, ເລຂາທິການໃຫຍ່ ຄະນະບໍລິຫານງານສູນກາງພັກ, ປະທານປະເທດ ແຫ່ງ ສປປ ລາວ ພ້ອມພັນລະຍາ ໄດ້ລົງປ່ອນບັດເລືອກຕັ້ງສະມາຊິກສະພາແຫ່ງ (ສສຊ) ຊຸດທີ VII ຢູ່ໜ່ວຍ ເລືອກຕັ້ງທີ 1 ບ້ານຈັນສະຫວ່າງ ເມືອງສີໂຄດຕະບອງ ນະຄອນຫລວງວຽງຈັນ ໂດຍການ ໃຫ້ກຽດຕ້ອນຮັບຂອງ ທ່ານ ສຸກັນ ມະຫາລາດ, ກຳມະການສູນກາງພັກ, ເລຂາທິການສູນກາງພັກ, ເຈົ້າຄອງນະຄອນຫລວງວຽງຈັນ, ທ່ານ ຄຳສານ ສຸວົງ, ກຳມະການສູນກາງພັກ, ລັດຖະມົນຕີຊ່ວຍວ່າການກະຊວງປ້ອງກັນຄວາມສະຫງົບ, ມີທ່ານ ທອງຄູນ ແສງດາລາ, ເຈົ້າເມືອງສີໂຄດຕະບອງ ແລະ ປະຊາຊົນບ້ານຈັນສະຫວ່າງ ຢ່າງອົບອຸ່ນ.

ໃນໂອກາດລົງປ່ອນບັດເລືອກຕັ້ງສະມາຊິກສະພາແຫ່ງຊາດ ຊຸດທີ VII ໃນວັນທີ 30 ເມສາ 2011 ນີ້ ທ່ານ ຈູມມາລີ ໄຊຍະສອນ ໄດ້ໃຫ້ສຳພາດສະແດງຄວາມຮູ້ສຶກຕໍ່ບັນດາສື່ມວນຊົນ ທັງພາຍໃນ ແລະ ຕ່າງປະເທດວ່າ: ຂ້າພະເຈົ້າ ມີຄວາມຮູ້ສຶກດີໃຈເປັນຢ່າງຍິ່ງ ທີ່ໄດ້ມາຮ່ວມກັບພໍ່ແມ່ພີ່ນ້ອງ ບ້ານຈັນສະຫວ່າງຂອງພວກເຮົາ ໃນການເລືອກຕັ້ງສະມາຊິກສະພາແຫ່ງຊາດ ຊຸດທີ VII ໃນປີ 2011 ຄັ້ງນີ້ ເຫັນວ່າບັນຍາກາດການເລືອກຕັ້ງ ເປັນ ຂະບວນຟົດຟື້ນດີຫລາຍ, ການລົງປ່ອນບັດຄັ້ງນີ້ມີຄວາມຮູ້ສຶກປິຕິຊົມຊື່ນເປັນຢ່າງຍິ່ງທີ່ເຫັນພໍ່ແມ່ປະຊາຊົນທີ່ມາໃຊ້ສິດແຕ່ລະຄົນມີຄວາມຍິ້ມແຍ້ມແຈ່ມໃສ່ ແລະ ຖືວ່າເປັນບຸນໃຫຍ່ຂອງຊາດອັນໜຶ່ງ ທີ່ພໍ່ແມ່ປະຊາຊົນ ມາປ່ອນ ບັດເລືອກຕັ້ງ ຜູ້ແທນປະຊາຊົນໄປນັ່ງໃນສະພາແຫ່ງຊາດ ຊຶ່ງສະແດງໃຫ້ເຫັນເຖິງການປະຕິບັດລະບຽບກົດໝາຍເລືອກຕັ້ງຢ່າງຖືກຕ້ອງ. ຜູ້ມີອາຍຸແຕ່ 18 ປີຂຶ້ນໄປລ້ວນແຕ່ມີສິດເຂົ້າປ່ອນບັດເລືອກຕັ້ງເອົາ ສສຊ, ນີ້ແມ່ນ ສະແດງເຖິງສິດປະຊາທິປະໄຕ. ປະຊາຊົນໄດ້ເຂົ້າໃຈສິດຂອງຕົນເອງວ່າຢາກພັດທະນາບ້ານເມືອງ ຈະຕ້ອງມີຜູ້ແທນທີ່ຄວາມຮູ້ຄວາມສາມາດຮູ້ບັນຫາຕ່າງໆ ແລະ ຮູ້ແກ້ໄຂບັນຫາຊ່ວຍປະຊາຊົນ ເພື່ອຫລຸດພົ້ນ ອອກຄວາມ ທຸກຍາກເທື່ອລະກ້າວ, ຜູ້ແທນປະຊາຊົນຈະນຳເອົາຄຳຄິດຄຳເຫັນຂອງປະຊາຊົນນຳສະເໜີສະພາແຫ່ງຊາດ ເພື່ອໃຫ້ສະພາແຫ່ງຊາດພິຈາລະນາແກ້ໄຂກັບອົງການຈັດຕັ້ງຂອງລັດ ເພື່ອພັດທະນາປະເທດຊາດ ໄປພ້ອມໆກັນຕາມ ທິດທາງຂອງ ພັກ-ລັດ ຂອງພວກເຮົາ.

ອິກເທື່ອໜຶ່ງ ຂ້າພະເຈົ້າມີຄວາມພາກພູມໃຈ ທີ່ເຫັນວ່າປະຊາຊົນບ້ານຈັນສະຫວ່າງ ກໍຄືປະຊາຊົນ ບັນດາເຜົ່າທົ່ວປະເທດມີຄວາມເບີກບານມ່ວນຊື່ນໄປໃຊ້ສິດປະຊາທິປະໄຕຂອງຕົນ ໃນການປ່ອນບັດເລືອກຕັ້ງ ສະມາຊິກສະພາ ແຫ່ງຊາດ ຊຸດທີ VII ເລືອກເອົາຜູ້ແທນຂອງຕົນ ເຂົ້າສູ່ສະພາແຫ່ງຊາດໃນຄັ້ງນີ້./.

ທ່ານນາຍົກລັດຖະມົນຕີ ຮ່ວມປ່ອນບັດເລືອກຕັ້ງ ສສຊ ຊຸດທີ VII

*(ຂປລ): ທ່ານ ທອງສິງ ທຳມະວົງ, ກຳມະການກົມການເມືອງສູນກາງພັກ, ນາຍົກລັດຖະມົນຕີ ໄດ້ຮ່ວມປ່ອນບັດເລືອກຕັ້ງຢູ່ເຂດທີ I ນະຄອນຫລວງວຽງຈັນ ໃນວັນ ທີ 30 ເມສາ 2011 ທີ່ບ້ານຊ້າງຄູ້ ເມືອງໄຊທານີ ເພື່ອເລືອກເອົາສະມາຊິກສະພາແຫ່ງຊາດ ຊຸດທີ VII.

ນາຍບ້ານຊ້າງຄູ້ ໄດ້ຂຶ້ນກ່າວເປີດການປ່ອນບັດ ເລືອກຕັ້ງສະມາຊິກສະພາແຫ່ງຊາດ ຊຸດທີ VII ໂດຍໄດ້ລາຍງານໃຫ້ຊາບວ່າ: ບ້ານຊ້າງຄູ້ເປັນໜ່ວຍທີ 119 ຂອງ ການປ່ອນບັດເລືອກຕັ້ງ, ມີພົນລະເມືອງລາວທັງໝົດ 3.320 ຄົນ, ຍິງ 2.323ຄົນ ແລະ ຜູ້ມີສິດບ່ອນບັດເລືອກຕັ້ງຢູ່ບ້ານຊ້າງຄູ້ ຈຳນວນ 2.344 ຄົນ, ຍິງ 1.352 ຄົນ, ການໃຊ້ສິດປ່ອນບັດເລືອກຕັ້ງສະມາຊິກສະພາແຫ່ງຊາດ ເປັນການປະຕິບັດ ແລະ ພັນທະທີ່ສົມກຽດສັກສີອັນສູງສົ່ງ ຂອງຜູ້ມີສິດເລືອກຕັ້ງແຕ່ລະຄົນ ໃນຖານະທີ່ເປັນພົນລະເມືອງລາວຜູ້ໜຶ່ງ ທີ່ເປັນເຈົ້າຂອງປະເທດຊາດດັ່ງນັ້ນ, ຜູ້ມີສິດປ່ອນບັດເລືອກຕັ້ງທຸກຄົນຕ້ອງເຊີດຊູຄວາມເປັນເຈົ້າການ ຄວາມຮັບຜິດຊອບສູງເພື່ອມາໃຊ້ສິດປ່ອນບັດ ເລືອກຕັ້ງສະມາຊິກສະພາໃຫ້ຄົບຖ້ວນ, ຖືກຕ້ອງຕາມລະບຽບໃນການປ່ອນບັດຢ່າງເຂັ້ມງວດ, ຮັບປະກັນບໍ່ໃຫ້ມີບັດເສຍ (ບັດຕາຍ) ທັງຮັບປະກັນຄວາມສະຫງົບ, ປອດໄພ ແລະ ຄວາມເປັນລະບຽບຮຽບຮ້ອຍຢູ່ໜ່ວຍປ່ອນ ບັດເລືອກຕັ້ງເປັນຢ່າງດີ./.

ຜູ້ມີສິດລົງຄະແນນສຽງ ມີຄວາມພູມໃຈທີ່ໄດ້ໃຊ້ສິດເລືອກເອົາຕົວແທນຂອງຕົນ

*(ຂປລ): ໃນວັນທີ 30 ເມສາ 2011 ບັນດາພໍ່ແມ່ປະຊາຊົນໃນເຂດເລືອກຕັ້ງທີ 1 ນະຄອນຫລວງວຽງຈັນ ໄດ້ພ້ອມພາກັນໄປລົງຄະແນນສຽງ ເລືອກເອົາສະມາຊິກສະພາເພື່ອເປັນຕົວແທນຂອງຕົນ ເຂົ້າໄປນັ່ງໃນສະພາແຫ່ງຊາດ ສະເພາະຜູ້ມນສິດປ່ອນບັດເລືອກຕັ້ງໃນໜ່ວຍ 09 ຢູ່ວັດບ້ານໜອງບອນ ເມືອງໄຊເສດຖານະຄອນຫລວງວຽງຈັນ ຕ່າງກໍໄດ້ຫ້າວຫັນໄປລົງຄະແນນ ເລືອກເອົາຕົວແທນຂອງຕົນຢ່າງພ້ອມພຽງ ຊຶ່ງໜ່ວຍເລືອກຕັ້ງທີ 09 ມີຜູ້ ໃຊ້ສິດທັງມົດຈຳນວນ 1.411 ຄົນ, ຍິງ 720 ຄົນ ໂດຍໃຫ້ກຽດມີທ່ານ ບຸນຍັງ ວໍລະຈິດ, ກຳມະການກົມການເມືອງສູນກາງພັກ, ຜູ້ປະຈຳການ ຄະນະເລຂາທິການສູນກາງພັກ, ຮອງປະທານປະເທດ ແຫ່ງ ສປປ ລາວ, ທ່ານ ສີສະຫວາດ ແກ້ວບຸນພັນ, ອະດີດກຳມະການກົມການເມືອງສູນກາງພັກ, ປະທານສູນກາງແນວລາວສ້າງຊາດ, ທ່ານ ພົນຈັດຕະວາ ສິນທະວົງ ໄຊຍະກອນ, ຄະນະພັກກະຊວງ, ຫົວໜ້າຫ້ອງວ່າ ການກະຊວງປ້ອງກັນຄວາມສະຫງົບ, ມີບັນດາເຈົ້າເມືອງໆໄຊເສດຖາ.

ພໍ່ເຖົ້າ ສີຄຳຫລ້າ ມູນນິວົງ, ປະຊາຊົນບ້ານໜອງບອນ, ເມືອງໄຊເສດຖາ, ນະຄອນຫລວງວຽງຈັນເປັນຜູ້ໜຶ່ງທີ່ມີສິດລົງຄະແນນສຽງ ເລືອກຕັ້ງສະມາຊິກສະພາແຫ່ງ ຊາດ ຊຸດທີ VII ຢູ່ໜ່ວຍເລືອກຕັ້ງທີ 09 ວັດບ້ານໜອງບອນ ໄດ້ກ່າວວ່າ: ການເລືອກຕັ້ງສະມາຊິກສະພາແຫ່ງຊາດຄັ້ງທີ VII ນີ້ແມ່ນມີຄວາມໝາຍ ຄວາມສຳຄັນຢ່າງຍິ່ງ ເພາະວ່າເປັນການເລືອກເອົາຜູ້ແທນປະຊາຊົນເຂົ້າໄປນັ່ງໃນສະພາແຫ່ງຊາດ ເພື່ອເປັນປາກສຽງໃຫ້ແກ່ປະຊາຊົນແກ້ໄຂ ບັນຫາສຳຄັນຕ່າງໆ ພ້ອມນີ້ພໍ່ເຖົ້າສີຄຳຫລ້າ ມູນນິວົງ ຍັງໄດ້ຝາກໃຫ້ຜູ້ແທນຜູ້ທີ່ຈະໄປນັ່ງໃນສະພາ ຈົ່ງໄດ້ເອົາໃສ່ປະຕິບັດສິດ ແລະ ໜ້າທີ່ຂອງຕົນທີ່ປະຊາຊົນມອບໝາຍໃຫ້ໃນການເປັນຕົວແທນໃຫ້ແກ່ ປະຊາຊົນລາວ ບັນດາເຜົ່າ ໃນການປະກອຍຄຳຄິດຄຳເຫັນ ປຶກສາຫາລື ພິຈາລະນາ ແລະ ແກ້ໄຂບັນຫາຕ່າງໆທີ່ສຳຄັນຂອງຊາດ./.

ປະທານສະພາແຫ່ງຊາດ ລົງປ່ອນບັດເລືອກຕັ້ງ ສສຊ ຢູ່ເຂດເລືອກຕັ້ງທີ 7 ແຂວງໄຊຍະບູລີ

*(ຂປລ): ທ່ານ ປານີ ຢາທໍ່ຕູ້, ກຳມະການກົມການເມືອງສູນກາງພັກ, ປະທານສະພາແຫ່ງຊາດ, ຜູ້ສະໝັກຮັບເລືອກຕັ້ງສະມາຊິກສະພາແຫ່ງຊາດຊຸດທີ VII ໝາຍເລກ 1 ຢູ່ເຂດເລືອກຕັ້ງທີ 7 ແຂວງໄຊຍະບູລີ ພ້ອມດ້ວຍ ຄອບຄົວລົງປ່ອນບັດ ເລືອກຕັ້ງໜ່ວຍປ່ອນບັດເລືອກຕັ້ງທີ 1 ບ້ານສີເມືອງ, ເມືອງໄຊຍະບູລີ ໂດຍມີ ທ່ານ ດຣ. ລຽນ ທິແກ້ວ, ກຳມະການສູນກາງພັກ, ເລຂາຄະນະພັກແຂວງ, ເຈົ້າແຂວງໆໄຊຍະບູລີ ແລະ ຜູ້ຮັບສະໝັກ ເລືອກຕັ້ງຢູ່ເຂດທີ 7, ມີການນຳຂອງແຂວງໄຊຍະບູລີ ແລະ ຜູ້ມີສິດປ່ອນບັດເລືອກຕັ້ງໜ່ວຍ 1 ບ້ານສີ ເມືອງໄປລົງຄະແນນສຽງປ່ອນບັດ 1.262 ຄົນ ຍິງ 679 ຄົນ.

ເຂດເລືອກຕັ້ງທີ 7 ແຂວງໄຊຍະບູລີ ມີຜູ້ມີສິດປ່ອນບັດເລືອກຕັ້ງທັງໜົດ 216.307 ຄົນ, ຍິງ 106.904 ຄົນ. ມີໜ່ວຍປ່ອນບັດ 378 ໜ່ວຍປ່ອນບັດ, ມີຜູ້ສະໜັກເລືອກຕັ້ງ 10 ທ່ານເລືອກເອົາ 7 ທ່ານ./.

ບັນດາການນຳລົງປ່ອນບັດເລືອກຕັ້ງ ສສຊ ຊຸດທີ VII ຢູ່ບ້ານໂນພະເນົາ

*(ຂປລ): ຕອນເຊົ້າວັນທີ 30 ເມສາ 2011 ທີ່ໂຮງຮຽນປະຖົມບ້ານໂພນພະເນົາ ເມືອງໄຊເສດຖານະຄອນຫລວງວຽງຈັນ ທ່ານ ອາຊາງ ລາວລີ, ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ ທ່ານ ດຣ. ທອງບັນ ແສງອາພອນ, ກຳມະການສູນກາງພັກ, ເລຂາທິການສູນກາງພັກ, ລັດຖະມົນຕີວ່າການກະຊວງປ້ອງກັນຄວາມສະຫງົບ; ທ່ານ ຈັນສີ ໂພສີຄຳ, ກຳມະການສູນກາງພັກ, ເລຂາທິການສູນກາງ, ຮອງຫົວໜ້າຄະນຈັດຕັ້ງ ສູນກາງພັກ, ມີບັນດາພໍ່ແມ່ປະຊາຊົນເຂດດັ່ງກ່າວ ໄປໃຊ້ສິດປ່ອນບັດເລືອກຕັ້ງສະມາຊິກ ສະພາແຫ່ງຊາດ ຊຸດທີ VII ດ້ວຍຄວາມເບີກບານມ່ວນຊື່ນ.

ການເລືອກຕັ້ງສະມາຊິກສະພາແຫ່ງຊາດຊຸດນີ້ ເປັນເຫດການການເມືອງທີ່ມີຄວາມໝາຍສຳຄັນ ທັງເປັນປາງບຸນໃຫຍ່ສຳລັບປວງຊົນລາວທັງຊາດ ຊຶ່ງພົນລະເມືອງລາວ 18 ປີຂຶ້ນລ້ວນແລ້ວ ແຕ່ມີສິດປ່ອນບັດເພື່ອເລືອກເອົາ ຜູ້ສະໝັກເລືອກຕັ້ງທີ່ມີມາດຖານຄົບຖ້ວນ ແລະ ສົມກຽດໃນສະພາແຫ່ງຊາດ ຊຸດທີ VII ເພື່ອເປັນຕົວແທນແຫ່ງສິດອຳນາດ ແລະ ຜົນປະໂຫຽດຂອງປະຊາຊົນ, ຜູ້ມີສິດເລືອກຕັ້ງທຸກຄົນຕ້ອງເຊີດຊູຄວາມຮັບຜິດຊອບສູງ ເພື່ອມາໃຊ້ສິດປ່ອນບັດເລືອກຕັ້ງ ສສຊ ຊຸດທີ VII ໃຫ້ຄົບຖ້ວນ, ຖືກຕ້ອງຕາມລະບຍການໃນການປ່ອນບັດຢ່າງເຂັ້ມງວດ, ຮັບປະກັນ, ບໍ່ໃຫ້ບັດຕາຍ, ທັງຮັບປະກັນຄວາມສະຫງົບຄວາມປອດໄພ ແລະ ຄວາມເປັນ ລະບຽບຮຽບຮ້ອຍ ຢູ່ໜ່ວຍປ່ອນບັດເລືອກຕັ້ງຂອງຕົນ./.

ລັດຖະມົນຕີການຕ່າງປະເທດ ຮ່ວມປ່ອນບັດຢູ່ໜ່ວຍເລືອກຕັ້ງ ກຸ່ມວັດນາກ

*(ຂປລ): ທ່ານ ດຣ. ທອງລຸນ ສີສຸລິດ, ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດພ້ອມດ້ວຍພັນລະຍາ ໄດ້ລົງປ່ອນບັດເລືອກຕັ້ງສະມາຊິກສະພາແຫ່ງຊາດ ຊຸດທີ VII ຢູ່ຫ້ອງການບ້ານທ່າພະລານໄຊ ໜ່ວຍປ່ອນບັດເລືອກຕັ້ງກຸ່ມບ້ານວັດນາກ ໂດຍການຕ້ອນຮັບຂອງທ່ານເຈົ້າເມືອງສີສັດຕະນາກ, ອຳນາດການປົກຄອງບ້ານ ແລະ ພໍ່ແມ່ປະຊາຊົນກຸ່ມບ້ານວັດນາກ ເມືອງສີສັດຕະນາກ ນະຄອນຫລວງວຽງຈັນ.

ການປ່ອນບັດເລືອກຕັ້ງສະພາແຫ່ງຊາດຊຸດທີ VII ກຸ່ມບ້ານວັດນາກ ໄດ້ຈັດຂຶ້ນທີ່ຫ້ອງການບ້ານທ່າພະລານໄຊ, ຜູ້ສິດປ່ອນບັດນັບແຕ່ອາຍຸ 18 ປີຂຶ້ນໄປທັງໜົດ 1.360 ຄົນ, ຍິງ 751ຄົນ, ຢູ່ໜ່ວຍປ່ອນບັດເລືອກຕັ້ງ ກຸ່ມບ້ານວັດນາກນີ້ ກໍຄືໜ່ວຍອື່ນໆ ຂອງນະຄອນຫລວງວຽງຈັນ ມີການນຳ, ພະນັກງານ, ອຳນາດການປົກເມືອງ, ບ້ານ, ພະນັກງານ, ທະຫານ-ຕຳຫລວດ, ນັກຮຽນ ແລະ ພໍ່ແມ່ປະຊາຊົນ ໄປໃຊ້ສິດປະຊາທິປະໄຕຂອງຕົນ ເພື່ອປ່ອນບັດເລືອກຕັ້ງສະມາຊິກສະພາແຫ່ງຊາດ ຊຸດທີ VII ຄັ້ງນີ້ຢ່າງເປັນຂະບວນຟົດຟື້ນ./.

ການນຳ ແລະ ມວນຊົນບ້ານສາຍນ້ຳເງິນຮ່ວມປ່ອນບັດເລືອກຕັ້ງ ສສຊ ຊຸດທີ VII ຢ່າງຄຶກຄື້ນ

*(ຂປລ): ພິທີເປີດການປ່ອນບັດເລືອກຕັ້ງ ສະມາຊິກສະພາແຫ່ງຊາດຊຸດທີ VII ທີ່ນະຄອນຫລວງວຽງຈັນ ໄດ້ເລີ່ມຂຶ້ນໃນເວລາ 7:00 ຂອງວັນທີ 30 ເມສາ 2011 ນີ້ ໂດຍສະເພາະໜ່ວຍ ເລືອກຕັ້ງທີ 117 ທີ່ວັດສີວິໄລ ມີປະຊາຊົນບ້ານສາຍນ້ຳເງິນ ຈຳນວນຫລວງຫລາຍ ໄປໃຊ້ສິດຂອງຕົນໄປປ່ອນບັດເລືອກຕັ້ງ ເອົາຜູ້ແທນປະຊາຊົນຢ່າງຟົດຟື້ນ. ພ້ອມນັ້ນຍັງມີທ່ານ ພົນໂທ ດວງໃຈ ພິຈິດ, ກຳມະການກົມ ການເມືອງສູນກາງພັກ, ຮອງນາຍົກ ລັດຖະມົນຕີ, ລັດຖະມົນຕີກະຊວງປ້ອງກັນປະເທດ ເປັນກຽດເຂົ້າຮ່ວມໃຊ້ສິດໃນຄັ້ງນີ້ດ້ວຍ.

ເຂດເລືອກຕັ້ງທີ 1 ນະຄອນຫລວງວຽງຈັນ ມີຜູ້ສະໝັກເລືອກຕັ້ງ ທັງໝົດ 21 ທ່ານ, ເລືອກເອົາ 15 ທ່ານ. ສຳລັບບ້ານສາຍນ້ຳເງິນ ມີຜູ້ມີສິດປ່ອນບັດເລືອກຕັ້ງທັງໝົດ 1.672 ຄົນ, ເປັນຍິງ 1.079 ຄົນ, ໂອກາດນີ້ ທ່ານ ພົນໂທ ດວງໃຈ ພິຈິດ ໄດ້ຮຽກຮ້ອງໃຫ້ປະຊາຊົນລາວບັນດາເຜົ່າ ທຸກຊັ້ນຄົນ ມາໃຊ້ສິດຂອງຕົນຢ່າງເຕັມປ່ຽມ ເລືອກເອົາຕົວແທນຂອງປະຊາຊົນ ທີ່ມີຄວາມຮູ້ຄວາມສາມາດເຂົ້າສະພາ. ເຊື່ອໝັ້ນວ່າການເລືອກ ຕັ້ງພາຍໃນບ້ານສາຍນ້ຳເງິນ ກໍຄືນະຄອນຫລວງວຽງຈັນ ແລະ ທົ່ວປະເທດໃນຄັ້ງນີ້ ຈະບັນລຸຜົນສຳເລັດສູງ 300%. ໃນຂະນະດຽວກັນຊາວບ້ານຫລາຍຄົນ ກໍໄດ້ສະແດງຄວາມດີໃຈເປັນຢ່າງຍິ່ງ ທີ່ໄດ້ໃຊ້ສິດຂອງຕົນ ເລືອກຜູ້ແທນເຂົ້າສະພາ ໂດຍມີ ຄວາມຫວັງເລືອກເອົາຄົນດີມີຄວາມຮູ້ ປະກອບສ່ວນເຂົ້າໃນການພັດທະນາ ປະເທດຊາດ ໃຫ້ຈະເລີນສີວິໄລ./.

ຜູ້ປະຈຳການລັດຖະບານ ຮ່ວມໃຊ້ສິດເລືອກຕັ້ງ ສສຊ ຊຸດທີVII

*(ຂປລ): ທ່ານ ສົມສະຫວາດ ເລັ່ງສະຫວັດ, ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ, ຜູ້ປະຈຳການລັດຖະບານໄດ້ລົງໃຊ້ສິດປ່ອນບັດເລືອກຕັ້ງ ຢູ່ໜ່ວຍທີ 18 ບ້ານສີສະຫວາດ ເມືອງຈັນທະບູລີ ເຂດເລືອກຕັ້ງທີ I ນະຄອນຫລວງວຽງຈັນ ໃນວັນທີ 30 ເມສາ 2011 ນີ້ ເພື່ອເລືອກເອົາສະມາຊິກສະພາແຫ່ງຊາດ ຊຸດທີ VII.

ທ່ານ ສຸດສາຄອນ ວິມັງສາ, ນາຍບ້ານໆສີສະຫວາດ ໄດ້ຂຶ້ນກ່າວເປີດບັ້ນເລືອກຕັ້ງ ສະມາຊິກສະພາແຫ່ງຊາດ ຊຸດທີVII ໂດຍໄດ້ລາຍງານໃຫ້ຊາບວ່າ: ມີ້ນີ້ມີພົນລະເມືອງລາວ ຜູ້ມີສິດປ່ອນນບັດເລືອກຕັ້ງຢູ່ບ້ານສີສະຫວາດ ຈຳນວນ 2.045 ຄົນ, ຍິງ 1.106 ຄົນ ຊຶ່ງການໃຊ້ສິດປ່ອນບັດເລືອກຕັ້ງ ສະມາຊິກສະພາແຫ່ງຊາດເປັນການປະຕິບັດສິດ ແລະ ພັນທະທີ່ສົມກຽດສັກສີອັນສູງສົ່ງ ຂອງຜູ້ມີສິດເລືອກຕັ້ງແຕ່ລະຄົນ ໃນຖານະທີ່ເປັນພົນລະເມືອງ ລາວຜູ້ໜຶ່ງທີ່ເປັນເຈົ້າຂອງປະເທດດັ່ງນັ້ນ, ຜູ້ມີສິດບ່ອນບັດເລືອກຕັ້ງທຸກຄົນ ຕ້ອງເຊີດຊູຄວາມເປັນເຈົ້າການຄວາມຮັບຜິດຊອບສູງເພື່ອມາໃຊ້ສິດປ່ອນບັດເລືອກຕັ້ງສະມາຊິກສະພາແຫ່ງຊາດ, ການເລືອກຕັ້ງໃຫ້ຄົບຖ້ວນ, ຖືກຕ້ອງ ຕາມລະບຽບໃນການອນບັດຢ່າງເຂັ້ມງວດຮັບປະກັນບໍ່ໃຫ້ມີບັດເສຍ, ບັດຕາຍ ທັງຮັບປະກັນຄວາມສະຫງົບ, ປອດໄພ ແລະ ຄວາມເປັນລະບຽບຮຽບຮ້ອຍ ຢູ່ໜ່ວຍປ່ອນບັດເລືອກຕັ້ງ ເປັນຢ່າງດີ./.

ຜູ້ນຳ ແລະ ປະຊາຊົນບ້ານພະຂາວ ໃຊ້ສິດເລືອກເອົາ ສສຊ ຢ່າງເຕັມປ່ຽມ

*(ຂປລ): ໃນເວລາ 7:00 ໂມງເຊົ້າ ຂອງວັນທີ 30 ເມສາ 2011 ນີ້, ທ່ານ ບຸນທອງ ຈິດມະນີ, ກຳມະການກົມການເມືອງສູນກາງພັກ, ເລຂາທິການສູນກາງພັກ, ປະທານຄະນະກວດກາສູນກາງພັກ ປະຊາຊົນ ປະຕິວັດລາວ ພ້ອມພັນລະຍາ; ທ່ານນາງ ສີໄສ ລືເດດມູນສອນ, ກຳມະການສູນກາງພັກ, ປະທານສູນກາງສະຫະພັນແມ່ຍິງລາວ ຮ່ວມກັບປະຊາຊົນທົ່ວບ້ານພະຂາວ ເມືອງໄຊທານີ ນະຄອນຫລວງວຽງຈັນ ໄດ້ພ້ອມກັນໄປໃຊ້ສິດປ່ອນບັດເລືອກ ເອົາສະມາຊິກສະພາແຫ່ງຊາດ ( ສສຊ ) ຊຸດທີ VII ທີ່ມີຄຸນນະພາບ ແລະ ຄວາມຮູ້ຄວາມສາມາດ ໄປນັ່ງຢູ່ສະພາແຫ່ງຊາດ ເພື່ອເປັນຕົວແທນຂອງຕົນ ໃນການພິຈາລະນາ ແລະ ແກ້ໄຂບັນຫາຕ່າງໆ ໃຫ້ໄດ້ຮັບຜົນດີ. ບ້ານພະຂາວ ມີພົນລະເມືອງທັງຫມົດ 3.748 ຄົນ, ຍິງ 1.884 ຄົນ, ມີຜູ້ມີສິດເລືອກຕັ້ງ 2.842 ຄົນ ແລະ ມີຫນ້າຕົວຈິງ 2.776 ຄົນ.

ທ່ານ ບຸນທຳ ພົມມະວັນ, ນາຍບ້ານໆພະຂາວ ໄດ້ກ່າວວ່າ: ເພື່ອຮັບປະກັນໃຫ້ໄດ້ 300% ທີ່ຄະນະກຳມະການການເລືອກຕັ້ງແຫ່ງຊາດກຳນົດໄວ້ນັ້ນ ຈະຕ້ອງໄດ້ຮັບປະກັນໃຫ້ໄດ້ຄວາມເປັນ ລະບຽບຮຽບຮ້ອຍ, ພ້ອມກັນ ອອກໄປໃຊ້ສິດໂດຍທົ່ວຫນ້າ ຊຶ່ງເຫັນໄດ້ວ່າ ນັບແຕ່ຜູ້ທີ່ມີອາຍຸ 18 ປີຂຶ້ນໄປ ແລະ ຮັບປະກັນໃຫ້ໄດ້ບໍ່ໃຫ້ມີບັດຕາຍ. ການປ່ອນບັດຄັ້ງນີ້ ແມ່ນໂອກາດທີ່ມີຄວາມຫມາຍ ແລະ ຄວາມສຳຄັນ ຂອງປະຊາຊົນລາວບັນດາເຜົ່າ ທີ່ຈະໄດ້ເລືອກເອົາຜູ້ແທນທີ່ມີຄວາມຮູ້ ແລະ ປະສົບການທີ່ພ້ອມຈະພັດທະນາ ແລະ ສ້າງສາປະເທດຊາດ ໃຫ້ຈະເລີນຮຸ່ງເຮືອງ.

ໂອກາດດຽວກັນ ທ່ານ ບຸນທອງ ຈິດມະນີ ກໍໄດ້ໃຊ້ສິດຂອງຕົນທີ່ບ້ານພະຂາວ ເຊັ່ນດຽວກັນ ແລະ ໄດ້ໃຫ້ສຳພາດຕໍ່ນັກຂ່າວວ່າ: ຂ້າພະເຈົ້າມີຄວາມດີໃຈ ທີ່ໄດ້ມາໃຊ້ສິດ ໃນເລືອກຕັ້ງສະມາຊິກສະພາແຫ່ງຊາດຊຸດທີ VII ນີ້ ຊຶ່ງເປັນອົງການນິຕິບັນຍັດ ແລະ ຫລັງຈາກປັບປຸງສະພາແຫ່ງຊາດແລ້ວ ກໍຈະໄດ້ປັບປຸງອົງການບໍລິຫານຕຸລາການ ແລະ ຈະໄດ້ເລືອກເອົາປະທານປະເທດ, ນາຍົກລັດຖະມົນຕີ, ປະທານສານ ແລະ ໄອຍະການ. ທ່ານຍັງກ່າວອີກວ່າ: ການເລືອກຕັ້ງສະມາຊິກສະພາແຫ່ງຊາດຊຸດນີ້ ແມ່ນເຫດການສຳຄັນຫນຶ່ງ ສືບເນື່ອງມາຈາກກອງປະຊຸມໃຫຍ່ຄັ້ງທີ IX ຂອງພັກ ທີ່ໄດ້ສຳເລັດໄປເມື່ອບໍ່ດົນມານີ້ ແລະ ຈະໄດ້ພ້ອມກັນປະຕິບັດຄາດໝາຍທີ່ໄດ້ກຳນົດເອົາ 4 ບຸກທະລຸ: ຕ້ອງຫັນປ່ຽນແນວຄິດໃຫມ່ ດ້ານຈິນທະນາການດ້ວຍການປົດປ່ອຍ, ແກ້ໄຂທັດສະນະແນວຄິດແບບຄຳພີ, ຮັກສາເດີມ, ຂີ້ຄ້ານມັກງ່າຍ, ຊ້າຍຈັດຂວາໂພດ. ຕ້ອງບຸກທະລຸຢ່າງແຂງແຮງ ທາງດ້ານການພັດທະນາຊັບ ພະຍາກອນມະນຸດ ໂດຍສະເພາະດ້ານການກໍ່ສ້າງ ແລະ ບຳລຸງຍົກລະດັບຄວາມຮູ້ຄວາມສມາດ ໃນດ້ານຕ່າງໆຂອງພະນັກງານ ໃຫ້ສົມຄູ່ກັບຄວາມຮຽກຮ້ອງຕ້ອງການຂອງການພັດທະນາ. ຕ້ອງບຸກທະລຸ ໃນດ້ານການແກ້ໄຂ ລະບອບລະບຽບການ ບໍລິຫານ-ຄຸ້ມຄອງ ທີ່ຍັງກົດຫນ່ວງການຂະຫຍາຍຕົວຂອງການຜະລິດທຸລະກິດ ແລະ ການບໍລິການ ໃຫ້ຕົກໄປຢ່າງຂາດຕົວ ແລະ ຕ້ອງບຸກທະລຸ ດ້ານການແກ້ໄຂຄວາມທຸກຍາກຂອງປະຊາຊົນດ້ວຍການ ຂຸດຄົ້ນແຫລ່ງທຶນຕ່າງໆ ແລະ ດ້ວຍນະໂຍບາຍສົ່ງເສີມເປັນພິເສດ, ສ້າງພື້ນຖານໂຄງລ່າງທາງດ້ານເສດຖະກິດ-ສັງຄົມ ຢ່າງມີຈຸດສຸມ ເພື່ອເປັນກຳລັງແຮງຊຸກຍູ້ໃຫ້ການພັດທະນາ ໃນຂົງເຂດອື່ນໆຢ່າງແຂງແຮງ./.

ຜູ້ມີສິດປ່ອນບັດເລືອກຕັ້ງໄປໃຊ້ສິດປ່ອນບັດເລືອກຕັ້ງຢ່າງເປັນຂະບວນ

*(ຂປລ) : ໜ່ວຍເລືອກຕັ້ງທີ 16 ບ້ານສີບຸນເຮືອງ ເມືອງຈັນທະບູລີ ເຂດເລືອກຕັ້ງທີ 1 ນະຄອນຫລວງວຽງຈັນ ມີພໍ່ແມ່ປະຊາຊົນ, ພ້ອມດ້ວຍການນຳຂັ້ນເມືອງ, ອຳນາດການປົກຄອງຂັ້ນບ້ານ ເຂົ້າຮ່ວມໃຊ້ສິດຂອງຕົນປ່ອນບັດ ເລືອກເອົາສະມາຊິກສະພາແຫ່ງຊາດຊຸດທີ VII ດ້ວຍບັນຍາກາດຟົດຟື້ນ ໃນນີ້ພິເສດ ທ່ານ ດຣ. ບຸນປອນ ບຸດຕະນະວົງ, ກຳມະການກົມການເມືອງສູນກາງພັກ, ເລຂາທິການສູນກາງພັກ, ຫົວໜ້າຫ້ອງວ່າການສູນກາງພັກ ພ້ອມຄະນະ ໄດ້ເຂົ້າຮ່ວມປ່ອນບັດ ຮ່ວມກັບພໍ່ແມ່ປະຊາຊົນຢູ່ໜ່ວຍເລືອກຕັ້ງດັ່ງກ່າວ.

ທ່ານ ແສງເດືອນ ພົງສຸວັນຄຳ, ເລຂາພັກ, ນາຍບ້ານໆສີບຸນເຮືອງ ໄດ້ລາຍງານໃຫ້ຜູ້ສື່ຂ່າວຮູ້ວ່າ: ສະເພາະໜ່ວຍເລືອກຕັ້ງທີ 16 ບ້ານສີບຸນເຮືອງ ມີພົນລະເມືອງທັງໝົດ 348 ຄອບຄົວ, ມີຈຳນວນພົນ 1.710 ຄົນ, ຍິງ 920 ຄົນ, ໃນນີ້ ມີຜູ້ມີສິດປ່ອນບັດເລືອກຕັ້ງທີ່ມີເກນອາຍຸແຕ່ 18 ປີຂຶ້ນໄປຈຳນວນ 1.574 ຄົນ, ຍິງ 886 ຄົນ ແລະ ຄາດວ່າໃນການປ່ອນບັດຄັ້ງນີ້ ຈະມີປະຊາຊົນມາໃຊ້ສິດຂອງຕົນຢ່າງເຕັມສ່ວນ ເພື່ອເລືອກເອົາຜູ້ແທນທີ່ມີຄວາມຮູ້ ຄວາມສາມາດ ເປັນຕົວແທນຂອງຕົນເພື່ອປະກອບຄຳຄິດເຫັນໃນສະພາແຫ່ງຊາດ. ພ້ອມນີ້ ແມ່ເຖົ້າ ຄຳຟອງ ອາຍຸ 96 ປີ ປະຊາຊົນບ້ານດັ່ງກ່າວ ໄດ້ສະແດງຄວາມຄິດເຫັນວ່າການມາໃຊ້ສິດປ່ອນບັດເລືອກຕັ້ງໃນຄັ້ງນີ້ ແມ່ນມີ ຄວາມໝາຍຄວາມສຳຄັນຕໍ່ປະຊາຊົນລາວ ເປັນການປະກອບສ່ວນໃນການສ້າງສາພັດທະນາເທດຊາດ ໃຫ້ຮຸ່ງເຮືອງເທື່ອລະກ້າວ./.

ບັນຍາກາດການເລືອກຕັ້ງໄດ້ດຳເນີນໄປຢ່າງຄືກຄື້ນ

*(ຂປລ): ການປ່ອນບັດເລືອກຕັ້ງສະມາຊິກສະພາແຫ່ງຊາດ ຊຸດທີ VII ໄດ້ໄຂຂຶ້ນຢ່າງເປັນທາງການ ໃນທົ່ວປະເທດ ໃນຕອນເຊົ້າຂອງວັນທີ 30 ເມສາ 2011 ຊຶ່ງບັນຍາກາດການເລືອກຕັ້ງໄດ້ດຳເນີນໄປຢ່າງຄຶກຄື້ນ ໂດຍສະເພາະ ຢູ່ບ້ານໂພນຕ້ອງສະຫວາດ ເມືອງຈັນທະບູລີ ໃນເຂດເລືອກຕັ້ງທີ 1 ນະຄອນຫລວງວຽງຈັນ ໄດ້ດຳເນີນໄປຢ່າງຄຶກຄື້ນ ໂດຍມີທ່ານ ດຣ. ພັນຄຳ ວິພາວັນ, ກຳມະການກົມການເມືອງສູນກາງພັກ, ລັດຖະມົນຕີວ່າການກະຊວງ ສຶກສາທິການ, ອຳນາດການປົກຄອງພ້ອມບັນດາພະນັກງານ, ທະຫານ, ຕຳຫລວດ, ຜູ້ອະວຸໂສ, ນັກຮຽນຮູ້ປັນຍາຊົນ ແລະ ປະຊາຊົນທຸກຊັ້ນຄົນ ເຂົ້າຮ່ວມຢ່າງໜາແໜ້ນເພື່ອປະຕິບັດສິດ ແລະ ພັນທະຂອງພົນເມືອງ ຢ່າງຄົບຖ້ວນ..

ທ່ານ ສົມຫວັງ ວິໄລສັກ, ເລຂາພັກ, ບ້ານໂພນຕ້ອງສະຫວາດ ເມືອງຈັນທະບູລີ ໄດ້ເປີດເຜີຍວ່າ: ນັບແຕ່ມີການກະກຽມການເລືອກຕັ້ງ ສະມາຊິກສະພາແຫ່ງຊາດຊຸດທີ VII ເຫັນວ່າ ບັນດາປະຊາຊົນ ພາຍໃນເຂດບ້ານໂພນຕ້ອງ ສະຫວາດ ໄດ້ໃຫ້ຄວາມສົນໃຈຢ່າງຫລວງຫລາຍ ໃນການເຂົ້າຮ່ວມເພື່ອປະຕິບັດສິດໜ້າທີ່ ແລະ ພັນທະຂອງພົນລະເມືອງລາວ ຢ່າງຄົບຖ້ວນໃນມາດຕາ 54 ຂອງລັດຖະທຳມະນູນຂອງ ສປປ ລາວ ແລະ ມາດຕາທີ່ກ່ຽວຂ້ອງ ຂອງກົດໝາຍ ວ່າດ້ວຍການເລືອກຕັ້ງສະມາຊິກສະພາແຫ່ງຊາດ, ປະທານປະເທດແຫ່ງ ສປປ ລາວ ໄດ້ອອກລັດຖະດຳລັດສະບັບເລກທີ 295/ປປທ ປະກາດເອົາວັນເສົາເປັນວັນທີ 30 ເມສາ 2011 ເປັນວັນເລືອກຕັ້ງສະມາຊິກ ສະພາແຫ່ງຊາດຊຸດທີ VII ແລະ ລັດຖະດຳລັດເລກທີ 296/ປປທ ວ່າດ້ວຍການປະກາດລາຍຊື່ຂອງ ຄະນະກຳມະການເລືອກຕັ້ງລະດັບຊາດ ເພື່ອຮັບໃຊ້ໃຫ້ແກ່ການເລືອກຕັ້ງ.

ທ່ານ ເລຂາພັກບ້ານ ຍັງໄດ້ກ່າວຕື່ມມອີກວ່າ: ບ້ານໂພນຕ້ອງສະຫວາດ ມີພົນລະເມືອງທັງໝົດປະມານ 3.500 ຄົນ, ໃນນັ້ນ ຜູ້ມີສິດເຂົ້າຮ່ວມມາເລືອກຕັ້ງປະມານ 2.426 ຄົນ, ຍິງ 1.334 ຄົນ. ການເລືອກຕັ້ງຄັ້ງນີ້ ແມ່ນໄດ້ ດຳເນີນໄປຢ່າງຟົດຟື້ນ ແລະ ເປັນຂະບວນການຫລາຍກວ່າໄລຍະຜ່ານມາ.

ທ່ານນາງ ບຸນມີ ອາຍຸ 79 ຢູ່ບ້ານໂພນຕ້ອງສະຫວາດ ໄດ້ສຳພາດຕໍ່ນັກຂ່າວວ່າ: ນັບແຕ່ປີ 1975 ທີ່ ສປປ ລາວ ໄດ້ຮັບການປົດປ່ອຍປະເທດຊາດ ອອກຈາກການຄອບຄອງພວກລ່າເມືອງຂຶ້ນ ແລະ ສ້າງຕັ້ງລະບອບໃໝ່ນັ້ນ ນາງ ບຸນມີ ໄດ້ເຂົ້າຮ່ວມປະຕິບັດສິດໜ້າທີ່ ແລະ ພັນທະຂອງຕົນຢ່າງຕໍ່ເນື່ອງ ເພື່ອປະກອບ ສ່ວນເຂົ້າໃນການສ້າງສາພັດທະນາປະເທດຊາດກໍຄື ພາລະກິດອັນສຳຄັນຂອງ ພັກປະຊາຊົນປະຕິວັດລາວເພື່ອເຮັດໃຫ້ປະເທດຊາດ ຮຸ່ງເຮືອງ ສີວິໄລເປັນກ້າວໆ. ພ້ອມດຽວກັນນັ້ນ ນາງ ບຸນມີ ຍັງກ່າວວ່າ ທ່ານເອງກໍໄດ້ໃຫ້ຄວາມສຳຄັນ ແລະ ເອົາໃຈໃສ່ໃນການເລືອກເອົາຄົນດີ ມີຄວາມຮູ້ຄວາມສາມາດ ເພື່ອເປັນຕົວແທນ ແລະ ແຫ່ວນແຍງ ໃຫ້ປະຊາຊົນໄດ້ມີຄວາມ ໄວ້ເນື້ອເຊື່ອໃຈ ໃນການຈັດຕັ້ງປະຕິບັດ, ນຳພາ ແລະ ສ້າງສາປະເທດຊາດໃຫ້ມີຄວາມສະຫງົບ, ມີສະເຖຍລະພາບ, ໝັ້ນຄົງ, ຈະເລີນຮຸ່ງເຮືອງ ແລະ ກ້າວໜ້າໄປເລື້ອຍໆ./.