ລາວ-ຫວຽດນາມ
ຫົວພັນ-ເຊີນລາ ຮ່ວມຍົກລະດັບຊີວິດຂອງພໍ່ແມ່ປະຊາຊົນໄດ້ດີຂຶ້ນ

*2 ປີມານີ້, ບັນຍາກາດການພົວພັນຮ່ວມ ມືດ້ານເສດຖະກິດຂອງແຂວງຫົວພັນ ແລະ ເຊີນລານັບ​ມື້ນັບ​ໄດ້​ຮັບ​ການ​ເສີ່​ມຂະຫຍາຍ​ສູ່​ວົງ​ກວ້າງບົນ​ພື້ນຖານ​ຕ່າງ ​ຝ່າ​ຍຕາງ​ຮັບຜົນ​ປະ​ໂຫຍດ. ພົ້ນ​ເດັ່ນສົກ​ປີ 2010-2012ມີ​ຄົນ ເຂົ້າອອກຜ່ານດ່ານຂອງສອງແຂວງແລ້ວ 48 ພັນເທື່ອຄົນ, ທຽບໃສ່ໄລຍະປີ 2005-2011 ເພີ່ມຂຶ້ນ 8% , ມີພາຫະນະທຸກປະເພດ ເຂົ້າອອກຜ່ານດ່ານ 5700 ເທື່ອຄັນເພີ່ມຂຶ້ນ 19% . ການຄ້າຂາອອກ-ຂາເຂົ້າ ແລະ ສິນຄ້າຜ່ານແດນ ລະຫວ່າງສອງ ແຂວງມີ​ວົງ​ເງິນ​ໝູນວຽນ ຫລາຍກວ່າ 15 ລ້ານໂດລາ . ນີ້​ແມ່ນ​ບາດກ້າວການ​ຮ່ວມ​ມ ື​ລະດັບ​ທ້ອງຖິ່ນ​ຂອງສອງ​ຝ່າຍ​ກຳລັງ​ດຳ​ເນີນ​ໄປ​ດ້ວຍ​ປະສິດທິ​ຜົນ​ທີ່​ດີ ທັງ​ ແມ່ນ​ການ​ເສີ່​ມຂະຫຍາຍ​ສາ​ຍ ພົວພັນ​ຮ່ວມ​ມື​ມິດຕະພາບ, ຄວາມ​ສາມັກຄີ ພິ​ເສດລາວ-ຫວຽດ​ ໃຫ້​ສວຍ​ສົດ​ງົດ​ງາມ​ຕະຫລອດ​ໄປ

ທ່ານ ຄຳຮຸ່ງ ເຮືອງວົງສີ ​ເຈົ້າ​ແຂວງ​ຫົວພັນ ​ໄດ້​ມີ​ຄຳ​ເຫັນ​ສະ​ເໜີ​ຕໍ່​ກອງປະຊຸມການຮ່ວມມືລະ ຫວ່າງສະພາແຫ່ງຊາດລາວ-ຫວຽດນາມ ຄວາມສາມັກຄີມິດ ຕະພາບທີ່ຈັດຂຶ້ນ ທີ່ແຂວງເຊີນລາລະຫວ່າງ​ວັນ​ທີ 22-2 ​ເມສາ 2012ວ່າ:​ ປະຈຸ​ບັນ ,ສາມາດດຶງ​ດຶງດູດ​ຫົວໜ່ວຍ​ທຸລະ​ກິດດຂອງແຂວງເຊີນລາ ເຂົ້າໄປລົງທຶນ ແລະ ດຳເນີນທຸລະກິດໃນຂະແໜງການຕ່າງໆຢູ່ແຂວງພວກ​ເຮົາ​ແລ້ວ 23 ຫົວໜ່ວຍມີມູນຄ່າ ການລົງທຶນຫລາຍກວ່າ 6 ລ້ານໂດລາ. ພ້ອມດຽວ​ກັນ​ເພື່ອນ​ຍັງ​ໄດ້ຊ່ວຍ ໃນການກໍ່ສ້າງພື້ນຖານໂຄງລ່າງ ຄົມມະນາຄົມ, ການສຶກສາ, ສາທາລະນະສຸກ, ສະໜອງແນວພັນພືດ ,ແນວພັນສັດ ແລະ ດຶງຕາຂ່າຍ ໄຟຟ້າແຮງຕ່ຳ ຈາກບ້ານ ລາວໂຄ ເມືອງອຽນເຈົາ ເຂົ້າໄປໃສ່ 3 ບ້ານລຽບຊາຍແດນ ເມືອງຊຽງຄໍ້ ລວມມູນ ຄ່າການຊ່ວຍເຫລືອທັງໝົດ 31,895 ຕື້ດົງ, ກໍ່ສ້າງພະນັກງານໄລຍະຍາວ 250 ຄົນ, ເຝິກອົບຮົມ ໄລຍະ ສັ້ນ 374 ເທື່ອຄົນ, ປະສານສົມທົບຈັດຕັ້ງປະຕິບັດໂຄງການສຳຫລວດກຳນົດຈຸດທີ່ຕັ້ງຫຼັກ ໝາຍສຳເລັດ 84,96%, ກໍ່ສ້າງຫລັກໝາຍສຳ ເລັດ 69,24 %. ຜົນງານທັງໝົດຍາດມາໄດ້ນັ້ນ, ພວກເຮົາໄດ້ປະສານງານ ລະດັບທ້ອງຖິ່ນນຳກັນເປັນຢ່າງດີ ເພື່ອປະຕິບັດຕາມທິດຊີ້ນຳຂອງສູນກາງພັກ ແລະ ລັດຖະບານລາວ ແລະ ຫວຽດນາມໃນການເສີມຂະຫຍາຍສາຍພົວພັນມິດຕະພາບ, ຄວາມສາມັກຄີພິເສດ ແລະການຮ່ວມ ມືຮອບດ້ານ 2 ຝ່າຍນັບມື້ເກີດ ດອກອອກຜົນ. ດ້ານໜຶ່ງແຕ່ລະປີ, ການນຳລະດັບສູງຂອງແຂວງ,ເມືອງ ແລະ ທ້ອງຖິ່ນໄດ້ພົບປະຢ້ຽມຢາມ, ແລກປ່ຽນບົດຮຽນເຊິ່ງກັນ ແລະ ກັນອັນເປັນປັດໃຈ ໃຫ້ສະມາຊິກພັກ, ກອງທັບ ແລະ ປະຊາຊົນບັນດາເຜົ່າມີຄວາມເຂົ້າອົກເຂົ້າໃຈ ແລະ ມີຄວາມເຊື່ອໝັ້ນ ເຊິ່ງກັນ ແລະ ກັນດີຂຶ້ນກວ່າເກົ່າ. ທັງນີ້ໄດ້້ມີນັກທຸລະກິດ ແລະ ເອກະຊົນຫວຽດນາມຫຼາຍຄົນ ມີຄວາມຕະຕັນຍູຮູ້ບຸນຄຸນປະກອບສ່ວນຊ່ວຍເຫລືອແຂວງ ພວກເຮົາກໍ່ສ້າງເຮືອນຕອບບຸນແທນຄຸນ, ກອງທຶນພັດທະນາ ກະສິກຳມອບເຄື່ອງທີ່ລະນຶກ ແລະ ອື່ນໆອັນເປັນການເພີ່ມພູນຄູນສ້າງສາຍພົວພັນມິດຕະພາບ ແລະ ການຮ່ວມມືຮອບດ້ານຍາວ ນານລາວ-ຫວຽດນາມທີ່ມີມາ ແຕ່ບູຮານນະການແລ້ວນັ້ນ ໃຫ້ເຕີບໃຫຍ່ຂະຫຍາຍໂຕ ແລະ ເຂັ້ມແຂງຂຶ້ນ.

ທ່ານ ຄຳຮຸ່ງເຮືອງ ວົງສີ ເຈົ້າແຂວງຫົວພັນ ກ່າວວ່າ: ສະເພາະໜ້າເພື່ອເພີ່ມທະວີມູນເຊື້ອຄວາມສາມັກຄີ ພິເສດການຮ່ວມມືຮອບດ້ານລາວ-ຫວຽດນາມ ພວກເຮົາ ຈະເລັ່ງໃສ່ສ້າງເງື່ອນໄຂສະດວກໃຫ້ປະຊາຊົນ ສອງຊາຍແດນໄດ້ໄປຢ້ຽມຢາມຖອກຖອນບົດຮຽນ, ແລກປ່ຽນສິນຄ້າເຄື່ອງນາຂອງປ່າ, ສິນຄ້າອຸດ ສາຫະກຳ ແລະ ດຶງດູດການລົງທຶນຂອງຫວຽດນາມເຂົ້າໄປລົງທຶນໃນຂົງເຂດການຄ້າ, ການບໍລິການ, ການປູກພືດ ເປັນສິນຄ້າ, ການປຸງແຕ່ງເຄື່ອງນາຂອງປ່າ ແລະ ອື່ນໆຄຽງຄູ່ກັບໂຄສະນາສຶກສາອົບຮົມໃຫ້ປະຊາຊົນຮັບຮູ້ລະບຽບກົດໝາຍຂອງແຕ່ລະປະເທດເປັນຕົ້ນລະບຽບການວ່າດ້ວຍຊາຍແດນປະສານສົມ ທົບຢ່າງ ແໜ້ນແຟ້ນເພື່ອສະກັດກັ້ນ ແລະ ແກ້ໄຂປາກົດການຫຍໍ້ທໍ້ຕ່າງໆທີ່ເກີດຂຶ້ນປະກອບສ່ວນສ້າງທຸກ ເງື່ອນໄຂອຳ ນວຍຄວາມສະດວກພັດທະນາ ບໍລິເວນຊາຍແດນ 2 ປະເທດ, 2 ແຂວງໃຫ້ມີສະຖຽນລະພາບທາງການ ເມືອງ,ຊີວິດການເປັນຢູ່ຂອງປະຊາຊົນໄດ້ຮັບການພັດທະນາດີຂຶ້ນເປັນກ້າວໆ. ແຂວງຫົວພັນເປັນແຂວ ພູດອຍຕັ້ງຢູ່ທິດຕາເວັນອອກສຽງເໜືອຂອງປະເທດລາວມີຊາຍແດນຕິດ ຈອດ ກັບ 3ແຂວງຂອງສສຫວຽດນາມ ເຊີນລາ, ແທັງຮ່ວາ ແລະເງະອານຍາວກວ່າ 568 ກິໂລແມັດ .

.....................................................................................................................................................................................

ຂ່າວອື່ນໆ

 ( ລາວ-ຫວຽດ ) ການແລກປ່ຽນວັດທະນະທຳຫວນຄືນມູນເຊື້ອນ້ຳໃຈສາມັກຄີ ມິດຕະພາບ ລາວ-ຫວຽດນາມ ຈັດຂຶ້ນຢ່າງຄຶກຄື້ນ
  ສະ​ເຫຼີ​ມສະຫຼອງ​ປີ​ສາມັກຄີ​ມິດຕະພາບ​ລາວ-ຫວຽດນາມ ​ແລະ ຊົມ​ເຊີຍ​ວັນ​ປົດ​ປ່ອຍ​ພາກ​ໃຕ້​ຂອງ ສ.ສ ຫວຽດນາມ
 ເສີມຂະຫຍາຍມູນເຊື້ອຄວາມສາມັກຄີພິເສດ, ການຮ່ວມມືຮອບດ້ານ ລາວ - ຫວຽດນາມ
VXP ແລະ LO PETROLEUM ປະກອບສ່ວນໃນວັນສຳຄັນສອງຊາດລາວ - ຫວຽດນາມ
ແນະ​ນຳ​ປຶ້ມປະຫວັດ​ສາດ ​ສາຍ​ພົວພັນ​ພິ​ເສດ​ລາວ-ຫວຽດນາມ, ຫວຽດນາມ-ລາວ
ການຈັດຕັ້ງປະຕິບັດເນື້ອ​ໃນ ແລະ ຈັດກິດຈະ​ກຳ​ໃນ​ການສະ​ເຫລີ​ມສະຫລອງ 2 ວັນ​ປະຫວັດສາດ ລາວ-ຫວຽດນາມ
ຄວາມ​ສາມັກຄີ​ພິ​ເສດ ແລະ ການ​ຮ່ວມ​ມື​ຮອບດ້ານ​ລາວ-ຫວຽດນາມ​ງອກ​ງາ​ມຍິ່ງຂຶ້ນ

ແຂ່ງຂັນ​ແຕ້ມ​ຮູບ,ຂຽນ​ກາບກອນ ແລະ ​ຂຽນ​ເລື່ອງສັ້ນສະ​ເຫຼີມສະຫຼອງປີ​ສາມັກຄີ​ແບບ​ພິ​ເສດ​ລາວ-ຫວຽດນາມ
ຫົວພັນ-ເຊີນລາ ຮ່ວມຍົກລະດັບຊີວິດຂອງພໍ່ແມ່ປະຊາຊົນໄດ້ດີຂຶ້ນ

 

ກັບສາລະບານ

 

 
ຂ່າວສານປະເທດລາວ ( ຂປລ ) - 80 ຖະໜົນເສດຖາທິລາດ, ນະຄອນຫລວງວຽງຈັນ, ສປປລາວ ໂທ: ( 856-21 ) 215402, ແຟັກ: 212446