ລາວ-ຫວຽດນາມ

ການຈັດຕັ້ງປະຕິບັດເນື້ອ​ໃນ ແລະ ຈັດກິດຈະ​ກຳ​
ໃນ​ການສະ​ເຫລີ​ມສະຫລອງ 2 ວັນ​ປະຫວັດສາດ ລາວ-ຫວຽດນາມ

*ສຳເລັດເປັນທີ່ຮຽບຮ້ອຍການແລກປ່ຽນສິລະປະວັດທະນະທຳ ໃນຫົວຂໍ້“ຫວນຄືນນ້ຳໃຈສາມັກຄີມິດຕະພາບແບບພິເສດ ລາວ-ຫວຽດນາມ ” ທີ່ບັນດາ ນັກສິລະປິນ 2 ຊາດ ຜັດປ່ຽນກັນຂຶ້ນສະແດງເທິງເວທີກາງແຈ້ງ ຢູ່ເທສະບານແຂວງເຊີນລາ ສສ ຫວຽດນາມ ເມື່ອທ້າຍເດືອນເມສາຜ່ານມາ. ບໍ່ວ່າຈະ ເປັນບົດຟອນ, ຮ້ອງເພງລວມໝູ່,ຮ້ອງດ່ຽວ ແລະ ອື່ນໆລ້ວນແຕ່ສ່ອງແສງໃຫ້ເຫັນເຖິງ ມູນເຊື້ອຄວາມສາມັກຄີພິເສດ ແລະ ການພົວພັນຮ່ວມມືຊ່ວຍ ເຫລືອເຊິ່ງກັນ ແລະ ກັນ ຂອງສອງພັກ-ລັດ ປະຊາຊົນ ກໍຄືສະພາແຫ່ງຊາດສອງປະເທດ.

ທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດລາວ ກ່າວວ່າ: ໂອກາດອັນສະຫງ່າລາສີ ແລະ ມີຄວາມໝາຍອັນສຳຄັນນີ້, ຂ້າພະເຈົ້າຂໍນຳເອົາ ມິດຈິດ ມິດໃຈຄວາມສາມັກຄີຮັກແພງອັນດູດດື່ມຂອງປະຊາຊົນລາວຕໍ່ປະຊາຊົນຫວຽດນາມອ້າຍນ້ອງເວົ້າລວມ; ເວົ້າສະເພາະປະຊາຊົນແຂວງເຊີນລາ ທຸກທົ່ວໜ້າ. ເພື່ອຮັດແໜ້ນຄວາມສາມັກຄີອັນເປັນມູນເຊື້ອ ແລະຫວນຄືນສູ່ຕົ້ນກຳເນີດແຫ່ງ ຄວາມສາມັກຄີພິເສດ ລາວ-ຫວຽດນາມ, ພວກຂ້າພະເຈົ້າ ໄດ້ນຳເອົາ ລາຍການສິລະປະວັນນະຄະດີ ຈຳນວນໜຶ່ງທີ່ສ່ອງແສງເຖິງເອກະລັກວັດທະນະທຳຂອງປະຊາຊົນລາວບັນດາເຜົ່າ ກໍຄືມູນເຊື້ອສາຍພົວພັນ ມິດຕະພາບຂອງ ສອງປະເທດ ມາຮ່ວມສະແດງນຳເພື່ອນສະຫາຍຫວຽດນາມ. ນີ້ເປັນຄືນແຫ່ງມິດຕະພາບອັນດູດດື່ມ ແລະ ຄວາມຊົງຈຳທີ່ເລິກເຊິ່ງ ຂອງຄະນະຜູ້ແທນ ທັງສອງປະເທດ ແລະ ປະຊາຊົນ ແຂວງເຊີນລາ ພ້ອມທັງປະຊາຊົນລາວ-ຫວຽດນາມ.

ປະທານສະພາແຫ່ງຊາດລາວກ່າວວ່າ: ການແລກປ່ຽນສິລະປະວັດທະນະທຳແມ່ນໜຶ່ງໃນກິດຈະກຳສຳຄັນຂອງກອງປະຊຸມ “ສາຍພົວພັນຮ່ວມມື ລະຫວ່າງ ສອງສະພາແຫ່ງຊາດລາວ-ຫວຽດນາມ, ຄວາມສາມມັກຄີມິດຕະພາບ” ​ແລະ ​ການ​ເຄື່ອນ​ໄຫວ​ຕ່າງໆ​ ເນື່ອງ​ໃນ​ໂອກາດ​ສະ​ເຫຼີ​ມສະຫຼອງວັນ​ສ້າງ​ຕັ້ງ​ ສາຍ ​ພົວພັນ​ການ​ທູດຂອງ​ສອງ​ປະ​ເທດຄົບຮອບ 50 ປີ​ ແລະ ວັນ​ເຊັນ​ສົນທິສັນຍາ​ມິດຕະພາບ ​ແລະ ການ​ຮ່ວມ​ມື ລາວ-ຫວຽດນາມ ຄົບຮອບ 35 ປີ ເຊິ່ງຈັດຂຶ້ນຢູ່ບົນດິນແດນ ແຂວງເຊີນລາທີ່ງົດງາມ, ຮັກແຂກແພງຄົນ,ເປັນແຂວງທີ່ມີມູນເຊື້ອປະຕິວັດອົງອາດກ້າຫານ ​ແລະ​ ພົວພັນ​ສະໜິດ​ແໜ້ນ ກັບ ​ການ​ປະຕິວັດ ​ແຕ່​ເລີ່​ມ ຕົ້ນຈົນ​ເຖິງ​ ປັດຈຸບັນ.

.....................................................................................................................................................................................

ຂ່າວອື່ນໆ


(ລາວ-ຫວຽດ) ການແລກປ່ຽນວັດທະນະທຳຫວນຄືນມູນເຊື້ອນ້ຳໃຈສາມັກຄີ ມິດຕະພາບ ລາວ-ຫວຽດນາມ ຈັດຂຶ້ນຢ່າງຄຶກຄື້ນ
ສະ​ເຫຼີ​ມສະຫຼອງ​ປີ​ສາມັກຄີ​ມິດຕະພາບ​ລາວ-ຫວຽດນາມ ​ແລະ ຊົມ​ເຊີຍ​ວັນ​ປົດ​ປ່ອຍ​ພາກ​ໃຕ້​ຂອງ ສ.ສ ຫວຽດນາມ
ເສີມຂະຫຍາຍມູນເຊື້ອຄວາມສາມັກຄີພິເສດ, ການຮ່ວມມືຮອບດ້ານ ລາວ-ຫວຽດນາມ
VXP ແລະ LO PETROLEUM ປະກອບສ່ວນໃນວັນສຳຄັນສອງຊາດລາວ-ຫວຽດນາມ
ແນະ​ນຳ​ປຶ້ມປະຫວັດ​ສາດ ​ສາຍ​ພົວພັນ​ພິ​ເສດ​ລາວ-ຫວຽດນາມ, ຫວຽດນາມ-ລາວ
ການຈັດຕັ້ງປະຕິບັດເນື້ອ​ໃນ ແລະ ຈັດກິດຈະ​ກຳ​ໃນ​ການສະ​ເຫລີ​ມສະຫລອງ 2 ວັນ​ປະຫວັດສາດ ລາວ-ຫວຽດນາມ
ຄວາມ​ສາມັກຄີ​ພິ​ເສດ ແລະ ການ​ຮ່ວມ​ມື​ຮອບດ້ານ​ລາວ-ຫວຽດນາມ​ງອກ​ງາ​ມຍິ່ງຂຶ້ນ
ແຂ່ງຂັນ​ແຕ້ມ​ຮູບ,ຂຽນ​ກາບກອນ ແລະ ​ຂຽນ​ເລື່ອງສັ້ນສະ​ເຫຼີມສະຫຼອງປີ​ສາມັກຄີ​ແບບ​ພິ​ເສດ​ລາວ-ຫວຽດນາມ
ຫົວພັນ-ເຊີນລາ ຮ່ວມຍົກລະດັບຊີວິດຂອງພໍ່ແມ່ປະຊາຊົນໄດ້ດີຂຶ້ນ

 

ກັບສາລະບານ

 

 
ຂ່າວສານປະເທດລາວ ( ຂປລ ) - 80 ຖະໜົນເສດຖາທິລາດ, ນະຄອນຫລວງວຽງຈັນ, ສປປລາວ ໂທ: ( 856-21 ) 215402, ແຟັກ: 212446