ແຂວງ​ບໍລິ​ຄຳ​ໄຊ ຕັ້ງ​ປູ່​ທາງ​ພາກ​ກາງຂອງ​ປະ​ເທດ ​ ທິດ​ເໜືອຕິດ​ກັບ​ແຂວງ​ວຽງຈັນ-ຊຽງຂວາງ ທິດ​ໃຕ້​ຕິດ​ກັບ​ແຂວງ​ຄຳ​ມ່ວນ ທິດຕາ​ເວັນ​ອອກ ​ຕິດ​ກັບ ​ແຂວງ​ເຫ​ງະ​ອານ-ຮາ​ຕີງ (ສສ ຫວຽດນາມ) ທິດຕາ​ເວັນ​ຕົກ​ຕິດ​ກັບ​ແຂວງ​ບືງການ (ຮາຊະ​ອານາຈັກ​ໄທ) ທິດຕາ​ເວັນ​ຕົກສຽງ​ເໜືອຕິດ​ກັບ​ ນະຄອນຫຼວງ ວຽງຈັນ, ຫ່າງ​ຈາກ​ນະຄອນຫຼວງ​ວຽງ​ຈັນ​ໄປ​ທາງ​ທິດໄຕ້ 150 ກິ​ໂລ​ແມັດ.

ແຂວງບໍລິຄຳໄຊ

ພູມ​ສັນຖານ ແຂວງ​ ມີ​ເນື້ອ​ທີ່​ທັງໝົດ 15.977 ກິໂລຕາແມັດ ເປັນ​ເຂດ​ທົ່ງພຽງ​ລຽບ​ຕາມ​ແຄມ​ແມ່ນ້ຳ​ຂອງ ທາງ​ທິດຕາ​ເວັນ​ອອກ​ ມີ​ສາຍພູ​ຫຼວງ​ເຊື່​ງ​ເປັນ​ເຂດ​ແດນ ລະ​ຫວ່າງ ສປປລາວ ແລະ​ ສສ ຫວຽດນາມ, ແຂວງ​ບໍລິ​ຄຳ​ໄຊ​ມີ ພົນລະ​ເມືອງ 254.076 ຄົນ ຍິງ 125.878 ຄົນ, 36 ກ່ມບ້ານ, 322 ບ້ານ ມີ 43.103 ຄອບຄົວ, ລວມມີ 24 ຊົນ​ເຜົ່າ ຄວາມ​ໜາ​ແໜ້ນ​ສະ​ເລ່ຍ ປະມານ 15 ຄົນ​ຕໍ່​ກິ​ໂລ​ຕາແມັດ .

ແຂວງ​ບໍລິ​ຄຳ​ໄຊ​ໄດ້​ຖືກ​ສ້າງຕັ້ງຂື້ນ​ໃນ​ວັນ​ທີ 6 ມີນາ 1984 ແຂວງບໍລິ​ຄຳ​ໄຊ​ແມ່ນ​ມີ​ຄວາມ​ໝາຍ​ມາ​ຈາກ​ຄຳ​ວ່າ “ ບໍລິ” ມາ​ຈາກ​ຄຳ​ວ່າ​ເມືອງ​ບໍລິ​ຄັນ ​ເຊື່​ງ​ເປັນ​ເມືອງ​ດັງ​ເດີມ ​ໃນ​ລະບອບ​ຣາຊະ​ອາ ນາຈັກ​ລາວ, “ ຄຳ ” ມາ​ຈາກ​ຊື່​ເມື​ອຄຳ​ເກີດ ​ເຊື່​ງ​ເປັນ​ເມືອງ​ປະຫວັດສາດ​ທ່ີ​ຍາວ​ນານ​ຕັ້ງ​ ແຕ່​ສະ​ໄຫມ ​ເຈົ້າຟ້າ​ງຸ້ມ ​ແລະ ຄຳ​ວ່າ “ ​ໄຊ ” ​ແມ່ນ​ມາ​ຈາກ​ ໄຊຊະນະ​ຂອງ​ການ​ປະຕິວັດ ຈື່ງ​ມາ​ລວມ​ເຂົ້າກັນ​ເປັນ​ເມືອງ ບໍ​ລີ​ຄຳ​ໄຊ.

ແຂວງ​ບໍລິ​ຄຳ​ໄຊ​ປະກອບ​ມີ 7 ​ເມືອງ::

1. ປາກ​ຊັນ
2. ຄຳ​ເກີດ
3. ທ່າ​ພະ​ບາດ
4. ປາກ​ກະດິງ
5. ບໍລິ​ຄັນ
6. ວຽງ​ທອງ ​
7. ​ໄຊ​ຈຳ​ພອນ

​ແຫຼ່ງທ່ອງ​ທ່ຽວສຳຄັນ​ລວມມີ 15 ​ແຫ່ງຄື:

ຕາດ​ວັງ​ຟອງ
ເປັນຕາ​ດທ່ີ​ກັ້ນ​ເຂດ​ລະຫວ່າງ ນ້ຳ​ກະດິງ ​ແລະ ນ້ຳ​ເທີນ ​ເຊື່​ງ​ແມ່​ນ້ຳ​ສາຍ​ນີ້​ເປັນ​ແມ່​ນ້ຳ​ສາຍ​ດ່ຽວ​ກັນ ​ແຕ່​ປະ​ຊາ​ຊົນ​ເອີ້ນ​ກັນ​ວ່າ: ຕອນ​ຕົ້ນ​ເອີ້ນ​ວ່າ ນ້ຳ​ເທີນ 1, ຕອນ​ກາງ ເອີ້ນ​ວ່າ ນ້ຳ​ເທີນ2 ​ແລະ ຕອນ3 ເອີ້ນ​ວ່າ ນ້ຳ​ກະດິງ ຫ່າງ​ຈາກ​ຕົວ​ເມືອງ​ປາກ​ຊັນ ປະມານ 60 ກິ​ໂລ​ແມັດ. ​ແລ້ວ​ຂື້ນ​ເຣືອ​ໄປ ປະມານ ຫນື່ງຊົ່ວ​ໂມງ​ຕາມ​ເສັ້ນທາງ​ຕາມ​ນ້ຳ ກະດິງ ທ່ານ​ຈະ​ໄດ້​ສັມພັດ​ກັບ​ທຳ​ມະ​ຊາດ​ຢູ່ຂອງ​ຝັງ​ຂອງ​​ແມ່​ນ້ຳກະດິງ

ວັດ​ພະ​ບາດ
ວັດ​ພະ​ບາດ​ຕັ້ງ​ຢູ່​ເມືອງ​ທ່າ​ພະຍາດ ​ເປັນ​ວັດ​ທ່ີ​ປະຊາຊົນ​ແຂວງ​ບໍລິ​ຄຳ​ໄຊ ​ແລະ ຊາວ​ນະຄອນຫລວງ​ວຽງ​ຈັນ​ເຄົາລົບ​ບູຊາ ​ແລະ ​ເປັນ​ທີ​ຮູ້ຈັກ​ກັນ​ດີ ​ໃນ​ບໍລິ​ເວັນ​ດັ່ງກ່າວ​ມີ​ຮອຍ​ພະ​ບາດ ຄົ້ນ​ພົບ ​ໃນ​ເດືອນ 4 ພສ 2476 ​ເປັນ​ຮອຍ​ພະ​ບາດຂ້າງ​ຂວາ ທ່ຮ​ແກະ​ສະ​ລັກ​ຮູບ​ກົງ​ຈັນ ​ແລະ ຮູບ​ສັດ 108 ຊະນິດ ​ແລະ ມີພະທາດ​ທ່ີ​ຈົບງາມ , ພໍ​ເຖີງ​ເດືອນ 3 ​ເພັງ​ຂອງ​ແຕ່ລະ​ປີ​ຈະ​ມີ​ການຈັດ​ງານ​ບູນປະ​ເພນີ​ທາງ​ສາດ​ສະນາ​ຂື້ນ​ເພື່ອ​ໃຫ້​ປະຊາຊົນ​ທ່ີຢູ່​ໄກ້ ​ແລະ ​ໄກ​ມາ​ ສ້າງ​ບູນຮ່ວມ​ກັນ .

ກັບຫນ້າສາລະບັນ