ຂ່າວສານປະເທດລາວ (ຂປລ) - 80 ເສດຖາທິລາດ - ວຽງຈັນ ສປປລ - ໂທ (856 21) 212447 - ແຟກ 212446
 
ຂ່າວລາຍວັນ
 

 

 
 
 
 
 
 
 
 
 

 

 

ກອງ​ປະຊຸມ​ໃຫຍ່​ແມ່​ຍິງ​ລາວທົ່ວ​ປະ​ເທດ​ຄັ້ງທີ V ອັດ​​​ລົງ​ດ້ວ​ຍຜົນສຳ​ເລັດ

*(ຂປລ): ​ກອງ​ປະຊຸມ​ໃຫຍ່ ຜູ້​ແທນແມ່​ຍິງ​ລາວ​ທົ່ວ​ປະ​ເທດ​ຄັ້ງທີ V ຊຶ່ງ​ດຳ​ເນີນ​ມາ​ເປັນ​ເວລາ 3 ວັນ ດ້ວຍບັນຍາກາດອັນຟົດຟື້ນ, ເຕັມໄປດ້ວຍເນື້ອໃນອັນຫນັກແຫນ້ນ ແລະ ເລີກເຊິ່ງ ບົນຈິດໃຈທີ່ເຕັມໄປດ້ວຍຄວາມຮັບຜິດຊອບສູງ ຂອງ​ບັນດາ​ຜູ້​ແທນ​ທີ່​ເຂົ້າ​ຮ່ວມ ​ໂດຍ​ການ​ເປັນ​ປະທານ​ຂອງ​ທ່ານ ນາງ ອ່ອນ​ຈັນ ທຳ​ມະ​ວົງ, ກຳ​ມະ​ການສູນກາງ​ພັກ, ປະທານ​ສູນ​ກາງ​ສະ​ຫະ​ພັນ​ແມ່​ຍິງ​ລາວ​ໄດ້​ຖືກ​ອັດ​ລົງ​ດ້ວຍ​ຜົນສຳ​ເລັດ​ອັນສະຫງ່າ​ງາມ ໃນ​ຕອນ​ແລງ​ວັນ​ທີ 31 ພຶດສະພານີ້,
ທີ​່່ນະຄອນຫລວງ​ວຽງ​ຈັນ. ​ກອງ​ປະຊຸມ​ຄັ້ງນີ້ ​ໄດ້​ດຳ​ເນີນ​ການ​ປ່ອນ​ບັດ​ເລືອກ​ຕັ້ງ​ເອົາ​ຄະນະ​ບໍລິຫານ​ງານ​ສູນ​ກາງ​ສະ​ຫະ​ພັນ​ແມ່​ຍິງ​ລາວ ​ຊຸດ​ໃຫມ່ ​ຈຳນວນ​ 41 ທ່ານ ຊຶ່ງ​ເປັນ​ຕົວ​ແທນ​ໃຫ່​ແກ່​ແມ່ຍິງ​ລາວ​ທົ່ວ​ປະ​ເທດ ​ໃນ​ນັ້ນ ມີ​ເຜົ່າ​ລາວ​ເທິງ 03 ທ່ານ, ​ເຜົ່າ​ລາວ​ສູງ 03 ທ່ານ ແລະ ​ເຜົ່າ​ລາວ​ລຸ່ມ 35 ທ່ານ, ​ເພື່ອ​ນຳພາ​ຈັດຕັ້ງປະຕິບັດ​ມະຕິ ກອງ​ປະຊຸມ​ໃຫຍ່​ຄັ້ງທີ V ກໍ​ຄື ມະຕິ​ກອງ​ປະຊຸມ​ໃຫຍ່ ຄັ້ງທີ VIII ແລະ ​ແນວທາງ​ການ​ປ່ຽນ​ແປງ​ໃຫມ່ຂອງ​ພັກ. ກອງ​ປະຊຸມ ຄົບ​ຄະນະ​ຄັ້ງປະຖົມ​ມະລຶກ ຂອງ​ຄະນະ​ບໍລິຫານ​ງານ​ສູນ​ກາງ​ແມ່ຍິງ​ລາວ​ສະ​ໄຫມ​ທີ V ໄດ້​ເປັນ​ເອກະສັນຢ່າງ​ສົມບູນ​ເລືອກ​ເອົາ ທ່ານ ນາງ ສີ​ໄສ ລື​ເດດ​ມູນ​ສອນ ເປັນ​ປະ​ທານຄະນະ​ບໍລິຫານ​ງານ​ສູນ​ກາງ​ສະ​ຫະ​ພັນ​ແມ່​ຍິງ​ລາວ ຊຸດ​ທ​ີ V ແລະ​ເລືອກ ທ່ານ​ນາງ ຄຳ​ຈັນ ພົມ​ແສງ​ສະຫວັນ, ທ່ານ​ນາງ ຈັນ​ທຶມ ລັດມະນີ , ທ່ານ​ ດຣ. ນາງ ອຳ​ໄພ​ວັນ ຄຳ​ແສງ​ສີວິ​ໄລ ແລະ ທ່ານ​ນາງ ບັນດິດ ປະທຸມ​ວັນ ​ເປັນຮອງປະ​ທານ​ຄະນະ​ບໍລິຫານ​ງານສູນ​ກາງສະຫະພັນ​ແມ່ຍິງ​ລາວຊຸດ​ທີ V.
​ ໃນ​ພິທີ​ອັດ​ກອງ​ປະຊຸມ ຊຶ່ງ​ມີ​ ທ່ານ ຈູ​ມມະ​ລີ ໄຊ​ຍະ​ສອນ ເລຂາທິ ການ​ໃຫຍ່​ຄະນະ​ບໍລິຫານ​ງານ​ສູນ​ກາງ​ພັກ, ບັນດາ​ກຳມະການ​ກົມ​ການ​ເມືອງ, ກຳມະການ​ສູນ​ກາງ​ພັກ ພ້ອມດ້ວຍ​ແຂກ​ທີ່​ຖືກ​ເຊີນ ໄດ້​ໃຫ້ກຽດ​ເຂົ້າຮ່ວມນັ້ນ, ທ່ານ ນາງ ອ່ອນ​ຈັນ ທຳ​ມະ​ວົງ, ໄດ້​ຂຶ້ນກ່າວ​ສູນ​ທອນ​ພົດ ອັດ​ກອງ​ປະຊຸມ​ໃຫຍ່​ຜູ້​ແທນ​ທົ່ວ​ປະ​ເທດ ຄັ້ງທີ V ຂອງ​ສູນ​ກາງສະ​ຫະ​ພັນ​ແມ່​ຍິງ​ລາວ​ຢ່າງ​ເປັນ​ທາງ​ການ ໂດຍ​ໄດ້​ກ່າວວ່າ: ກອງປະຊຸມໃຫຍ່​ຜູ້​ແທນ​ແມ່ຍິງ​ລາວ​ທົ່ວ​ປະ​ເທດ ຄັ້ງທີ V ໄດ້​ດຳ​ເນີນ​ມາ​ດ້ວຍ​ບັນຍາກາດ​ອັນ​ຟົດຟື້ນ, ​ເຕັມ​ໄປ​ດ້ວຍ​ເນື້ອ​ໃນ​ອັນ​ຫນັກ​ແຫນ້ນ ແລະ ​ເລິກ​ເຊິ່ງ ບົນຈິດ​ໃຈ​ທີ່​ເຕັມ​ໄປ​ດ້ວຍ ຄວາມຮັບຜິດ​ຊອບ​ສູງ ຂອງ​ບັນດາ​ຜູ້​ແທນ​ກອງ​ປະຊຸມ​ໃຫຍ່, ມາຮອດນີ້ ກອງ​ປະຊຸມ​ໃຫຍ່ ກໍ​ໄດ້​ສຳ​ເລັດ​ລົງ​ຢ່າງ​ສະຫງ່າ​ງາມ ຕາມ​ຈຸດປະສົງ ​ແລະ ຄາດຫມາຍ​ທີ່​ວາງ​ໄວ້.
ກອງ​ປະຊຸມ​ໃຫຍ່ ໄດ້ຄົ້ນຄວ້າປະ ກອບຄຳເຫັນ ແລະ ໄດ້ເປັນ ເອກະ ພາບ ຢ່າງ​ສົມ​ບູນ ຮັບຮອງເອົາບົດລາຍງານການເມືອງ ຂອງ ຄະນະບໍລິຫານງານສູນກາງສະຫະພັນແມ່ຍິງລາວ. ກອງປະຊຸມໄດ້ມີຄວາມເປັນເອກະພາບ ຕໍ່ ທັດສະນະໃນການຕີລາຄາຂະບວນການແມ່ຍິງລາວ ບັນດາເຜົ່າໃນໄລຍະ 5 ປີ ຜ່ານມາ. ບັນດາທ່ານຜູ້ແທນກອງປະຊຸມໃຫຍ່ ຍັງໄດ້ພ້ອມກັນ ຮັບຮອງເອົາທິດທາງແຜນການ ແລະ ຄາດຫມາຍສູ້ຊົນ ສຳລັບແຕ່ປີ 2006-2010 ໂດຍສຸມໃສ່ ການປຸກລະດົມຂະບວນການແມ່ຍິງ ບັນດາເຜົ່າ ເຂົ້າຮ່ວມໃນການຈັດຕັ້ງປະຕິບັດ ມະຕິກອງປະ ຊຸມໃຫຍ່ຄັ້ງທີ່ VIII ຂອງ​ສູນ​ກາງ​ພັກ, ແຜນພັດທະນາເສດຖະກິດ-ສັງຄົມຂອງລັດ ຄັ້ງ​ທີ VI (2006-​2010) ໂດຍສະເພາະແມ່ນ ຍຸດທະສາດລົບລ້າງຄວາມທຸກຍາກແຫ່ງຊາດ ຮອດ ປີ 2010 ໃຫ້ບັນ​ລຸ​ຜົນ​ສຳ​ເລັດ​ຕາມ​ລະ​ດັບ​ຄາດ​ຫມາຍ.
ກອງ​ປະ​ຊຸມ​ຄັ້ງ​ນີ້ ໄດ້​ຜ່ານ​ບົດ​ສຳຫລວດ​ການ​ນຳ​ພາ ຄະ​ນະ​ບໍ​ລິ​ຫານ​ງານ​ສູນ​ກາງ​ສະ​ຫະ​ພັນ​ແມ່​ຍິງ​ລາວສະ​ໄຫມ​ທີ IV, ຜ່ານ​ມາດ​ຖານ​ເງື່ອນ​ໄຂ​ຜູ້​ສະ​ຫມັກ​ຮັບ​ເລືອກ​ຕັ້ງ, ສະ​ເຫນີລາຍ​ຊື່​ຜູ້​ສະ​ຫມັກ​ຮັບ​ເລືອກ​ຕັ້ງ ແລະ ດຳ​ເນີນ​ການ​ປ່ອນ​ບັດເລືອກ​ຕັ້ງເອົາ​ຄະ​ນະ​ບໍ​ລິ​ຫານ​ງານ​ສູນ​ກາງ​ສະ​ຫະ​ພັນ​ແມ່​ຍິງ​ລາວ​ຊຸດ​ທີ V, ທີ່​ປະ​ຊຸມ ຍັງໄດ້​ຜ່ານມ​ະ​ຕິ​ກອງ​ປະ​ຊຸມ​ໃຫຍ່ ແລະ ເປັນ ເອກະ ພາບກັນຮັບຮອງເອົາ 5 ຄາດຫມາຍສູ້ຊົນ ແລະ 4 ທິດທາງລວມ ສຳລັບ 2006-2010 ແນໃສ່ ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ VIII ຂອງພັກ ຊຶ່ງໄດ້ກຳນົດໄວ້ວ່າ: "ສືບຕໍ່ປະຕິ ບັດນະໂຍບາຍສົ່ງເສີມເພດຍິງ, ປະຕິບັດສິດສະເຫມີພາບລະຫວ່າງ ຍິງ-ຊາຍ ຢ່າງກວ້າງຂວາງ ແລະ ເຊີດຊູບົດບາດ ແມ່ຍິງຕື່ມອີກໃນວຽກງານ ພັກ-ລັດ ແລະ ສັງຄົມ ໃຫ້ປະ ກົດຜົນເປັນຈິງ ເທື່ອລະກ້າວ." ແລະ ຄາດ​ຫມາຍ​ສູ້​ຊົນ​ແຕ່ ປີ 2006-​2010 ເລັ່ງ​ໃສ່ແມ່ຍິງລາວບັນດາເຜົ່າ, ບັນດາຊັ້ນຄົນ ອອກແຮງຈັດຕັ້ງຜັນຂະຫຍາຍ ແລະ ນຳພາຈັດຕັ້ງປະຕິບັດ ເນື້ອໃນ ມະຕິກອງ ປະຊຸມໃຫຍ່ຄັ້ງທີ VIII ຂອງພັກ, ມະຕິກອງປະຊຸມໃຫຍ່ຜູ້ແທນແມ່ຍິງລາວທົ່ວປະເທດຄັ້ງທີ V ບົນພື້ນຖານການຈັດຕັ້ງປະຕິບັດ 5 ແຜນງານ 16 ໂຄງການພັດທະນາແມ່ຍິງ ໃຫ້ບັນລຸຜົນສຳ ເລັດຕາມລະດັບຄາດຫມາຍ. ຈັດຕັ້ງສຶກສາອົບຮົມການເມືອງແນວຄິດ ເພື່ອເຊື່ອມຊຶມແນວ ທາງນະໂຍບາຍຂອງພັກ, ລັດຖະທຳມະນູນ, ກົດຫມາຍ, ແຜນພັດທະນາ ເສດຖະກິດ-ສັງຄົມ ຂອງລັດຖະບານ, ສຶກສາອົບຮົມນ້ຳໃຈຮັກຊາດ, ຮັກບ້ານເກີດເມືອງນອນ, ຂອງແມ່ຍິງລາວ ບັນດາເຜົ່າໃຫ້ຫນັກແຫນ້ນເຂັ້ມແຂງ. ປັບປຸງກໍ່ສ້າງການຈັດຕັ້ງສະຫະພັນແມ່ຍິງທຸກຂັ້ນ ໃຫ້ມີ ຄວາມເຕີບໃຫຍ່ ຂະຫຍາຍຕົວທາງດ້ານປະລິມານ ແລະ ຄຸນນະພາບ, ມີຄວາມຫນັກແຫນ້ນ ເຂັ້ມແຂງ, ຂະຫຍາຍການຈັດຕັ້ງແມ່ຍິງໃຫ້ມີຫລາຍຮູບແບບ, ຫັນປ່ຽນແບບແຜນວິທີການ ເຄື່ອນໄຫວວຽກງານ ຂອງ ການຈັດຕັ້ງສະຫະພັນແມ່ຍິງແຕ່ລະຂັ້ນ ຖືເອົາວຽກງານກໍ່ສ້າງ ພັກ-ພະນັກງານ ຕິດພັນກັບຂະບວນການເຄື່ອນໄຫວປະຕິບັດຫນ້າທີ່ ຂອງອົງການຈັດຕັ້ງ ສະຫະພັນແມ່ຍິງ. ອອກແຮງກໍ່ສ້າງພະນັກງານແມ່ຍິງໃຫ້ສາມາດເປັນຫຼັກແຫຼ່ງ ເຮັດໃຫ້ຂະບວນ ການແມ່ຍິງເຕີບໃຫຍ່ ຂະຫຍາຍຕົວ ເປີດກວ້າງຂະບວນການເຄື່ອນໄຫວຂອງແມ່ຍິງ, ເສີມຂະ ຫຍາຍທ່າແຮງ, ຄວາມສາມາດບົ່ມຊ້ອນຂອງແມ່ຍິງບັນດາເຜົ່າ, ບັນດາຊັ້ນຄົນເຂົ້າຮ່ວມໃນ ຂະບວນການລວມ ຂອງແຕ່ລະທ້ອງຖີ່ນຮາກຖານ, ໂດຍສະເພາະແມ່ນຂະບວນການແກ້ໄຂ ຄວາມທຸກຍາກ, ປຸກລະດົມຂົນຂວາຍແລະສ້າງເງື່ອນໄຂໃຫ້ແມ່ຍິງໄດ້ມີ ສ່ວນຮ່ວມໃນການ ຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງລັດ, ແຜນຍຸດທະສາດແຫ່ງຊາດ ເພື່ອ ການເຕີບໂຕແລະຫຼຸດຜ່ອນຄວາມທຸກຍາກ, ແຜນງານຍຸດທະສາດຂອງ ລັດຖະບານແນໃສ່ບັນລຸ ເປົ້າຫມາຍສະຫັດສະຫວັດເພື່ອການພັດທະນາ, ປະກອບສ່ວນເຂົ້າໃນ ການຮັກສາສະຖຽນລະ ພາບຂອງຊາດ, ປະກອບສ່ວນຈຳກັດ ແລະ ແກ້ໄຂບັນດາປາກົດການຫຍໍ້ທໍ້, ການສໍ້ລາດບັງ ຫລວງ ໃນຂະບວນການແມ່ຍິງ,ເຮັດໃຫ້ອົງການຈັດຕັ້ງແມ່ຍິງມີຄວາມປອດໃສ. ສືບຕໍ່ຈັດຕັ້ງ ປະຕິບັດ ໂຄງການພັດທະນາແມ່ຍິງໃຫ້ມີປະສິດທິຜົນ, ຊຸກຍູ້ການຈັດຕັ້ງປະ ຕິບັດເນື້ອໃນ ຄຳ ຂວັນ 3 ດີ ແລະ ຂໍ້ແຂ່ງຂັນ ໃຫ້ເປັນຂະບວນກວ້າງຂວາງ. ພົວພັນຮ່ວມມືກັບການຈັດຕັ້ງແມ່ຍິງ ບັນດາປະເທດເພື່ອນມິດຍຸດທະສາດ, ບັນດາປະເທດໃນພາກພື້ນ, ຂົງເຂດ ແລະ ອົງການ ຈັດຕັ້ງສາກົນ ເພື່ອຍາດແຍ່ງເອົາບົດຮຽນ, ທຶນຮອນມາພັດທະນາແມ່ຍິງລາວ ຕາມພາລະບົດ ບາດ ຂອງຕົນຢ່າງມີການເລືອກເຟັ້ນ.
ກອງປະຊຸມໄດ້ເປັນເອກະສັນກັນຮັບຮອງເອົາກົດລະບຽບ, ກາຫມາຍ ແລະ ຂໍ້ແຂ່ງ​ຂັນ​ຂອງ​ອົງ​ການຈັດຕັ້ງສະຫະພັນແມ່ຍິງລາວ ທີ່ໄດ້ມີການປັບປຸງຄືນໃຫມ່ໃຫ້ສອດ ຄ່ອງຕາມແນວ ທາງນະໂຍບາຍຂອງພັກ, ແທດເຫມາະກັບຈຸດພິເສດ ແລະ ສະພາບການຕົວຈິງ ຂອງແມ່ຍິງ ລາວໃນໄລຍະໃຫມ່. ບັນດາຜູ້ແທນກອງປະຊຸມໃຫຍ່ໄດ້ຮັບຮອງເອົາບົດສຳ ຫລວດການນຳພາ ຂອງຄະນະບໍລິຫານງານສູນກາງ ສະຫະພັນແມ່ຍິງລາວສະໄໝທີ IV ພ້ອມທັງໄດ້ດຳເນີນການ ປ່ອນບັດເລືອກຕັ້ງ ເອົາຄະນະບໍລິຫານງານສູນກາງສະຫະພັນແມ່ຍິງ ລາວສະໄໝທີ V ຈຳນວນ 41 ທ່ານ ທີ່ໄດ້ຜ່ານການທົດສອບ, ຝຶກ​ຝົນ​ຫລໍ່​ຫລອມ ແລະ ເຕີບໃຫ່ຍຂະຫຍາຍຕົວໃນຂະ ບວນວຽກງານຕົວຈິງຂອງ​ແມ່​ຍິງ, ຂະ​ແຫນງ​ການ ແລະ ທ້ອງ​ຖິ່ນ​ຕ່າງໆ ທີ່ເປັນຕົວແທນ ຊຶ່ງໄດ້ຮັບຄວາມເຊື່ອຫມັ້ນ ແລະ ໄວ້​ວາງໃຈຈາກແມ່ຍິງບັນ​ດາ​ເຜ​ົ່​າໃນທົ່ວປະເທດ.
ຜົນສຳເລັດ ຂອງ ກອງປະຊຸມໃຫຍ່ຄັ້ງນີ້ ສະແດງເຖິງຄວາມສາມັກຄີເປັນເອກະພາບ, ການທຸ້ມເທສະຕິປັນຍາ, ເຫື່ອແຮງ ແລະ ດ້ວຍຄວາມຮັບຜິດຊອບສູງຂອງບັນດາ ຜູ້ແທນໃນ ການ ຄົ້ນຄວ້າ, ປະກອບຄຳເຫັນທີ່ອຸດົມສົມບູນ ຊຶ່ງຈະເປັນພື້ນຖານໃຫ້ ແກ່ການຜັນຂະຫຍາຍ ຜົນສຳເລັດ ຂອງ ກອງປະຊຸມໃຫຍ່ຄັ້ງນີ້ໃຫ້ປະກົດຜົນເປັນຈິງ.
ທ່ານ ນາງ ອ່ອນ​ຈັນ ທຳ​ມະ​ວົງ ໄດ້ຕາງຫນ້າໃຫ້ຜູ້ແທນກອງປະຊຸມໃຫ່ຍ ສະແດງຄວາມ ກະຕັນຍູຮູ້ບຸນຄຸນຢ່າງເລີກເຊິ່ງຕໍ່ ທ່ານ ຈູມ​ມະ​ລີ ໄຊ​ຍະ​ສອນ, ທ່ານ ສີສະຫວາດ ແກ້ວບຸນພັນ ແລະ ທ່ານ ບົວ​ສອນ ບຸບ​ຜາ​ວັນ, ທີ່ໄດ້ເອົາໃຈໃສ່ຊີ້ນຳໆພາຢ່າງ​ໃກ້​ຊິດ ຕໍ່​ການ​ກະ​ກຽມ ແລະ ດຳ​ເນີນກອງ​ປະ​ຊຸມ​ໃຫຍ່ ຜູ້​ແທນ​ແມ່​ຍິງ​ລາວທົ່ວ​ປະ​ເທດ​ຄັ້ງ​ທີ V ເຮັດ​ໃຫ້​ກອງ​ປະ​ຊຸມ​ໃຫຍ່​ຄັ້ງ​ນີ້ ໄດ້​ໄຂ​ຂຶ້ນ ແລະ ມີ​ຜົນ​ສຳ​ເລັດ​ເປັນ​ຢ່າງ​ດີ.
ກອງປະຊຸມໃຫຍ່ໄດ້ໃຫ້ຄຳຫມັ້ນສັນຍາວ່າ:ດ້ວຍຄວາມເຊື່ອໝັ້ນຕໍ່ການນຳພາອັນປີຊາສາ
ມາດສະຫລາດສ່ອງໃສຂອງພັກປະຊາຊົນປະຕິວັດລາວ, ຄະນະນຳສະຫະພັນແມ່ຍິງລາວ ຈະພ້ອມ ກັນຕັ້ງໜ້າ ປັບປຸງອົງການຈັດຕັ້ງ ສະຫະພັນແມ່ຍິງ, ສືບ​ຕໍ່ເອົາໃຈໃສ່ກໍ່ສ້າງ ແລະ ພັດທະນາ ສະມາ ຊິກສະຫະພັນແມ່ຍິງ ພ້ອມດ້ວຍ ແມ່ຍິງລາວບັນດາເຜົ່າ, ບັນດາຊັ້ນຄົນ ໃຫ້ເຕີບໃຫ່ຍເຂັ້ມແຂງ, ສືບຕໍ່ເສີມຂະຫຍາຍມູນເຊື້ອ ຄວາມສາມັກຄີເປັນປຶກແຜ່ນຢູ່ອ້ອມຂ້າງພັກ, ປະກອບສ່ວນ ຈັດຕັ້ງປະຕິບັດບັນດາຈຸດຫມາຍສູ້ຊົນ, ແນໃສ່ເຮັດໃຫ້ແມ່ຍິງລາວ ຫລຸດພົ້ນອອກ ຈາກຄວາມ ທຸກຍາກ, ປຸກລະດົມກັນເຂົ້າຮ່ວມພາລະກິດປົກປັກຮັກສາ, ສ້າງສາແລະພັດທະນາ ປະເທດ ຊາດໃຫ້ ບັນ​ລຸ​ຜົນ​ສຳ​ເລັດ​ຕາມ​ຄາດ​ຫມາຍ​ສູ້​ຊົນ ​ທີ່​ມະ​ຕິ​ກອງ​ປະ​ຊຸມ​ໃຫຍ່​ຄັ້ງ​ທີ VIII ຂອງ​ພັກ ແລະ ແຜນ​ພັດ​ທະ​ນາ​ເສດ​ຖະ​ກິດ-​ສັງ​ຄົມ ແຫ່ງ​ລັດ ຄັ້ງ​ທີ VI ໄດ້​ກຳ​ນົດ​ໄວ້.
ກອງປະຊຸມໃຫຍ່ ຍັງ​ໄດ້ສະແດງຄວາມຊົມເຊີຍມາຍັງຄະນະນຳສະຫະພັນແມ່ຍິງ ທຸກ ຂັ້ນ, ສະມາຊິກສະຫະພັນແມ່ຍິງ ແລະ ແມ່ຍິງບັນດາເຜົ່າ, ບັນດາຊັ້ນຄົນທີ່ໄດ້ແຂ່ງຂັນກັນ ສ້າງຜົນງານ ເພື່ອຄຳນັບຮັບຕ້ອນກອງປະຊຸມໃຫຍ່ຄັ້ງ​ນີ້ ແລະ ສະແດງຄວາມຮູ້ບຸນຄຸນ ເປັນຢ່າງ ສູງ ມາຍັງຄະນະພັກ, ອຳນາດການປົກຄອງທ້ອງ​ຖິ່ນທຸກຂັ້ນ, ບັນດາກະຊວງອົງທຽບເທົ່າຂັ້ນສູນກາງ, ອົງການແນວລາວສ້າງຊາດ, ອົງການຈັດຕັ້ງມະຫາຊົນທັງ​ພາຍ​ໃນ ແລະ ຕ່າງ​ປະ​ເທດ ແລະ ບຸກ​ຄົນ​ພາກ​ສ່ວນ​ຊັ້ນ​ຄົນ, ປັນ​ຍາ​ຊົນ ພ້ອມ​ປະ​ຊາ​ຊົນ​ບັນ​ດາ​ເຜົ່າ ທີ່​ໄດ້ ປະກອບສ່ວນດ້ານສະຕິປັນຍາ, ເຫື່ອແຮງ, ທຶນຮອນ ແລະ ວັດຖຸປັດໄຈຕ່າງໆເພື່ອຊຸກຍູ້ກອງປະຊຸມໃຫຍ່.
ທ່ານ​ປະທານ​ກອງ​ປະຊຸມ ຍັງ​ໄດ້​ກ່າວ​ມ້ວນທ້າຍ​ວ່າ: ​ກອງ​ປະຊຸມ​ໃຫຍ່ຄັ້ງ​ນີ້ ໄດ້​ເປັນ​ເອ​ກະ​ສັນ ແລະ ຮັບ​ຮອງ​ເອົາ​ເນື້ອ​ໃນ​ວຽກ​ງານ​ສຳ​ຄັນ​ຂອງ​ກອງ​ປະ​ຊຸມ​ຫລາຍ​ປະ​ການ ຊິ່ງ​ເປັນ​ຂີດ​ຫມາຍ​ບົ່ງ​ບອກ​ເຖິງ​ການ​ເຕີບ​ໃຫຍ່​ຂະ​ຫຍາຍ​ຕົວ​ອີກ​ຄັ້ງ​ໃຫມ່​ຂອງ​ຂະ​ບວນ​ການ​ພັດ​ທະ​ນາ​ແມ່​ຍິງ​ລາວ. ກອງ​ປະ​ຊຸມ​ໃຫຍ່​ຜູ້​ແທນ​ແມ່​ຍິງ​ລາວ​ທົ່ວ​ປະ​ເທດ​ຄັ້ງ​ນີ້ ໄດ້​ສິ້ນ​ສຸດ​ລົງ​ດ້ວຍ​ຜົນ​ສຳ​ເລັດ​ອັນ​ງົດ​ງາມ ຊຶ່ງ​ກໍ​ເປັນ​ໄລ​ຍະ​ດຽວ​ທີ່​ປວງ​ຊົນ​ລາວ​ທັງ​ຊາດ ພວມ​ກ້າວ​ເຂົ້າ​ສູ່​ການ​ຈັດ​ຕັ້ງ​ຜັນ​ຂະ​ຫຍາຍ​ມະ​ຕິ​ກອງ​ປະ​ຊຸມ​ໃຫຍ່​ຄັ້ງ​ທີ VIII ຂອງ​ພັກ, ໃນ​ບັນ​ຍາ​ກາດ​ອັນ​ຄຶກ​ຄື້ນ ແລະ ມີ​ຄວາມ​ຫມາຍ​ສຳ​ຄັນ​ນີ້, ດ້ວຍ​ມາ​ນະ​ຈິດ​ປະ​ຕິ​ວັດ ແລະ ມູນ​ເຊື້ອ​ຄຸນ​ລັກ​ສະ​ນະ​ອັນ​ສະ​ຫງ່າ​ອົງ​ອາດ​ຂອງ​ຕົນ, ແມ່​ຍິງ​ລາວ​ບັນ​ດາ​ເຜົ່າ ຈະ​ພ້ອມ​ກັນ​ສູ້​ຊົນຈັດ​ຕັ້ງ​ຜັນ​ຂະ​ຫຍາຍ​ມະ​ຕິ​ກອງ​ປະ​ຊຸມ​ໃຫຍ່​ຜູ້​ແທນ​ແມ່​ຍິງ​ລາວ ຄັ້ງ​ທີ V ໃຫ້​ປະ​ສົບ​ຜົນ​ສຳ​ເລັດ​ດ້ວຍ​ຄຸນ​ນະ​ພາບ​ອັນ​ໃຫມ່ ທີ່​ຫນັກ​ແຫນ້ນ ແລະ ໃຫຍ່​ຫລວງກ່ວາ​ເກົ່າ./.

ກັບສາລະບານ