ຂ່າວສານປະເທດລາວ (ຂປລ) - 80 ເສດຖາທິລາດ - ວຽງຈັນ ສປປລ - ໂທ (856 21) 212447 - ແຟກ 212446
 
ຂ່າວລາຍວັນ
 

 

 
 
 
 
 
 
 
 
 

 

 

ເລຂາທິການ​ໃຫຍ່ ຈູມ​ມະ​ລີ ໄຊ​ຍະ​ສອນ ປະດັບ​ ຫລຽນໄຊ​ອິດສະຫລະ​ຊັ້ນ 1 ໃຫ້​ແກ່​ອົງການ​ຈັດຕັ້ງ​ແມ່ຍິງ​ລາວ

*(ຂປລ) ​ໃນ​ໂອກາດ​ເຂົ້າຮ່ວມປິດ​ກອງ​ປະຊຸມ​ໃຫຍ່ ແມ່​ຍິງທົ່ວ​ປະ​ເທດ ຄັ້ງທີ V ເມື່ອ​ວັນ​ທີ 31 ພຶດສະພາ 2006 ນີ້, ທ່ານ ຈູມ​ມະ​ລີ ໄຊ​ຍະ​ສອນ, ​ເລຂາທິການ​ໃຫຍ່ ຄະນະ​ບໍລິຫານ​ງານ ສູນ​ກາງ​ພັກ​ປະຊາຊົນ​ປະຕິວັດ​ລາວ, ຮອງປະທານ​ປະ​ເທດ ​ແຫ່ງ ສປປ ລາວ ​ໄດ້​ຕາງຫນ້າ​ໃຫ້ ຄະນະ​ບໍລິຫານ​ງານ​ສູນ​ກາງ​ພັກ, ລັດຖະບານ ໃຫ້ກຽດ ປະດັບ​ຫລຽນ​ໄຊ​ອິດສະຫລະ ຊັ້ນ 1 ຊຶ່ງ​ເປັນ​ຫລຽນສຳຄັນ​ຂອງ​ ສປປ ລາວ ​ໃຫ້​ແກ່ ອົງການ​ຈັດຕັ້ງ​ແມ່ຍິງ​ລາວ ທີ່​ມີ​ຜົນງານໃຫຍ່​ຫລວງ​ໃນ​ການ
​ ພາລະກິດ​ກໍ່ສ້າງ ແລະ ​ພັດທະນາ ອົງການ​ຈັດຕັ້ງ​ແມ່ຍິງ​ລາວ ຕະຫລອດ​ໄລຍະ 51 ປີຜ່ານມາ.
ອົງການ​ຈັດຕັ້ງສະຫະພັນ​ແມ່ຍິງ, ຍາມ​ໃດ ກໍ​ຕິດ​ພັນ ກັບ​ພາລະກິດ​ຂອງ​ພັກ ​ແລະ ຂອງ​ຊາດ, ​ໄດ້​ຕັ້ງຫນ້າ ​ເຄື່ອນ​ໄຫວ​ເຕົ້າ​ໂຮມ ພີ່​ປ້າ, ນ້າ​ອາ, ​ເອື້ອຍນ້ອງ, ລູກ​ຫລານເດີນ​ຕາມ​ແນວທາງ​ຂອງ​ພັກ, ພະຍາຍາມ​ຫັນ​ແນວທາງ​ນະ​ໂຍບາຍ​ຂອງ​ພັກ ມາ​ເປັນ​ຫນ້າ​ທີ່​ຍຸດ​ທະ​ສາດ​ພັດທະນາ ​ແມ່ຍິງ​ໃນ​ແຕ່ລະ​ໄລຍະ​ຢ່າງ​ປະດິດ​ສ້າງ ​ແລະ ​ເກີດ​ຫມາກ​ເກີດຜົນ​ຕົວ​ຈິງ​ນັບ​ມື້ນັບ​ໃຫຍ່​ຫລວງ ນັບ​ແຕ່​ມື້ສ້າງຕັ້ງຂຶ້ນ -ໃນ​ວັນ​ທີ 20 ກໍລະກົດ 1955 ເປັນຕົ້ນມາ./.

ກັບສາລະບານ